1. "Делойт и Туш" компаниясының тәуелсiз сараптамасына сәйкес "Алматы Пауэр Консолидейтид" компаниясының нақты шығындары мен 1996-1997 жылдың қысында тарифтердi өзгертудi кiдiртуiн ескере отырып, Қазақстан Республикасы Экономика және сауда министрлiгi Алматы қаласы мен Алматы облысының тұтынушылары үшiн 1997 жылғы 1 сәуiрден бастап кВт.с. үшiн 3.50 теңге және Гкал үшiн 1500 теңге мөлшерiнде электр энергиясы мен жылуға арналған жаңа тарифтер белгiлесiн, ол Үкiметтiң ағымдағы жылға арналған тарифтiк саясатына сәйкес келедi.
Алматы қаласының әкiмi өзiнiң құзыретiне сәйкес жылуға арналған жаңа тарифтi бекiтсiн және "Алматы Пауэр Консолидейтид" компаниясының алдындағы жергiлiктi бюджеттiң қарыздарын өтеу жөнiнде шаралар қолдансын.
2. Қазақстан Республикасының Экономика және сауда министрлiгi, Қазақстан Республикасының Энергетика және табиғи ресурстар министрлiгi және жергiлiктi атқарушы органдары "Алматы Пауэр Консолидейтид" компаниясымен бiрлесiп жөндеу жұмыстарының, тараптардағы шығындарды қысқарту және станцияларды дербес балансқа бөлу кестелерiн әзiрлеп, бекiтсiн.
Премьер-Министр
