Мемлекеттiк резервтен автошиналар бөлу туралы

Қазақстан Республикасы Премьер-Министрiнiң өкiмi 1997 жылғы 29 шiлдедегi N 248

1. Қостанай облысы әкiмiнiң автокөлiк құралдарын 1997 жылы астық жинауға дайындау үшiн Қостанай облысының литерлi автокәсiпорындарына мемлекеттiк резервтен саны 3500 дана 260х508 автошиналар бөлу туралы ұсынысы қабылдансын.
2. Қазақстан Республикасы Қаржы министрлiгiнiң Мемлекеттiк материалдық резервтер жөнiндегi комитетi 1997 жылдың 1 қарашасына дейiн қайтару және Қостанай облысы әкiмiнiң кепiлдiктi мiндеттемесiмен тауарлық несиенi пайдалану кезеңiндегi Қазақстан Республикасы Ұлттық Банкiнiң қайта қаржыландыру ставкасы бойынша республикалық бюджеттiң кiрiсiне проценттер төлеу шартымен жоғарыда көрсетiлген мақсатқа мемлекеттiк резервтен жаңарту тәртiбiмен 3500 дана мөлшерi 260х508 автошиналар босатсын.
3. Осы өкiмнiң атқарылуына бақылау жасау Қостанай облысының әкiмiне жүктелсiн.

Премьер-Министр