Қазақстан Республикасында табиғи газбен жабдықтауды қамтамасыз ету шаралары туралы

Қазақстан Республикасы Премьер-Министрiнiң өкiмi 1997 жылғы 19 қарашадағы N 352

1. Қазақстан Республикасында табиғи газбен жабдықтауды тиiмдi және үздiксiз қамтамасыз ету мақсатында "Қазақойл" Ұлттық мұнай-газ компаниясына өз ресурстарының есебiнен "Энергоцентр - ЕС - Қазақстан" мемлекеттiк кәсiпорнымен бiрлесе отырып, орын ауыстыру жолымен Қарашығанақ табиғи газын өңделгеннен кейiн республиканың iшкi нарығына берiп тұру мәселесiн шешу ұсынылсын.
2. Өз ресурстарынан газды транзиттеу тұтынушылардың тиiстi шарттары мен өтiнiмi болған кезде шұғыл тәртiппен қамтамасыз етiледi деп белгiленсiн.
3. "Энергоцентр - ЕС - Қазақстан" мемлекеттiк кәсiпорны "Қазфосфор" акционерлiк компаниясын және оның бөлiмшелерiн келiсiм-шарт негiзiнде газбен жабдықтауды қамтамасыз ететiн қажеттi шараларын қабылдасын.
4. Осы өкiмнiң орындалуына бақылау жасау Қазақстан Республикасының Энергетика, индустрия және сауда министрлiгiне жүктелсiн.

Премьер-Министр