Контрабандалық тауарлардың Қазақстан Республикасына әкелінуін және Қазақстан Республикасынан әкетілуін болдырмау және оған мемлекеттік бақылауды күшейту мақсатында:
1. Қазақстан Республикасы Қаржы министрлігінің Кеден комитеті, Ішкі істер министрлігі облыстар әкімдерінің қатысуымен контрабандалық тауарларды Қазақстан Республикасына әкелу және Қазақстан Республикасынан әкету маршруттарын анықтау жөнінде пәрменді шаралар қабылдасын, бұл ретте жанар-жағар материалдарының әкелінуі мен әкетілуіне айрықша көңіл бөлсін.
2. Қазақстан Республикасы Қаржы министрлігінің Салық комитеті жанар-жағар материалдарды сатумен айналысатын ұйымдардың қызметіне жанар-жағар материалдарды сату үшін салынатын салықтардың есептелуі мен аударылуының дұрыстығы тұрғысында заңдарда көзделген тиісті бақылауды қамтамасыз етсін.
3. Қаржы министрлігінің Салық полициясы комитеті, Қазақстан Республикасының Ішкі істер министрлігі жанар-жағар материалдарды тиісті рұқсат құжаттарынсыз сатуға жол бермеу және заңдарда көзделген жауаптылыққа тарту жөнінде шаралар қабылдасын.
4. Қазақстан Республикасы Қаржы министрлігінің Кеден комитеті қажет болған жағдайда жұмыс істеп тұрған кеден постарын нығайтуға және қосымша посттар құруға бағытталған шараларды қаржыландыруға қаражат бөлу туралы белгіленген тәртіппен ұсыныстар енгізсін.
5. Қазақстан Республикасының Қаржы министрлігі жұмыс істеп тұрған
кеден посттарын нығайтуға және қосымша посттар құруға бағытталған
шараларды қаржыландыруды жүзеге асырсын.
6. Осы өкімнің орындалуына бақылау жасау Қазақстан Республикасы
Премьер-Министрінің орынбасары А.С.Павловқа жүктелсін.
Премьер-Министр
Оқығандар:
Қобдалиева Н.
Омарбекова А.
