ҚАУЛЫ ЕТЕМIН:
1. Қоса берiлiп отырған Қазақстан Республикасы мен Ресей Федерациясы арасындағы 1995 жылғы 20 қаңтардағы Сарышаған сынақ полигонын пайдалану мен жалға беру және Приозерск қаласының тыныс-тiршiлiгiн қамтамасыз ету шарттары туралы келiсiмге өзгерiстер мен толықтырулар енгiзу туралы хаттаманың жобасы мақұлдансын.
2. Қазақстан Республикасының Қаржы министрі Наталья Артемовна Коржова Қазақстан Республикасы атынан Қазақстан Республикасы мен Ресей Федерациясы арасындағы 1995 жылғы 20 қаңтардағы Сарышаған сынақ полигонын пайдалану мен жалға беру және Приозерск қаласының тыныс-тiршiлiгiн қамтамасыз ету шарттары туралы келiсiмге қағидатты сипаты жоқ өзгерiстер мен толықтырулар енгiзуге рұқсат бере отырып, оған өзгерiстер мен толықтырулар енгізу туралы хаттама жасасуға өкiлеттiк берiлсiн.
Ескерту. 2-тармаққа өзгерту енгізілді - ҚР Президентінің 2006.04.03. N 84 жарлығымен.
3. Осы Жарлық қол қойылған күнінен бастап қолданысқа енгізіледі.
Қазақстан Республикасының
Президенті
ЖОБА
Қазақстан Республикасы
Президентiнiң
2005 жылғы 22 шiлдедегi
N 1620 Жарлығымен
МАҚҰЛДАНҒАН
Қазақстан Республикасы мен Ресей Федерациясы
арасындағы 1995 жылғы 20 қаңтардағы Сарышаған сынақ
полигонын пайдалану мен жалға беру және Приозерск
қаласының тыныс-тiршiлiгiн қамтамасыз ету шарттары
туралы келiсiмге өзгерiстер мен толықтырулар
енгiзу туралы
ХАТТАМА
Бұдан әрi Тараптар деп аталатын Қазақстан Республикасы мен Ресей Федерациясы,
Қазақстан Республикасы мен Ресей Федерациясы арасындағы 1995 жылғы 20 қаңтардағы Сарышаған сынақ полигонын пайдалану мен жалға беру және Приозерск қаласының тыныс-тiршiлiгiн қамтамасыз ету шарттары туралы келiсiмге (бұдан әрi - Келiсiм) мынадай өзгерiстер мен толықтырулар енгізуге келiстi:
1. Кiрiспедегi:
үшiншi абзац алып тасталсын;
төртiншi абзац мынадай редакцияда жазылсын:
"Қазақстан Республикасы мен Ресей Федерациясы арасындағы 1994 жылғы 28 наурыздағы әскери ынтымақтастық туралы шартты, 1994 жылғы 28 наурыздағы Қазақстан Республикасы мен Ресей Федерациясы арасындағы әскери-техникалық ынтымақтастық туралы келiсiмдi басшылыққа ала отырып,".
2. 1-баптың екiншi абзацындағы "Жезқазған" деген сөз "Қарағанды" деген сөзбен ауыстырылсын.
3. 2-баптағы "Полигонның ӘШҚҚ-72 жөнiндегi Шарттың 4-бабында айтылған және 1978 жылғы 1 қарашадағы Шартқа Келiсiлген мәлiмдемеде бекiтiлген" деген сөздер алып тасталсын.
4. 4-бап мынадай редакцияда жазылсын:
"1. Қазақстан Республикасы жалға беру шартымен жер учаскелерiн онда орналасқан Полигонның объектiлерiмен, жылжымалы және жылжымайтын мүлкiмен, сондай-ақ Приозерск қаласы жылжымалы және жылжымайтын мүлкiмен бiрге Ресей Федерациясына уақытша пайдалануға бередi.
2. Ресей Федерациясы Сарышаған сынақ полигонын жалға беру туралы 1996 жылғы 18 қазандағы шартқа сәйкес жер учаскелерiн, олардың жалға берiлуi кезеңiнде Полигонның Ресей Федерациясы мүдделерiнде пайдаланылғаны үшiн ақы төлеудi жүзеге асырады.".
5. 7-баптың 1-тармағының екiншi сөйлемi мынадай редакцияда жазылсын:
"Қазақстан Республикасының аумағында уақытша орналасқан Ресей Федерациясының әскери құралымдарының, олардың құрамына кiретiн адамдар мен олардың отбасы мүшелерiнiң мәртебесi, сондай-ақ Полигон аумағындағы Ресей Федерациясының құқық қорғау органдарының заңдық құзыры мәселелерi Қазақстан Республикасы мен Ресей Федерациясының арасындағы 1995 жылғы 20 қаңтардағы Қазақстан Республикасының аумағында уақытша тұрған Ресей Федерациясы әскери құралымдарының мәртебесi туралы келiсiммен және Тараптардың басқа да келiсiмдерiмен айқындалады".
6. 9-бапта:
бiрiншi абзацтың бiрiншi сөйлемi мынадай редакцияда жазылсын:
"Полигонның қызметi Қазақстан Республикасының Қорғаныс министрiмен келiсiм бойынша Ресей Федерациясының Қорғаныс министрi бекiтетiн, Қазақстан Республикасының аумағында орналасқан Ресей Федерациясы Қорғаныс министрлігінiң Мемлекеттiк орталық түраралық полигонының құрылымдық бөлiмшелерi, объектілерi және әскери алаңдары туралы ережемен (бұдан әрi - Полигон туралы Ереже) регламенттеледi";
жетiншi абзацтағы "Қазақстан Республикасының Ғылым және жаңа технологиялар министрлiктерiмен" деген сөздер "Қазақстан Республикасының Ғылым және жаңа технологиялар мәселелерi жөнiндегі мемлекеттiк органымен" деген сөздермен ауыстырылсын.
7. 10-баптағы:
екiншi абзацтағы "қалпына келтiрудi және" деген сөздер алып тасталсын;
төртiншi абзацтың қазақша мәтiнi өзгерiссiз қалады;
тоғызыншы абзацтағы "мiндеттенедi" деген сөз алып тасталып, мынадай мазмұндағы абзацпен толықтырылсын:
"Тараптардың келiсiмiмен айқындалатын тәртiппен қажет болған кезде нысаналар мен зымырандар құлаған алаңдарды қайта өңдеудi мiндеттенедi";
он бiрiншi абзац мынадай редакцияда жазылсын:
"Полигонның қолбасшылығы Қазақстан Республикасының жергiлiктi атқарушы билiк органдарымен бiрлесiп дүлей зілзалаларды жоюға көмек көрсету кезiнде Полигон аумағының учаскелерiн пайдаланудың тәртiбiн айқындайды.";
мынадай мазмұндағы он үшiншi абзацпен толықтырылсын:
"Полигонның аумағын басқа мақсаттарда пайдалану кезiнде оның жоспарлы жұмыстарын уақытша тоқтату немесе шектеу Ресей Федерациясы Қорғаныс министрлiгiнiң және Қазақстан Республикасы Қорғаныс министрлiгiнiң бiрлескен шешiмдерi негiзiнде жүргiзіледi.".
8. 11-бап мынадай мазмұндағы абзацпен толықтырылсын:
"Полигонның аумағында жер кадастрын және мониторингтi жүргiзудi, жердiң мақсатты пайдаланылуын бақылауды Полигонның қолбасшылығымен келiсiлген тәртiппен және мерзiмдерде Қазақстан Республикасының жер ресурстарын басқару жөнiндегi уәкiлеттi мемлекеттiк органы жүзеге асырады.".
9. 13-бап мынадай редакцияда жазылсын:
"Ресей Тарапы Полигонның аумағында геологиялық барлауды және пайдалы қазбалар өндiрудi жүргiзбеуге мiндеттенедi. Полигон аумағында аң аулау, балық аулау және жабайы өсiмдiктердi жинау Қазақстан Республикасының заңнамасына сәйкес жүзеге асырылады.".
10. 15-бап мынадай редакцияда жазылсын:
"Қазақстан Республикасы Қорғаныс министрлiгiнiң Полигонда сынақтан өткен қару-жарақ пен әскери техниканың жаңа түрлерiн сатып алуға басым құқығы бар.".
11. 18-бап мынадай мазмұндағы абзацпен толықтырылсын:
"Әскери тасымалдаулар және олар үшiн есеп айырысу тәртiбi Тараптардың жеке келiсiмiмен айқындалады.".
12. 22-бап бiрiншi абзацтан кейiн мынадай мазмұндағы абзацпен толықтырылсын:
"Тараптардың бақылау органдарын құпия мәлiметтердi қамтитын жұмыстар мен құжаттарға рұқсаттамасы нысандарының сәйкестігі Тараптардың жеке келiсiмiмен айқындалады.".
13. 23-баптағы "Шартты" деген сөзден кейiн "және осы Келiсiмдi" деген сөздермен толықтырылсын.
Осы Хаттаманың ережелерiн түсiндiру және қолдану кезiнде туындаған барлық даулар мен келiспеушiлiктер Тараптар арасында өзара консультациялар және келiссөздер жолымен шешiлетiн болады.
Тараптардың бiрiнде бiрлескен шешiмдi талап ететiн мәселелер туындаған кезде осы Тарап екiншi Тарапты келiссөздер басталғанға дейiн 30 күннен кешіктірмей жазбаша түрде хабардар етедi.
Осы Хаттама Тараптар оның күшiне енуi үшiн қажеттi мемлекетiшiлiк рәсiмдердi орындағаны туралы соңғы жазбаша хабарлама алған күнiнен бастап күшiне енедi.
Осы Хаттама Қазақстан Республикасы мен Ресей Федерациясы арасындағы 1995 жылғы 20 қаңтардағы Сарышаған сынақ полигонын пайдалану мен жалға беру және Приозерск қаласының тыныс-тiршiлiгiн қамтамасыз ету шарттары туралы келiсiмнiң ажырамас бөлiгi болып табылады және өз қолданысын осы Келiсiммен бiр мезгiлде тоқтатады.
_________ қаласында 200__ жылғы "___"______ әрқайсысы қазақ және орыс тiлдерiндегi екi данада жасалды әрi екi мәтiннiң күшi бiрдей.
ҚАЗАҚСТАН РЕСПУБЛИКАСЫ РЕСЕЙ ФЕДЕРАЦИЯСЫ
ҮШIН ҮШIН
