Мемлекет басшысының 2012 жылғы 27 қаңтардағы "Әлеуметтік-экономикалық жаңғырту - Қазақстан дамуының басты бағыты" атты Қазақстан халқына Жолдауын іске асыру жөніндегі шаралар туралы

Қазақстан Республикасы Президентінің 2012 жылғы 30 қаңтардағы № 261 Жарлығы

БАСПАСӨЗ РЕЛИЗІ

Мемлекет басшысының 2012 жылғы 27 қаңтардағы «Әлеуметтік-экономикалық жаңғырту - Қазақстан дамуының басты бағыты» атты Қазақстан халқына Жолдауын іске асыру мақсатында ҚАУЛЫ ЕТЕМІН:
1. Қоса беріліп отырған Мемлекет басшысының 2012 жылғы 27 қаңтардағы «Әлеуметтік-экономикалық жаңғырту - Қазақстан дамуының басты бағыты» атты Қазақстан халқына Жолдауын іске асыру жөніндегі жалпыұлттық іс-шаралар жоспары (бұдан әрі - Жалпыұлттық жоспар) бекітілсін.
2. Қазақстан Республикасының Үкіметі:
1) Жалпыұлттық жоспар іс-шараларының мүлтіксіз және уақтылы орындалуын, сондай-ақ Мемлекет басшысының 2012 жылғы 27 қаңтардағы «Әлеуметтік экономикалық жаңарту - Қазақстан дамуының басты бағыты» атты Қазақстан халқына Жолдауының қағидалары бойынша ақпараттық-түсіндіру жұмысын жүйелі негізде жүргізуді қамтамасыз етсін;
2) жыл сайын, 25 қаңтарға және 25 шілдеге, жартыжылдықтың және жылдың қорытындылары бойынша Қазақстан Республикасы Президентінің Әкімшілігіне Жалпыұлттық жоспардың орындалу барысы туралы ақпарат ұсынсын.
3. Қазақстан Республикасының Президентіне тікелей бағынатын және есеп беретін мемлекеттік органдардың, орталық және жергілікті атқарушы органдардың, басқа да мемлекеттік органдардың бірінші басшылары Жалпыұлттық жоспар іс-шараларының мүлтіксіз және уақтылы орындалуын қамтамасыз етсін.
4. Осы Жарлықтың орындалуын бақылау Қазақстан Республикасы Президентінің Әкімшілігіне жүктелсін.
5. Осы Жарлық қол қойылған күнінен бастап қолданысқа енгізіледі.

Қазақстан Республикасының
Президенті Н. Назарбаев

Қазақстан Республикасы
Президентінің
2012 жылғы 30 қаңтардағы
№ 261 Жарлығымен
БЕКІТІЛГЕН

Мемлекет басшысының 2012 жылғы 27 қаңтардағы «Әлеуметтік-экономикалық жаңғырту - Қазақстан дамуының басты бағыты Қазақстан халқына Жолдауын іске асыру жөніндегі жалпыұлттық іс-шаралар жоспары

р/с №	Іс-шараның атауы	Аяқталу нысаны	Жауапты орындаушылар	Орындалу мерзімі
1	2	3	4	5
1. Жұмыспен қамту
1.	Жұмыспен қамту-2020 бағдарламасының қанатқақты кезеңінің іске асырылу қорытындылары бойынша 2015 жылды қоса алғанға дейін іске асырылу тиімділігінің аралық индикаторларын айқындай отырып, оны толық ауқымда іске асыруға көшу және оған қолжеткізуді қамтамасыз ету	Мемлекет басшысына баяндау	Еңбекмині, Астана, Алматы қалаларының, облыстардың әкімдері Үйлестіруші: Премьер-Министрдің орынбасары Е.Т.Орынбаев	2012 жылғы шілде
2. Қолжетімді тұрғын үй
2.	Құрылыс саласындағы қолданыстағы бағдарламаларға тексеру және талдау жүргізу, олардың негізінде жыл сайын 1 миллион шаршы метрге дейін жалға берілетін тұрғын үй салуды және жалға алу арқылы сатып алу тетігін, сондай-ақ құрылыс индустриясын дамыту жөніндегі шаралар кешенін көздейтін бірыңғай «Қолжетімді тұрғын үй-2020» бағдарламасын әзірлеу және бекіту	Үкімет қаулысы	ҚТКШІА, ЭДСМ, Қаржымині, Еңбекмині, Астана, Алматы қалаларының, облыстардың әкімдері, «Самұрық-Қазына» ҰӘҚ» АҚ Үйлестіруші: Премьер-Министрдің Бірінші орынбасары С.Н.Ахметов	2012 жылғы маусым
3. Өңірлік даму
3.	Әрбір нақты қалалық экономиканы әртараптандыру, әлеуметтік саланы дамыту, шағын және орта бизнесті қолдау жөніндегі шараларды көздей отырып, Қалалық агломерациялар мен шағын қалаларды дамыту бағдарламасын қабылдау	Үкімет қаулысы	ЭДСМ, ИЖТМ, МГМ, АШМ, БҒМ, Еңбекмині, Қаржымині, ТЖМ Астана, Алматы қалаларының, облыстардың әкімдері Үйлестіруші: Премьер-Министрдің Бірінші орынбасары С.Н.Ахметов	2012 жылғы маусым
4.	Жергілікті өзін-өзі басқаруды дамыту тұжырымдамасының жобасын енгізу	Жарлық жобасы	ЭДСМ, Әділетмині, Қаржымині Үйлестіруші: Премьер-Министрдің орынбасары Қ.Н.Келімбетов	2012 жылғы маусым
4. Тұрғындарға мемлекеттік қызмет көрсетудің сапасын арттыру
5.	Халықтың компьютерлік сауаттылығын арттыру жөніндегі шараларды көздей отырып, 2012 жылдың соңына дейін әлеуметтік маңызы бар мемлекеттік қызмет көрсетулердің 60 %-ын, сондай-ақ лицензиялардың барлық түрлерін электрондық форматқа көшіру	Президент Әкімшілігіне есеп	ККМ, ЭДСМ, Әділетмині, Қаржымині, Астана, Алматы қалаларының, облыстардың әкімдері Үйлестіруші: Премьер-Министрдің орынбасары Е.Т.Орынбаев	2012 жылғы желтоқсан
6.	2012 жылдың соңына дейін әлеуметтік маңызы бар және неғұрлым талап етілетін рұқсат ету құжаттарын электрондық форматқа көшіру немесе халыққа қызмет көрсету орталықтары арқылы беру	Президент Әкімшілігіне есеп	ЭДСМ, ККМ, Әділетмині, Қаржымині, Астана, Алматы қалаларының, облыстардың әкімдері Үйлестіруші: Премьер-Министрдің орынбасары Е.Т.Орынбаев	2012 жылғы желтоқсан
7.	2012 жылы Ақтау, Алматы, Астана және Қарағанды қалаларында қанатқақты жобаны іске асырып, автокөлікті тіркеу мен жүргізуші куәліктерін беру мәселелерін халыққа қызмет көрсету орталықтарының қарауына беру	Президент Әкімшілігіне есеп	ІІМ, ККМ, Маңғыстау, Қарағанды облыстарының, Астана және Алматы қалаларының әкімдері Үйлестіруші: Премьер-Министрдің орынбасары Е.Т.Орынбаев	2012 жылғы желтоқсан
8.	Лицензиялар мен рұқсат етулердің барлық түрін үштен бірге төмендетуді қамтамасыз ететін Қазақстан Республикасының Заңын қабылдауды қамтамасыз ету	Заң жобасы	ЭДСМ, Әділетмині, ККМ, ЖРБА Үйлестіруші: Премьер-Министрдің орынбасары Е.Т.Орынбаев	2012 жылғы маусым
9.	Рұқсат ету жүйесін одан әрі реформалауды көздейтін Тұжырымдама қабылдау және тиісті заң жобасын әзірлеуге кірісу	Үкімет қаулысы	ЭДСМ, Әділетмині, ККМ, ЖРБА Үйлестіруші: Премьер-Министрдің орынбасары Е.Т.Орынбаев	2012 жылғы шілде
5. Мемлекеттік қызмет
10.	Кадр саясаты жөніндегі ұлттық комиссия құру және 2012 жылдың бірінші жартыжылдығының соңына дейін президенттік кадрлық корпус қалыптастыру	Мемлекет басшысына баяндау	МҚІА, ЭДСМ, Әділетмині Үйлестіруші: Президент Әкімшілігінің Басшысы А.Е.Мусин	2012 жылғы мамыр
6. Сот және құқық қорғау жүйелерін жаңғырту
11.	Судьяларды іріктеудің, оқытудың және тағайындаудың тиімді тетігін енгізу бөлігінде судьялар корпусын қалыптастыру тәртібін түбегейлі қайта қарау бойынша ұсыныстар әзірлеу	Мемлекет басшысына ұсыныстар	ЖСК, ЖС, Әділетмині, БП Үйлестіруші: Президент Әкімшілігінің Басшысы А.Е.Мусин	2012 жылғы маусым
12.	Сот жүйесін жетілдіру, оның ішінде судьялар корпусының жауапкершілігі мен біліктілігін арттыру жөнінде ұсыныстар әзірлеу	Мемлекет басшысына баяндау	ЖС, ЖСК, Әділетмині, БП Үйлестіруші: Президент Әкімшілігінің Басшысы А.Е.Мусин	2012 жылғы маусым
13.	Төрелік және аралық соттарды нығайтуды, оның ішінде жалпы заң құзырындағы соттарға жүктемені төмендетуді көздейтін Заң жобасын Қазақстан Республикасы Парламентінің Мәжілісіне енгізу	Заң жобасы	Әділетмині, ЖС, ЖСК, БП Үйлестіруші: Премьер-Министр К.Қ.Мәсімов	2012 жылғы маусым
14.	Жаңа Қылмыстық іс жүргізу кодексінің жобасын әзірлеу	Кодекс жобасы	БП, ЖС, Әділетмині, ЭҚСЖҚКА, ІІМ, ҰҚК Үйлестіруші: Бас прокурор А.Қ.Дауылбаев	2012 жылғы қараша
15.	«Жеке детективтік қызмет туралы» Қазақстан Республикасы Заңының жобасын әзірлеу	Заң жобасы	Әділетмині, ІІМ, БП, ҰҚК, ЭҚСЖҚКА Үйлестіруші: Премьер-Министр К.Қ.Мәсімов	2012 жылғы қараша
16.	«Қазақстан Республикасы құқық қорғау органдарының жеке құрамына кезектен тыс аттестаттау жүргізу туралы» Жарлық қабылдау және кезектен тыс аттестаттау жүргізу	Жарлық Мемлекет басшысына баяндау	ІІМ, ТЖМ, Әділетмині, Қаржымині, БП, ЭҚСЖҚКА Үйлестіруші: Премьер-Министр К.Қ.Мәсімов	2012 жылғы ақпан 2012 жылғы шілде
17.	Құқық қорғау органдары қызметкерлерінің ақшалай ризығын арттыру мен әлеуметтік дестесін кеңейту, сондай-ақ олардың техникалық жарақтандырылуы жөнінде ұсыныстар енгізу	Президент Әкімшілігіне ұсыныстар	ЭДСМ, Қаржымині, ІІМ, ТЖМ, Әділетмині, Еңбекмині, БП, ЭҚСЖҚКА Үйлестіруші: Премьер-Министрдің орынбасары Қ.Н.Келімбетов	2012 жылғы тамыз
18.	Еуразия полициясын құру жөнінде ұсыныстар енгізу	Президент Әкімшілігіне ұсыныстар БЭК-ге қатысушы мемлекеттерге ұсыныстар	ІІМ, БП, ҰҚК, ЭҚСЖҚКА Үйлестіруші: Премьер-Министр К.Қ.Мәсімов	2012 жылғы маусым 2012 жылғы тамыз
19.	Қазақстан Республикасындағы сыбайлас жемқорлыққа қарсы іс-қимыл жөніндегі 2011 - 2015 жылдарға арналған салалық бағдарламаға, онда, оның ішінде жаңа құқықтық тетіктерді, ақпараттық мүмкіндіктерді, жұртшылықты сыбайлас жемқорлық тәртіп бұзушылықтың алдын алуға кеңінен тартуды, сондай-ақ мемлекеттік қызметшілердің шығыстарына мағлұмдауға көшуді көздей отырып, өзгерістер мен толықтырулар енгізу	Үкімет қаулысы	ЭҚСЖҚКА, ҰҚК, БП, МҚІА, Әділетмині, Қаржымині, ЭДСМ Үйлестіруші: Премьер-Министр К.Қ.Мәсімов	2012 жылғы мамыр
7. Қазақстанда адами капиталдың сапалы өсуі
20.	«Назарбаев Университеті» ДБҰ-ның, «Назарбаев Зияткерлік мектептері» ДБҰ-ның, «Кәсіпқор» холдингінің тәжірибесін ескере отырып, білім берудің барлық деңгейіндегі оқыту үдерісіне қазіргі заманғы әдістер мен технологиялар енгізуді қамтамасыз ету	нормативтік құқықтық акті Мемлекет басшысына баяндау	БҒМ, ЭДСМ, «Назарбаев Университеті» ДБҰ, «Назарбаев Зияткерлік мектептері» ДБҰ, «Кәсіпқор» холдингі, Астана, Алматы қалаларының, облыстардың әкімдері Үйлестіруші: Премьер-Министрдің орынбасары Е.Т.Орынбаев	2012 жылғы мамыр 2012 жылғы маусым
21.	Педагогикалық білім стандарттарын, біліктілікті арттыруға қойылатын талаптарды жетілдіру және өңірлердегі педагогтардың біліктілігін арттыратын интеграцияланған орталықтар желісін дамыту арқылы педагогтық құрам деңгейін сапалы көтеруді қамтамасыз ету	нормативтік құқықтық акті Мемлекет басшысына баяндау	БҒМ, , «Назарбаев Университеті» ДБҰ, «Назарбаев Зияткерлік мектептері» ДБҰ, Астана, Алматы қалаларының, облыстардың әкімдері Үйлестіруші: Премьер-Министрдің орынбасары Е.Т.Орынбаев	2012 жылғы шілде
22.	Қанатқақты режимде салалық қауымдастықтар арқауында бірқатар тәуелсіз біліктілікті бекіту орталықтарын құру (бір-екі салаларда)	нормативтік құқықтық акті	БҒМ, Еңбекмині, Қаржымині, ИЖТМ Үйлестіруші: Премьер-Министрдің орынбасары Е.Т.Орынбаев	2012 жылғы қараша
23.	Мемлекеттік-жекеше әріптестік арқылы жастар үшін білімге қолжетімділік тетіктерін жетілдіру, ауылдық жерлерден және аз қамтамасыз етілген отбасылардан шыққан жастардың жол жүруі мен өмір сүруіне жәрдем ақша бөлу, жоғары оқу орындары мен колледждер жатақханаларының желісін кеңейту жөнінде ұсыныстар енгізу	Президент Әкімшілігіне ұсыныстар	БҒМ, Еңбекмині, Қаржымині, ҚТКШІА, ДСМ, Астана, Алматы қалаларының, облыстардың әкімдері Үйлестіруші: Премьер-Министрдің орынбасары Е.Т.Орынбаев	2012 жылғы наурыз
24.	Жұмыс істейтін жастарға өндірістен қол үзбей кәсіптік-техникалық және жоғары білім алуға мүмкіндік беру жөнінде ұсыныстар енгізу	Президент Әкімшілігіне ұсыныстар	БҒМ, ИЖТМ, Еңбекмині, Қаржымині, ҚТКШІА, ДСМ, Астана, Алматы қалаларының, облыстардың әкімдері Үйлестіруші: Премьер-Министрдің орынбасары Е.Т.Орынбаев	2012 жылғы маусым
25.	Мектеп оқушыларының функциялық сауаттылығын дамыту жөнінде Ұлттық іс-қимылдар жоспарын бекіту	нормативтік құқықтық акті Президент Әкімшілігіне ақпарат	БҒМ, «Назарбаев Зияткерлік мектептері» ДБҰ, Астана, Алматы қалаларының, облыстардың әкімдері Үйлестіруші: Премьер-Министрдің орынбасары Е.Т.Орынбаев	2012 жылғы маусым
26.	Патриотизмді, мораль мен парасаттылық нормаларын, ұлтаралық келісім мен толеранттылықты, тәннің де, жанның да дамуын, заңға мойынұсынушылықты сіңіру мақсатында меншіктің қандай түріне жататынына қарамастан, барлық білім беру мекемелерінде үлгілік Оқыту үдерісінің тәрбиелік құрамдасын күшейту жөніндегі кешенді жоспар әзірлеу	нормативтік құқықтық акті Президент Әкімшілігіне ақпарат	БҒМ, МАМ, СДШІА, ДІА «Назарбаев Университеті» ДБҰ, «Назарбаев Зияткерлік мектептері» ДБҰ, Астана, Алматы қалаларының, облыстардың әкімдері Үйлестіруші: Премьер-Министрдің орынбасары Е.Т.Орынбаев	2012 жылғы маусым
27.	Қазақстан Республикасында Онкологиялық жәрдемді дамыту бағдарламасын қабылдау	Үкімет қаулысы	ДСМ, «Назарбаев Университеті» ДБҰ Үйлестіруші: Премьер-Министрдің орынбасары Е.Т.Орынбаев	2012 жылғы наурыз
28.	Астана қаласында Медициналық холдинг арқауында Ұлттық ғылыми онкологиялық орталық құру жөнінде ұсыныстар енгізу	Президент Әкімшілігіне ұсыныстар	ДСМ, «Назарбаев Университеті» ДБҰ Үйлестіруші: Премьер-Министрдің орынбасары Е.Т.Орынбаев	2012 жылғы наурыз
29.	Азаматтардың өз денсаулығы үшін ынтымақтастық жауапкершілігі тетігін енгізуді ескере отырып денсаулық сақтау жүйесін дамыту жөнінде ұсыныстар енгізу	Мемлекет басшысына ұсыныстар	ДСМ, ЭДСМ, Еңбекмині, Қаржымині, ҰБ Үйлестіруші: Премьер-Министрдің орынбасары Е.Т.Орынбаев	2012 жылғы маусым
30.	Халықтың дене шынықтырумен және спортпен жаппай айналысуы үшін спорттық инфрақұрылымдардың қолжетімділігін қамтамасыз ету тұрғысынан барлық спорттық объектілерге тексеру жүргізу және қажет болған жағдайда Қазақстан Республикасында дене шынықтыру мен спортты дамытудың 2011 - 2015 жылдарға арналған салалық бағдарламасына өзгерістер енгізу	нормативтік құқықтық акті Мемлекет басшысына баяндау	СДШІА, Астана, Алматы қалаларының, облыстардың әкімдері Үйлестіруші: Премьер-Министрдің орынбасары Е.Т.Орынбаев	2012 жылғы маусым
8. Зейнетақы жүйесін жетілдіру
31.	Салымшылардың зейнетақы қорларының инвестициялық саясатына ықпал ету мүмкіндіктерін көздей отырып, зейнетақы жүйесін жетілдіру жөнінде ұсыныстар енгізу	Мемлекет басшысына ұсыныстар	ЭДСМ, Еңбекмині, Қаржымині, ҰБ Үйлестіруші: Премьер-Министрдің орынбасары Қ.Н.Келімбетов	2012 жылғы маусым
9. Индустриялық-инновациялық жобалар
32.	2013 - 2015 жылдарға арналған республикалық бюджетті қалыптастыру кезінде инновациялық кластерлердің инфрақұрылымын дамытуға қаражат көздеу	«2013 - 2015 жылдарға арналған республикалық бюджет туралы» Заң жобасы	ИЖТМ, АШМ, ЭДСМ, Қаржымині, МГМ, БҚА, ҰҒА, ЖРБА, «Самұрық-Қазына» ҰӘҚ» АҚ, «Назарбаев Университеті» ДБҰ	2012 жылғы тамыз
33.	Қуаты 1320 мегаватт Балқаш ЖЭС-нің бірінші модулінің құрылысын бастауды қамтамасыз ету	Мемлекет басшысына баяндау	ИЖТМ, ЭДСМ, Қаржымині, БҚА, ЖРБА, «Самұрық-Қазына» ҰӘҚ» АҚ, Алматы және Жамбыл облыстарының әкімдері Үйлестіруші: Премьер-Министрдің Бірінші орынбасары С.Н.Ахметов	2012 жылғы желтоқсан
34.	«Жезқазған-Бейнеу» теміржол желісінің құрылысын бастауды қамтамасыз ету	Мемлекет басшысына баяндау	ККМ, Қаржымині, ЭДСМ, БҚА, ЖРБА, «Самұрық-Қазына» ҰӘҚ» АҚ, Қарағанды, Қызылорда, Ақтөбе, Маңғыстау облыстарының әкімдері Үйлестіруші: Премьер-Министрдің Бірінші орынбасары С.Н.Ахметов	2012 жылғы желтоқсан
35.	«Арқалық-Шұбаркөл» теміржол желісінің құрылысын бастауды қамтамасыз ету	Мемлекет басшысына баяндау	ККМ, Қаржымині, ЭДСМ, БҚА, ЖРБА, «Самұрық-Қазына» ҰӘҚ» АҚ, Қарағанды және Қостанай облыстарының әкімдері Үйлестіруші: Премьер-Министрдің Бірінші орынбасары С.Н.Ахметов	2012 жылғы желтоқсан
36.	«Батыс Еуропа - Батыс Қытай» халықаралық транзиттік дәлізінің қазақстандық учаскесінің құрылысын аяқтауды қамтамасыз ету	Мемлекет басшысына баяндау	ККМ, Алматы, Жамбыл, Оңтүстік Қазақстан, Қызылорда, Ақтөбе, Батыс Қазақстан облыстарының әкімдері Үйлестіруші: Премьер-Министрдің Бірінші орынбасары С.Н.Ахметов	2015 жылдың соңына дейін жартыжылдықта бір рет
37.	Кешенді минералдық тыңайтқыштар шығару жөніндегі зауыт құрылысын бастау үшін құжаттама әзірлеу	Мемлекет басшысына баяндау	ИЖТМ, ЭДСМ, МГМ, АШМ, Әділетмині, Қаржымині, Қоршағанортамині, ҚТКШІА, БҚА, ЖРБА, «Самұрық-Қазына» ҰӘҚ» АҚ, Жамбыл облысының әкімі Үйлестіруші: Премьер-Министрдің Бірінші орынбасары С.Н.Ахметов	2012 жылғы желтоқсан
38.	Атырау мұнай өңдеу зауытында мұнайды терең өңдеу жөніндегі кешеннің құрылысын бастауды қамтамасыз ету	Мемлекет басшысына баяндау	МГМ, ЭДСМ, Қаржымині, ҚТКШІА, «Самұрық-Қазына» ҰӘҚ» АҚ Үйлестіруші: Премьер-Министрдің Бірінші орынбасары С.Н.Ахметов	2012 жылғы желтоқсан
39.	Атырау облысында интеграцияланған газ-химия кешенінің құрылысын бастауды қамтамасыз ету	Мемлекет басшысына баяндау	МГМ, ЭДСМ, Қаржымині, ҚТКШІА, «Самұрық-Қазына» ҰӘҚ» АҚ, Атырау облысының әкімі Үйлестіруші: Премьер-Министрдің Бірінші орынбасары С.Н.Ахметов	2012 жылғы желтоқсан
40.	Батыс Қазақстан облысындағы Қарашығанақ газ өңдеу зауытын жобалауды аяқтау	Мемлекет басшысына баяндау	МГМ, ИЖТМ, БҚА, «Самұрық-Қазына» ҰӘҚ» АҚ, Батыс Қазақстан облысының әкімі Үйлестіруші: Премьер-Министрдің Бірінші орынбасары С.Н.Ахметов	2012 жылғы желтоқсан
41.	Астананы қоса алғанда, Орталық Қазақстанды газдандыру үшін «Қарталы-Тобыл-Көкшетау-Астана» газ құбырын жобалауды аяқтау	Мемлекет басшысына баяндау	МГМ, ЭДСМ, ҚТКШІА, БҚА, ЖРБА, «Самұрық-Қазына» ҰӘҚ» АҚ, Ақмола, Қарағанды, Қостанай, Солтүстік Қазақстан облыстарының және Астана қаласының әкімдері Үйлестіруші: Премьер-Министрдің Бірінші орынбасары С.Н.Ахметов	2012 жылғы желтоқсан
42.	Шикізат ресурстарын қайта өңдеу және оған қызмет көрсететін инфрақұрылым саласындағы индустриялық-инновациялық жобаларды іске асыруға бағытталатын қаржылық қаражаттың пайдаланылуына бақылауды жүзеге асыру жөнінде комиссия құруды қамтамасыз ету	Мемлекет басшысына баяндау	Президент Әкімшілігі, Үкімет, БП, ЭҚСЖҚКА, ҰҚК, Астана, Алматы қалаларының, облыстардың әкімдері	2012 жылғы сәуір
43.	ҒЗТКЖ-ны қаржыландыру үшін инновациялық гранттарға шығыстар мөлшерін ұлғайту	Мемлекет басшысына баяндау	ИЖТМ, БҒМ, ЭДСМ, Қаржымині, ДСМ, АШМ Үйлестіруші: Премьер-Министрдің Бірінші орынбасары С.Н.Ахметов	2012 жылғы наурыз
44.	«Назарбаев Университеті» ДБҰ-ның 2020 жылға дейінгі даму стратегиясында оны трансферт пен жаңа технологиялар құруға ықпал ететін инновациялық-интеллектуалдық кластер ретінде қалыптастыру мәселесін көздеу	стратегия жобасы	БҒМ, «Самұрық-Қазына» ҰӘҚ» АҚ, «Назарбаев Университеті» ДБҰ Үйлестіруші: Премьер-Министрдің орынбасары Е.Т.Орынбаев	2012 жылғы сәуір
45.	Ғылым мен инновациялар саласындағы мемлекет пен бизнестің өзара іс-қимылының әлеуетін өрістету мақсатында Қазақстан Республикасы Парламентінің Мәжілісіне мемлекет-жекеменшік әріптестігінің жаңа пішіндерін енгізуді көздейтін заң жобасына енгізу	Заң жобасы	ИЖТМ, БҒМ, ИЖТМ, Қаржымині, БҚА Үйлестіруші: Премьер-Министрдің орынбасары Қ.Н.Келімбетов	2012 жылғы желтоқсан
46.	Туризм саласындағы өсім нүктелері бойынша талдау жүргізу және ұсыныстар енгізу	Мемлекет басшысына баяндау	ИЖТМ Үйлестіруші: Премьер-Министрдің Бірінші орынбасары С.Н.Ахметов	2012 жылғы мамыр
47.	Алматы облысында әлемдік деңгейдегі тау шаңғысы курорттарын дамыту жоспарын қабылдау	Үкімет қаулысы	ИЖТМ, ЭДСМ, СДШІА, Алматы облысының және Алматы қаласының әкімдері Үйлестіруші: Премьер-Министрдің Бірінші орынбасары С.Н.Ахметов	2012 жылғы желтоқсан
48.	Ақмола облысындағы Щучье-Бурабай курортты аймағын дамыту жоспарын қабылдау	Үкімет қаулысы	ИЖТМ, ЭДСМ, Ақмола облысының әкімі Үйлестіруші: Премьер-Министрдің Бірінші орынбасары С.Н.Ахметов	2012 жылғы шілде
49.	«Бизнестің жол картасы-2020» бағдарламасына инновациялар енгізу үстіндегі ісін жаңа бастаушы және жас кәсіпкерлерді қолдаудың жаңа тетіктерін енгізу мәселелері бойынша өзгерістер мен толықтырулар енгізу	Үкімет қаулысы	ЭДСМ, Алматы, Астана қалаларының, облыстардың әкімдері, «Даму» КДҚ» АҚ Үйлестіруші: Премьер-Министрдің орынбасары Е.Т.Орынбаев	2012 жылғы сәуір
50.	Жекелеген қаржы-экономикалық, оның ішінде салықтық құқық бұзушылықтарды одан әрі қылмыссыздандыруды көздейтін Заң жобасын әзірлеу	Заң жобасы	Әділетмині, БП, ЭҚСЖҚКА, Қаржымині, ІІМ Үйлестіруші: Премьер-Министр К.Қ.Мәсімов	2012 жылғы тамыз
51.	Отандық және шетелдік инвесторлармен тұрақты консультациялардың институционалдық тетіктерін әзірлеу және енгізу	Үкімет қаулысы	ИЖТМ, ЭДСМ, Қаржымині Үйлестіруші: Премьер-Министрдің Бірінші орынбасары С.Н.Ахметов	2012 жылғы шілде
52.	ЭЫДҰ елдерінің тәжірибесіне сәйкес кәсіпорындардың бизнесті жауапкершілікпен жүргізудің ерікті қағидаттарын сақтауын ынталандырудың стратегиясын әзірлеу және іске асыру жөніндегі байланыс орталықтарын құруды қамтамасыз ету	Үкімет қаулысы	ЭДСМ, Қаржымині, ИЖТМ, МГМ, Еңбекмині, Қоршағанмині Үйлестіруші: Премьер-Министрдің орынбасары Е.Т.Орынбаев	2012 жылғы шілде
53.	ДСҰ-ға өту жөніндегі келіссөздер үдерісін аяқтау	Қазақстан Республикасының ДСҰ-ға өтуі туралы хаттамаға қол қою	Экономикалық интеграция істері министрі, ЭДСМ Үйлестіруші: Премьер-Министрдің орынбасары Қ.Н.Келімбетов	2012 жылғы желтоқсан
10. Ауыл шаруашылығын дамыту
54.	Фермерлердің қаржыландыруға қолжетімділігін кеңейту, оның ішінде аграрлық өндірістегі жекеше инвестициялардың тәуекелдерін төмендету үшін займдарды мемлекеттік кепілдендіру мен сақтандыруды енгізу есебінен кеңейту үшін балама жолдарды қамтамасыз ету	Президент Әкімшілігіне есеп	АШМ, ЭДСМ, ҰБ, Қаржымині, «ҚазАгро ҰБХ» АҚ, облыстардың әкімдері Үйлестіруші: Премьер-Министрдің Бірінші орынбасары С.Н.Ахметов	2012 жылғы шілдеде ұсыныстар 2012 жылғы желтоқсанда орындау
55.	Бөлшек сауданы делдалдарсыз жүргізуді мемлекеттік қолдаудың тетігін әзірлеп, енгізу	Президент Әкімшілігіне ұсыныстар Мемлекет басшысына баяндау	ЭДСМ, АШМ, Қаржымині, БҚА, Астана, Алматы қалаларының, облыстардың әкімдері Үйлестіруші: Премьер-Министрдің Бірінші орынбасары С.Н.Ахметов	2012 жылғы маусым 2012 жылғы желтоқсан
56.	Астық саласының компанияларын шоғырландыру арқылы біртұтас астық холдингін құру	Мемлекет басшысына баяндау	АШМ, ЭДСМ, Қаржымині, ККМ, БҚА, «Самұрық-Қазына» ҰӘҚ» АҚ, «ҚазАгро ҰБХ» АҚ, облыстардың әкімдері Үйлестіруші: Премьер-Министрдің Бірінші орынбасары С.Н.Ахметов	2012 жылғы желтоқсан
57.	«Мүйізді ірі қара мал етінің экспорттық әлеуетін дамыту» жобасын іске асыруды қамтамасыз ету	Мемлекет басшысына баяндау	АШМ, «ҚазАгро ҰБХ» АҚ, облыстардың әкімдері Үйлестіруші: Премьер-Министрдің Бірінші орынбасары С.Н.Ахметов	2012 жылғы желтоқсан
58.	Қой шаруашылығын, жемшөп өндірісі мен шалғайдағы жайылымдық мал шаруашылығын дамыту мәселелері жөнінде Қазақстан Республикасында агроөнеркәсіптік кешенді дамыту жөніндегі салалық бағдарламаға өзгерістер мен толықтырулар енгізу	Үкімет қаулысы	АШМ, ЭДСМ, Қаржымині, БҚА, ЖРБА, облыстардың әкімдері Үйлестіруші: Премьер-Министрдің Бірінші орынбасары С.Н.Ахметов	2012 жылғы қазан
11. Сыртқы саясат
59.	Мыналарды: 1) Астана экономикалық форумын; 2) Әлемдік және дәстүрлі діндер көшбасшыларының IV съезін; 3) Ислам Ынтымақтастығы Ұйымындағы, Ұжымдық қауіпсіздік туралы шарт ұйымындағы төрағалықты аяқтау; 4) «Астана - 2012 жылғы Достастық елордасы» және «Астана - 2012 жылғы Түрік әлемінің мәдени елордасы» жылына арналған әлеуметтік мәні бар және мәдени іс-шаралар кешенін дайындап, өткізу	Президент Әкімшілігіне есеп	ЭДСМ, СІМ, Астана қаласының әкімі	2012 жылғы мамыр
			Съездің хатшылығы, СІМ, ДІА, Астана қаласының әкімі	2012 жылғы маусым
			СІМ, МАМ, ІІМ, ККМ, ТЖМ, Астана және Алматы қалаларының әкімдері	2012 жылғы желтоқсан
			МАМ, Астана қаласының әкімі Үйлестіруші: Премьер-Министр К.Қ.Мәсімов	жыл бойы
60.	Жаһандық энергиялық-экологиялық стратегияны және Астананың «Жасыл көпір» бастамасын алға жылжытуды қамтамасыз ету	Президент Әкімшілігіне есеп	Қоршағанортамині, ИЖТМ, СІМ, БҒМ, Астана қаласының әкімі Үйлестіруші: Премьер-Министр К.Қ.Мәсімов	2012 жылғы желтоқсан
61.	Мемлекет басшысының 2012 жылғы 27 қаңтардағы «Әлеуметтік-экономикалық жаңғырту - Қазақстан дамуының басты бағыты» атты Қазақстан халқына Жолдауын қаржылық қамтамасыз ету жөнінде шаралар қабылдау	нормативтік құқықтық актілер	Қаржымині, ЭДСМ, Әділетмині, Астана, Алматы қалаларының, облыстардың әкімдері	жыл бойы
		Мемлекет басшысына баяндау	Үйлестіруші: Премьер-Министр К.Қ.Мәсімов	2012 жылғы желтоқсан

Ескертпе: аббревиатуралардың таратылып жазылуы:

АШМ - Қазақстан Республикасы Ауыл шаруашылығы министрлігі
Әділетмині - Қазақстан Республикасы Әділет министрлігі
БҒМ - Қазақстан Республикасы Білім және ғылым министрлігі
БҚА - Қазақстан Республикасы Бәсекелестікті қорғау агенттігі (Монополияға қарсы агенттік)
БП - Қазақстан Республикасы Бас прокуратурасы
ДСМ - Қазақстан Республикасы Денсаулық сақтау министрлігі
ДІА - Қазақстан Республикасы Дін істері агенттігі
«Даму» КДҚ» АҚ - «Даму» кәсіпкерлікті дамыту қоры» акционерлік қоғамы
Еңбекмині - Қазақстан Республикасы Еңбек және халықты әлеуметтік қорғау министрлігі
ЖС - Қазақстан Республикасы Жоғарғы Соты
ЖСС - Қазақстан Республикасы Жоғары Сот Кеңесі
ЖРБА - Қазақстан Республикасы Жер ресурстарын басқару агенттігі
ИЖТМ - Қазақстан Республикасы Индустрия және жаңа технологиялар министрлігі
ККМ - Қазақстан Республикасы Көлік және коммуникация министрлігі
«Кәсіпқор» холдингі - «Кәсіпкор» холдингі» коммерциялық емес акционерлік қоғамы
Қаржымині - Қазақстан Республикасы Қаржы министрлігі
Қоршағанортамині - Қазақстан Республикасы Қоршаған ортаны қорғау министрлігі
ҚТКШІА - Қазақстан Республикасы Құрылыс және тұрғын үй-коммуналдық шаруашылық істері агенттігі
«ҚазАгро» ҰБХ» АҚ - «ҚазАгро» ұлттық басқарушы холдингі» акционерлік қоғамы
МАМ - Қазақстан Республикасы Мәдениет және ақпарат министрлігі
МГМ - Қазақстан Республикасы Мұнай және газ министрлігі
МҚІА - Қазақстан Республикасы Мемлекеттік қызмет істері агенттігі
«Назарбаев Университеті» ДБҰ - «Назарбаев Университеті» дербес білім беру ұйымы
«Назарбаев Зияткерлік мектептері» дербес білім беру ұйымы
СІМ - Қазақстан Республикасы Сыртқы істер министрлігі
СДШІА - Қазақстан Республикасы Спорт және дене шынықтыру істері агенттігі
«Самұрық-Қазына» ҰӘҚ» АҚ - «Самұрық-Қазына» ұлттық әл-ауқат қоры» акционерлік қоғамы
Съезд Хатшылығы - Әлемдік және дәстүрлі діндер көшбасшылары съезінің Хатшылығы
ТЖМ - Қазақстан Республикасы Төтенше жағдайлар министрлігі
ҰҚК - Қазақстан Республикасы Ұлттық қауіпсіздік комитеті
ҰБ - Қазақстан Республикасы Ұлттық Банкі
ҰҒА - Қазақстан Республикасы Ұлттық ғарыш агенттігі
ІІМ - Қазақстан Республикасы Ішкі істер министрлігі
ЭДСМ - Қазақстан Республикасы Экономикалық даму және сауда министрлігі
ЭҚСЖҚКА - Қазақстан Республикасы Экономикалық қылмысқа және сыбайлас жемқорлыққа қарсы күрес агенттігі (қаржы полициясы)
ҒЗТКЖ - Ғылыми-зерттеу және тәжірибелік-конструкторлық жұмыс
ЭЫДҰ - Экономикалық ынтымақтастық және даму ұйымы