Ескерту. Күші жойылды - ҚР Президентінің 12.12.2018 № 804 Жарлығымен.
"Қазақстан Республикасының Ұлттық Банкі туралы" 1995 жылғы 30 наурыздағы Қазақстан Республикасы Заңының 3-бабына сәйкес ҚАУЛЫ ЕТЕМІН:
1. "Ұлттық валюта - Қазақстан теңгесі банкноттары мен монеталары дизайнының тұжырымдамасын бекіту туралы" Қазақстан Республикасы Президентінің 2003 жылғы 25 қыркүйектегі № 1193
Жарлығына (Қазақстан Республикасының ПҮАЖ-ы, 2003 ж., № 38,
384-құжат; 2008 ж., № 31, 309-құжат) мынадай өзгеріс пен толықтыру
енгізілсін:
жоғарыда аталған Жарлықпен бекітілген Ұлттық валюта - Қазақстан теңгесінің банкноттары мен монеталары дизайнының тұжырымдамасында:
13-1-тармақ мынадай редакцияда жазылсын:
"13-1. Банкноттардың бет немесе сырт жағында банкноттардың дайындалған кезіндегі Қазақстан Республикасы Ұлттық Банкі Төрағасының қойылған қолы болуы тиіс.";
мынадай мазмұндағы 19-1-тармақпен толықтырылсын:
"19-1. Коллекциялық және инвестициялық монеталардың дизайнында ұлттық валютаны шет елдерде танымал ету мақсатында дүниежүзілік тарихпен, жалпыәлемдік мәдениетпен, құндылықтармен және игілікпен байланысты бейнелерді пайдалануға жол беріледі.".
2. Осы Жарлық қол қойылған күнінен бастап қолданысқа енгізіледі.
Қазақстан Республикасының | |
Президенті | Н. Назарбаев |
