ҚАУЛЫ ЕТЕМІН:
1. "Қазақстан Республикасының Әскери доктринасын бекіту туралы" Қазақстан Республикасы Президентінің 2017 жылғы 29 қыркүйектегі № 554 Жарлығына мынадай өзгерістер мен толықтырулар енгізілсін:
жоғарыда аталған Жарлықпен бекітілген Қазақстан Республикасының Әскери доктринасында:
"1. Кіріспе" деген тақырып мынадай редакцияда жазылсын:
"1-бөлім. Кіріспе";
2) тармақша алып тасталсын;
"2. Ағымдағы ахуалды талдау" деген тақырып мынадай редакцияда жазылсын:
"2-бөлім. Ағымдағы ахуалды талдау";
"2.1. Қазақстан Республикасының әскери қауіпсіздігіне және әскери қатерге ықпал ететін негізгі жағдайлар мен факторлар" деген тақырып мынадай редакцияда жазылсын:
"1-тарау. Қазақстан Республикасының әскери қауіпсіздігіне және әскери қатерге ықпал ететін негізгі жағдайлар мен факторлар";
4) тармақша мынадай редакцияда жазылсын:
"4) әлемде жаппай қырып-жоятын қару ауқымының өрістеуі, сондай-ақ жаңа физикалық қағидаттар негізінде жасалған жаппай әсер ететін қарудың жасалуы;";
5) тармақша мынадай редакцияда жазылсын:
"5) мемлекеттегі жағдайды тұрақсыздандыру, оның әскери және әскери-экономикалық әлеуетін төмендету мақсатында мемлекеттің әскери ұйымының ақпараттық жүйелеріне, елдің күнделікті тіршілігін қамтамасыз ету жүйелеріне бағдарламалық-техникалық әсер етудің (кибершабуылдың) жүзеге асырылуы.";
10-тармақ мынадай редакцияда жазылсын:
"10. Қазіргі заманғы жағдайлар мен факторларға сүйенсек:";
"2.2. Қазіргі заманғы әскери жанжалдар сипаты" деген тақырып мынадай редакцияда жазылсын:
"2-тарау. Қазіргі заманғы әскери жанжалдар сипаты";
13-тармақ мынадай редакцияда жазылсын:
"13. Әскери-саяси және әскери-стратегиялық мақсаттарға қол жеткізу мақсатында қарсы тұратын мемлекетті немесе өңір мемлекеттерін "қару-жарақ бәсекесіне" тарту, қарулы қарсы күресте олардың ресурстары мен мүмкіндіктерін сарқылту үшін әскери күш көрсету жүзеге асырылуы мүмкін.
Әскери жанжал басталғанға дейін және қарулы күрес барысында мемлекеттегі жағдайды тұрақсыздандыру, оның әскери және әскери-экономикалық әлеуетін төмендету мақсатында мемлекеттің әскери ұйымының ақпараттық жүйелеріне, елдің күнделікті тіршілігін қамтамасыз ету жүйелеріне бағдарламалық-техникалық әсер ету (кибершабуыл) жүзеге асырылуы мүмкін.
Әлемдік аренада мемлекет айналасында теріс ахуалды қалыптастыру мақсатында ақпараттық кеңістікте күшейтілген әсер ету жүргізілуі мүмкін.";
"2.3. Қазақстан Республикасының әскери қауіпсіздігі саласындағы ағымдағы жағдай" деген тақырып мынадай редакцияда жазылсын:
"3-тарау. Қазақстан Республикасының әскери қауіпсіздігі саласындағы ағымдағы жағдай";
18 және 19-тармақтар мынадай редакцияда жазылсын:
"18. Стратегиялық бағыттарда әскерлердің (күштердің), қару-жарақтың, әскери техника мен материалдық құралдар қорларының қажетті жиынтығын жасау есебінен мемлекеттің әскери ұйымының құрлық, әскери-әуе және әскери-теңіз құрауышының жауынгерлік әлеуеті арттырылды.
Әскерлерде ақпараттық-психологиялық және бағдарламалық-техникалық (кибер) әсер етуге қарсы іс-қимылды ұйымдастыру үшін Қарулы Күштерде бөлімшелер құрылды. Олардың әлеуеті мен мүмкіндіктерін ұлғайту бойынша жұмыс жүргізілуде.
Әскери мақсаттағы ақпараттандыру объектілерінде ақпаратты қорғаудың қазіргі заманғы проактивті жүйесін қалыптастыруға бағытталған техникалық және кадрлық әлеуетті дамыту жөнінде жүйелі жұмыс жүргізілуде.
Аумақтық қорғаныс жүйесін мемлекеттің әскери қауіпсіздігін және қорғанысын қамтамасыз етудің ортақ жүйесіне интеграциялау шеңберінде Қарулы Күштер құрамында аумақтық қорғанысты басқару органы құрылды. Мемлекетке төнетін әскери қатерге жедел ден қоюды қамтамасыз ету мүддесінде Қарулы Күштердің, басқа да әскерлер мен әскери құралымдардың әуе-көлік мүмкіндігін күшейту жөнінде алдын ала шаралар қабылдануда.
19. Әскерлердің ұтқырлығын арттыру және әскери қауіпсіздікке төнетін қазіргі заманғы қатерге барабар ден қою мақсатында Қазақстан Республикасы Ұлттық ұланының құрылымын жетілдіру, құрамын күшейту және инфрақұрылымын дамыту жөніндегі шаралар дәйекті және жоспарлы түрде жүргізілуде.
Дағдарысты жағдайлар мен ішкі қарулы жанжалдың жолын кесу кезінде, оның ішінде әлеуметтік сипаттағы төтенше жағдайдың, төтенше және соғыс жағдайының құқықтық режимін қамтамасыз ету кезінде міндеттерді шешу үшін әскерді қолданудың жаңа нысандары мен әрекет ету тәсілдері енгізілуде.";
23-тармақ мынадай редакцияда жазылсын:
"23. Стратегиялық бағыттарда әскер топтарын (күштерді) тұрақты және үздіксіз қамтамасыз ету үшін Қарулы Күштерді тылдық және техникалық қамтамасыз етудің ұтқыр және стационарлық құрауыштары құрылды.";
25-тармақ мынадай редакцияда жазылсын:
"25. Мемлекетті жұмылдыра дайындау шеңберінде басқарудың тұрақтылығын арттыру және мемлекет экономикасын соғыс уақытына ұйымдасқан түрде көшіру, мемлекеттің әскери ұйымының және тұрғындардың материалдық резервке қажеттілігін қанағаттандыру, жұмылдыру, соғыс жағдайы кезеңінде және соғыс уақытында мемлекеттің әкімшілік-аумақтық бірлігінің жұмыс істеуін қамтамасыз ету үшін шаралар іске асырылуда.";
"3. Негізгі ережелер" деген тақырып мынадай редакцияда жазылсын:
"3-бөлім. Негізгі ережелер";
"3.1. Қазақстан Республикасының әскери қауіпсіздігін қамтамасыз ету мақсаты мен қағидаттары" деген тақырып мынадай редакцияда жазылсын:
"4-тарау. Қазақстан Республикасының әскери қауіпсіздігін қамтамасыз ету мақсаты мен қағидаттары";
"3.2. Әскери қауіпсіздікті және қорғанысты қамтамасыз ету салаларындағы Қазақстан Республикасы қызметінің бағыттары" деген тақырып мынадай редакцияда жазылсын:
"5-тарау. Қазақстан Республикасының әскери қауіпсіздігі мен қорғанысы саласындағы пайым";
"5-тарау. Қазақстан Республикасының әскери қауіпсіздігі мен қорғанысы саласындағы пайым" деген тақырыптан кейін мынадай мазмұндағы
29-1-тармақпен толықтырылсын:
"29-1. Қазақстан Республикасы елдегі ішкі тұрақтылықты қамтамасыз етуге, мемлекетке қарсы әскери жанжалдың басталу қатерінің алдын алуға, халықаралық қауіпсіздікті қамтамасыз етуге қатысуды кеңейтуге, халықаралық терроризмге және экстремизмге қарсы күреске, сондай-ақ мемлекеттің әскери ұйымын Қазақстан Республикасын және оның одақтастарын қарулы қорғауға жоғары әзірлік деңгейінде ұстауға ниеттенеді.
Әскери-саяси, әскери-стратегиялық және әскери-экономикалық саладағы қызмет бағыттары, жұмылдыру дайындығы, сондай-ақ мемлекеттің әскери ұйымын дамыту шеңберінде тиісті шаралар көзделеді.";
"3.2.1. Әскери-саяси саладағы қызмет бағыттары" деген тақырып мынадай редакцияда жазылсын:
"1-параграф. Әскери-саяси саладағы қызмет бағыттары";
30-тармақ алып тасталсын.
32-тармақ мынадай редакция жазылсын:
32-тармақта орыс тіліндегі мәтінге өзгеріс енгізілді, мемлекеттік тілдегі мәтін өзгермейді;
33-тармақтың 6) тармақшасы мынадай редакцияда жазылсын:
"6) Қазақстан Республикасына төнетін әскери қатердің алдын алу және жолын кесу үшін тиімді шараларды қабылдаумен қамтамасыз етілетін болады.";
34-тармақ 8) тармақшадағы "нығайту болып табылады." деген сөздер "нығайту;" деген сөзбен ауыстырылып, мынадай мазмұндағы 9) тармақшамен толықтырылсын:
"9)жаһандық және өңірлік қауіпсіздік жүйесін жетілдіру мақсатында басқа мемлекеттермен және халықаралық ұйымдармен серіктестікті және ынтымақтастықты нығайту болып табылады.";
"3.2.2. Әскери-стратегиялық саладағы қызмет бағыттары" деген тақырып мынадай редакцияда жазылсын:
"2-параграф. Әскери-стратегиялық саладағы қызмет бағыттары";
35-тармақ мынадай редакция жазылсын:
"35. Әскери-стратегиялық саладағы қызмет мемлекеттің әскери ұйымын Қазақстан Республикасының әскери қауіпсіздігін және қорғанысын қамтамасыз етуге әзірлікте ұстауға бағытталған.";
4) тармақша мынадай редакцияда жазылсын:
"4) Қазақстан Республикасының аумағында және одан тысқары жерде мемлекеттік және әскери объектілерді күзету;";
6) тармақша мынадай редакцияда жазылсын:
"6) диверсияны, террористік актілер мен сепаратистік әрекетті болдырмау және жолын кесу;";
12) тармақша мынадай редакцияда жазылсын:
"12) бітімгершілік және басқа да операцияларға қатысу, сондай-ақ Қазақстан Республикасы ратификациялаған халықаралық шарттарға сәйкес өзге де міндеттер мен іс-шараларды орындау;";
мынадай мазмұндағы 13) тармақшамен толықтырылсын:
"13) Қазақстан Республикасының бітімгершілік қызметі шеңберінде халықаралық міндеттемелерді орындауды қамтамасыз ету мақсатында әскери персоналды даярлау болып табылады.";
39-тармақ мынадай редакцияда жазылсын:
"39. Қазақстан Республикасының шекаралық кеңістігіндегі шекаралық қарулы жанжалды шешуді Шекара қызметі ҚР ҰҚК Авиация қызметімен, Шекара академиясымен, ұлттық қауіпсіздіктің өзге де органдарымен бірлесіп, Қазақстан Республикасы Қарулы Күштерінің және Ұлттық ұланының басқару органдарымен, құрамаларымен және әскери бөлімдерімен өзара іс-қимылда жүзеге асырады, қажет болған кезде басқа да мемлекеттік органдар мен жергілікті атқарушы органдардың күштері мен құралдары қолданылуы мүмкін.";
"3.2.3. Әскери-экономикалық саладағы қызмет бағыттары" деген тақырып мынадай редакцияда жазылсын:
"3-параграф. Әскери-экономикалық саладағы қызмет бағыттары";
47-тармақ мынадай редакцияда жазылсын:
"47. Әскери-экономикалық саладағы қызмет мемлекеттің әскери ұйымының қажеттілігін бейбіт және соғыс уақытында жұмыс істеу және одан әрі дамыту үшін жеткілікті көлемде қаржылық, материалдық-техникалық және басқа да ресурспен қанағаттандыруға бағытталған.";
"3.2.4. Қазақстан Республикасының жұмылдыру дайындығы" деген тақырып мынадай редакцияда жазылсын:
"4-параграф. Қазақстан Республикасының жұмылдыру дайындығы";
49-тармақ мынадай редакцияда жазылсын:
"49. Қазақстан Республикасының жұмылдыру дайындығы іс-шарасы Қазақстан Республикасын қарулы қорғау мүддесінде соғыс уақытында мемлекетті тұрақты басқаруды қамтамасыз ету, мемлекет экономикасын бейбіт кезден соғыс жағдайы режиміне ұйымдасқан түрде көшіруді қамтамасыз ету, мемлекеттің әскери ұйымының және ел тұрғындарының қажеттіліктерін қамтамасыз ету, жауынгерлік іс-қимыл және аумақтық қорғаныс аймақтарында экономика салалары мен әкімшілік-аумақтық бірліктердің жұмыс істеп тұруы мақсатында жүргізіледі.".
"3.2.5. Қазақстан Республикасының әскери ұйымын дамыту жөніндегі қызмет бағыттары" деген тақырып мынадай редакцияда жазылсын:
"5-параграф. Қазақстан Республикасының әскери ұйымын дамыту жөніндегі қызмет бағыттары";
51-тармақ мынадай редакцияда жазылсын:
"51. Қазақстан Республикасының мемлекеттің әскери ұйымын дамыту жөніндегі қызметі Қазақстан Республикасына төнетін әскери қатерге, оның ішінде Қазақстан Республикасы тұрған ұжымдық қауіпсіздік ұйымы күштерінің құрамында барабар ден қоюға әзірлікті қамтамасыз етуге бағытталған.";
"3.3. Қазақстан Республикасының әскери қауіпсіздігін қамтамасыз ету жөніндегі шаралар" деген тақырып мынадай редакцияда жазылсын:
"6-тарау. Қазақстан Республикасының әскери қауіпсіздігін қамтамасыз ету тәсілдері";
"3.3.1. Қазақстан Республикасының Қарулы Күштерін, басқа да әскерлері мен әскери құралымдарын жауынгерлік әзірлікте ұстау" деген тақырып мынадай редакцияда жазылсын:
"1-параграф. Қазақстан Республикасының Қарулы Күштерін, басқа да әскерлері мен әскери құралымдарын жауынгерлік әзірлікте ұстау";
2) және 3) тармақшалар мынадай редакцияда жазылсын:
"2) Қарулы Күштерді, басқа да әскерлер мен әскери құралымдарды қолдану жағдайын, тәртібі мен тәсілдерін, олардың өзара іс-қимылын және жан-жақты қамтамасыз етілуін нақтылау;
3) Мемлекеттің қорғаныс жоспарының құжаттарын жыл сайын нақтылау арқылы мемлекеттің әскери қауіпсіздігі мен қорғанысын қамтамасыз ету кезінде мемлекеттің әскери ұйымы құрамына кіретін орталық мемлекеттік және жергілікті атқарушы органдардың, ұйымдардың міндеттерін, олар орындайтын іс-шаралар ауқымы мен мазмұнын нақтылау;";
мынадай мазмұндағы 4) тармақшамен толықтырылсын:
"4) Әскери жоспарлау жүйесін енгізе отырып, Қазақстан Республикасының қорғанысы мен әскери қауіпсіздігі саласындағы нормативтік құқықтық актілерді жүйелендіру болып табылады.";
мынадай мазмұндағы 2-1) тармақшамен толықтырылсын:
"2-1) Арнайы операциялар күштерін бейбіт және соғыс уақытында басқа мемлекеттік органдардың арнайы мақсаттағы бөлімшелерімен өзара іс-қимылда тиімді әрекет ету үшін дамыту;";
4) тармақша мынадай редакцияда жазылсын:
"4) радиолокациялық өрісті ұлғайту және мемлекеттің әуе шабуылы мен зымыранға қарсы қорғанысын жүргізу бойынша әскерлердің әлеуеті мен мүмкіндіктерін арттыру;";
6) тармақша мынадай редакцияда жазылсын:
"6) аумақтық әскерлердің әлеуеті мен мүмкіндіктерін өрістету үшін аумақтық қорғаныс жүйесін жетілдіру, инфрақұрылымды құру және материалдық және басқа да құралдардың жеткілікті қорын жасау;";
55-тармақ 3) тармақшадағы "дамыту болып табылады." деген сөздер "дамыту;" деген сөзбен ауыстырылып, мынадай мазмұндағы 4) тармақшамен толықтырылсын:
"4) қазіргі заманғы ғылым, техника мен технологиялар жетістіктерін, оқытудың озық әдістерін енгізу есебінен оның сапалық параметрлерін арттыру болып табылады.";
1) тармақша мынадай редакцияда жазылсын:
"1) Ұлттық қорғанысты басқару орталығының қызметін жетілдіру және қазіргі заманғы байланыс құралдарымен және автоматтандырылған басқару жүйелерімен жарақтандыру;";
4) тармақша мынадай редакцияда жазылсын:
"4) әскери мақсаттағы ақпараттық ресурстар мен жүйелер үшін отандық техникалық және бағдарламалық құралдарды енгізу болып табылады.";
57-тармақтың 1) және 2) тармақшалары мынадай редакцияда жазылсын:
"1) Қазақстан Республикасы мен Ресей Федерациясының әуе шабуылына қарсы қорғанысының бірыңғай өңірлік жүйесін дамыту;
"2) зымыран шабуылы туралы ескерту және ғарыш кеңістігін бақылау жүйесінің базалық элементтерін құру болып табылады.";
58-тармақтың 1) тармақшасы мынадай редакцияда жазылсын:
"1) әскери қызметшілердің моральдық-психологиялық төзімділігін арттыру мүддесінде идеологиялық және тәрбие жұмысына қазіргі заманғы әдістемелерді енгізу;";
бірінші абзац мынадай редакцияда жазылсын:
"59. Ақпараттық (кибер) қауіпсіздікті арттыру жөніндегі негізгі шаралар:";
1), 2), 3), 4) және 5) тармақшалар мынадай редакцияда жазылсын:
"1) ақпараттық (кибер) қауіпсіздікті қамтамасыз ету саласындағы нормативтік құқықтық актілерді жетілдіру;
2) ақпараттық (кибер) қауіпсіздік жүйесінің құрамы мен құрылымын дамыту, сондай-ақ киберкеңістікте әрекет ету нысандары мен тәсілдерін жетілдіру;
3) киберкеңістікте тиімді әрекет ету және ақпараттық ресурстарды қорғау үшін ақпараттық (кибер) қауіпсіздік бөлімшелерін бағдарламалық, бағдарламалық-аппараттық және техникалық құралдармен және жүйелермен кезең-кезеңімен қамтамасыз ету;
4) ақпараттық (кибер) қауіпсіздік бөлімшелері үшін жоғары білікті кадрлар даярлау;
5) ақпараттық (кибер) қауіпсіздікті қамтамасыз ету кезінде мемлекеттің әскери ұйымының өзара іс-қимылын ұйымдастыру;";
мынадай мазмұндағы 6) тармақшамен толықтырылсын:
"6) ақпараттық (кибер) қауіпсіздік саласында ғылыми-зерттеу және тәжірибелік-конструкторлық жұмысты жүргізу болып табылады.";
3), 4) және 5) тармақшалар мынадай редакцияда жазылсын:
"3) ҚР ҰҚК Шекара және Авиация қызметтерін қазіргі заманғы қару-жарақпен және әскери техникамен, шекараны күзетудің техникалық құралдарымен жарақтандыру;
4) Мемлекеттік шекараның инфрақұрылымын оның санатталуына және қазіргі заманғы талаптарға сәйкес келтіру;
5) Мемлекеттік шекараны, оның ішінде Каспий теңізінің қазақстандық секторындағы суасты ортасындағы шекараны күзету мәселелерінде ҚР ҰҚК Шекара қызметінің орталық мемлекеттік, жергілікті атқарушы органдармен және шекара маңындағы аудандардың тұрғындарымен өзара іс-қимылының тиімділігін арттыру;";
мынадай мазмұндағы 6), 7), 8) және 9) тармақшалармен толықтырылсын:
"6) ҚР ҰҚК Шекара қызметі ақпараттық-коммуникациялық инфрақұрылымының объектілерін интеграциялау;
7) "ақылды шекара" ұғымын іске асыру және ҚР ҰҚК Шекара қызметінің ұтқыр әрі тиімді ден қою күштерін құру;
8) жоғары жылдамдықты көліктік ортаны құру, ұлттық қауіпсіздік органдары ақпараттық жүйесінің жұмыс істеуін қамтамасыз ету үшін жалға алынған байланыс арналарының өткізу қабілетін ұлғайту және шекараны күзетудің инженерлік инфрақұрылымын дамыту;
9) шекараның басым учаскелерінде байланыс желілерін қазіргі заманғы байланыс құралдарымен қайта жарақтандыру, қолданыстағы байланыс желілерін жаңғырту болып табылады.";
бірінші абзац мынадай редакцияда жазылсын:
"62. Аумақтық қорғаныс жүйесін жетілдіру бойынша негізгі шаралар:";
1) және 2) тармақшалар мынадай редакцияда жазылсын:
"1) аумақтық қорғаныстың жүйесін дамыту;
2) аумақтық қорғаныс саласындағы заңнаманы жетілдіру;";
мынадай мазмұндағы 1-1) тармақшамен толықтырылсын:
"1-1) Қарулы Күштерді, басқа да әскерлер мен әскери құралымдарды байланыс және басқару құралдарымен, қару-жарақпен, техникамен және оқ-дәрімен жарақтандыру мәселесінде, оларды бірлесіп қолдану мүмкіндігін ескере отырып, бірыңғай әскери-техникалық саясатты сақтау;";
2) және 3) тармақшалар мынадай редакцияда жазылсын:
"2) әскерлердің (күштердің) талаптарына сай келетін қазіргі заманғы қару-жарақ пен әскери техника үлгілерімен жарақтандыру;
3) Қарулы Күштер, басқа да әскерлер мен әскери құралымдар үшін қажет, оның ішінде қару-жарақ пен әскери техниканы, әскери-техникалық мүлікті шығару (жаңғырту) және қызметтер көрсету үшін жаңа әскери ұлттық стандарттарды әзірлеу;";
64-тармақтың 1) тармақшасы алып тасталсын;
65-тармақтың 4) тармақшасы мынадай редакцияда жазылсын:
"4) жоғары және (немесе) жоғары оқу орнынан кейінгі білім беретін ұйымдар жанындағы әскери кафедралардың құрамы мен құрылымын оңтайландыру, оларда әскери оқытылған резервтің қажетті санын даярлау;";
1) тармақша мынадай редакцияда жазылсын:
"1) Қарулы Күштерде, басқа да әскерлер мен әскери құралымдарда әскери ғылыми кадрлар санын ұлғайту және оларды даярлау сапасын арттыру есебінен әскери-ғылыми әлеуетті арттыру;";
5) тармақша мынадай редакцияда жазылсын:
"5) әскери-ғылыми зерттеулерді орындауға ғылымның басқа да салаларынан жетекші мамандар тарту;";
мынадай мазмұндағы 6) және 7) тармақшалармен толықтырылсын:
"6) әскери-ғылыми зерттеулерді жүргізу және қамтамасыз ету кезінде мемлекеттік-жекешелік әріптестік мүмкіндіктерін пайдалану;
7) Қазақстан Республикасының қорғанысы және әскери қауіпсіздігі саласында ғылыми-техникалық қызметті жетілдіру шеңберінде ғылыми, білім беретін ұйымдар мен мекемелердің әскери-азаматтық интеграциялануын қолдану болып табылады.";
"3.3.2. Мемлекетті жұмылдыру әзірлігінде ұстау" деген тақырып мынадай редакцияда жазылсын:
"2-параграф. Мемлекетті жұмылдыру әзірлігінде ұстау";
1) тармақша мынадай редакцияда жазылсын:
"1) мемлекетте жұмылдыру дайындығын бақылау, оның жай-күйін бағалау және үйлестіру жүйесін жетілдіру;";
12) тармақшадағы "жетілдіру болып табылады." деген сөздер "жетілдіру;" деген сөзбен ауыстырылып, мынадай мазмұндағы 13), 14) және 15) тармақшалармен толықтырылсын:
"13) әскери-патриоттық ұйымдар қызметін кеңейту және рөлін күшейту;
14) Қазақстан Республикасының қорғанысы мүддесінде көліктің және көлік инфрақұрылымы объектілерінің әзірлігін қамтамасыз ету;
15) Қазақстан Республикасында резервтегі әскери қызметті енгізу болып табылады.";
6) тармақша мынадай редакцияда жазылсын:
"6) Қарулы Күштер, басқа да әскерлер мен әскери құралымдар үшін оқ-дәрінің негізгі түрлері өндірісінің тұрақтылығын қамтамасыз ету және оны кеңейту;";
10) тармақша мынадай редакцияда жазылсын:
"10)қазіргі заманғы қару-жарақ пен әскери техниканы жеткізу және Қазақстан Республикасының аумағында перспективалық қарулану жүйесін өндіру бойынша технологиялар трансфертін және бірлескен өндірісті құру үшін шетел компанияларымен өзара тиімді ынтымақтастыққа жағдайлар жасау;";
"3.3.3. Қазақстан Республикасының халықаралық қауіпсіздікті қамтамасыз етуге қатысуын кеңейту" деген тақырып мынадай редакцияда жазылсын:
"3-параграф. Қазақстан Республикасының халықаралық қауіпсіздікті қамтамасыз етуге қатысуын кеңейту";
70-тармақ мынадай редакцияда жазылсын:
"70. Қазақстан Республикасының халықаралық әскери ынтымақтастығын дамыту халықаралық қауіпсіздікті қамтамасыз ету саласындағы қызметті кеңейтуге және мемлекетке төнетін әскери қатерді төмендетуге бағытталған.
Ынтымақтастық Қазақстан Республикасы үшін практикалық қызығушылық тудыратын барлық мемлекеттермен, мемлекетаралық бірлестіктермен және халықаралық ұйымдармен достық, теңқұқықты, болжалды және өзара тиімді қарым-қатынасты дамытуды білдіретін көпвекторлық, прагматизм және проактивтілік қағидаттар негізінде жүзеге асырылады.";
мынадай мазмұндағы 1-1) тармақшамен толықтырылсын:
"1-1) жаһандық және өңірлік дағдарысты еңсерудің саяси-дипломатиялық құралдарына сүйеніп, сенім, ашықтық, өзара түсіністік, барлық мемлекет үшін тең және бөлінбейтін қауіпсіздікті қамтамасыз ету қағидаттары негізінде барлық мемлекеттің мүддесін ескеріп, жаһандық және өңірлік қауіпсіздік жүйесін дамытуға жәрдемдесу;";
3) тармақша мынадай редакцияда жазылсын:
"3) терроризмге, экстремизм мен есірткі бизнесіне қарсы халықаралық күрес жүргізуге белсенді түрде қатысу;";
мынадай мазмұндағы 4), 5), 6), 7), 8) және 9) тармақшалармен толықтырылсын:
"4) шетелде әскери атташе аппараттарының болуын кеңейту арқылы халықаралық қауіпсіздікті қамтамасыз етуде әскери дипломатияның рөлін күшейту;
5) халықаралық оқу-жаттығуларда әскери персоналдың, бітімгершілік бөлімшелердің қатысуын кеңейту;
6) терроризмге қарсы операцияларды және бейбітшілік пен қауіпсіздікті қолдау жөніндегі операцияларды жоспарлау, жүргізу және жан-жақты қамтамасыз ету мәселелерінде тәжірибемен алмасу;
7) әскери персоналды бітімгершілік операцияларға қатысу үшін БҰҰ өлшемшарттарына сәйкес сапалы даярлауды және іріктеуді жүргізу;
8) бітімгершілік күш-жігерді қолдау үшін Қазақстан Республикасы қызметінің бағыттарын дамыту;
9) бітімгершілік даярлық орталығының бітімгершілік саласында мамандар даярлау жөніндегі өңірлік халықаралық орталық ретіндегі рөлін күшейту бойынша қызметті өрістету болып табылады.";
73-тармақ 7) тармақшадағы "миссияларына жіберу болып табылады." деген сөздер "миссияларына жіберу;" деген сөздермен ауыстырылып, мынадай мазмұндағы 8) және 9) тармақшалармен толықтырылсын:
"8) бітімгершілік операцияларында (миссияларында) қолдану үшін Қазақстан Республикасы қорғаныс өнеркәсібі кешенінің өнімін ұсыну;
9) Қазақстан Республикасының бітімгершілік қызметі саласындағы Қазақстан Республикасының нормативтік кұқықтық базасын жетілдіру болып табылады.";
"4. Қорытынды" деген тақырып мынадай редакцияда жазылсын:
"4-бөлім. Қорытынды";
2. Осы Жарлық қол қойылған күнінен бастап қолданысқа енгізіледі.
|
Қазақстан Республикасының Президенті |
Қ.Тоқаев |
