Тұтыну кооперациясы жүйесiнде зергерлiк бұйымдар сатуға рұқсат беру туралы

Күшін жойған

Қазақстан Республикасы Президентiнiң Жарлығы 8 ақпан 1994 ж. N 1557. Күшi жойылды - Қазақстан Республикасы Президентiнiң 1995.07.20. N 2374 Жарлығымен.

Село тұрғындарының зергерлiк бұйымдарға деген қажеттiлiгiн неғұрлым толығырақ қанағаттандыру мақсатында және "Қазақстан Республикасының Президентi мен жергiлiктi әкiмдерге уақытша қосымша өкiлеттiк беру туралы" Қазақстан Республикасы Заңына сәйкес қаулы етемiн:
1. Қазақстан Республикасы тұтыну кооперациясының ұйымдарына әмбебап дүкендер мен аудан орталықтарындағы және iрi елдi мекендердегi дүкендердiң арнаулы бөлiмдерiнде зергерлiк бұйымдарды сатуға рұқсат етiлсiн.
2. Қазақстан Республикасының Министрлер Кабинетi "Алтын қоры мен алмас қоры туралы" Қазақстан Республикасының Заңына қосымша енгiзу туралы" Қазақстан Республикасы Заңының жобасын жаңадан сайланған Қазақстан Республикасы Жоғарғы Кеңесiнiң қарауына енгiзсiн.
3. Осы Жарлық жарияланған күннен бастап күшiне енедi, оның

Заң күшi бар және ол "Алтын қоры мен алмас қоры туралы" Қазақстан
Республикасының Заңына қосымша енгiзу туралы" тиiстi Заң 
қабылданғанға дейiн қолданылады.

     Қазақстан Республикасының
          Президентi
     Алматы. 1994 жылғы 8 ақпан
            N 1557