1. Облыстардың, Алматы және Ленинск қалаларының әкiмдерi жанынан зейнеткерлердi және халықтың табысы аз жiктерiн әлеуметтiк қорғау жөнiнде жалпы мөлшерi қосымшаға сәйкес 50 млн. АҚШ долларына барабар аймақтық қайырымдылық қорлары (бұдан былай қорлар) құрылсын, оның iшiнде 25 млн. доллар орталықтандырылған көздер есебiнен iздестiрiлсiн.
Қазақстан Республикасының Министрлер кабинетi мен облыстардың, Алматы және Ленинск қалаларының әкiмдерi аталған қорлардың қаржысын қалыптастыруды 1994 жылғы 1 қарашадан кешiктiрмей аяқтайтын болсын.
Облыстардың, Алматы, Ленинск қалаларының әкiмдерi қолданылып жүрген заңдарға сәйкес қорларға қаржы бағыттап отырсын.
Қазақстан Республикасының Қаржы министрлiгi жергiлiктi көздерден қорларға түсетiн қаржыға пропорциялы түрде республикалық бюджеттен қорларға қаржы аударатын болсын.
2. Былай деп белгiленсiн:
қорлардың қаржысы банктiк депозиттерге немесе мемлекеттiк бағалы қағаздарға орналастырылады, ал олардан түскен табыс қорлардың қаржысын еселей түсу үшiн пайдаланылады; <*>
қорлардың табысы халыққа қайырымдылық көмек көрсетуге бағытталатыны ескерiлiп, Қазақстан Республикасының Ұлттық Банкi қорлардың қаржысын комиссиялық сыйақы төлеуiнсiз мемлекеттiк бағалы қағаздарға орналастырылсын; <*>
қорға басшылықты әкiммен бiрлесiп құрылатын Басқарма жүзеге асырады. Басқарманың құрамына ардагерлер ұйымдарының, халықты әлеуметтiк қорғау органдарының өкiлдерi. <*>
Жәрдемақы мен көмек адамдарға Қор басқармасының шешiмi анықтаған мөлшерде аталып берiледi.
Ескерту. 2-тармақтың 2-шi,3-шi және 4-шi абзацтарына өзгерiстер
енгiзiлген - ҚР Президентiнiң 1995.06.28. N 2349
Жарлығымен.
3. Қор қызметiнiң негiзгi бағыттары:
- зейнеткерлерге және азаматтардың табысы аз және еңбекке жарамсыз өзге де санаттарына арнаулы қаржы және материалдық қолдау көрсету;
- денсаулық сақтау мекемелерiнде емдеу және сауықтыру қызметiн көрсету ақысын төлеуге көмек көрсету;
- ерекше мұқтаж азаматтарға тегiн түстiк беретiн асханалар ұйымдастыру деп анықталсын.
4. Облыстардың, Алматы және Ленинск қалаларының әкiмдерi "Зейнеткерлер мен мүгедектердiң арасындағы жалғыз тұратын жұмыс iстемейтiн азаматтарды әлеуметтiк қолдау жөнiндегi қосымша шаралар туралы" Қазақстан Республикасы Президентiнiң 1994 жылғы 18 қаңтардағы N 1509 Жарлығының (Қазақстан Республикасының ПҮАЖ, 1994 ж., N 4, 30-бап) орындалуы туралы 1994 жылғы 15 тамызға қарай баяндайтын болсын.
5. Осы Жарлықтың орындалуына бақылау жасау Қазақстан
Республикасының Президентi жанындағы Бас бақылау инспекциясы мен
республика Президентiнiң аймақтар бойынша өкiлдерiне жүктелсiн.
6. Жарлық жарияланған күнiнен бастап күшiне енедi.
Қазақстан Республикасының
Президентi
Қазақстан Республикасы
Президентiнiң
1994 жылғы 15 шiлдедегi
N 1805 Жарлығына
Қосымша
Зейнеткерлердi және халықтың табысы аз жiктерiн
әлеуметтiк қорғау жөнiндегi аймақтық қайырымдылық
қорларының
Мөлшерi
(барабарлығы-мың АҚШ
доллары)
--------------------------------------------------------------------
Облыстар және республикалық ! Барлығы ! Оның iшiнде республикалық
бағыныстағы қалалар ! ! бюджет есебiнен
--------------------------------------------------------------------
1. Ақмола 2562 1200
2. Ақтөбе 2023 994
3. Алматы 2768 1700
4. Атырау 1200 600
5. Шығыс Қазақстан 3856 1800
6. Жамбыл 2784 1400
7. Жезқазған 1360 600
8. Батыс Қазақстан 2000 1000
9. Қарағанды 4096 1900
10. Қызылорда 1648 824
11. Көкшетау 2128 1084
12. Қостанай 3488 1700
13. Маңғыстау 592 300
14. Павлодар 2768 1200
15. Солтүстiк Қазақстан 2080 1100
16. Семей 2832 1420
17. Талдықорған 2208 1200
18. Торғай 768 438
19. Оңтүстiк Қазақстан 4384 2200
20. Алматы қаласы 4366 2300
21. Ленинск қаласы 80 60
Жиыны 50000 25000
