1. Депутаттардың:
1) Қазақстан Республикасы Парламентiнiң Сенаты депутаттарын сайлау 1995 жылғы 5 желтоқсанға;
2) Қазақстан Республикасы Парламентiнiң Мәжiлiсi депутаттарын сайлау 1995 жылғы 9 желтоқсанға тағайындалсын.
2. Депутаттар сайлауы жөнiндегi сайлау iс-шаралары:
1) Сенат депутаттары бойынша - "Қазақстан Республикасындағы сайлау туралы" Қазақстан Республикасы президентiнiң конституциялық заң күшi бар Жарлығының 70-82, 129-баптарында белгiленген тәртiп пен мерзiмде өткiзiледi;
2) Мәжiлiс депутаттары бойынша - "Қазақстан Республикасындағы сайлау туралы" Қазақстан Республикасы Президентiнiң конституциялық заң күшi бар Жарлығының 86-98-баптарында белгiленген тәртiп пен мерзiмде өткiзiледi деп белгiленсiн.
3. Облыстардың, Алматы қаласының, аудандардың, қалалардың, қалалардағы аудандардың әкiмдерi осы Жарлық күшiне енгiзiлген күннен бастап жетi күннен кешiктiрмей "Қазақстан Республикасындағы сайлау туралы" Қазақстан Республикасы Президентiнiң конституциялық заң күшi бар Жарлығының талаптарына сәйкес аумақтық, округтiк және учаскелiк сайлау комиссияларын құрсын. Қабылданған шешiмдер туралы Қазақстан Республикасының Орталық сайлау комиссиясына дереу хабарлайтын болсын.
4. Қазақстан Республикасының Үкiметi, облыстар мен Алматы қаласының әкiмдерi Парламент сайлауын ұйымдық, материалдық-техникалық және қаржылық жағынан қамтамасыз ету жөнiндегi барлық қажеттi шараларды кiдiрiссiз қабылдасын.
5. Қазақстан Республикасының Әдiлет министрлiгi сайлау iс-шараларының уақытында өткiзiлуiн қамтамасыз ететiн мерзiмде Мәжiлiс депутаттығына кандидаттардың сайлау қорларын тiркеу жөнiнде шаралар қолдансын.
6. Осы Жарлық жарияланған күннен бастап күшiне енедi.
Қазақстан Республикасының
Президентi
