1. Белгiленген әскери қызмет мерзiмiн өткерген мерзiмдi қызметтегi әскери қызметшiлер 1997 жылдың қазан-желтоқсанында Қазақстан Республикасы Қарулы Күштерi, басқа әскерлерi мен әскери құрамалары қатарынан запасқа шығарылсын.
2. Шақыру күнiне дейiн 18 жасқа толған, әскери қызметке шақырылуын кейiнге қалдыру құқығы жоқ ер азаматтар, сондай-ақ шақырылуын кейiнге қалдыру құқығынан айырылған ересек жастағы азаматтар Қазақстан Республикасының Қарулы Күштерiне, басқа әскерлерi мен әскери құрамаларына 1997 жылдың қазан-желтоқсанында мерзiмдi әскери қызметке шақырылсын.
3. Облыстар мен Алматы қаласының әкiмдерi Қазақстан Республикасының Қорғаныс министрлiгiмен өзара iс-әрекет жасай отырып, жергiлiктi өкiлдi органдармен бiрге әскери комиссариаттар арқылы облыстық қалалық және аудандық шақыру комиссияларының жұмысын қамтамасыз етсiн, шақыруды ұйымдасқан түрде өткiзу және мерзiмдi әскери қызметiн өткеру үшiн шақырылған азаматтарды әскерге жөнелту жөнiнде шаралар қолданатын болсын.
4. Қазақстан Республикасының Iшкi iстер министрлiгi мерзiмдi әскери қызметке шақырудан жалтарған адамдарды iздестiру және оларды қылмыстық жауапкершiлiкке тарту шараларын қолдансын.
5. Қазақстан Республикасының Бас Прокуратурасы "Жалпыға бiрдей
әскери мiндеттiлiк және әскери қызмет туралы" Қазақстан
Республикасының Заңы мен осы Жарлықтың дәл және бiркелкi қолданылуын
қадағалауды қамтамасыз етсiн.
6. Осы Жарлық жарияланған күнiнен бастап күшiне енедi.
Қазақстан Республикасының
Президентi
