"Жалпыға бiрдей әскери мiндеттiлiк және әскери қызмет туралы" Қазақстан Республикасының Заңына Z939000_ сәйкес қаулы етемiн:
1. Белгiленген әскери қызмет мерзiмiн өткерген мерзiмдi әскери қызметтегi әскери қызметшiлер 1998 жылдың қазан-желтоқсанында Қазақстан Республикасы Қарулы Күштерi, басқа әскерлерi мен әскери құрамалары қатарынан запасқа шығарылсын.
2. Шақыру күнiне дейiн 18 жасқа толған, әскери қызметке шақырылуын кейiнге қалдыру құқығы жоқ ер азаматтар, сондай-ақ шақырылуын кейiнге қалдыру құқығынан айырылған ересек жастағы азаматтар Қазақстан Республикасының Қарулы Күштерiне, басқа әскерлерi мен әскери құрамаларына 1998 жылдың қазан-желтоқсанында мерзiмдi әскери қызметке шақырылсын.
3. Облыстар және Астана мен Алматы қалаларының әкiмдерi Қазақстан Республикасының Қорғаныс министрлiгiмен өзара iс-әрекет жасай отырып, жергiлiктi өкiлдi органдармен бiрге әскери комиссариаттар арқылы облыстық, қалалық және аудандық шақыру комиссияларының жұмысын қамтамасыз етсiн, шақыруды ұйымдасқан түрде өткiзу және мерзiмдi әскери қызметiн өткеру үшiн шақырылған азаматтарды әскерге жөнелту жөнiнде қажеттi шаралар қабылдайтын болсын.
4. Қазақстан Республикасының Бас Прокуратурасы "Жалпыға бiрдей
әскери мiндеттiлiк және әскери қызмет туралы" Қазақстан
Республикасының Заңы мен осы Жарлықтың дәл және бiркелкi қолданылуын
қадағалауды қамтамасыз етсiн.
5. Осы Жарлық жарияланған күнiнен бастап күшiне енедi.
Қазақстан Республикасының
Президентi
