--------------Бұйрықтан үзінді--------------
"Заңға тәуелдi актiлердi жетiлдiру бойынша шаралар туралы" Қазақстан Республикасы Премьер-Министрiнiң 2004 жылғы 20 наурыздағы N 77-ө өкiмiн iске асыру мақсатында БҰЙЫРАМЫН:
1. Қоса берiлген тiзбеге сәйкес Қазақстан Республикасы Қаржы министрiнiң кейбiр бұйрықтарының күшi жойылсын.
2. Қазақстан Республикасы Қаржы министрлiгiнiң Заң қызметi департаментi (Д.В. Вагапов) қоса берiлген тiзбеде көрсетiлген бұйрықтардың күшi жойылды деп тану туралы Қазақстан Республикасы Әдiлет министрлiгiне белгiленген тәртiппен бiр апталық мерзiмде хабарласын.
3. Осы бұйрық қол қойылған күнінен бастап қолданысқа енгiзiледi.
Министр
Қазақстан Республикасы
Қаржы министрiнің
2005 жылғы 3 маусымдағы
N 211 бұйрығына қосымша
Қазақстан Республикасы Қаржы министрiнiң күшiн
жойған кейбiр бұйрықтарының тiзбесi
8. "Алкоголь өнiмдерiне түгендеу жүргізу туралы" Қазақстан Республикасы Мемлекеттiк кiрiс министрiнiң 2001 жылғы 27 маусымдағы N 846 бұйрығы (Қазақстан Республикасы Әдiлет министрлiгiнде 2001 жылғы 29 маусымдағы N 1558 тiркелген, Қазақстан Республикасының орталық атқарушы және басқа мемлекеттiк органдарының нормативтiк құқықтық актiлерiнiң бюллетенiнде 2001 жылы жарияланған, N 25, 433-құжат)...
--------------------------------------------
Қазақстан Республикасы Үкіметінің 2001 жылғы 21-маусымдағы N 846 "Акцизделетін тауарлардың жекелеген түрлерін акциздік алым таңбаларымен таңбалау туралы" P010846_ қаулысын орындау үшін БҰЙЫРАМЫН:
1. 1999 жылғы үлгідегі акциздік алым таңбаларымен таңбаланған отандық алкоголь өніміне түгендеуді жүргізу жөніндегі қоса беріліп отырған нұсқаулық бекітілсін.
2. Облыстар, Алматы және Астана қалалары бойынша салық комитеті, Қазақстан Республикасы Мемлекеттік кіріс министрлігі Акцизделетін өнімнің өндірілуіне және айналымына мемлекеттік бақылау жөніндегі комитетінің аумақтық басқармалары 2001 жылғы 1-шілдедегі жағдай бойынша тиісті аумақтарда орналасқан өндіруші кәсіпорындардың отандық өндірістегі алкоголь өніміне түгендеу жүргізуді қамтамасыз етсін.
3. Қазақстан Республикасы Мемлекеттік кіріс министрлігінің Кеден комитеті:
бір апталық мерзімде 1999 жылғы үлгідегі акциздік алым таңбаларымен таңбаланған импорттық алкоголь өніміне түгендеуді жүргізу туралы нұсқаулықты әзірлеп, оны министрдің бекітуіне тапсырсын.
импорттық өндірістегі, оның ішінде Тәуелсіз мемлекеттер Ынтымақтастығына мүше елдер өндірісіндегі 2001 жылғы 1-шілдедегі жағдай бойынша жаңа үлгідегі акциздік таңбалармен таңбалануға тиіс алкоголь өніміне түгендеу жүргізуді қамтамасыз етсін.
4. Қазақстан Республикасы Мемлекеттік кіріс министрлігі Алкоголь өнімінің өндірілуіне және айналымына мемлекеттік бақылау жөніндегі комитеті (Н. Шайдаров) осы бұйрықтың Қазақстан Республикасының Әділет министрлігінде тіркелуін қамтамасыз етсін.
5. Қазақстан Республикасы Мемлекеттік кіріс министрлігінің Әкімшілік департаменті (С.К. Елшібеков) кеден комитетінің, Салық комитетінің облыстар, Алматы және Астана қалалары бойынша, Қазақстан Республикасы Мемлекеттік кіріс министрлігінің Акцизделетін өнімнің өндірілуіне және айналымына мемлекеттік бақылау жөніндегі комитетінің бірінші басшыларына осы бұйрықты жеткізсін.
7. Осы бұйрықтың орындалуына бақылау жасау Қазақстан Республикасы Мемлекеттік Кіріс вице-министрі Ұ.С. Байжановқа жүктелсін.
8. Қазақстан Республикасының Әділет министрлігінде 1999 жылғы 15 маусымда N 806 V990806_ тіркелген Қазақстан Республикасы Мемлекеттік кіріс министрлігінің 1999 жылғы 1 маусымдағы N 592 "Отандық өндірістегі алкоголь және темекі өнімінің акциздік таңбаларын есепке алу, сақтау және сату Ережелерін бекіту туралы" бұйрығының күші жойылды деп танылсын.
9. Осы бұйрық мемлекеттік тіркелген күнінен бастап күшіне енеді.
Министр
Қазақстан Республикасы
Мемлекеттік кіріс министрінің
2001 жылғы 27 маусымдағы N 846
бұйрығымен бекітілген
1999 жылғы үлгідегi акциздiк алым таңбаларымен
таңбаланған отандық алкоголь өнiмiне түгендеудi
жүргiзу жөнiндегі
Нұсқаулық 1. Жалпы ережелер
1. Осы нұсқаулық Қазақстан Республикасы Үкiметiнiң 2001 жылғы 21 маусымдағы N 846 P010846_ 6 "Акцизделетiн тауарлардың жекелеген түрлерiн акциздiк алым таңбаларымен таңбалау туралы қаулысына сәйкес әзiрленген.
2. Алкоголь өнiмiнiң акциздiк алым таңбаларының жаңа үлгiсi 5 түрге бөлiнедi: арақ, күштi алкогольды және әлсiз алкогольды iшiмдiктер, шарап, коньяк.
3. Акциздiк алым таңбаларының жаңа үлгiсiмен таңбалануға жататын алкоголь өнiмiн түгендеу бiр реттiк сипатта болады және оны аталған өнiмдi өндiрудi жүзеге асыратын заңды және жеке тұлғалар өз күштерiмен Қазақстан Республикасының аумағында ары қарай сатылуы үшiн таңбалануға тиiс тауарлардың әрi аталған тауарларды таңбалау үшiн қажеттi таңбалардың санын анықтау мақсатымен жүргiзедi.
2. Түгендеудi жүргiзу тәртiбi
4. Тауарларды түгендеудi жүргiзу үшiн әрбiр кәсiпорында (ұйымда) мына құрамда комиссия құрылады: комиссия төрағасы-бiрiншi басшы немесе оның орынбасарлары, материалдық-жауапты тұлға және басқа қызметкерлер.
5. Түгендеудiң дер кезiнде жүргiзілуiне және оның тәртiбiнiң сақталуына, түгендеу тiзiмдеме-кесiмдерiне енгiзiлген тауарлардың іс жүзiндегі қалдықтары туралы мәлiметтердiң толықтығына әрi дәлдiгiне, түгендеу кесiмдерiндегi тауарлар атауларының дұрыс көрсетілуiне комиссия жауап бередi.
6. Тауарлар туралы мәлiметтер (өнiм түрi, саны-данасы) екi данада жасалатын түгендеу тiзiмдеме-кесiмдерiне жазылады. Тiзiмдеме-кесiмнiң бiр данасы заңды және жеке тұлғалардың тiркелген орны бойынша тиiстi салық органына жiберiледi.
7. Жаңа үлгідегi акциздiк алым таңбаларын алу үшiн заңды және жеке тұлғалар тиiстi салық органына өтiнiш жасайды.
8. Салық комитеттерiнiң лауазымды тұлғалары түгендеу тiзiмдеме-кесiмдерiнде көрсетiлген кез-келген мәлiметтердiң дұрыстығын тексеруге, сондай-ақ қоймадағы тауарлардың бар болуына iшiнара тексерудi жүзеге асыруға құқығы бар.
Тексеру түгендеу комиссиясы мүшелерiнiң қатысуымен жүргiзiледi.
9. Алкоголь өнiмiнiң iс жүзiндегi қалдықтары мен тiзiмдеме кесiмдерде көрсетiлген мәлiметтер арасында алшақтықтар (сәйкес келмеушіліктер) байқалған жағдайда, салық комитеттерiнiң қызметкерлерi кесiм жасайды әрi Қазақстан Республикасында қолданылып жүрген заңнамаға сәйкес шаралар қолданады.
Анықталған алшақтықтар түзетiлген жағдайда тiзiмдеме кесiмнiң әрбiр парағына түгендеу комиссиясының әрбiр мүшесi әрбiр параққа осы парақта көрсетiлген барлық тауарлардың жалпы санын (натуралдық көрсеткiштермен) жазбаша түрде көрсете отырып, қол қояды.
3. Өтiнiштердi қабылдау және таңбаларды беру тәртiбi
10. Қазақстан Республикасының аумағындағы таңбалануға тиiс тауарларды түгендеу тiзiмдеме-кесiмдерi мен жаңа үлгiдегi акциздiк алым таңбаларын алу үшiн керек өтiнiштер заңды және жеке тұлғаның тiркелген орны бойынша салық комитеттерiне тапсырылады.
Аумақтық салық комитеттерi жинақтық тiзімдеме-кесiмдердi ресiмдейдi және жаңа үлгiдегi акциздiк алым таңбаларын алу үшiн облыстық салық комитеттерiне жiбередi.
11. Акциздiк таңбаларды берудi облыстық салық комитеттерi мына құжаттарды тапсырған жағдайда жүзеге асырады:
акциздiк алым таңбаларын сатып алуға өтiнiш (1-қосымша);
заңды тұлға немесе жеке кәсiпкер ретiнде мемлекеттiк тiркелгенi туралы куәлiк (көшiрме);
салық төлеушi ретiнде тiркелгенi туралы анықтама;
қызметтiң тиiстi түрiне лицензиялар (көшiрмелер);
2001 жылғы 1-шiлдедегi жағдай бойынша алкоголь өнiмiнiң тiзiмдеме кесiмi;
акциздiк таңбалар үшiн ақшалай қаражаттардың аударылғаны туралы төлем тапсырысы;
акциздiк таңбаларды алу үшiн сенiмхат;
таңбаларды беру журналында тiркелетiн акциздiк таңбаларды алатын адамды куәландыратын құжаттар.
12. Тәркiленген алкоголь өнiмiн таңбалау үшiн тәркіленген алкоголь өнiмiн сатумен айналысатын ұйымдарға акциздiк таңбаларды берудi облыстық салық комитеттерi берiлген тапсырыстардың негiзiнде, сондай-ақ мына құжаттарды көрсеткен жағдайда жүзеге асырады:
акциздiк таңбалардың көрсетiлген санын алу үшiн бiрiншi басшының және бас бухгалтердiң қолы қойылған, мөрмен расталған таңбаларды алушының атына берiлген сенiмхаттың түпнұсқасы;
тәркiленген акцизделетiн өнiмдi сату келiсiм-шарттары;
2001 жылғы 1 шілдедегi жағдай бойынша заңды немесе жеке тұлғаның тәркiленген акцизделетiн өнiмнiң түгендеу тiзiмдеме-кесiмi;
РМК-ның есепшотына ақшалай қаражаттардың түскенi туралы белгiсiмен акцизделген таңбалар үшiн төлегенi туралы төлем тапсырысының көшiрмесi;
акциздiк таңбаларды алушының төлқұжаты немесе жеке куәлiгi.
13. Облыстық салық комитеттерi заңды және жеке тұлғаларға акциздiк таңбаларды берудi қатаң түрде тапсырылған өтiнiштерге сәйкес жүзеге асырады.
4. Акциздiк таңбаларды жою тәртiбi
14. Кәсiпорындар мен ұйымдарда таңбалау барысында пайдаланылмаған 1999 жылғы үлгiдегi акциздiк таңбалар болған жағдайда, олар үшiн жеке тiзiмдеме-кесiмдер жасалады.
15. 1999 жылғы үлгідегi пайдаланылмаған акциздiк таңбалар өртеу жолымен жоюға жатады.
16. Пайдаланылмаған акциздiк таңбаларды жою комиссияның қатысуымен тиiстi салық комитетi бiрiншi басшысының бұйрығымен белгiленетiн орында жүргiзiледi.
17. Пайдаланылмаған акциздiк таңбаларды жою жөнiндегi құрамы ең кемi 5 адамнан тұратын комиссияның құрамын тиiстi салық комитетiнiң бiрiншi басшысы бекiтедi.
18. 1999 жылғы үлгiдегi пайдаланылмаған акциздiк таңбаларды жою жөнiндегi комиссия құрамына мiндеттi түрде бiрiншi басшы немесе ол уәкiлеттiк берген тұлға, бас бухгалтер мен таңбаларды берген тиiстi салық комитетiнiң материалды-жауапты тұлғасы және акциздiк таңбаларды алушы ұйымның өкiлi кiредi.
19. Таңбалардың iс жүзiнде жойылғаны туралы кесiм екi данада жасалады, онда жойылған таңбалардың нөмiрi мен саны көрсетіледі (2-қосымша). Кесімнің әрбір данасына комиссия мүшелері қол қояды әрі ол тиісті салық комитетінің мөрімен расталады.
Кесімнің бір данасы тиісті салық комитетінде қалады, ал екінші данасы екі күндік мерзімде Қазақстан Республикасының мемлекеттік кіріс министрлігіне жіберіледі.
20. Таңбалануға тиіс тауарларды түгендеуді жүргізбеген тұлғалардан келіп түскен өтініштерді салық комитеттері қабылдамайды.
21. 2001 жылғы 1-шілдеден бастап алкоголь өнімін өндіруді жүзеге асыратын заңды және жеке тұлғалар жаңа үлгідегі акциздік таңбалары жоқ тауарларды босатуға құқы жоқ.
1-қосымша
_________________________________________________________төрағасына
(Салық комитетiнiң атауы)
___________________________________________________________________
(аты-жөнi, тегi)
___________________________________________________________________
Акциздiк таңбаларды алуға өтiнiш
____________________________________________________________________
(ұйымның атауы, мекен-жайы, банкiлiк деректемелерi)
____________________________________________________________________
____________________________________________________________________
мына тауарлар үшiн акциздiк таңбаларды беруiңiздi өтiнедi:
_________________________________________________________ мөлшерiнде
(таңба түрi) (жазбаша, дана)
_________________________________________________________ мөлшерінде
(таңба түрi) (жазбаша, дана)
_________________________________________________________ мөлшерінде
(таңба түрi) (жазбаша, дана)
Таңбалардың көрсетілген саны мына тауарларды шығару үшiн қажет:
____________________________________________________________________
(өнiм түрi, сыйымдылық түрi көрсетiлген шөлмек саны)
____________________________________________________________________
____________________________________________________________________
Таңбаларды сатып алу үшiн қажет ақшалай қаражаттар "ҚазАлкоОрталық"
республикалық мемлекеттiк кәсiпорнының ___ есепшотына 200 ж.___ N__
төлем тапсырысымен____________________________сомасында енгiзiлген.
(сомасы жазбаша)
Акциздiк таңбаларды есепке алу, сақтау және сату ережелерiмен
таныстым. Акциздiк таңбалар өтемсiз жоғалғанда, талан-таражға
түскенде және т.б. жағдайда бюджетке акциздiң белгiленген сомасын
төлеуге мiндеттенемiн.
Ұйым басшысы _________________________________________________
(Аты-жөнi, қолы)
Бас бухгалтер _______________________________________________
(Аты-жөнi, қолы)
М.О.
Таңбалар үшiн қаржылардың түскенi туралы
"ҚазАлкоОрталық" РМК-ның белгiсi
жауапты тұлғаның қолы, дата
2-қосымша
Акциздiк таңбаларды жою кесiмi
Қазақстан Республикасы Үкiметiнiң 2001 жылғы 21 маусымдағы
N 846 P010846_ "Акцизделетiн тауарлардың жекелеген түрлерiн
акциздiк алым таңбаларымен таңбалау туралы" қаулысын орындау үшiн
бiздер, мына құрамдағы комиссия:
_________________________________________________________________ _________________________________________________________________ _________________________________________________________________
мөлшерi ____________________________________________________ дана
болатын акциздiк таңбаларды өртеу жолымен есептен шығаруды әрi жоюды
жүргiздiк.
оның iшiнде:
арақ ________________________________________________________ дана
(таңба түрi, саны)
N _________________________________________________________
күшті алкогольды ішімдіктер__________________________________ дана
N _________________________________________________________
әлсiз алкогольды iшiмдiктер _________________________________ дана
N _________________________________________________________
шарап________________________________________________________ дана
N _________________________________________________________
коньяк_______________________________________________________ дана
N _________________________________________________________
Төраға
1) ____________________
(Аты-жөнi, лауазымы) (қолы)
Комиссия мүшелерi:
2) _____________________ (қолы)
(Аты-жөнi, лауазымы)
3) _____________________ (қолы)
(Аты-жөнi, лауазымы)
4) _____________________ (қолы)
(Аты-жөнi, лауазымы)
5) _____________________ (қолы)
(Аты-жөнi, лауазымы)
