Ескерту. Күші жойылды - Шығыс Қазақстан облысы Семей қаласының әкімдігінің 2009.05.19 N 624 қаулысымен
Апаттылықты төмендету, көлік кешені жұмысының қауіпсіздігін жоғарылату, мемлекеттік органдардың, қоғамдық бірлестіктер мен ұйымдардың көлікте қауіпсіздікті қамтамасыз ету мәселелері жөніндегі іс-қимылын үйлестіру бойынша ұсыныстар жасау мақсатында қала әкімдігі ҚАУЛЫ ЕТЕДІ:
1. Көлікте қауіпсіздікті қамтамасыз ету жөніндегі қалалық комиссия 1-қосымшаға сәйкес құрылсын.
2. Көлікте қауіпсіздікті қамтамасыз ету жөніндегі қалалық комиссия туралы ереже 2-қосымшаға сәйкес бекітілсін.
3. Әкімдіктің осы қаулысының атқарылуын бақылау қала әкімінің орынбасары Қ. Е. Төлесбаевқа жүктелсін.
4. Комиссияның дербес құрамы қалалық мәслихат сессиясының бекітуіне енгізілсін.
5. Қала әкімінің 2000 жылғы 2 қыркүйектегі N 568 шешімнің күші жойылды деп танылсын.
6. 2002 жылғы 2 шілдедегі N 356 шешімнің күші жойылсын.
Қала әкімі
Қала әкімдігінің
2002 жылғы 6 тамыздағы
N 431 қаулысына
1 қосымша
Көлікте қауіпсіздікті қамтамасыз ету
жөніндегі қалалық комиссияның
ҚҰРАМЫ
Төлесбаев Қанатжан Есентайұлы |
қала әкімінің орынбасары, комиссия төрағасы |
Садықов Серғазы Мауконұлы |
төтенше жағдайлар жөніндегі қалалық басқарманың бастығы, төрағаның орынбасары |
Бақтолықов Данияр Әнуарбекұлы |
қала әкімі аппаратының коммуналдық шаруашылық және тұрғын үйлерді есепке алу бөлімінің бас маманы, хатшы |
Әкімбеков Болат Рымғалиұлы |
өнеркәсіп, көлік және байланыс комитетінің бастығы |
Балтабай Ербол Лұқпанұлы |
білім және жастар басқармасының бастығы міндетін атқарушы |
Бергенев Төлеш Садуақасұлы |
N 26 жол-пайдалану учаскесінің бастығы |
Ершов Александр Анатольевич |
тұрғын үй-коммуналдық шаруашылық басқармасының бастығы |
Есенғожинов Нұртөлеу Маянұлы |
"Семейавиа" ААҚ президенті (келісімі бойынша) |
Жұмағұлов Ғали Мерғазыұлы |
жол полициясы бөлімшесінің бастығы |
Құсайынов Талғат Ақашұлы |
Семей аймағы бойынша төтенше жағдайлардың алдын алу және жою және тау-кен қадағалау жөніндегі мемлекеттік инспекцияның бастығы |
Қажығұлов Аспан Қайыртайұлы |
"Қазақстан Темір Жолы" РМК Семей тасымалдау бөлімшесінің бастығы |
Мақашев Асқар Қайырұлы |
денсаулық сақтау басқармасы бастығының орынбасары |
Рахымбаев Ғылымбек Төлеубайұлы |
N 25 жол-пайдалану учаскесінің бастығы |
Тыныкин Диас Леонович |
көлік құралдары жүргізушілері қалалық одағының директоры (келісімі бойынша) |
Аппарат басшысы
Қала әкімдігінің
2002 жылғы 6 тамыздағы
N 431 қаулысына
2 қосымша
Көлікте қауіпсіздікті қамтамасыз ету жөніндегі
қалалық комиссия туралы
ЕРЕЖЕ
1. Көлікте қауіпсіздікті қамтамасыз ету жөніндегі қалалық комиссия (бұдан әрі - комиссия) қалалық басқармалар мен комитеттердің, жергілікті атқарушы органдардың, меншік нысандарына қатыссыз шаруашылық жүргізуші субъектілердің, ғылыми, қоғамдық ұйымдар мен бірлестіктердің көлікте қауіпсіздікті қамтамасыз етуге; тиісті мемлекеттік және аймақтық бағдарламаларды жасауға және іске асыруға; осы мақсаттарға бөлінетін қаржыны тиімді пайдалануға байланысты мәселелер жөніндегі іс-қимылын үйлестіру бойынша ұсыныстар жасауға арналған қалалық консультативтік-кеңесші орган болып табылады.
2. Комиссия өз қызметін:
1) көлікте апаттылық себептерін зерделеу және талдау және қозғалыс қауіпсіздігін жүзеге асыру жөніндегі ұсынымдарды жасау;
2) басымдықтарды анықтау және көлікте апаттылықты төмендету жөніндегі мемлекеттік және аймақтық бағдарламаларды, жобалар мен іс-шараларды жасауға және іске асыруға жәрдемдесу;
3) ғылыми-техникалық әлеуетті, материалдық-техникалық ресурстар мен бюджеттен бөлінген күрделі қаржыларды дамытуға және қала мен елді мекендердің көшелер желісінде қозғалысында қауіпсіздікті қамтамасыз етудің басымдықты бағыттарына шоғырландыру, жылжымалы құрамның техникалық сипаттамаларын жақсарту, көлік құралдары жүргізушілерінің кәсіптік деңгейін жоғарылату, жол полициясы қызметкерлері мен көлік құралдарының жүргізушілерін жол - көлік оқиғаларында зардап шеккендерге бастапқы медициналық көмек көрсетуге оқыту;
4) Қазақстан Республикасының қолданыстағы заңнамалық және нормативтік актілеріне көлікте қауіпсіздікті қамтамасыз ету мәселелері бойынша қажетті өзгерістер мен толықтырулар енгізу жөнінде ұсыныстар әзірлеуге қатысу;
5) басқармалар мен комитеттердің, жергілікті атқарушы органдардың, шаруашылық жүргізуші субъектілердің және қоғамдық бірлестіктердің көліктегі оқиғалардың алдын алу мәселелері жөніндегі жұмыс тәжірибесін зерделеу, осы жұмыстағы оң тәжірибені тарату;
6) қалалық басқармалар мен комитеттердің, жергілікті атқарушы органдардың, шаруашылық жүргізуші субъектілердің және қоғамдық бірлестіктердің ұсыныстарын талдау және көлікте қауіпсіздікті қамтамасыз ету жөніндегі ұсынымдарды жасау;
7) жергілікті, ведомстволық қызметтер мен қоғамдық бірлестіктердің көлікте қауіпсіздікті қамтамасыз ету жөніндегі қызметіне жәрдемдесу және көмек көрсету;
8) халықтың барлық жастағы топтарын Жол қозғалысы ережелеріне оқытуға, бұқаралық ақпарат құралдары арқылы жол қозғалысы қауіпсіздігі жөніндегі білімді таратуға жәрдемдесу;
9) көлікте қауіпсіздікті қамтамасыз ету жөніндегі шет елдердің алдыңғы қатарлы тәжірибесін зерделеу, көлікте қозғалыс қауіпсіздігін қамтамасыз етудің халықаралық ұйымдық тетіктерін енгізу жөніндегі ұсыныстарды әзірлеу - бағыттары бойынша жүзеге асырады.
3. Комиссия мыналарға құқылы:
1) басқармалар мен комитеттерден, селолық округтер мен кенттер әкімдерінен, шаруашылық жүргізуші субъектілерден олардың көлікте қауіпсіздікті қамтамасыз ету мәселелері жөніндегі қызметін көрсететін мәліметтерді алуға;
2) басқармаларды, комитеттерді, меншік нысандарына қатыссыз кәсіпорындар мен ұйымдарды көлікте қауіпсіздікті қамтамасыз ету мәселелері бойынша тексерулер жүргізуді ұйымдастыруға;
3) өз мәжілістерінде көлікте қауіпсіздікті қамтамасыз ету мәселелері бойынша басқармалар мен комитеттер бастықтарының баяндамалары мен есептерін тыңдауға;
4) басқармалар мен комитеттерге, селолық округтер мен кенттер әкімдеріне, кәсіпорындар мен ұйымдарға ведомстволық бағыныстағы көлікте қауіпсіздікті қамтамасыз етпеген басшыларды тәртіптік жауапкершілікке тарту туралы ұсыныстар енгізуге;
5) тиісті басқармалар мен комитеттер басшыларының, селолық округтер мен кенттер әкімдерінің, кәсіпорындар мен ұйымдардың келісімі бойынша білікті мамандарды көлікте қауіпсіздікті қамтамасыз етуге қатысты мәселелер бойынша материалдар әзірлеуге қатысу, сондай-ақ басқармалар мен комитеттердің, селолық округтер мен кенттер әкімдерінің, кәсіпорындар мен ұйымдардың осы мәселелер жөніндегі Үкімет қаулыларын, қала әкімінің және комиссияның шешімдерін орындауын зерделеу және талдау үшін тартуға құқылы.
4. Комиссия өз жұмысын комиссия төрағасы бекіткен жоспарға сәйкес жүргізеді. Комиссия мәжілістері тоқсанына бір реттен сиретпей өткізіледі. Комиссия шешімдері хаттамамен ресімделеді және ұсынымдық сипатта болады.
5. Комиссия жұмысын ұйымдық-техникалық қамтамасыз етуді қала әкімінің аппараты жүзеге асырады.
6. Көлікте қауіпсіздікті қамтамасыз ету жөніндегі комиссия қала әкімдігі жанындағы тұрақты орган болып табылады, ол комиссияның құрамын белгілейді және бекітеді.
Аппарат басшысы
