Ескерту: Бұйрықтың күші жойылды - ҚР Қаржы министрінің 2006 жылғы 16 тамыздағы N 304 бұйрығымен.
--------------Бұйрықтан үзінді------------------
БҰЙЫРАМЫН:
1. Осы бұйрықтың қосымшасына сәйкес Қазақстан Республикасы Қаржы министрiнiң кейбiр бұйрықтарының күшi жойылды деп танылсын.
2. Қазақстан Республикасы Қаржы министрлiгiнiң Қазынашылық комитетi (Шәженова Д.М.) бiр апта мерзiмде қабылданған шешiм туралы Қазақстан Республикасы Әдiлет министрлiгiне және "Заң" Медиа-корпорация" жауапкершiлiгi шектеулi серiктестiгiне хабарласын.
3. Осы бұйрық қол қойылған күнінен бастап күшiне енедi.
Министр
Қазақстан Республикасы
Қаржы министрiнiң
2006 жылғы 16 тамыздағы
N 304 бұйрығына қосымша
Қазақстан Республикасы Қаржы министрiнiң
күшi жойылған кейбiр бұйрықтарының
тiзбесi
...
7. "Облыстық бюджеттерге, Астана және Алматы қалаларының бюджеттерiне республикалық бюджеттен бөлiнген бюджеттiк кредиттер бойынша өтелмеген борыштың сомасын есептен шығару ережесiн бекiту туралы" Қазақстан Республикасы Қаржы министрiнiң 2003 жылғы 21 мамырдағы N 206 бұйрығы (Нормативтiк құқықтық актiлердi мемлекеттiк тiркеу тiзiлiмiнде N 2367 болып тiркелген)...
--------------------------------
"Бюджет жүйесі туралы" Қазақстан Республикасының Заңына енгізілген өзгерістер мен толықтыруларға сәйкес және кредиттік келісімнің шарттары бұзылған жағдайда, Республикалық бюджеттен облыстық бюджеттерге, Астана және Алматы қалаларының бюджеттеріне бөлінген кредиттерді қайтару тетігін әзірлеу мақсатында бұйырамын:
1. Облыстық бюджеттерге, Астана және Алматы қалаларының бюджеттеріне республикалық бюджеттен бөлінген бюджеттік кредиттер бойынша өтелмеген борыштың сомасын есептен шығару ережесі бекітілсін.
2. "Республикалық бюджеттен және облыстық бюджеттерден, Астана және Алматы қалаларының бюджеттерінен берілген бюджеттік кредиттер бойынша өтелмеген борыш сомасын жергілікті бюджеттердің сомасынан есептен шығару ережесі" туралы Қазақстан Республикасы Қаржы министрінің 2001 жылғы 31 қаңтардағы N 46 бұйрығының (Қазақстан Республикасының Әділет министрлігінде 2001 жылғы 24 ақпандағы N 1407 тіркелген, "Қазақстан Республикасы орталық атқарушы және өзге де мемлекеттік органдардың нормативтік құқықтық актілерінің бюллетені", 2001 жыл N 12, 343-құжат") күші жойылды деп танылсын.
3. Мемлекеттік борыш және кредит беру департаменті осы бұйрықтың мемлекеттік тіркелуін қамтамасыз етсін.
4. Осы бұйрық Қазақстан Республикасының Әділет министрлігінде мемлекеттік тіркелген күнінен бастап қолданысқа енгізіледі.
Қазақстан Республикасының
Қаржы министрі
Қазақстан Республикасы
Қаржы министрінің
2003 жылғы 21 мамырдағы
N 206 бұйрығымен
бекітілген
Облыстық бюджеттерге, Астана және Алматы қалаларының бюджеттеріне республикалық бюджеттен бөлінген бюджеттік кредиттер бойынша өтелмеген борыштың сомасын есептен
шығару ережесі
1. Осы Ереже облыстық бюджеттерге, Астана және Алматы қалаларының бюджеттеріне республикалық бюджеттен бөлінген бюджеттік кредиттер (бұдан әрі - бюджет кредиті) бойынша жергілікті атқарушы органдардың борыштарын шартпен белгіленген мерзімдерде өтелмеген жағдайда есептен шығару тәртібін анықтайды. Толығымен автоматтандырылған қазынашылық жүйесінің зерттеулерін орнату және аяқтау жүргізілген Қазақстан Республикасының аумақтарында өтелмеген бюджет кредитінің сомасын, сондай-ақ бюджет кредитінің мақсатсыз пайдалану сомасын есептен шығару толығымен автоматтандырылған қазынашылық жүйесінің зерттеулерін орнату және аяқтау жүргізілмеген жергілікті бюджеттер қолма-қол ақшасының бақылау шоттарынан - жергілікті бюджеттердің (бұдан әрі - жергілікті бюджеттердің шоты) ағымдағы шоттарынан жүзеге асырылады.
2. Жергілікті бюджеттердің шотынан есептен шығару тиісті атқарушы органдардың келісімінсіз кредиттік шарттың күшіне бюджеттік кредиттерді шартпен белгіленген мерзімдерде өтелмеген жағдайда республикалық бюджеттің кіріс шотына жергілікті бюджеттердің есебінен ақша аударымын жасауды білдіреді.
3. Қазақстан Республикасы Қаржы министрлігі кредиттік шартта анықталған бюджет кредитін өтеу мерзімі бұзылған кезде есептен шығаруға жататын бюджет кредитінің сомасын көрсете отырып, жергілікті бюджеттердің шоттарынан есептен шығару үшін Қазақстан Республикасы Қаржы министрлігінің Қазынашылық комитетіне (бұдан әрі - Қазынашылық комитеті) өтінім ұсынады.
4. Қазынашылық комитеті Қазақстан Республикасы Қаржы министрлігінің өтінімінің негізінде қазынашылықтың тиісті аумақтық органына жергілікті бюджеттердің шоттарынан бюджет кредитінің сомасын есептен шығару туралы жазбаша өкімді жібереді.
5. Қазынашылықтың аумақтық органы мемориалдық ордермен жергілікті бюджеттің шотынан облыстық бюджетке, Астана және Алматы қалаларының бюджетіне республикалық бюджеттен берілген өтелмеген борыштың сомасын Кірістердің бірыңғай бюджеттік сыныптамасына есептен шығаруды жүзеге асырады.
