Күші жойылды - Қазақстан Республикасы Қаржы нарығын және қаржы ұйымдарын реттеу мен қадағалау агенттігі басқармасының 2007.11.30. N 257 (қолданысқа енгізілу тәртібін 5-тармақтан қараңыз) Қаулысымен.
Екінші деңгейдегі банктердің қаржылық тұрақтылығын қамтамасыз ету және олардың депозиторларының мүддесін қорғау мақсатында Қазақстан Республикасы Ұлттық Банкінің Басқармасы ҚАУЛЫ ЕТЕДІ:
1. Қазақстан Республикасының Ұлттық Банкі Басқармасының "Екінші деңгейдегі банктердің жарғылық және меншікті капиталдарының ең аз мөлшері туралы" 2001 жылғы 2 маусымдағы N 190 қаулысына (Қазақстан Республикасының нормативтік құқықтық актілерін мемлекеттік тіркеу тізілімінде N 1580 тіркелген, Қазақстан Республикасы Ұлттық Банкінің "Қазақстан Ұлттық Банкінің Хабаршысы" және "Вестник Национального Банка Казахстана" басылымдарында 2001 жылғы 16-29 шілдеде жарияланған, Қазақстан Республикасының нормативтік құқықтық актілерін мемлекеттік тіркеу тізілімінде N 2270 тіркелген, Қазақстан Республикасының Ұлттық Банкі Басқармасының 2003 жылғы 16 сәуірдегі N 118 қаулысымен бекітілген толықтырулармен) мынадай өзгеріс пен толықтыру енгізілсін:
3-тармақ мынадай редакцияда жазылсын:
"3. Барлық банктер үшін меншікті капиталдың ең аз мөлшері мынадай шекте белгіленсін:
1) банкте бір филиал және/немесе есеп айырысу-касса бөлімі (жинақ кассасы) болған жағдайда - 1.000.000.000 (бір миллиард) теңге;
2) банкте бірден астам филиал және/немесе есеп айырысу-касса бөлімі (жинақ кассасы) болған жағдайда - 1.000.000.000 (бір миллиард) теңге әрі оған қоса:
облыс орталығында, сондай-ақ Алматы және Астана қалаларында орналасқан әрбір филиал үшін - 30.000.000 (отыз миллион) теңге;
басқа қалаларда орналасқан әрбір филиал үшін - 15.000.000 (он бес миллион) теңге;
басқа елді мекендерде орналасқан әрбір филиал үшін - 10.000.000 (он миллион) теңге;
облыс орталығында, сондай-ақ Алматы және Астана қалаларында орналасқан әрбір есеп айырысу-касса бөлімі (жинақ кассасы) үшін - 15.000.000 (он бес миллион) теңге;
басқа қалаларда орналасқан әрбір есеп айырысу-касса бөлімі (жинақ кассасы) үшін - 10.000.000 (он миллион) теңге;
басқа елді мекендерде орналасқан әрбір есеп айырысу-касса бөлімі (жинақ кассасы) үшін - 5.000.000 (бес миллион) теңге.";
мынадай мазмұндағы 3-1 тармағымен толықтырылсын:
"3-1. Екінші деңгейдегі банктер 2004 жылғы 1 қаңтарға дейінгі мерзімде өз қызметін осы қаулының 3-тармағына сәйкес келтірсін.".
2. Қаржылық қадағалау департаменті (Бахмутова Е.Л.):
1) Заң департаментімен (Шәріпов С.Б.) бірлесіп осы қаулыны Қазақстан Республикасының Әділет министрлігінде мемлекеттік тіркеуден өткізу шараларын қабылдасын;
2) осы қаулы күшіне енген күннен бастап он күндік мерзімде оны Қазақстан Республикасының Үкіметіне, Қазақстан Республикасы Ұлттық Банкінің аумақтық филиалдарына, екінші деңгейдегі банктерге және Қазақстан қаржыгерлерінің қауымдастығына жіберсін.
