Құқық бұзушылықтың әлеуметтiк алдын алу қалалық Кеңесi туралы

Күшін жойған

Павлодар қалалық әкімиятының 2003 жылғы 13 тамыздағы N 643/18 қаулысы. Павлодар облысының Әділет басқармасында 2003 жылғы 10 қыркүйекте N 2023 тіркелді. Күші жойылды - Павлодар облыстық әкімдігінің 2007 жылғы 12 қаңтардағы N 3/1 қаулысымен.

Ескерту. Күші жойылды - Павлодар облыстық әкімдігінің 2007 жылғы 12 қаңтардағы N 3/1 қаулысымен.

Қазақстан Республикасының 2001 жылғы 23 қаңтардағы "Қазақстан Республикасындағы жергiлiктi мемлекеттiк басқару туралы" Заңына сәйкес, құқық бұзушылықтың және қоғамға қарсы iс-әрекеттердiң алдын алу мәселелерiнде мүдделi мемлекеттiк органдар мен мекемелердiң өзара iс-қимылын ұйымдастыру мақсатында Павлодар қаласының әкiмдiгi ҚАУЛЫ ЕТЕДI:
1. Құқық бұзушылықтың әлеуметтiк алдын алудың қалалық Кеңесi құрылсын (бұдан әрi - Кеңес) және оның құрамы осы қаулының қосымшасына сәйкес бекiтiлсiн.
2. Кеңес туралы қоса берiлiп отырған Ереже бекiтiлсiн.
3. Осы қаулы Қазақстан Республикасы әдiлет Министрлiгiнiң аумақтық органында мемлекеттiк тiркеуден өткен уақыттан бастап екi апта iшiнде ресми жариялансын.
4. Осы қаулының орындалуын бақылау Павлодар қаласы әкiмiнiң орынбасары Х.Т. Оспановқа жүктелсiн.

Павлодар қаласы әкiмiнiң
мiндетiн атқарушы

Павлодар қаласы әкiмдiгiнiң
2003 жылғы 13 тамыздағы
"Құқық бұзушылықтың әлеуметтiк
алдын алу қалалық Кеңесi туралы"
643/18 қаулысына
ҚОСЫМША

Құқық бұзушылықтың әлеуметтiк алдын алу қалалық Кеңесiнiң Құрамы

Оспанов Халел Темiрғалыұлы	қала әкiмiнiң орынбасары, Кеңестiң төрағасы
Шәпенов Шаймаруар Болатұлы	қала iшкi iстер басқармасы бастығының орынбасары, Кеңес төрағасының орынбасары (келiсiм бойынша)
Сагинова Рымкеш Ауғанқызы	ұйымдастыру жұмысы бөлiмiнiң бас маманы, Кеңес хатшысы
Кеңес мүшелерi:
Ахметова Нәйля Әнуарбекқызы	қала iшкi саясат басқармасы бастығының орынбасары
Байғалина Бағлан Нүкешқызы	қала мәдениет басқармасы бастығының орынбасары
Байуақова Мәдина Марғұмарқызы	қала экономика және кәсiпкерлiктi дамыту басқармасының бастығы
Демесiнова Людмила Хатипқызы	қала тұрғындарды әлеуметтiк қорғау басқармасы бастығының орынбасары
Диярова Қамал Диярқызы	қала бiлiм басқармасы бастығының орынбасары
Қаленов Аманкелдi Кинешбайұлы	Павлодар қалалық әскери комиссарының орынбасары (келiсiм бойынша)
Құрмашева Жанар Бектасқызы	Павлодар облысы әдiлет басқармасы кадрлар бөлiмiнiң бастығы (келiсiм бойынша)
Смағұлова Гүлмира Қадырқызы	қала денсаулық сақтау басқармасы бастығының орынбасары
Темiржанов Тұйғынбек Райханұлы	қала жұмыспен қамту басқармасы бастығының орынбасары
Щичко Татьяна Игоревна	қала қаржы басқармасы бөлiмiнiң меңгерушiсi

Павлодар қаласы әкiмдiгiнiң
2003 жылғы 13 тамыздағы
"Құқық бұзушылықтың
әлеуметтiк алдын алу
қалалық Кеңесi туралы"
N 643/18 қаулысымен
БЕКIТIЛГЕН

Құқық бұзушылықтың әлеуметтiк алдын алу қалалық Кеңесi туралы ЕРЕЖЕ

1. Жалпы ережелер

1. Құқық бұзушылықтың әлеуметтiк алдын алу Кеңесi (бұдан әрi - Кеңес) құқық бұзушылықтың және қоғамға қарсы iс-әрекеттердiң алдын алу мәселелерiнде мүдделi мемлекеттiк органдар мен мекемелердiң өзара iс-қимылын ұйымдастыру мақсатында құрылған тұрақты қызмет ететiн үйлестiру органы болып табылады.
2. Кеңес өз қызметiн Қазақстан Республикасының Конституциясына, Қазақстан Республикасының Заңдарына, Қазақстан Республикасы Президентiнiң және үкiметiнiң актiлерiне, Қазақстан Республикасының өзге де нормативтiк құқықтық актiлерiне және осы Ережеге сәйкес жүргiзедi.
3. Кеңестiң жеке құрамы, оның құрамындағы өзгерiстер Павлодар қаласының әкiмдiгiмен бекiтiледi.

2. Кеңестiң мiндеттерi

4. Кеңестiң негiзгi мiндеттерi:
1) құқық бұзушылықтың және қоғамға қарсы iс-әрекеттердiң алдын алуда қатысатын мемлекеттiк органдар мен мекемелердiң қызметiн үйлестiру;
2) бас бостандығынан айыру орындарынан, арнайы емдеу- алдын алу және оқу-тәрбие мекемелерiнен келген, тұратын жерлерiнен, туысқандық және әлеуметтiк байланыстарынан айрылған тұлғаларды әлеуметтiк оңалту жөнiндегi мүдделi органдардың өзара байланысын ұйымдастыру;
3) тұрғындар арасында құқық тәртiбiнiң жағдайы және құқық бұзушылықтың және қоғамға қарсы iс-әрекеттердiң алдын алу бойынша қабылданатын шаралар туралы түсiндiрме жұмысын жүргiзуге бұқаралық ақпарат құралдарын тарту;
4) қылмыстың, құқық бұзушылықтың алдын алу және құқық тәртiбiн күшейту мәселелерiнде қоғамдық және дiни бiрлестiктермен, сонымен бiрге заңды және жеке тұлғалармен өзара байланысты болу.

3. Кеңестiң қызметi

4. Кеңес келесi функцияларды iске асырады:
1) құқық бұзушылықтың, маскүнемдiктiң және алкоголизмнiң, нашақорлық пен уытқұмарлықтың алдын алу аймақтық бағдарламаларының орындалуын ұйымдастырады және бақылайды;
2) бас бостандығынан айыру орындарынан келген, тұратын жерлерiнен, жұмысынан, туысқандық және әлеуметтiк байланыстарынан айрылған азаматтарды жұмысқа орналастыру және тұрмыстық мәселелерiн шешуде, сонымен бiрге алкоголизммен, нашақорлықпен және уытқұмарлықпен ауыратын адамдарға емдеу-әлеуметтiк оңалтуды қамтамасыз етуде мүдделi органдар мен мекемелердiң өзара байланысын ұйымдастырады;
3) денсаулық сақтау органдарына алкоголизммен, нашақорлықпен және уытқұмарлықпен ауыратындарға медициналық сипатта күшпен шара қолдану мәселелерi бойынша қолдаухат жiбередi;
4) салауатты өмiр салтын насихаттау және тұрғындардың құқықтық бiлiмдерiн жоғарылату, азаматтарды алкоголизмнiң, нашақорлықтың және уытқұмарлықтың салдары туралы ақпараттандыру бойынша iс-шаралар ұйымдастырады;
5) құқық бұзушылықтың және қоғамға қарсы iс-әрекеттердiң алдын алуда қатысатын әлеуметтiк инфрақұрылым мекемелерiне практикалық және әдiстемелiк көмек көрсетедi;
6) iшкі iстер, денсаулық сақтау, бiлiм, еңбек және тұрғындарды әлеуметтiк қорғау органдарының тиiстi есептерiнде тұрған тұлғаларға қатысты жеке алдын алу жұмысын жүргiзудi ұйымдастырады.

4. Кеңестiң жұмысын ұйымдастыру

6. Кеңестi төраға - қала әкiмiнiң орынбасары басқарады. Павлодар қаласы iшкi iстер басқармасы бастығының орынбасары төрағаның орынбасары болып табылады.
7. Төраға Кеңестiң жұмысын ұйымдастырады және оның қызметiне басшылық жүргiзедi, Кеңеске жүктелген мiндеттердiң орындалуына және оның өз функцияларының орындалуына жеке жауапты.
8. Кеңестiң тұрақты мүшелерi бiлiм, денсаулық сақтау, жұмыспен қамту, тұрғындарды әлеуметтiк қорғау, мәдениет, ақпарат және қоғамдық келiсiм, әдiлет, экономика және кәсiпкерлiктi қолдау, қаржымен қамтамасыз ету, аймақтың әлеуметтiк саласына жетекшiлiк ететiн органдар басшыларының орынбасарлары, қоғамдық бiрлестiктер және дiни конфессиялар өкiлдерi, сонымен бiрге басқарудың әскери органдары.
9. Кеңестiң хатшысы Кеңес мәжiлiсiн өткiзуге дайындауды қамтамасыз етедi, әкiмдiктiң, мүдделi мемлекеттiк органдар мен жұртшылықтың ұсынысы бойынша Кеңестiң қарауына енгiзiлетiн мәселелердi дайындайды, хаттама жүргiзедi, қабылданатын шешiмдердiң орындалу барысы туралы есеп бередi.
10. Кеңес өз қызметiн оның төрағасы бекiткен жыл сайынғы жоспарлар негiзiнде жұмыс мәжiлiстерi ретiнде өткiзiледi, оған құқық бұзушылықтың және қоғамға қарсы iс-әрекеттердiң алдын алуда қатысатын мекемелер, ұйымдар басшылары мен қызметкерлерi, сонымен бiрге прокуратура және қоғамдық бiрлестiктер өкiлдерi шақырылуы мүмкiн.
11. Кеңес мәжiлiсi айына кем дегенде бiр рет өткiзiледi. қажет болғанда, Кеңестiң кезектен тыс мәжiлiсi қала әкiмiнiң, Кеңес төрағасының немесе оның мүшелерiнiң елуден астам пайызының бастамасымен өткiзiлуi мүмкiн.
12. Мәжiлiс қорытындылары бойынша Кеңес қаланың атқарушы органдары мен оның құрылымдық бөлiмшелерi үшiн ұсыным сипатындағы шешiм қабылдайды.
13. Кеңестiң шешiмi хаттамамен ресiмделедi.

5. Кеңестiң қызметiн тоқтату

14. Кеңестiң қызметi тоқтату заңнамамен бекiтiлген тәртiпте жүзеге асырылады.