Ескерту. Күші жойылды - Солтүстік Қазақстан облысы әкімдігінің 2007.12.27 N 323 Қаулысымен
Қазақстан Республикасының 1997 жылғы 19 мамырдағы "Қазақстан Республикасында халықтың денсаулығын сақтау туралы" Заңының 69 бабына сәйкес және Қазақстан Республикасы Денсаулық сақтау министрлiгiнiң 1997 жылғы 31 қазандағы "Қоғамдық көлiкте тегiн жүруге құқығы бар, мемлекеттiк денсаулық сақтау жүйесiнiң iс-әрекетiн жолға шығып жасайтын қызметкерлер тiзiмiн бекiту туралы" N№544 бұйрығы негiзiнде облыс әкiмдiгi ҚАУЛЫ ЕТЕДI:
1. Қоғамдық көлiкте тегiн жүруге құқығы бар, мемлекеттiк денсаулық сақтау жүйесiнiң iс-әрекетiн жолға шығып жасайтын қызметкерлер тiзiмi қосымшаға сәйкес бекiтiлсiн.
2. Денсаулық сақтау мемлекеттiк ұйымдарының басшылары қоғамдық көлiкте iс-әрекетiн жолға шығып жасайтын қызметкерлердiң тегiн жүруi үшiн бюджеттен бөлiнген қаражаттардың мақсатты пайдалануын қамтамасыз етсiн.
3. "Қоғамдық көлiкте тегiн жүруге құқығы бар, мемлекеттiк денсаулық сақтау жүйесiнiң iс-әрекетiн жолға шығып жасайтын қызметкерлер тiзiмiн бекiту туралы" Солтүстiк Қазақстан облысы әкiмдiгiнiң 2003 жылғы 25 сәуiрдегi N№98 қаулысының күшi жойылсын.
Облыс әкiмi
Облыс әкімдігінің
"Қоғамдық жалпы көлікте
тегін жүруге құқығы бар,
денсаулық сақтау мемлекеттік
жүйесінің іс-әрекетін жолға
шығып жасайтын қызметкерлер
тізімін бекіту туралы"
2003 жылғы 17 маусымдағы
N 132 қаулысына қосымша
Қоғамдық жалпы көлікте тегін жүруге құқығы бар, денсаулық сақтау мемлекеттік жүйесінің іс-әрекетін жолға шығып жасайтын қызметкерлер тізімі
Учаскелік дәрігерлер: терапевтер, педиатрлар, психиатрлар, фтизиатрлар, онкологтар, акушер-гинекологтар, наркологтар;
жалпы тәжірибедегі дәрігерлер, отбасылық дәрігерлер;
терапевтік және педиатриялық учаскелердің мейірбикелері;
туберкулезге қарсы күрес, психиатриялық, онкологиялық, наркологиялық мекемелердің, диспансерлердің, бөлімшелердің, бірлестіктердің учаскелік мейірбикелері;
жалпы тәжірибедегі және отбасылық дәрігерлердің мейірбикелері;
әйелдер консультациясының учаскелік акушерлері;
мыналар бойынша санитарлық дәрігерлер: коммуналды гигиена, тамақтану гигиенасы, балалар мен жасөспірімдер гигиенасы, жалпы гигиена, радиациялық гигиена, еңбек гигиенасы және олардың көмекшілері бойынша;
эпидемиолог дәрігерлер, паразитолог дәрігерлер, дезинфекционист дәрігерлер, зоологтар, энтмологтар және олардың көмекшілері;
жедел бөлімшелердің дезнұсқаушылары, дезинфекторлары, инженерлері және технологтары.
