Ескерту. Күші жойылды - Алматы облысы Ескелді аудандық мәслихатының 2011.02.21 N 50-304 Шешімімен
Қазақстан Республикасының "Қазақстан Республикасындағы жергiлiктi мемлекеттiк басқару туралы Заңының 9-бабына сәйкес аудандық мәслихат ШЕШІМ ҚАБЫЛДАДЫ:
1. III-Шақырылған аудандық мәслихаттың регламентi бекiтiлсiн (қоса тiркеледi).
2. II-Шақырылған аудандық мәслихаттың 2001 жылғы 16 наурыздағы N 7-3 нөмiрлi, 20 қарашадағы 2003 жылғы N 2-7 нөмiрлi, 29 наурыз 2004 жылғы N 9-3 нөмiрлi "Аудандық мәслихаттың регламентiн бекiту туралы" шешiмдерiнiң күшi тоқтатылсын.
Аудандық мәслихат
сессиясының төрағасы
Аудандық мәслихат
хатшысы
Ескелді аудандық мәслихатының
2004 жылғы 16 сәуірдегі
N 10-5 шешiмiне
қосымша
ЕСКЕЛДІ АУДАНДЫҚ МӘСЛИХАТЫНЫҢ РЕГЛАМЕНТI
1-тарау. Жалпы ережелер
1. Ескелді аудандық мәслихаты - жергiлiктi өкiлдi орган, аудан халқына жалпыға бiрдей, тең, төте сайлау құқығы негiзiнде жасырын дауыс беру арқылы төрт жыл мерзiмге сайланады. Қазақстан Республикасы Заңдарына сәйкес халықтың еркiн бiлдiретiн шараларды анықтап, оның iске асуын қадағалайды.
2. Ескелді аудандық мәслихат сессияларын оның органдарының отырыстарын өткiзу, оған мәселелер енгiзу және қарау, мәслихат органдарын құру және сайлау, олардың қызметi туралы есептердi тыңдау, көпшiлiктiк тыңдаулар, депутаттардың сауалдарын қарау тәртiбi, сондай-ақ дауыс беру тәртiбi, аппарат жұмысын ұйымдастыру, басқа да рәсiмдiк жұмысын ұйымдастыру мәселелерi осы регламентпен белгiленедi.
2-тарау. Мәслихатты құру
3. Ескелді аудандық мәслихаты Қазақстан Республикасының "Сайлау туралы" Заңына сәйкес сайланған 13 (он үш) депутаттан тұрады.
4. Ескелді аудандық мәслихатының өкiлеттiгi бiрiншi сессия ашылған кезден басталады және жаңадан сайланған мәслихаттың бiрiншiсессиясының жұмысы басталғанда аяқталады.
5. Ескелді аудандық мәслихатының мөрi, мөртаңбасы бар.
3-тарау. Мәслихаттың құзыретi
6. Аудандық мәслихаттың құзыретiне:
1) аумақтық дамытудың жоспарларын бекiту, аудандық экономикалық және әлеуметтiк даму бағдарламаларын, аудан бюджетi және олардың атқарылуы туралы, соның iшiнде селолық округтер ұстауға арналған шығыстар сметасын бекіту;
2) қоршаған ортаны қорғау мен табиғатты пайдалану жөніндегі аудандық бағдарламаларды және қоршаған ортаны қорғау, сауықтыру жөніндегі шығыстарды бекіту, сондай-ақ қоршаған ортаны қорғау саласындағы заңдарға сәйкес өзге де мәселелерді шешу;
3) әкімінің ұсынуы бойынша Ескелді аудандық басқару схемасын бекіту;
4) жергілікті әкімшілік - аумақтық құрылыс және жергілікті қауымдастық ұйымының шекараларын айқындау мәселелерін шешу;
5) әкімінің ұсынысы бойынша мәслихат сессиясының шешімі мен Ескелді ауданы әкімиятының дербес құрамын келісу;
6) аудандық атқарушы органдар басшыларының есептерін қарау және тиісті органдарға мәслихат шешімдерін орындамағаны үшін мемлекеттік органдардың лауазымды адамдарын, сондай-ақ ұйымдарды жауапқа тарту туралы ұсыныстар енгізу;
7) Қазақстан Республикасы заңдарына сәйкес азаматтардың құқықтары мен заңды мүдделерін қамтамасыз ету жөніндегі өкілеттіктерді жүзеге асырады. Қазақстан Республикасының әкімшілік құқық бұзушылық туралы Кодексі белгілеген ережелерді бекіту;
8) ауданның экономикалық және әлеуметтік даму бағдарламаларының, жоспарларының, аудан бюджетінің орындалуын бақылау;
9) Мәслихаттың тұрақты комиссиялары мен өзге де органдарын құру, олардың қызметі туралы есептерді тыңдау, мәслихаттың жұмысын ұйымдастыруға байланысты өзге де мәселелерді шешу;
10) Халықтың жұмыспен қамтылуына көмектесу мен кедейшілікпен күрес бағдарламасын бекіту;
11) әкімнің ұсынуы бойынша ведомствоаралық сипаттағы мәселелер бойынша әкімият жанындағы консультативті-кеңесші органдардың дербес құрамын бекіту;
12) Қазақстан Республикасының Жер Заңдарына сәйкес және жер қатынастарын реттеуді жүзеге асыру;
13) Қарабұлақ кентінің және аудандағы селолық елді мекендер салудың бас жоспарларын бекіту;
14) Азаматтар мен ұйымдардың Қазақстан Республикасы Конституциясының, заңдарының, Қазақстан Республикасы Президенті мен Үкіметі актілерінің орталық және жергілікті мемлекеттік органдардың нормативтік-құқықтық актілерінің нормаларын орындауына ықпал ету.
4-тарау. Мәслихаттың актiлерi
7. Аудандық мәслихаттың өз құзыретiндегi мәселелер бойынша шығаратын шешiмдерi мәслихаттың актiлерi болып табылады.
8. Аудандық мәслихаттың аудан бюджетi кiрiстерiн қысқарту немесе шығыстарын ұлғайтуды көздейтiн шешiм жобалары аудан әкiмiнiң ұсынысы бойынша қарауға енгiзiледi.
9. Аудандық мәслихаттың өз құзыретi шегiнде және азаматтардың құқықтарына бостандықтары мен мiндеттерiне қатысты қабылданған шешiмдер аудандық "Жетісу Шұғыласы" газетiнде жариялануға тиiс және ол аудан аумағында орындалуға мiндеттi.
10. Аудандық мәслихаттың жалпыға бiрдей мiндеттi маңызы бар, ведомствоаралық сипаттағы немесе азаматтардың құқықтарына, бостандықтары мен мiндеттерiне қатысты шешiмдер заңда белгiленген тәртiпте Алматы облыстық әдiлет басқармасының мемлекеттiк тiркеуiне жатады.
11. Аудандық мәслихаттың Қазақстан Республикасы Конституциясы мен Заңдарына сәйкес келмейтiн шешiмдерiн мәслихаттың өзiнiң жоюы не сот тәртiбiмен жойылуы мүмкiн.
5-тарау. Мәслихат жұмысын ұйымдастыру
12. Мәслихат өз өкiлеттiгiн сессияларда, тұрақты комиссиялары мен өзге де органдары, мәслихат сессиясы төрағасы, мәслихаттың депутаттары мен хатшысы арқылы Қазақстан Республикасы Заңдарында белгiленген тәртiпте жүзеге асырады.
13. Мәслихат қызметiнiң негiзгi нысаны сессия болып табылады. Егер мәслихатқа сайланған депутаттар санының кемiнде үштен екiсi сессияға қатысса, мәслихат сессиясы заңды болады.
14. Аудандық мәслихат:
1) Мәслихат сессиясының төрағасын, мәслихат хатшысын сайлайды және қызметiнен босатады, олардың есептерiн тыңдайды;
2) Мәслихаттың тұрақты комиссиялары мен өзге де органдарын құрады, олардың төрағаларын сайлайды және қызметiнен босатады, олардың жұмысы туралы есептерiн тыңдайды;
3) Мәслихаттың қызметiн қамтамасыз етуге арналған шығыстарды айқындайды, тексеру комиссиясының актiлерiн бекiтедi;
4) заңдарда белгiленген адам саны мен қаражат лимитi шегiнде Мәслихат аппаратының құрылымын бекiтедi және оны ұстауға әрi материалдық-техникалық жағынан қамтамасыз етуге арналған шығыстарды айқындайды;
5) Мәслихаттың регламентiн бекiтедi;
6) депутаттардың сауалдарын қарайды және олар бойынша шешiмдер қабылдайды;
7) өз жұмысын ұйымдастыру жөнiнде өзге де шешiмдер қабылдайды.
6-тарау. Мәслихат сессиясын шақыру тәртiбi
15. Жаңадан сайланған мәслихаттың бiрiншi сессиясын осы мәслихат үшiн белгiленген мәслихат депутаттары тiркелген күннен бастап отыз күн мерзiмнен кешiктiрмей тиiстi аумақтық сайлау комиссиясының төрағасы шақырады.
16. Мәслихаттың кезектi сессиясы үш айда бiр рет шақырылады бiрақ, кемiнде жылына төрт реттен кем емес және оны мәслихат сессиясының төрағасы жүргiзедi. Аудандық мәслихаттың кезектен тыс сессиясын осы мәслихатқа сайланған депутаттар санының кемiнде үштен бiрiнiң, сондай-ақ әкiмнiң ұсынысы бойынша мәслихат сессиясының төрағасы шақырады және жүргiзедi. Кезектен тыс сессия оны өткiзу туралы шешiм қабылдаған күннен бастап бес күн мерзiмнен кешiктiрiлмей шақырылады.
17. Мәслихат хатшысы мәслихат сессиясын шақыру уақыты мен өткiзiлетiн орны туралы, сондай-ақ сессияның қарауына енгiзiлетiн мәселелер туралы депутаттарға, халыққа және әкiмге сессияға кемiнде он күн қалғанда, ал кезектен тыс сессия шақырылған жағдайда кемiнде үш күн бұрын хабарлайды. Халық мәслихат сессиясының жүргiзiлуiн, сессияға енген сұрақтар туралы аудандық "Жетісу Шұғыласы" газетiнiң бетiне берiлген хабарландыру арқылы бiле алады. Мәслихат хатшысы сессияның қарауына енгiзген мәселелер бойынша қажеттi материалдарды депутаттарға және әкiмге - сессияға кемiнде бес күн қалғанда, ал кезектен тыс сессия шақырылған жағдайда кемiнде үш күн қалғанда табыс етедi.
7-тарау. Мәслихат сессиясын өткiзу тәртiбi
18. Мәслихат сессиясы жалпы отырыс нысанында өтедi.
19. Мәслихаттың бiрiншi сессиясын аудандық сайлау комиссиясының төрағасы ашады және мәслихат сессиясының төрағасы сайланғанға дейiн жүргiзедi. Одан әрi мәслихат сессиясын мәслихат сессиясының төрағасы жүргiзедi.
20. Сессияның ұзақтығын мәслихат белгiлейдi. Жалпы мәслихаттың сессиясы күннiң бiрiншi жартысында жүргiзiледi. Қажет болған жағдайда сессия жұмысы әр 1,5 сағаттық жұмыстан кейiн 20 минут үзiлiспен және бiр сағаттық түскi үзiлiспен күнi бойы жұмыс iстеуi мүмкiн. Мәслихат сессиясының шешiмi бойынша отырыстың басталуы және аяқталуы туралы басқаша тәртiп белгiленуi мүмкiн. Сессияда негiзгi баяндама үшiн бiр сағат, қосымша баяндама үшiн 20 минут, жарыссөз үшiн 10 минутке дейiн, сұрақ, сауал, ұсыныс хабарлама және анықтама беру үшiн 3 минут берiледi. Сессия жұмысында мәслихат шешiмi бойынша мәслихат белгiлеген он бес күнтiзбелiк күннен аспайтын мерзiмге үзiлiс жасалуы мүмкiн.
21. Мәслихат сессиялары, әдетте ашық сипатта болады. Мәслихат сессиясы төрағасының немесе мәслихат сессиясына қатысып отырған депутаттар санының үштен бiрiнiң ұсынысы бойынша қабылданатын мәслихат шешiмiнен, егер қатысып отырған депутаттардың жалпы санының көпшiлiгi осы үшiн дауыс берсе, жабық сессиялар өткiзуге жол берiледi.
22. Кезектi сессияның күн тәртiбi сессия төрағасы, мәслихат хатшысы, тұрақты және басқа да комиссиялармен, депутаттармен, депутаттық топтар, аудан әкiмiмен үйлестiрiледi. Сессияның күн тәртiбi талқыланған кезде толықтырылуы, өзгертiлуi мүмкiн.
Сессия жұмысының тәртiбi және күн тәртiбiне деген ұсыныстармен ескертпелердi депутаттар сессия төрағасына жазбаша түрде бередi, ол түскеннен кейiн төрағалық етушi жариялайды.
Сессияның күн тәртiбiне енетiн ұсыныстар туралы сұрақ әр ұсынысқа ашық дауыс беру арқылы сессияға қатысып отырған депутаттардың жалпы санының көпшiлiгiмен шешiледi.
23. Мәслихат сессиясы төрағасының шақыруы бойынша жергiлiктi атқару органдары басшылары, аудан аумағында орналасқан ұйымдардың басшыларымен өзге де лауазымды адамдарды мәслихаттың құзырына жататын мәселелер бойынша ақпараттар беру үшiн мәслихат сессиясына келуге мiндеттi.
Шақырылған адамдарға өздерiне тиiстi сұрақтар бойынша сессияда сөз берiлуi мүмкiн.
Шақырылған адамдардың сессия жұмысына араласуға құқығы жоқ, олар сессия төрағасының өкiмiне бағынуға және тәртiбiн сақтауға тиiстi.
8-тарау. Аудандық мәслихаттың тұрақты комиссиялары
24. Мәслихат өз өкiлеттiгi мерзiмiне тұрақты комиссиялар құрады. Олардың саны жетеуден аспауы тиiс. Қажет болған жағдайда, мәслихат тұрақты комиссияларды қайта құрып, таратып және қайта ұйымдастыра алады.
25. Тұрақты комиссиялардың тiзбесi мен сан құрамын мәслихат белгiлейдi.
26. Тұрақты комиссиялар өздерiн сайлаған мәслихат алдында жауапты және жылына кемiнде бiр рет өз қызметi туралы есеп бередi.
27. Тұрақты комиссиялар өз бастамалары бойынша немесе мәслихат шешiмi бойынша көпшiлiктiк тыңдаулар өткiзе алады. Көпшiлiктiк тыңдаулар депутаттардың, атқарушы органдар, өзiн-өзi басқару органдары, ұйымдар, бұқаралық ақпарат құралдары өкiлдерiнiң, азаматтардың қатысуымен осы комиссиялардың кеңейтiлген отырыстары түрiнде тұрақты комиссияның қарауына жататын мейлiнше маңызды және қоғамдық мәнi бар мәселелердi талқылау мақсатында өткiзiледi.
28. Төрағалардың ұсынысы бойынша аудандық мәслихат тұрақты комиссиялардың құрамдарына өзгерiстер енгiзуге құқылы.
Мәслихат тұрақты комиссияның төрағалары өз мiндеттерiн атқара алмаған жағдайда немесе өз өтiнiштерi бойынша мерзiмiнен бұрын өкiлеттiгiн тоқтата алады.
29. Тұрақты комиссиялардың отырысы қажеттiлiгiне қарай шақырылады және егер отырысқа олардың құрамына кiретiн депутаттар санының жартысынан астамы қатысса заңды болып есептеледi.
Тұрақты комиссиялардың қаулысы комиссия мүшелерi жалпы санының көпшiлiк дауысымен қабылданады.
Комиссияның отырысында дауыс беру кезiнде депутаттардың дауысы тең бөлінген жағдайда, тұрақты комиссияның төрағасы шешуші дауыс құқығын пайдаланады.
30. <*>
РҚАО-ның ескертуі: 30-тармақтың мемлекеттік тілдегі аудармасы болмағандықтан орыс тілдегі нұсқасын қараңыз.
31. Аудандық мәслихаттың хатшысы тұрақты комиссиялардың сандары, тiзбесi, сан құрамдары және төрағаларына кандидаттар туралы ұсыныс енгiзедi.
32. Тұрақты комиссиялар:
1) аудандық мәслихат сессиясының күн тәртiбi бойынша, сондай-ақ мәслихат сессиясында қаралатын кез келген мәселе бойынша мәслихатқа, мәслихат сессиясының төрағасына, мәслихат хатшысына ұсыныс енгiзедi;
2) өз құзыретi шегiнде сессияда жергiлiктi атқарушы органдар басшыларының есептерiн тыңдау туралы мәслихатқа ұсыныс енгiзедi;
3) комиссияның жұмысына мәслихаттың басқа да депутаттарын, сондай-ақ мемлекеттiк органдар, ұйымдар, жергiлiктi өзiн-өзi басқару органдары өкiлдерiн және азаматтарды тартуға құқылы.
33. Әкiмият, жергiлiктi бюджеттен қаржыландырылатын ұйымдар, аудандық атқарушы органдардың лауазымды адамдары, белгiленген тәртiпте тұрақты комиссияларға олардың құзыретiндегi мәселелер бойынша қажеттi ақпарат беруге мiндеттi.
34. Мәслихаттың тұрақты комиссиялары өз құзыретiндегi мәселелер бойынша қаулылар қабылдайды.
35. Тұрақты комиссияның жұмысын үйлестiру және жұмысына көмек берудi аудандық мәслихаттың аппараты және хатшысы жүзеге асырады. Тұрақты комиссияның ұйымдастыру жұмыстары, мiндеттерi мен құқықтары Қазақстан Республикасы Заңдарымен және осы регламентпен белгiленедi.
9-тарау. Мәслихаттың уақытша комиссиялары
36. Мәслихаттың құзырына жатқызылған мәселелердi сессияда қарауға әзiрлеу мақсатында мәслихат, не мәслихат хатшысы уақытша комиссиялар құруға құқылы. Уақытша комиссиялардың құрамын, мiндеттерiн, өкiлеттiк мерзiмдерiн және құқықтарын мәслихат оларды құру кезiнде белгiлейдi.
Уақытша комиссияның отырысы ашық түрде өтедi, комиссия отырысын жабық түрде де өткiзуге болады.
Уақытша комиссиялар өз құзыретiндегi сұрақтар бойынша қорытынды жасайды.
37. Мәслихаттың уақытша комиссиясы Ескелді ауданы аумағында мемлекеттiк және қоғамдық органдардан, кәсiпорындар, ұйымдардан, меншiк түрi дербес ұйымдардан қажеттi құжаттар мен материалдар талап етуге, экспорт шақыруға аудандық мәслихат берген өзге де өкiлеттiктi пайдалануға құқылы.
Қолданылатын Заңдарға сәйкес уақытша комиссияның қызметiне кедергi жасаған лауазымды адамдар жауапкершiлiкке тартылады.
Уақытша комиссия жұмысына қатысқаны үшiн ақы төленбейдi.
Уақытша комиссия мәслихат сессиясының шешiмiмен мерзiмiнен бұрын немесе мiндеттерiн атқарғаннан кейiн өз қызметiн тоқтатады.
10-тарау. Мәслихат сессиясының төрағасы
38. Мәслихаттың кезектi сессиясының төрағасы ашық дауыс беру арқылы өз депутаттарының арасынан мәслихаттың алдыңғы сессиясында сайланады.
39. Мәслихат сессиясының төрағасына кандидатты депутаттар жазбаша немесе ауызша түрде ұсынады.
40. Бiрнеше кандидаттар ұсынылған жағдайда әрбiр кандидатқа жеке дауыс беру арқылы жүргiзiледi.
41. Сессия төрағасы мәслихат депутаттары жалпы санының көпшiлiк даусымен сайланған болып есептеледi.
42. Сессия төрағасы болып сайланғаны туралы мәслихат сессиясында шешiм қабылданады.
43. Мәслихат депутаты мәслихат сессиясының төрағасы болып күнтiзбелiк жыл iшiнде екi реттен артық сайлана алмайды.
44. Мәслихат сессиясының төрағасы:
1) Мәслихат сессиясын шақыру туралы шешiм қабылдайды;
2) Мәслихат сессиясын әзiрлеуге басшылық жасауды жүзеге асырады, сессияның күн тәртiбiн қалыптастырады.
3) Мәслихат сессиясының отырысын жүргiзедi, мәслихат регламентiнiң сақталуын қамтамасыз етедi;
4) Мәслихаттың сессиясында қабылданған немесе бекiтiлген мәслихаттың шешiмiне, хаттамаларына өзге де құжаттарға қол қояды;
45. Мәслихат сессиясының төрағасы өз қызметiн басқа жұмыстан босатылмаған негiзде жүзеге асырады.
46. Мәслихат сессиясында дауыс беру кезiнде депутаттардың дауысы тең бөлiнген жағдайда, мәслихат сессиясының төрағасы шешушi дауыс құқығын пайдаланады.
11-тарау. Мәслихаттың хатшысы
Мәслихаттың хатшысы тұрақты негiзде жұмыс iстейтiн лауазымды адам болып табылады. Оны Мәслихат сессиясында депутаттар арасынан ашық немесе жасырын дауыс беру арқылы депутаттар жалпы санының көпшiлiк даусымен мәслихат сайлайды және қызметтен босатады. Мәслихаттың хатшысы мәслихат өкiлеттiгi мерзiмiне сайланады.
47. Мәслихат хатшысы:
1) Мәслихат сессиясын және оның қарауына енгiзiлетiн мәселелердi әзiрлеудi ұйымдастырады, хаттама жасалуын қамтамасыз етедi, сессия төрағасымен бiрге мәслихат сессиясында, қабылданған немесе бекiтiлген шешiмдерге, өзге де құжаттарға қол қояды;
2) депутаттардың өз өкiлеттiктерiн жүзеге асыруына жәрдемдеседi, оларды қажеттi ақпаратпен қамтамасыз етедi, депутаттарды мәслихат сессияларына оның тұрақты комиссияларының және өзге де органдарының жұмысына, сайлау округтерiндегi жұмысқа қатысуы үшiн қызметтiк мiндеттерiн орындаудан босатуға байланысты мәселелердi қарайды;
3) депутаттар сауалдарының және депутаттық өтiнiштердiң қаралуын бақылайды;
4) Мәслихат аппаратының қызметiне басшылық жасайды, оның қызметшiлерiн қызметке тағайындайды және қызметтен босатады;
5) сайлаушылар өтiнiштерi туралы және олар бойынша қабылданған шаралар туралы мәслихатқа ұдайы ақпарат берiп отырады.
6) Мәслихаттың жергiлiктi өзiн-өзi басқару органдарымен өзара iс-қимылын ұйымдастырады;
7) өз құзыретiндегi мәселелер бойынша өкiмдер шығарады;
8) Мәслихаттың тұрақты комиссияларымен өзге де органдарының және депутаттық топтардың қызметiн үйлестiредi;
9) Мемлекеттiк органдармен, ұйымдармен, жергiлiктi өзiн-өзi басқару органдарымен және қоғамдық бiрлестiктермен қарым-қатынастарда мәслихат атынан өкiл болады;
10) Мәслихат шешiмдерiнiң жариялануын қамтамасыз етедi, олардың орындалуына бақылау жасау жөнiндегi iс-шараларды белгiлейдi;
11) Мәслихат шешiмi бойынша өзге де мiндеттердi орындайды.
48. Мәслихат хатшысының мәслихаттың тұрақты комиссияларында болуға құқығы жоқ.
49. Мәслихаттың хатшысы болмаған кезде оның өкiлеттiгiн мәслихат сессиясы төрағасының шешiмi бойынша мәслихат тұрақты комиссияларының бiрiнiң төрағасы уақытша жүзеге асырады.
12-тарау. Мәслихат депутаты
Мәслихат депутаты жалпы мемлекеттiк мүдделердi ескере отырып, тиiстi әкiмшiлiк-аумақтық бөлiнiстегi халықтың еркiн бiлдiредi.
50. Мәслихат депутатының өкiлеттiгi тиiстi аумақтық сайлау комиссиясы оны депутат ретiнде тiркеген кезден басталып, мәслихат өкiлеттiгi тоқталған кезден бастап тоқтайды.
51. Мәслихат депутатының өкiлеттiгi мынадай жағдайларда:
1) депутат заңдарға сәйкес депутаттық мiндеттердi орындаумен сыйымсыз лауазымға сайланса немесе тағайындалса;
2) депутатты әрекетке қабiлетсiз деп тану туралы сот шешiмi заңды күшiне енсе;
3) мәслихаттың өкiлеттiгi тоқтатылса;
4) депутат қайтыс болса;
5) ол Қазақстан Республикасы азаматтығынан айырылса;
6) соттың депутатқа қатысты айыптау үкiмi заңды күшiне енсе;
7) депутаттың орнынан түсу туралы жеке өтiнiшiне байланысты;
8) депутат өз мiндеттерiн жүйелi түрде орындамаса, оның iшiнде мәслихат сессиясының жалпы отырыстарына дәлелдi себептерсiз қатарынан үш реттен артық қатыспаса, мерзiмiнен бұрын тоқтатылады.
52. Депутаттың өкiлеттiгiн мерзiмiнен бұрын тоқтату туралы шешiм аумақтық сайлау комиссиясының ұсынуы бойынша, қатысып отырған депутаттардың жалпы санының көпшiлiк даусымен мәслихат сессиясында қабылданады.
53. Депутат:
1) сайлауға және мәслихат сессиясының төрағасы, мәслихат хатшысы, тексеру комиссиясының төрағасы немесе мүшесi болып сайлануға, мәслихаттың өзге де органдарына сайлануға;
2) Мәслихат сессиясы мен оның тұрақты комиссияларында және өзге де органдарда қарау үшiн мәселелер ұсынуға, оларды қарауға және шешiмдер қабылдауға қатысуға;
3) тиiстi мәслихаттың аумағында орналасқан жергiлiктi атқарушы органдар мен ұйымдарға мәслихаттың құзыретiне жатқызылатын мәселелер бойынша сауалдар беруге және жолданымдар жiберуге;
4) өз округiнiң сайлаушыларымен, сондай-ақ жергiлiктi өзiн-өзi басқару органдарымен, ұйымдармен кездесулермен жиналыстар өткiзуге;
5) сессияда тиiстi мәслихат аумағында орналасқан жергiлiктi атқарушы орган мен ұйымдардың лауазымды адамдардың мәслихаттың құзыретiне жатқызылған мәселелер бойынша есептерiн тыңдау туралы ұсыныстар енгiзуге;
6) тиiстi әкiмият отырыстарының жұмысына қатысуға;
7) мәслихатпен оның органдары, отырыстарының хаттамаларымен танысуға;
8) саяси партиялардың депутаттық тобы түрiнде депутаттық бiрлестiктер құруға;
9) заңдарда және мәслихат регламентiнде көзделген өзге де iс-әрекеттердi жүзеге асыруға құқылы.
54. Депутат:
1) Мәслихаттың және өзi құрамына сайланған оның органының жұмысына қатысуға;
2) өз округi сайлаушыларымен тұрақты байланыс жасауға, оларға мәслихаттың жұмысы, оның тұрақты комиссияларымен өзге де органдарының қызметi,мәслихат шешiмдерiнiң орындалуы туралы ұдайы хабарлап отыруға, мәслихат шешiмдерiнiң орындалуын ұйымдастыруға және бақылау жасауға қатысуға мiндеттi.
55. Мәслихаттың әрбiр депутатына өкiлеттiктерiн кедергiсiз және тиiмдi жүзеге асыру үшiн жағдай жасалуына, оның құқықтарын қадiр-қасиетiмен ар-ожданын қорғауға кепiлдiк бередi.
56. Депутат регламентте белгiленген тәртiппен мәслихат сессияларын, тұрақты комиссияларының және өзге де органдарының отырыстарын өткiзу кезеңдерiнде, депутаттық өкiлеттiктердi жүзеге асыру уақытында оған негiзгi жұмыс орны бойынша жергiлiктi бюджеттiң қаражаты есебiнен орташа жалақысы сақтала отырып, қызметтiк мiндеттерiн орындаудан босатылады.
13-тарау. Мәслихат өкiлеттiгiн тоқтату негiздерi
57. Аудандық мәслихаттың өкiлеттiгi Қазақстан Республикасының Конституциясында белгiленген оның өкiлеттiк мерзiмi аяқталғанда тоқтатылады.
58. Аудандық мәслихаттың өкiлдiгi Қазақстан Республикасы бас прокурорының ұсынысы бойынша Қазақстан Республикасы Парламентiнiң Сенаты мерзiмiнен бұрын мынадай жағдайларда:
1) Қазақстан Республикасы Конституциясын, заңдарын сот тәртiбiмен заңсыз деп танылған шешiмдер қабылдау түрiнде бiрнеше рет (екi және одан да көп) бұзса;
2) егер жаңадан сайланған аудандық мәслихат бiрiншi сессиясын ашылған күннен бастап отыз күн өткенше өз құрылымын белгiлемесе және тиiстi органдарын құрмаса;
3) тиiстi әкiмшiлiк-аумақтық бөлiнiс қайта ұйымдастырылса немесе таратылса;
4) мәслихат өз депутаттары жалпы санының кемiнде үштен кiсiнiң жасырын даусымен өзiн-өзi тарату туралы шешiм қабылдаса;
5) жергiлiктi бюджеттi, аумақты дамытудың жоспарларын, экономикалық және әлеуметтiк бағдарламаларын екi рет бекiтпеумен бiлдiрiлген аудандық әкiммен арада еңсерiлмейтiн келiспеушiлiктер болса;
6) әкiмшiлiк-аумақтық бөлiнiстi басқару схемасын екi рет бекiтпеумен бiлдiрiлген әкiммен арадағы еңсерiлмейтiн келiспеушiлiктер болса тоқтатады.
59. Аудандық мәслихат өз депутаттары жалпы санының үштен екiсiнiң даусымен әкiмге сенiмсiздiк бiлдiруге және тиiсiнше жоғары тұрған әкiмнiң алдына оны қызметiнен босату туралы мәселе қоюға құқылы.
Әкiм ұсынған аумақта дамытудың жоспарларын, экономикалық және әлеуметтiк бағдарламаларын, жергiлiктi бюджеттiң атқарылуы туралы есептердi Мәслихаттың екi рет бекiтпеуi аудандық мәслихаттың әкiмге сенiмсiздiк бiлдiру туралы мәселенi қарауы үшiн негiз болып табылады.
14-тарау. Мәслихат аппараты
60. Аудандық мәслихат аппараты аудандық мәслихаттың, депутаттарымен оның органдарының қызметiн қамтамасыз ететiн, жергiлiктi бюджет есебiнен ұсталатын мемлекеттiк мекеме болып табылады.
61. Аудандық мәслихат аппараты мемлекеттiк қызметшiлерiнiң штат саны жетi депутатқа бiр қызметкер қатынасында, бiрақ үш адамнан кем емес болып белгiленедi. Аудандық мәслихат аппараты мемлекеттiк қызметшiлерiнiң қызметi Қазақстан Республикасының Заңдарына сәйкес жүзеге асырылады.
62. Аудандық мәслихат аппараты мәслихатпен оның органдарын ұйымдастырушылық, құқықтық, материалдық-техникалық және өзге де қамтамасыз етудi жүзеге асырады, депутаттарға өздерiнiң өкiлеттiгiн жүзеге асыруға көмек көрсетедi.
63. Мәслихаттың өкiлеттiк мерзiмiнiң аяқталуымен, мәслихат өкiлеттiк мерзiмiнен бұрын тоқтатылған және оның депутаттарының жаңа құрамы сайланған жағдайларда, мәслихат аппараты мемлекеттiк қызметшiлерiнiң қызметi тоқтатылмайды.
15-тарау. Мәслихаттың тексеру комиссиясы
64. Аудандық мәслихат жергiлiктi бюджеттiң атқарылуын бақылау үшiн өз өкiлеттiгi мерзiмiне тексеру комиссиясын сайлайды. Тексеру комиссиясы мүшелерінің санын мәслихат белгілейді. Тексеру комиссиясының төрағасының мәслихат депутаттар арасынан сайлайды. Аудандық мәслихаттардың тексеру комиссиясының төрағасы өз қызметін басқа жұмыстан босатылған негізінде жүзеге асырады. Тексеру комиссиясының жұмысына мәслихат депутаты емес адамдар да шарт негізінде тартылуы мүмкін.
65. Тексерулер мәслихатының, тексеру комиссиясының не мәслихат хатшысының шешімдерін, мәслихаттың сайланған депутаттары санының кемінде үштен бірінің талап етуі бойынша, сондай-ақ қазақстан Республикасының заңдарында белгіленген өзге де жағдайларда жүргізуі мүмкін. Тексеру нәтижесі бойынша тексеру комиссиясы акт жасап ол туралы мәслихат пен әкімиятқа хабарлайды. Тексеру жылына кемінде 1 рет жүргізіледі.
16-тарау. Саяси партиялардың депутаттық топтары
66. Аудандық мәслихатта Жарғыға сәйкес 5 депутаттан кем емес саяси партиялардың мүшелерi партиялық топтар құра алады.
67. Саяси партиялардың депутаттық топтарын тiркеу мәслихат өкiлеттiгi мерзiмiнде жүзеге асырылады. Аудандық мәслихат саяси топтарының қызметi Қазақстан Республикасы Конституциясында белгiленген мәслихат өкiлеттiгi бiткен жағдайда тоқтайды немесе:
1) саяси партиялардың өзiн өзi тарату туралы шешiмi қабылданғанда;
2) заң органдарының саяси партияларға тыйым салу, тарату туралы шешiмiне байланысты;
3) партиялық топтардың мүшелерiнiң саны 5-тен кемуiне байланысты.
68. Партиялық топтарда алдын ала талқыланып, сессияның қарауына:
1) тұрақты комиссияның төрағаларына, мәслихат органдарының басқарушы лауазымдарына кандидаттарын;
2) партиялық топтардың бастамасы бойынша күн тәртiбiн құрастыруға байланысты қосымша сұрақтар енгiзуге;
3) ауданның экономикалық және әлеуметтiк даму бағдарламасын, басқару схемасын, бюджеттiң жобасын;
4) аудан әкiмiнiң, селолық әкiмдердiң, орынбасарларының және басқа да аудандық қызметтегi лауазымды адамдардың есебiн тыңдау туралы сұрақ;
5) тұрақты комиссиялардың көпшiлiктiк тыңдауларды ұйымдастыру туралы;
6) Мәслихаттың қарауына және бекiтуiне енетiн басқа да құжаттардың жобаларын ұсынады.
17-тарау. Аудандық Мәслихат басқару органдарын сайлаудың
iс-жосығы
69. Аудандық мәслихат хатшысы лауазымына кандидатураларды депутаттар, саяси партиялардың депутаттық топтары ұсынады. Депутаттардың өзiн өзi ұсынуына да болады.
70. Мәслихат хатшысы лауазымына сайлану үшiн кандидат сессияда атқарылатын жұмыс бағдарламасын баяндайды. Сессияға қатысушы әр депутат кандидатқа сұрақ қоюға, ұсынылған бағдарлама туралы өз ойын айтуға құқылы. Кандидаттарды талқылау депутаттардың көпшiлiк даусымен қабылданған мәслихат сессиясының шешiмiмен тоқтатылады.
Мәслихат хатшысы лауазымына кандидатты сайлау үшiн аудандық мәслихат сессияда бекiтедi.
Жасырын дауыс беру үшiн депутаттардың арасынан санақ комиссиясы сайланады, дауыс беру үшiн бюллетеньдер, бюллетень салатын жәшiк және дауыс беру кабинасын дайындайды.
Аудандық мәслихат хатшысы лауазымына ұсынылған екi кандидаттан дауыс беруге қатысқан депутаттар жалпы санының жартысынан көп дауыс алған кандидат сайланған болып есептеледi.
Егер аудандық мәслихат хатшысы лауазымына екiден көп кандидаттар ұсынылса және олардың бiрде-бiреуi сайлануға қажеттi дауыс санын алмаған жағдайда, көп дауыс алған екi кандидаттарға қайта жасырын дауыс беру жүргiзiледi.
Егер қайта дауыс беру кезiнде екi кандидаттың бiрде бiреуi дауыс беруге қатысушы депутаттардың жалпы санының жартысын көп дауыс алмаса жаңа кандидаттар ұсынылып, қайта сайлау өткiзiледi.
71. Мәслихат депутаты тұрақты негiзде мәслихат хатшысы болып сайланған жағдайда, оған аудан әкiмiнiң орынбасары үшiн белгiленген мөлшерде жалақы белгiленедi.
72. Хатшы өзiнiң қызметi бойынша аудандық мәслихатқа есеп бередi және кез келген уақытта ашық және жасырын дауыс беру арқылы қызметiнен босатылады.
Мәслихат хатшысын керi шақыру туралы сұрақ осы Регламентте көрсетiлгендей жасырын дауыс беру арқылы жүргiзiледi.
Аудандық мәслихаттың хатшысын керi шақыру туралы шешiм аудандық мәслихаттың депутаттары жалпы санының үштен екiсi көпшiлiк даусымен қабылданады.
73. Аудандық мәслихат хатшысы өз өкiлеттiгiн ерiктi мерзiмiнен бұрын тоқтату өз өтiнiшi бойынша iске асады. Аудандық мәслихат хатшысы өкiлеттiгiн ерiктi мерзiмiнен бұрын тоқтату туралы сессияда шешiм қабылдайды.
Аудандық мәслихат хатшысы мәслихаттың тұрақты комиссияларында болуға құқығы жоқ.
74. Тұрақты комиссияның төрағасы ашық дауыс беру арқылы сайланады. қажет болған жағдайда жасырын дауыс беру шаралары қолданылады. Тұрақты комиссиялардың мүшелерiн сайлау үшiн сессия шешiмi бойынша комиссия құрамына толық немесе әр кандидатқа жеке дауыс беру арқылы жүргiзiледi.Тұрақты комиссияның төрағалары мен мүшелерiн сайлау туралы аудандық Мәслихат сессиясында шешiм қабылданады.
18-тарау. Қорытынды ережелер
75. "Қазақстан Республикасының мемлекеттiк туы туралы" Заңында белгiленген жағдайда мәслихат сессиясы өтетін залдарда әкiмият және аудандық мәслихат ғимараттарында Қазақстан Республикасының мемлекеттiк туы қолданылады.
76. Қазақстан Республикасы Заңдарына сәйкес аудандық мәслихат және әкiмият өз баспасөз органына құрылтайшы болуға, жергiлiктi радио, телевидение, бұқаралық ақпарат құралдарын пайдалануға құқылы.
77. Аудандық мәслихаттың Қазақстан Республикасының Конституциясы мен Заңдарына сәйкес келмейтiн шешiмдерiн мәслихаттың өзiнiң жоюы не сот тәртiбiмен жойылуы мүмкiн.
