Ескерту. Күші жойылды - Маңғыстау облысы Ақтау қаласы мәслихатының 2011.07.21 № 44/403 шешімімен.
"Білім туралы" Қазақстан Республикасының 2007 жылғы 27 шілдедегі N 319 Заңының 6 бабы 1 тармағы 2) тармақшасын, "Қазақстан Республикасындағы мемлекеттік жастар саясаты туралы" Қазақстан Республикасының 2004 жылғы 7 шілдедегі N 581 Заңының 6 бабының 4 тармағына сәйкес және "Қазақстан Республикасындағы жергілікті мемлекеттік басқару туралы" Қазақстан Республикасының 2001 жылғы 23 қаңтардағы N 148 Заңының 6 бабы 1 тармақшасы 15) тармақшасын басшылыққа алып, қалалық мәслихат ШЕШІМ ЕТТІ:
1. Қоса беріліп отырған Ақтау қаласындағы білім беру ұйымдарының күндізгі оқу нысанында оқитындар мен тәрбиеленушілер үшін қалалық қоғамдық көлікте (таксиден басқа) жеңілдікпен жүруді белгілеу және төлеуінің нұсқаулығы бекітілсін.
2. Осы шешім алғаш рет ресми жарияланғаннан кейін он күнтізбелік күн өткен соң қолданысқа енгізіледі.
Сессия төрағасы Ә.Ванов
Қалалық мәслихат хатшысының
міндетін атқарушы С.Кутепов
"КЕЛІСІЛДІ":
"Қалалық білім бөлімі" ММ
бастығының міндетін атқарушы
А.Жұмағұл
2008 жылы 15 қазан
Қалалық мәслихаттың
2008 жылғы 15 қазандағы
N 13/127 шешімімен бекітілген
Ақтау қаласындағы білім беру ұйымдарының күндізгі оқу нысанында оқитындар мен тәрбиеленушілер үшін қалалық қоғамдық көлікте (таксиден басқа) жеңілдікпен жүруді белгілеу және төлеуінің
НҰСҚАУЛЫҒЫ
1. Ақтау қаласындағы білім беру ұйымдарының күндізгі оқу нысанында оқитындар мен тәрбиеленушілер үшін қалалық қоғамдық көлікте (таксиден басқа) жеңілдікпен жүруді белгілеу және төлеуінің осы нұсқаулығы (бұдан әрі - Нұсқаулық) Қазақстан Республикасының "Білім туралы" 2007 жылғы 27 шілдедегі N 319, "Қазақстан Республикасындағы мемлекеттік жастар саясаты туралы" 2004 жылғы 7 шілдедегі N 581, 2001 жылғы 23 қаңтардағы № 148 «Қазақстан Республикасындағы жергілікті мемлекеттік басқару және өзін-өзі басқару туралы» Заңдарына сәйкес жасақталған.
Ескерту. 1-тармаққа өзгертулер енгізілді - Ақтау қалалық мәслихатының 2010.12.24 № 38/347 (жарияланғаннан кейін күнтізбелік он күн өткен соң қолданысқа енгізіледі) Шешімімен.
2. Қоғамдық көлікте (таксиден басқа) жеңілдікпен жүру бойынша төлеу "Білім беру ұйымдарының күндізгі оқу нысанының оқушылары мен тәрбиеленушілерін әлеуметтік қолдау" бюджеттік бағдарламасымен 2008 жылдың 1 қыркүйектен бастап, жергілікті бюджеттен бөлінеді.
3. Білім беру ұйымдарының күндізгі оқу нысанында оқитындар мен тәрбиеленушілер үшін қалалық қоғамдық көлікте (таксиден басқа) жүру үшін жеңілдікті тағайындау және төлеу органы болып, "Ақтау қалалық білім бөлімі" мемлекеттік мекемесі болып табылады (бұдан әрі - Бөлім).
4. Қалалық қоғамдық көлікте (таксиден басқа) жеңілдікпен жүру келесі білім беру ұйымдарының күндізгі оқу нысанында оқитындар мен тәрбиеленушілерге белгіленеді:
жоғары оқу орындарында;
орта арнаулы оқу орындарында;
лицейлерде;
мектеп-интернаттарда.
5. Күндізгі оқу нысанының білім беру ұйымдарымен (бұдан әрі - Ұйым) оқитындар мен тәрбиеленушілер туралы мәліметті қоса берілген электронды және жазбаша түрінде тапсырылғаннан кейін Бөліммен жеңілдікпен жүруді тағайындау туралы шешім қабылданады.
Ұйымдар өздерінің оқитындары мен тәрбиеленушілері туралы мәліметті әр айдың 5-не дейін Бөлімге тапсырып отырады.
6. Қазақстан Республикасы Үкіметінің 2009 жылғы 26 ақпандағы № 220 «Бюджеттің атқарылуы және оған кассалық қызмет көрсету ережесін бекіту туралы» Қаулысына сәйкес Ұйымдар өздерінің оқитындары мен тәрбиеленушілерінің төмендегі құжаттарының көшірмелерін Бөлімге тапсырулары тиіс:
жеке куәліктің;
СТН;
ЖӘК;
студенттік билеттің;
пластикалық карточканың.
Ұйымдар өздерінің оқитындары мен тәрбиеленушілерінің мағлұматтары өзгерген жағдайда белгіленген нысанға сәйкес ақпаратты уақытылы Бөлімге тапсыруы тиіс.
Ескерту. 6-тармаққа өзгертулер енгізілді - Ақтау қалалық мәслихатының 2010.12.24 № 38/347 (жарияланғаннан кейін күнтізбелік он күн өткен соң қолданысқа енгізіледі) Шешімімен.
7. Ұйым басшылары күндізгі оқу нысанында оқитындар мен тәрбиеленушілер туралы мәліметтерді ұсынғанда, қол қойып, елтаңбалық мөрмен куәландырады және көрсетілген мәліметтің толықтығына, растығына Қазақстан Республикасының заңнамалық актілеріне сәйкестігіне жауапты болады.
8. Берілген мәлімет пен құжаттардың көшірмелері бойынша Бөлім алушылардың тізімін тиісті банктерге жинақтап, әр айдың 15-не дейін оқитындар мен тәрбиеленушілердің карт-шотына 520 теңгеден аударып отырады.
9. Күндізгі оқу нысанында оқитындар мен тәрбиеленушілерге қалалық қоғамдық көлікте (таксиден басқа) жеңілдікпен жүру үшін берілген бюджеттік қаражаты мақсатты жұмсалуына жауапты болып Бөлім саналады.
10. Бөліммен бірге Ұйымдар өздерінің оқитындары мен тәрбиеленушілерінің саны мен төленген қаржы туралы әр айдың 20-на дейін салыстырмалы актісін жасап отырулары тиіс.
Ақтау қаласындағы білім беру
ұйымдарының күндізгі оқу нысанында
оқитындар мен тәрбиеленушілер үшін
қалалық қоғамдық көлікте (таксиден
басқа) жеңілдікпен жүруді белгілеу
және төлеуінің нұсқаулығына
Қосымша
Ақтау қаласындағы білім беру ұйымдарының күндізгі оқу
нысанында оқитындары мен тәрбиеленушілерi жөнiндегi
АҚПАРАТ
N р/р |
Оқитынның (тәрбиеленушінің) Т.А.Ә. |
Жеке куәлiктің N |
Жеке куәлiктiң берiлген күні |
СТН |
ЖӘК |
Студенттік билеттің N |
Күндізгі оқу бөліміне қабылданған жөніндегі бұйрықтың күні, N |
Күндізгі оқу бөлімінен шыққан жөніндегі бұйрықтың күні, N |
Банктің атауы (пластикалық карта) |
Пластикалық картаның N |
М.О. Білім беру ұйымы басшысының Т.А.Ә. және қолы
