РҚАО-ның ескертпесі!
Алматы қаласы мәслихатының 2012.09.14 № 56 шешімімен күші жойылуы көзделген (01.01.2013 бастап күшіне енеді).
Күшін жою туралы шешімнің күші жойылды - Алматы қаласы мәслихатының 2012.12.12 № 86 шешімімен.
Ескерту. Күші жойылды - Алматы қаласы мәслихатының 28.08.2013 N 167 шешімімен.
"Қазақстан Республикасындағы жергілікті мемлекеттік басқару туралы" Қазақстан Республикасы Заңы 7 бабының 1 тармағына сәйкес ІV сайланған Алматы қаласы мәслихаты ШЕШІМ ЕТТІ:
1. IV сайланған Алматы қаласы мәслихаты ХI сессиясының "Алматы қаласында жануарларды ұстау Ережесін бекіту туралы" 2008 жылғы 2 шілдедегі N 118 шешіміне (нормативтік құқықтық актілердің мемлекеттік тіркеу тізілімінде N 787 рет санымен 2008 жылдың 14 тамызында тіркелген, 2008 жылдың 28 тамызында "Алматы ақшамы" газетінің N 98 нөмірінде және 2008 жылдың 30 тамызында "Вечерний Алматы" газетінің N 104-105 нөмірлерінде жарияланған) мынадай өзгерістер мен толықтырулар енгізілсін:
көрсетілген шешімімен бекітілген Алматы қаласында жануарларды ұстау Ережесіне:
7 тармақ келесі мәтіндегі абзацпен толықтырылсын "Иттер мен мысықтардың санын реттеу оларды иелерінің қалауы бойынша олардың есебінен ветеринарлық емханаларда зарарсыздандыру арқылы жүзеге асырылады";
22 тармақ алынып тасталсын;
17 тармақтың 7 тармақшасындағы үшінші абзац алынып тасталсын;
5 тараудың тақырыбы жаңа редакциядағы келесі мазмұнда жазылсын:
"5 тарау. Алматы қаласында жануарларды ұстау Ережесінің орындалуы";
33 тармақта:
"Пәтер иелері кооперативі, тұрғын үй кооперативі, жеке жайлар иелері кооперативі, кондоминиумдар:" сөздері "Осы Ережелерді сақтауға өкілетті органдарға жәрдемдесу мақсатында пәтер иелері кооперативтері, тұрғын үй кооперативтері, жеке жайлар иелері кооперативтері, кондоминиумдар:" сөздерімен ауыстырылсын;
1 тармақша жаңа редакциядағы келесі мазмұнда жазылсын:
"1) өз қарамағындағы үйлерде пәтер иелері ұстайтын жануарлардың саны туралы мәліметтерді жинайды және оларды тіркеуді жүзеге асыру үшін өкілетті органдарға (тіркеу органдарына) береді;".
2. Осы шешім алғаш ресми жарияланғаннан кейін күнтізбелік он күн өткен соң қолданысқа енгізіледі.
IV сайланған Алматы қаласы
мәслихаты XІII сессиясының
төрағасы Б. Оспанов
ІV сайланған Алматы қаласы
мәслихатының хатшысы Т. Мұқашев
