РҚАО ескертпесі.
Мәтінде авторлық орфография және пунктуация сақталған.
Қазақстан Республикасының "Халықты жұмыспен қамту туралы" Заңының 2-тармақ 5-бабының нормаларын басшылыққа ала отырып, Қазақстан Республикасы Үкіметінің 2009 жылғы 6 наурыздағы "Мемлекет басшысының 2009 жылғы 6 наурыздағы "Дағдарыстан жаңару мен дамуға" атты Қазақстан халқына Жолдауын іске асыру жөніндегі шаралар туралы" N 264 қаулысын іске асыру үшін, сонымен бірге 2009 жылы 13 маусымда жер сілкінісі салдарынан зардап шеккен жұмысы жоқ азаматтарды жұмысқа орналастыру үшін Текелі қаласының әкімдігі ҚАУЛЫ ЕТЕДІ:
1. Нысаналы топқа жататын азаматтардың қосымша тізбесі белгіленсін:
2009 жылы 13 маусымда жер сілкінісі салдарынан зардап шеккен жұмысы жоқ азаматтар.
2. Осы қаулының орындалуын бақылауды қала әкімінің орынбасарлары Гүлмира Баяхметқызы Маупашеваға, Геннадий Иванович Савиновқа, Әсет Серікұлы Қанағатовқа жүктелсін.
3. Осы қаулы алғаш ресми жарияланғаннан кейін күнтізбелік он күн өткен соң қолданысқа енгізіледі.
Текелі қаласының әкімі С. Бескемпіров
