Ескерту. Күші жойылды - Алматы облысы Ақсу аудандық мәслихатының 05.11.2012 N 8-67 шешімімен.
РҚАО ескертпесі.
Мәтінде авторлық орфография және пунктуация сақталған.
Қазақстан Республикасының "Қазақстан Республикасындағы жергілікті мемлекеттік басқару және өзін-өзі басқару туралы" Заңының 6-бабының 1-тармағы 15-тармақшасына, Қазақстан Республикасының "Білім туралы" Заңының 53-бабының 2-тармағының 2-тармақшасына сәйкес аудандық мәслихат ШЕШІМ ҚАБЫЛДАДЫ:
1. Ақсу ауданының ауылдық жерде тұратын және жұмыс істейтін білім беру ұйымдарының педагог қызметкерлеріне бюджет қаражаты есебінен отын сатып алуға 5 айлық көрсеткіш мөлшерінде біржолғы әлеуметтік көмек төленсін.
2. Аудандық қаржы бөлімі мемлекеттік мекемесі әлеуметтік көмектің қаржыландырылуын қамтамасыз етсін.
3. Аудандық жұмыспен қамту және әлеуметтік бағдарламалар бөлімі мемлекеттік мекемесі әлеуметтік көмектің төленуін қамтамасыз етсін.
4. Ақсу аудандық мәслихатының 2007 жылғы 18 сәуірдегі "Ақсу ауданы бойынша ауылдық (селолық) жерлерде тұратын және жұмыс істейтін мемлекеттік білім беру ұйымдарының педагог қызметкерлеріне отын сатып алуға бюджет қаражаты есебінен әлеуметтік көмек беру туралы" 45-252 нөмірлі (Ақсу ауданының әділет басқармасында 2007 жылғы 26 сәуірде мемлекеттік тіркеу тізілімінде 2-4-46 нөмірімен тіркелген және аудандық "Ақсу өңірі" газетінде 2007 жылғы 12 мамырда N 20 (9351) санында жарияланған) шешімнің күші жойылсын.
5. Осы шешім ресми түрде жарияланғаннан кейін күнтізбелік он күн өткеннен соң қолданысқа енгізіледі.
Сессия төрағасы,
Мәслихат хатшысы Серпербаев
