Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 31-бабы 1-тармағы 1-3)-тармақшасына сәйкес Рудный қаласының әкімдігі ҚАУЛЫ ЕТЕДІ:
1. Әкімдіктің 2009 жылғы 26 қаңтардағы № 24 "2009 жылы жергілікті өкілетті органдардың шешімдері бойынша көмекке мұқтаж азаматтардың жекелеген санаттарына әлеуметтік көмек" бюджеттік бағдарламасын іске асыру туралы" (Нормативтік құқықтық кесімдердің мемлекеттік тіркеу тізілімінде тіркеу нөмірі 9-2-123, 2009 жылғы 13 ақпанда "Рудненский рабочий" газетінде жарияланған) қаулысына мынадай өзгеріс енгізілсін:
1 тармақтың 9)-тармақшасы мына редакцияда жазылсын:
"9) Табысы ең төменгі күнкөріс деңгейінен төмен отбасылардағы, толық емес отбасылардағы азаматтарға, 1, 2, 3 топтағы мүгедектерге, бала жасынан мүгедектерге, мүгедек балаларға және халықтың нысаналы топтарына жататын басқа азаматтарға жоғары және арнайы орта оқу орындарында оқу төлеміне әлеуметтік көмек;".
2. Осы қаулы 2009 жылғы 1 қаңтардан бастап қолданысқа енгізіледі.
Рудный қаласының әкімі Н. Денинг
