Ескерту. Күші жойылды - Шымкент қалалық мәслихатының 2012.05.17 № 7/53-5с Шешімімен.
Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" және 2001 жылғы 16 шілдедегі "Қазақстан Республикасындағы сәулет, қала құрылысы және құрылыс қызметі туралы" Заңдарына сәйкес Шымкент қалалық мәслихаты ШЕШІМ ЕТТІ:
1. "Шымкент қаласының аумағын абаттандыру Қағидасы туралы" Шымкент қалалық мәслихатының 2008 жылғы 14 сәуірдегі № 9/78-4с шешіміне (Нормативтік құқықтық актілерді мемлекеттік тіркеу Реестрінде 14-1-77 нөмерімен тіркелген, "Шымкент келбеті", "Панорама Шымкента" газеттерінде 2008 жылдың 1 тамызында және 2008 жылдың 8 тамызында жарияланған) келесідей өзгерістер мен толықтырулар енгізілсін:
аталған шешімнің кіріспесіндегі "жергілікті мемлекеттік басқару" деген сөздерден кейін "және өзін-өзі басқару" деген сөздермен толықтырылсын;
аталған шешіммен бекітілген Шымкент қаласының аумағын абаттандыру Қағидасында:
1 тармақтағы "жергілікті мемлекеттік басқару" деген сөздерден кейін "және өзін-өзі басқару" деген сөздермен толықтырылсын;
2 тармақтың 10 тармақшасы келесідей мазмұндалсын:
"10) Маңайдағы аймақ - заңды және жеке тұлғалардың меншігіндегі, пайдалануындағы жер учаскесінің шекарасына тұтасатын аймақ, жер учаскесіне құқық белгілейтін құжаттар болмаған жағдайда, жеке меншіктегі, жалға алынған ғимараттың, құрылыс алаңы қоршауының, сауда нысандарының, жарнама немесе басқа нысандардың шекарасына тұтасатын, көршілес жер иеленуші, пайдаланушы жерінің шекарасына дейінгі, ол болмаған жағдайда, объект айналасындағы 10 метрге дейінгі аймақ";
5 тармақтағы "бермеуге міндетті" деген сөздер "бермеуі қажет" деген сөздермен өзгертілсін;
7 тармақ келесідей редакцияда мазмұндалсын:
"7. Жеке тұлғалар және барлық ұйымдық-құқықтық түрдегі заңды тұлғалар, соның ішінде нақты және уақытша нысандардың иелері осы Қағиданың келесі талаптарына сәйкес:
1) өз бетімен өзінің қаржысына немесе мамандандырылған кәсіпорындармен шартқа отыру жолымен бөлінген және бекітілген аумағын көріктендіріп және санитарлық жағдайын қамтамасыз етеді;
2) кез келген меншік нысанына ұқыпты қарауға, мемлекеттік меншік нысанына зиян келтірген жағдайда арнайы органдарға хабарлайды;
3) көше аты мен үй нөмірі көрсетілген аншлагтарды техникалық дұрыс жағдайда және таза ұстайды;
4) қоршауларды (дуалдарды) және шағын сәулет пішіндерін қалыпты жағдайда ұстайды (қоршауды (дуалды) сыртқы жағынан сырлау, әктеу).";
11 тармақтың 1 азат жолы келесідей редакцияда мазмұндалсын:
"11. Автокөлік кәсіпорындары және автокөлік иелері қала көшелеріне көліктерді таза қалпында шығаруды қамтамасыз етеді.";
39 тармақтағы "оларды жоюдың жауапкершілігі осы жағдайдың болуына жол берген ұйымдарға жүктеледі" деген сөздер "оларды осы жағдайдың болуына жол берген ұйымдар жояды" деген сөздермен өзгертілсін;
46 тармақтың 1) тармақшасы келесідей редакцияда мазмұндалсын:
"1) жер асты коммуникацияларын күтіп ұстайды және жөндейді, сонымен қатар құдықтар мен коллекторларды уақытылы тазалайды.";
47 тармақтағы "жауапты" деген сөз "қамтамасыз етеді" деген сөздермен өзгертілсін;
келесідей мазмұндағы 47-1 тармағымен толықтырылсын:
"47-1. Жол асты инженерлік коммуникацияларды, кабелді, трубаларды жүргізу мақсатында жол төсемінің, жасыл желектердің, аумақтың абаттандырылуының бұзылуы жоспарланған жағдайда аталған жұмыстардың жүргізілу жобасын ұсына отырып, тұрғын үй - коммуналдық, шаруашылық, жолаушылар көлігі және автомобиль жолдары саласындағы уәкілетті органның келісімі және осы органмен келісім шарт жасасу қажет.";
49 тармақтағы "1 қазанға" деген сөздер "тиісті жылдың 1 қазанына" деген сөздермен өзгертілсін;
100 тармақтағы "отыруға міндетті", "ұйымдастыруы тиіс" деген сөздер тиісінше "отырады", "ұйымдастырады" деген сөздермен өзгертілсін;
101 тармақ келесідей редакцияда мазмұндалсын:
"101. Көпқабатты үйлерде орналасқан коммерциялық нысан иегерлері үй ауласының тазалығын қамтамасыз етеді және ауланы көріктендіруге үлес қосады.";
102 тармақтың екінші азат жолы келесідей редакцияда мазмұндалсын:
"102. Заңды және жеке тұлғалар ғимаратты, бөлмелерді жалға беру кезінде 5 календарлық күн ішінде қоқыс шығарушы кәсіпорындармен ғимаратты, бөлмелерді пайдаланушылардың, тұрғындардың (жалға алушылардың) нақты саны бойынша шарт жасасады.";
103 тармақтағы "тиіс" деген сөз "қажет" деген сөзге өзгертілсін;
115 тармақ келесідей редакцияда мазмұндалсын:
"115. Жөнсіз үйінділерге жауапты тұлғаларды анықтауға мүмкіндік болмаған жағдайда, қалдықтарды шығару және жөнсіз үйінділер орынын, сондай-ақ, маңайдағы аймақты қалпына келтіру жұмыстары өкілетті органдар белгілеген мерзімде аумақ иесінің немесе жер пайдаланушы қаражаты есебінен жүргізіледі.";
121 тармақтағы "осы мақсаттарда тротуарларды, жаяу жүргіншілер жолы мен гүлзарларды пайдалануға тыйым салынады" деген сөздер "Тротуарларға, жаяу жүргіншілер жолы мен гүлзарларға тауарлардың үлгілерін шығарып қою арқылы жарнамалауға және тауарларды үйіп қоюға жол берілмейді" деген сөздерге өзгертілсін;
122 тармақтағы "келтіруі қажет" деген сөздер "келтіреді" деген сөзге өзгертілсін;
136 тармақ келесідей редакцияда мазмұндалсын:
"136. Шағын сәулеттік нысандардың иелері - заңды және жеке тұлғалар өз қаржыларына оларды ауыстырады, жөндейді және бояйды."
келесідей мазмұндағы 8-1 тарауымен толықтырылсын:
"8-1 тарау. Құрылыс алаңдары мен учаскелерді күтіп ұстау
136-1. Бөлінген учаскеде құрылыс қызметі басталғанға дейін (жаңа құрылыс, қайта жаңарту, жөндеу, құрылыстарды бұзу) құрылыс салушы (объектіні жөндеу, қайта жаңарту кезінде меншік иесі), құрылысты ұйымдастыру жобасына, объектінің бас жоспарына сәйкес құрылыс алаңын, жұмыс учаскелерін жайғастыруды жүргізеді;
объектілерді кейіннен кәдеге жарату (бұзу) бойынша жұмыстарын өткізу кезінде, бұзу жөніндегі қажетті техникалық шешімдерге немесе ғимараттарды бұзу жобасына сәйкес жүргізеді.
136-2. Сейсмикалық қауiптiлiгi жоғары немесе iске асыру кезiнде арнаулы жобалау шешiмдерi мен iс-шараларды талап ететiн өзге де ерекше геологиялық (гидрогеологиялық) және геотехникалық жағдайлары бар аудандардағы (аймақтардағы) жеке тұрғын үй құрылысына міндетті түрде жобаның сараптамасы жүргізілуі тиіс;
136-3. Құрылыс салушы, объектінің иесі құрылыс алаңын (бұзуға жататын учаскеде) абаттандыру үшін мемлекеттік сәулет-құрылыс бақылау органында дайындық жұмыстарын жүргізуге рұқсатын алады.
Құрылыс алаңы (бұзуға жататын учаскеде) келесі міндетті талаптардың орындалуымен, тиісті нормалар мен ережелердің талаптарына сәйкес абаттандырылуы қажет:
1) құрылыс алаңы барлық периметрі бойынша бөтен тұлғалардың кіруіне жол бермейтін және іргелес жатқан аумақтарға қоқысты шығаруды болдырмайтын қоршаумен қоршалынады;
адамдардың көптеп өтетін жерлерінде қоршауға жаппай қорғау қалқанын орнатуды қамтамасыз етуі қажет;
2) қоршау андулиннен немесе басқа, сәулет органымен келісілген, материалдардан жасалуы қажет;
3) қоршаудың құрылымдары көлденең және тіке бағыттарда қатты түрде бекітіліп, реттелуі, сырлануы және мұнтаздай ешбір ойықсыз, зақымдалған учаскесіз, бөтен хабарландыру мен жазуларсыз болуы керек;
4) қоршаудың биіктігі жер бедерінен үш метрден кем болмауы, төменгі бөлімінде саңылаулары болмауы тиіс;
жеке шыға беріске немесе салынып жатқан құрылысқа шағын қосымша құрылыс салу кезінде, биіктігі екі метр қоршау құрылғысын орналастыру рұқсат етіледі;
5) қақпа немесе шлагбаумды орнатумен құрылыс алаңынан болмашы көшелеріне шығатын минималды жолдардың саны көзделеді;
6) шығатын жолдарда ақпараттық қалқандар орнатылады;
7) жарық бүкіл қоршау периметрі бойынша болуы керек, адамдар көптеп өтетін жерде жарық бүкіл қоршау периметрі бойынша екі жақтан түсуі қажет;
8) құрылыс алаңдарына ішкі алаң жолдары мен кіреберіс жолдары объектінің бас жоспарына сәйкес абаттандырылған және төсем болуы керек және асфальтталған қаланың өту жолдарына қосылуы қамтамасыз етілуі қажет;
9) шығатын жолдарда көлік құралдарының дөңгелектерді жуу (тазалау) пункттері жабдықталады;
10) құрылыс алаңдарындағы аумақты тазалық пен тәртіпте ұстаудың, абаттандырылуды және іргелес жатқан құрылысқа теріс ықпал етуді болдырмау, үстірттік және жер асты сулардың бұрылуын ұйымдастыруды жүзеге асыру бойынша іс-шаралар көзделеді;
құрылыс және тұрмыс қоқысын жинау мақсатында контейнерлер, жинаушы-бункерлер орнатылып, қоқысты уақытында шығаруды ұйымдастыру қажет;
құрылыс алаңына (бұзуға жататын учаскеде) іргелес жатқан аумақты ұқыпты түрде күтіп, мезгілді жинастырылуы қажет;
11) құрылыс алаңынан тыс құрылыс материалдарды, қоқымды (синтетикалық қабыршықтар, үгінділер, перделер, жоңқалар, буып-түйетін материалдар) шығаруды болдырмайтын шаралар көзделуі қажет;
12) жабық лотоктар мен жинаушы-бункерлерді қолдануынсыз объектілер қабаттарынан қоқыстар мен қалдықтарды тастауға жол берілмейді;
13) ғимараттардың қасбеттерінде жұмыс істеу барысында, арнайы осындай мақсатпен көзделген және сапасы бойынша сәндік, беріктік және өрт қауіпсіздік талаптарына сәйкес келетін торлардан жасалған тор көзді қоршау болуы керек;
14) торлардан жасалған қоршау осындай мақсаттары үшін жасалған ғимараттың қасбеттер бекіткіштеріне немесе орнатылған мінбесатылардың үстіне жабылады;
торлар тұрақты тұру үшін созылып, үстіңгі қабат бойынша бекітіледі, торлардың қисайып, созылып кетуіне жол берілмейді;
15) қажеттіліктер туындаған кезде, жаяужолды, жаяу жүретін галереяларды, төсемдерді, таяныштарды, айналма және уақытша жолдарды абатандыру мен олардың ұқыпты түрде ұсталуы қамтамасыз етіледі;
16) бұзуға жататын учаскелерде құрылыстарды бұзу, алаңды дайындау шараларын іске асырған соң ғана бастауға болады;
17) құрылысты бұзу жұмыстарын, ғимарат элементтерінің қирауын болдырмау мақсатында, жоғарғы құрылымдардан бастау қажет.
136-4. Барлық материалдар мен топырақ тек қоршалған аумақ шеңберінде ғана болады;
шығарылған топырақ (құнарлыдан басқасы), бұзылғанның қалдықтары мен қоқыс, қатты тұрмыс қалдықтары полигонына шығарылуы тиіс, қоршалған аумақтан тыс материалдарды, қоқыстарды қоймалауға, көліктің тиелуіне және тұрақтануына, механизмдер мен құрылыс техникаларын орнатуына рұқсат етілмейді.
136-5. Мұзды, қарды, құрылыс қоқыстарды уақытында ұйымдастырып шығару үшін құрылыс салушы немесе мердігер құрылыс алаңын жайғастыруға рұқсаттама алған кезде арнайы кәсіпорындармен келісім шартқа отырады.
136-6. Құрылыс салушымен құрылыстық және тұрмыстық қоқысты уақытылы шығарылуы қамтамасыз етіледі.
136-7. Салушы немесе мердігер арнаулы орында немесе құрылыс алаңдарында құрылыс қалдықтарын басқа қалдық түрлерінен тікелей бөліп алуды ұйымдастыруы тиіс, сондай-ақ қоқыс тастайтын жерлерде және полигондарда құрылыс қоқыстарын басқа қалдықтармен араластыруға жол бермеу.
136-8. Құрылыс (бұзу) аяқталғаннан кейін, құрылыс алаңына іргелес жатқан аумақтың бұзылған абаттандыруын қалпына келтіру, сондай-ақ уақытша жүруге, жолаушылардың өту жолы, уақытша ғимараттар мен материалдарды қоймалау үшін, инженерлік желілерді төсеу және тағыда басқа пайдаланған аймақтарды құрылыс салушы қалпына келтіруі қажет."
келесідей мазмұндағы 8-2 тарауымен толықтырылсын:
"8-2 тарау. Көркем безендіру және жарнама
136-9. Маңайдағы аймақта, сонымен қатар ғимараттардың, жарнама беретін жарнама тақталарында орналастырылған сыртқы (көрнекі) жарнамалар мен ақпарат нысандары таза ұсталуы және түнгі уақытта жарықтандыратын арнайы прибормен жарықтандырылуы тиіс. Рұқсат құжатнамасы бар заңды және жеке тұлғалар бұларды күтіп ұсталуын қамтамасыз етеді.
136-10. Жарнама құрылғысының иесі жарнама құрылғысын орналастырғаннан соң және орнынан алған соң аумақты көріктендіріп, қалпына келтіреді.
136-11. Жарнамалық құрамалардағы кескіндемені (плакаттарды) алмастырғанда автокөлікпен көгал алаңдарға кіруге жол берілмейді.
136-12. Кәсіпорындар мен ұйымдар ғимараттың бекітілген аймағын және қасбетін эстетикалық түрін қамтамасыз етуі керек. Кіре берісінде сыртқы есікте маңдайша жазулар, яғни кәсіпорынның бағдары туралы ақпараттар, фирмалық аталуы, тіркелген тауарлық белгісі (тауарлардың және қызметтердің тізімінсіз), тұтынушыны хабардар ететін кәсіпорынның мекен-жайы және ғимараттың қасбетінде оған кіру бағыты көрсетілген ақпараттар ілінуі қажет.
136-13. Кәсіпорынның жұмыс жасау тәртібі туралы мәліметті тұтынушыға жеткізуге арналған баспа материалдары түріндегі плакаттарды кәсіпорындардың витриналарына (терезелеріне), есіктеріне орналастыруға болады.
136-14. Витриналар ішкі жағынан безендірілуі мүмкін: өздерінің фирмалық аталуы, олардың тауарлық және қызметтік белгілері, кәсіпорынның бағытын ашатын және фирмалық аталуына сәйкес бейнелеу элементтері, декоративті, мейрамдық безендірулер жасауға болады. Витринаның безендірілуі эстетикалық талаптарға сәйкес болуы тиіс.
136-15. Қаланың жалпы пайдаланатын жерлерінде мерекелік безендіруді ұйымдастыру, орналастыру және орнынан алу жұмыстарын қаланың тиісті қызметтері орындайды.
136-16. Әртүрлі жарнамаларды және басқа да ақпараттарды ғимараттарға, дуалдарға, қалалық жолаушылар көліктері павильондарына, жарықтандыру бағаналарына, ағаштарға жапсыруға және ілуге жол берілмейді.
Барлық нысандардан (ғимараттардың қасбеттері, дүкендер, байланыс жүйелерінің және сыртқы жарықтандыру бағаналары) өз еркімен ілінген жарнамалық және басқа хабарландыруларды, жазуларды және суреттерді олардың ведомстволық тиістілігіне қарамастан қаладағы аудандық әкімдердің аппараттарын, сонымен қатар аталған объектілердің иелері мен жалға алушылары жою жұмыстарын жүргізуді ұйымдастырады.";
141 тармақтағы "ұстауға", "етуге тиісті" деген сөздер "ұстауды", "етеді" деген сөздерге тиісінше өзгертілсін;
142 тармақ "Объектілердің құрастырмалары мен функционалдық мақсатын өзгертпей, жер учаскесінің қазіргі шекарасында жүзеге асырылатын қолданыстағы тұрғын ғимараттардағы үй-жайларды (тұрғын үйлердің балкондары мен лоджияларын) қайта жаңарту, қайта жобалау, қайта жабдықтау жергілікті атқарушы органның тиісті шешімі негізінде жүзеге асырылады." деген сөздермен толықтырылсын;
143 тармақта:
"құрылғылардың қасбеттерін" деген сөздер "құрылғылар қасбеттерінің тозуына байланысты" деген сөздерге өзгертілсін;
"жүргізуі керек" деген сөздер "жүргізеді" деген сөздерге өзгертілсін;
келесідей мазмұндағы 146-1 тармағымен толықтырылсын:
"146-1. Объектіні пайдалануға қабылдау актісі бекітілмейінше оны пайдалануға тыйым салынады.";
151 тармақ келесідей редакцияда мазмұндалсын:
"151. Өкілетті орган су бұрқақтардың тиісті дәрежедегі жағдайын және пайдаланылуын қамтамасыз етеді.";
155 тармақтағы "босатуға міндетті" деген сөздер "босатуы керек" деген сөздерге өзгертілсін;
156 тармақтағы "беруге міндетті" деген сөздер "беруі қажет" деген сөздерге өзгертілсін;
160 тармақтағы "шақыруға міндетті" деген сөздер "шақыруы керек" деген сөздерге өзгертілсін;
177 тармақ келесідей редакцияда мазмұндалсын:
"177. Таксофондардың жұмыс істейтін жағдайда болуы және қолданыстан шыққанда (телефон қалқандарын бояу немесе жуу, сынған әйнектерін ауыстыру, бөгде жазуларды жою, әйнектерді тазалау) уақытында келеңсіздіктердің жойылуы қызмет көрсететін ұйымдармен қамтамасыз етіледі.";
178 тармақ келесідей редакцияда мазмұндалсын:
"178. Таксофондар маңындағы аумақтардың 5м радиустегі тиісті жағдайы, тазалығы таксофондар орналасқан аумақтағы тапсырыс беруші қызметтермен, кәсіпорындарымен және ұйымдар, ведомстволар, басқа шаруашылық субъектілерімен қамтамасыз етіледі.";
179 тармақтағы "міндетті" деген сөз алынып тасталсын;
180 тармақтағы "міндетті" деген сөз алынып тасталсын;
3 бөлім алынып тасталсын.
2. Осы шешім алғаш ресми жарияланғаннан кейін он күнтізбелік күн өткен соң қолданысқа енгізіледі.
Қалалық мәслихат сессиясының төрағасы Д. Ахметов
Қалалық мәслихат хатшысы Ж. Махашов
«Келісілді»
Шымкент қалалық сәулет
және қалақұрылысы бөлімінің бастығы Е. Жанбатыров
«_29_»____09____ 2009 жыл
