Күші жойылды - ҚР Қаржы министрінің 2010.09.21 № 474 (2011.01.01 бастап қолданысқа енгізіледі) Бұйрығымен.
Қазақстан Республикасы Кеден кодексінің 76-бабына сәйкес БҰЙЫРАМЫН:
1. «Тауарларды кедендік бақылаумен өткізу туралы» Қазақстан Республикасы Кедендiк бақылау агенттiгi төрағасының 2003 жылғы 12 мамырдағы № 197 бұйрығына (Нормативтік құқықтық актілерді мемлекеттік тіркеу тізілімінде № 2318 болып тіркелген) мынадай өзгерістер мен толықтырулар енгізілсін:
1-тармақтың 1) тармақшасы мынадай редакцияда жазылсын:
«1) Тауарлардың жеткізілуін бақылау құжатын ресімдеу, қалыптастыру және пайдалану ережесі;»;
көрсетілген бұйрықпен бекітілген Тауарлар мен көлік құралдарының жеткізілуін бақылау ережесінде:
ереженің атауы мынадай редакцияда жазылсын:
«Тауарлардың жеткізілуін бақылау құжатын ресімдеу, қалыптастыру және пайдалану ережесі»;
1-тармақтағы «Тауарлар мен көлiк құралдарының жеткiзiлуiн бақылау» деген сөздер «Тауарлардың жеткізілуін бақылау құжатын ресімдеу, қалыптастыру және пайдалану» деген сөздерге ауыстырылсын;
2-тараудың атауы мынадай редакцияда жазылсын:
«2. Жеткізілуін бақылау құжатын ресімдеу және қалыптастыру тәртібі»;
мынадай мазмұндағы 9 және 10-бөлімдермен толықтырылсын:
«9. Тауарға ілеспе құжаттарды тауарлардың жеткізілуін бақылау құжаты ретінде қолдану ерекшеліктері
49. ЖБҚ ретінде тауарға ілеспе құжаттар:
осы ереженің 50-тармағының талаптарына сәйкес жөнелтуші кеден органы жарақтандырылған;
осы ереженің 52 және 53-тармақтарында белгіленген талаптарға тауарға ілеспе құжаттардың сәйкестігі немесе Қазақстан Республикасы Қаржы министрлігі Кедендік бақылау комитетінің веб-порталы арқылы алдын ала ақпарат ұсыну жағдайында пайдаланылады.
50. ЖБҚ ретінде тауарға ілеспе құжаттарды қабылдайтын кеден органдары, бағдарламалық қамтамасыз етумен және тауарға ілеспе құжаттарды сканерлеуді, ЖБҚ анықтамалық нөмірін автоматты түрде беруді және құжаттарды өңдеу орталығына сканерленген бейнелерді жолдауды қамтамасыз ететін жабдықпен жарақтандырылады.
Тауарға ілеспе құжаттарды ЖБҚ ретінде пайдалану үшін бағдарламалық қамтамасыз етумен және жабдықпен жарақтандырылған кеден органдарының тізбесі Қазақстан Республикасы Қаржы министрлігі Кедендік бақылау комитетінің веб-порталында жарияланады және кеден органдарының жарақтандырылуына қарай жаңартылады.
Тауарға ілеспе құжаттарды ЖБҚ құжаты ретінде пайдалану мүмкіндігі туралы ақпарат жөнелтуші кеден органының ақпараттық стендінде орналастырылады.
51. Кеден органына ұсынылатын алдын ала ақпарат осы Ереженің 14-қосымшасына сәйкес мәліметтерді қамтиды.
Жөнелтуші кеден органына алдын ала ақпарат ұсынуды растау ретінде тасымалдаушының өкілі оны тауаркөліктік құжаттың жоғарғы оң жақ бұрышында көрсету арқылы веб-порталда алдын ала ақпаратты тіркеу кодын немесе веб-портал берген тіркеу штрих-коды ұсынылады.
52. ЖБҚ ретінде қабылданатын тауарға ілеспе құжаттар:
көліктік (тасымалдау) құжаттарға сәйкес тауарды жөнелтуші, алушы;
тауарларды жөнелтуші ел, межелі елі;
декларант;
тасымалдаушы;
тауарлар тасымалданатын көлік құралы;
коммерциялық, көліктік (тасымалдау) құжаттарға сәйкес тауарлардың атауы, мөлшері, құны;
Тауарларды сипаттау мен кодтаудың үйлестірілген жүйесіне немесе Сыртқы экономикалық қызметтің тауар номенклатурасына сәйкес кемінде алты мәнді деңгейіндегі тауарлар коды;
тауарлардың брутто салмағы немесе көлемі, сондай-ақ Сыртқы экономикалық қызметтің тауар номенклатурасының немесе Тауарларды сипаттау мен кодтаудың үйлестірілген жүйесінің әрбір коды бойынша (мұндай мәліметтер болған кезде) қосымша өлшем бірлігіндегі тауарлар мөлшері;
жүк орындарының саны;
көліктік (тасымалдау) құжаттарға сәйкес тауарлардың межелі пункті;
егер мұндай өткізуге осы құжаттар болған кезде жол берілсе, тауарлардың кедендік шекара арқылы өткізілуімен байланысты шектеулердің сақталуын растайтын құжаттар;
жоспарланған тауарларды қайта тиеу немесе жолдағы жүк операциялары туралы мәліметтерді қамтуға тиіс.
53. ЖБҚ ретінде қабылданатын тауарға ілеспе құжаттар мемлекеттік немесе орыс тілінде толтырылады. Өзге жағдайларда, өткізілетін тауарларға қатысты өкілеттігі бар тұлға тауаркөліктік және коммерциялық құжаттарды мемлекеттік немесе орыс тіліне аударуды қамтамасыз етеді.
54. ЖБҚ ретінде қабылданатын тауарға ілеспе құжаттар осы Ереженің 15-қосымшасына сәйкес берілетін құжаттар тізімдемесінің екі данасы жасала отырып, жөнелтуші кеден органына бір данада көрсетіледі.
Тауарға ілеспе құжаттардың барлық парақтары, сондай-ақ ол болған жағдайда, құжаттардың аудармасы рет бойынша нөмірленеді.
Құжаттар тізімдемесінде тасымалдау өкілінің Т.А.Ә. және қолы, тасымалдаушының тауарды межелі кеден органына дейін жеткізу туралы міндеттемесі толтырылады. Тауарлар мен көлік құралдары электрондық пломбаны қолдана отырып өткізілген жағдайда тізімдемеде тасымалдаушының электрондық пломбаны (электрондық пломбаның нөмірін көрсете отырып) межелі кеден органына өзгермеген жай-күйінде жеткізу және тапсыру туралы міндеттемесі көрсетіледі.
55. Жөнелтуші кеден органының лауазымды тұлғасы берілген тауарға ілеспе құжаттардың әрбір парағын жеке нөмірлік мөрімен куәландырады және бағдарламалық қамтамасыз етудің көмегімен ЖБҚ реттік нөмірін береді.
Жеке нөмірлік мөрмен куәландырылған осы реттік нөмір тауаркөліктік және коммерциялық құжаттарда, сондай-ақ құжаттардың тізімдемесінде көрсетіледі.
Құжаттар тізімдемесінің сол жақ төменгі бұрышында осы Бұйрықтың 3-қосымшасына сәйкес 1-суретте көрсетілген мөртаңба қойылады. Құжаттар тізімдемесінің оң жақ төменгі бұрышында межелі кеден органының коды, (көлік құралы мөрлермен және пломбалармен өткізілген жағдайда) пломба нөмірлері, құжаттарды қабылдаған кеден органы лауазымды тұлғасының тегі және инициалдары көрсетіледі. Осы жазулар құжаттарды қабылдаған кеден органы лауазымды тұлғасының жеке нөмірлік мөрімен куәландырылады.
56. Ұсынылған тауарға ілеспе құжаттарға, сондай-ақ құжаттар тізімдемесіне бағдарламалық қамтамасыз етудің көмегімен сканерлеу жүргізілгеннен кейін жөнелтуші кеден органының лауазымды тұлғасы құжаттар тізімдемесінің бір данасымен ұсынылған құжаттар тауарларды межелі кеден органына кедендік бақылаумен өткізуді жүзеге асыру үшін тасымалдаушының өкіліне қайтарылады.
Құжаттар тізімдемесінің екінші данасы тауарлар мен көлік құралдарын межелі кеден органына дейін өткізуге бақылауды жүзеге асыру үшін жөнелтуші кеден органында қалады.
57. ЖБҚ ретінде тауарға ілеспе құжаттар бойынша тасымалданған тауарлар мен көлік құралдары келгеннен кейін тасымалдаушы тауарлар мен оларға арналған құжаттарды ұсыну жолымен бұл туралы межелі кеден органын хабардар етеді. Межелі кеден органының лауазымды тұлғасы құжаттар тізімдемесінде, сондай-ақ тауаркөліктік және коммерциялық құжаттарға осы Бұйрықтың 3-қосымшасына сәйкес 2-суретте көрсетілген мөртаңбаны қою жолымен тауарлардың жеткізілуін аяқтауды ресімдейді. Осы мөртаңба межелі кеден органы лауазымды тұлғасының қолымен және жеке нөмірлік мөрімен куәландырылады.
Тауарлар түсу фактісін межелі кеден органының лауазымды тұлғасы осы Бұйрықтың 9-қосымшасына сәйкес келтірілген нысан бойынша тауарлардың түсуі журналында тіркейді, одан кейін ІКТ рәсімі бойынша тауарларды тасымалдаудың аяқталуы туралы ақпаратты жедел байланыс желілері бойынша жөнелтуші кеден органына жолдайды.
Тізімдеменің куәландырылған көшірмесі және тауарға ілеспе құжаттар тасымалдаушыға табыс етіледі, ал құжаттар тізімдемесінің түпнұсқасы межелі кеден органында сақталады.
10. Халықаралық жол тасымалы кітапшаларын Тауарлардың жеткізілуін бақылау құжаты ретінде қолдану ерекшеліктері
58. Тауарлар мен көлік құралдарын кедендік бақылаумен өткізген жағдайда, 1975 жылғы Халықаралық жол тасымалы (бұдан әрi - XЖT) кiтапшаларын қолдану арқылы халықаралық жүк тасымалдау туралы кеден конвенциясына сәйкес ЖБҚ ретінде Халықаралық жол тасымалы кітапшасы пайдаланылады.
59. Тауарлар мен көлік құралдарын кедендік бақылаумен өткізу кезінде ХЖТ кітапшасын қолдана отырып, халықаралық жүк тасымалдау туралы кеден конвенциясына сәйкес тасымалдаушының өкілі жөнелтуші кеден органына мынадай құжаттарды:
жөнелтуші мемлекеттердің және транзит мемлекеттерінің кеден органдары толтырған және ресімдеген ХЖТ кітапшасын;
(ХЖТ конвенциясына сәйкес) көлік құралын жіберу беру туралы куәлікті;
тауаркөліктік және коммерциялық құжаттарды ұсынуға тиіс.
60. ЖБҚ ретінде қабылданатын ХЖТ кітапшасы басылым тәсілімен жапсырылған мұқабадан, «үзілмейтін сары», «ақ (№ 1)» және «жасыл (№ 2)» парақтардан тұрады. «ақ (№ 1)» және «жасыл (№ 2)» парақтардың саны тиісінше ең аз дегенде, бір дананы құрауға тиіс. ХЖТ кітапшаларын беру тәртібі ХЖТ конвенциясымен айқындалған.
61. Жөнелтуші кеден органының лауазымды тұлғасы ХЖТ конвенциясының талаптарына сәйкес ХЖТ кітапшасының дұрыс толтырылуын тексереді (мұқабаның 2-15 бағандары мен «үзілмейтін сары» парақ) және ХЖТ кітапшасының үзбелі парақтары мен түбіртегін толтыру жолымен осы кітапшаны ресімдеуді жүргізеді, сондай-ақ тауарға ілеспе құжаттарды жеке нөмірлік мөрімен куәландырады.
62. Жөнелтуші кеден органының лауазымды тұлғасы ХЖТ кітапшасының үзбелі парақтарында «Қызметтік пайдалану үшін» және 16-дан 23-ке дейінгі бағандарды толтырады.
«Қызметтік пайдалану үшін» бағаны – тауардың құны мен валюта коды көрсетіледі, қолмен және жеке нөмірлік мөрмен куәландырылады. Баған ХЖТ кітапшасының «(№ 1) ақ» және «(№ 2) жасыл» парақтарының бір жинағында толтырылады.
«Салынған пломбалар» 16-бағаны – салынған пломбалардың саны және олардың нөмірлері көрсетіледі. Баған ХЖТ кітапшасының әрбір үзбелі парағында толтырылады.
«Жөнелтуші орын кеденінің қолы мен мөрі, күні» 17-бағаны - ХЖТ кітапшасы ашылған кеден органында ХЖТ кітапшасының ашылған күні көрсетіледі, ХЖТ кітапшасы ашылған кеден органы лауазымды тұлғасының қолы мен жеке нөмірлік мөрі қойылады. Баған ХЖТ кітапшасының әрбір үзбелі парағында толтырылады.
Кейінгі бағандар ХЖТ кітапшасының «ақ (№ 1)» және «жасыл (№ 2)» парақтарының бір жинағында толтырылады.
«Кіру кезінде жөнелту орнының кедені немесе аралық кеден» 18-бағаны - жөнелтуші кеден органының атауы көрсетіледі.
«Пломбалардың жай-күйі» 19-бағаны - көлік құралына салынған пломбалар бүлінбеген жағдайда белгі қойылады.
«Транзиттік тасымалдаудың ұзақтығы» 20-бағаны - көлік құралын межелі кеден органына жеткізудің бақылау күні көрсетіледі.
«Кеденмен тіркелген» 21-бағаны - жөнелтуші кеден органының коды мен журнал бойынша тіркеу нөмірі көрсетіледі.
«Әр түрлі (белгіленген бағыт, жүк ұсынылуға тиіс кеден)» 22-бағаны - межелі кеден органының атауы көрсетіледі.
«Күні, мөрі мен қолы» 23-бағаны - жөнелтуші кеден органында ХЖТ кітапшасын ресімдеу күні көрсетіледі, жөнелтуші кеден органы лауазымды тұлғасының қолы мен жеке нөмірлік мөрі қойылады.
63. ХЖТ кітапшасының «ақ (№ 1)» түбіртегінде жөнелтуші кеден органының лауазымды тұлғасы 1-ден 6-ға дейінгі бағандарды толтырылады.
«Келгені кеденмен белгіленген» 1-баған - «ақ (№ 1)» үзбелі парақтың толтырылуы жүзеге асырылған жөнелтуші кеден органының атауы көрсетіледі.
«№» 2 бағаны - ХЖТ кітапшасының «(№ 1) ақ» және «жасыл (№ 2)» парақтар жинағының 21-бағанында көрсетілген нөмірге сәйкес келуі тиіс жөнелтуші кеден органындағы журнал бойынша тіркеу нөмірі көрсетіледі.
«Салынған пломбалар» 3-бағаны - салынған пломбалар саны мен олардың нөмірлері көрсетіледі.
«Пломбалардың жай-күйі» 4-бағаны - көлік құралына салынған пломбалар бүлінбеген жағдайда белгі қойылады.
«Әр түрлі (белгіленген бағыт, жүк ұсынылуға тиіс кеден)» 5-бағаны - межелі кеден органының атауы көрсетіледі.
«Күні, мөрі мен қолы» 6-бағаны - жөнелтуші кеден органында ХЖТ кітапшасын ресімдеу күні көрсетіледі, жөнелтуші кеден органы лауазымды тұлғасының қолы мен жеке нөмірлік мөрі қойылады.
64. ХЖТ кітапшасының «жасыл (№ 1)» түбіртегінде жөнелтуші кеден органының лауазымды тұлғасы межелі кеден органының атауы көрсетілген «Келгені кеденмен белгіленген» 1-бағанын толтырады.
65. ХЖТ кітапшасының толтырылған «ақ (№ 1)» парағы тауарлар мен көлік құралдарын межелі кеден органына дейін өткізуге бақылауды жүзеге асыру үшін жөнелтуші кеден органында қалады. ХЖТ кітапшасы, көлік құралын жіберу туралы куәлік, тауаркөліктік және коммерциялық құжаттар межелі кеден органына өткізілуі үшін тасымалдаушының өкіліне қайтарылады.
66. ХЖТ кітапшасы бойынша тасымалданатын тауарлар мен көлік құралдары келгеннен кейін тасымалдаушы тауарларды және оларға арналған құжаттарды ұсыну жолымен ол туралы межелі кеден органын хабардар етеді. Межелі кеден органының лауазымды тұлғасы ХЖТ кітапшасының «(№ 2) жасыл» үзбелі парағы мен «(№ 2) жасыл» түбіртегін толтыру жолымен тауарлардың жеткізілуін аяқтауды ресімдейді.
67. ХЖТ кітапшасының «(№ 2) жасыл» үзбелі парағында межелі кеден органының лауазымды тұлғасы 24-тен 28-ге дейінгі бағандарды толтырады.
«Шығу кезіндегі аралық кеден немесе межелі орын кедені» 24-бағаны - межелі кеден органының атауы көрсетіледі.
«Пломбалардың жай-күйі» 25-бағаны - көлік құралына салынған пломбалар бүлінбеген жағдайда белгі қойылады.
«Оларға қатысты ХЖТ операциясын тоқтату куәландырылған жүк орындарының саны» 26-баған - межелі кеден органында жүк түсіру кезіндегі орындар саны көрсетіледі. Осы баған тауарларды өткізу рәсімін толық немесе ішінара жабу жүргізілетін межелі кеден органында ғана толтырылады.
«Ресімдеу кезіндегі ескертулер» 27-бағаны - ХЖТ конвенциясына сәйкес (пломбылардың бүлінуі, жеткізу мерзімін бұзушылық, тауарларды жоғалту және т.б.) өткізу рәсімінің шарттарын бұзушылықтар анықталған кезде толтырылады. Осы бағанды толтыру кезде «R» латын әрпі қойылады және ХЖТ кітапшасы бойынша анықталған өткізу рәсімін бұзушылық сипатталады.
«Күні, мөрі мен қолы» 28-баған - жөнелтуші кеден органында ХЖТ кітапшасын ресімдеу күні көрсетіледі, жөнелтуші кеден органы лауазымды тұлғасының қолы мен жеке нөмірлік мөрі қойылады.
68. ХЖТ кітапшасының «жасыл (№ 2)» түбіртегінде жөнелтуші кеден органының лауазымды тұлғасы 2-ден 6-ға дейінгі бағандарды толтырады.
«Пломбалардың жай-күйі» 2-бағаны - көлік құралына салынған пломбалар бүлінбеген жағдайда белгі қойылады.
«Оларға қатысты ХЖТ операциясын тоқтату куәландырылған жүк орындарының саны» 3-бағаны - межелі кеден органында жүк түсіру кезіндегі орындар саны көрсетіледі. Осы баған тауарларды өткізу рәсімін толық немесе ішінара жабу жүргізілетін межелі кеден органында ғана толтырылады.
«Салынған пломбалар» 4-бағаны - жаңа пломбалар салынған жағдайда, салынған пломбалардың саны мен олардың нөмірлері көрсетіледі.
«Ресімдеу кезіндегі ескертулер» 5-баған - ХЖТ конвенциясына сәйкес (пломбалардың бүлінуі, жеткізу мерзімін бұзушылықтар, тауарларды жоғалту және т.б.) өткізу рәсімдерінің шарттарын бұзушылықтар анықталған кезде толтырылады. Осы бағанды толтыру кезде «R» латын әрпі қойылады және ХЖТ кітапшасы бойынша анықталған өткізу рәсімін бұзушылық сипатталады.
«Күні, мөрі мен қолы» 6-баған - жөнелтуші кеден органында ХЖТ кітапшасын ресімдеу күні көрсетіледі, жөнелтуші кеден органы лауазымды тұлғасының қолы мен жеке нөмірлік мөрі қойылады.
69. ХЖТ кітапшасының толтырылған «(№ 2) жасыл» парағы межелі кеден органында қалады.
Қазақстан Республикасының кеден аумағында ХЖТ кітапшасы бойынша тасымалдау аяқталған кезде межелі кеден органының лауазымды тұлғасы осы Ереженің 16-қосымшаға сәйкес нысан бойынша тауарлардың кеден бақылаумен жеткізілуін растау туралы куәлікті толтырады және тауаркөліктік және коммерциялық құжаттарда 2-суретте (3-Қосымша) көрсетілген мөртаңбаны қояды.
70. ХЖТ кітапшасы, тауаркөліктік және коммерциялық құжаттар тасымалдаушының өкіліне қайтарылады.»;
осы Ереженің 3-қосымшасындағы:
«Кедендік бақылау агенттігі» деген сөздер «Кедендік бақылау комитеті» деген сөздерге ауыстырылсын.
осы бұйрықтың 1, 2 және 3-қосымшаларына сәйкес 14, 15 және 16-қосымшалармен толықтырылсын.
2. Қазақстан Республикасы Қаржы министрлігі Кедендік бақылау комитеті (Қ-К.Ж. Кәрбозов) осы бұйрықтың Қазақстан Республикасының Әдiлет министрлiгiнде мемлекеттiк тiркелуiн және бұқаралық ақпарат құралдарында жариялануын қамтамасыз етсiн.
3. Осы бұйрықтың орындалуын бақылау Қазақстан Республикасы Қаржы министрлігі Кедендік бақылау комитетінің төрағасы Қ-К.Ж. Кәрбозовқа жүктелсін.
4. Осы бұйрық ресми жарияланған күнінен бастап он күнтізбелік күн өткен соң қолданысқа енгізіледі.
Министр Б. Жәмішев
Қазақстан Республикасы
Қаржы министрінің
2010 жылғы 22 ақпандағы № 74
бұйрығына 1-қосымша
Тауарлар мен көлік құралдарының
жеткізілуін бақылау ережесіне
14-қосымша
Алдын ала ақпарат ұсыну кезіндегі мәліметтердің тізбесі
Көліктік (тасымалдау) құжаттарға сәйкес тауарды жөнелтуші, алушы;
тауарларды жөнелтуші ел, межелі елі;
декларант;
тасымалдаушы;
тауарлар тасымалданатын көлік құралы;
коммерциялық, көліктік тасымалдау құжаттарға сәйкес тауарлардың атауы, мөлшері, құны;
тауарларды сипаттау мен кодтаудың үйлестірілген жүйесіне немесе Сыртқы экономикалық қызметтің тауар номенклатурасына сәйкес кемінде алты мәнді деңгейіндегі тауарлар коды;
тауарлардың брутто салмағы немесе көлемі, сондай-ақ Сыртқы экономикалық қызметтің тауар номенклатурасының немесе Тауарларды сипаттау мен кодтаудың үйлестірілген жүйесінің әрбір коды бойынша (мұндай мәліметтер болған кезде) қосымша өлшем бірлігіндегі тауарлар мөлшері;
жүк орындарының саны;
көліктік (тасымалдау) құжаттарға сәйкес тауарлардың межелі пункті;
егер мұндай өткізуге осы құжаттар болған кезде жол берілсе, тауарлардың кедендік шекара арқылы өткізілуімен байланысты шектеулердің сақталуын растайтын құжаттар;
тауарға ілеспе құжаттар;
жоспарланған тауарларды қайта тиеу немесе жолдағы жүк операциялары туралы мәліметтер.
Қазақстан Республикасы
Қаржы министрінің
2010 жылғы 22 ақпандағы № 74
бұйрығына 2-қосымша
Тауарлар мен көлік құралдарының
жеткізілуін бақылау ережесіне
15-қосымша
Ішкі кеден транзиті (ІКТ) рәсімімен өткізілетін тауарлар бойынша тауарға ілеспе құжаттарға
ТІЗІМДЕМЕ
ЖБҚ №_____________________________________
Кеден бекеті/БӨП:__________________________________________________
КҚ № ______________________________________________________________
т/б № |
Құжаттың атауы |
Құжаттың нөмірі |
Парақтар саны |
1 |
Тауаркөліктік жүкқұжаты |
||
2 |
Шот-фактура |
||
3 |
Орау парағы |
||
4 |
Тауардың шығарылуы туралы сертификат |
||
5 |
Ветеринарлық сертификат |
||
6 |
ҚР Бас ветинспектордың рұқсат қағазы |
||
7 |
Фитосанитарлық (карантиндық) сертификат |
||
8 |
Импорттық карантиндық рұқсат қағаз |
||
9 |
ҚР Бас санитарлық дәрігердің рұқсат қағазы |
||
10 |
Көлік құралының техникалық паспорты |
||
11 |
Жүргізушінің куәлігі |
||
12 |
Жүргізуші жеке тұлғаны куәландыратын құжат |
||
13 |
Кепілдік міндеттеме |
||
14 |
Кедендік тасымалдаушының лицензиясы |
||
15 |
Қамтамасыз етуді растайтын құжат |
||
16 |
Жүк кедендік декларациясы |
||
17 |
Іссапарға отандық рұқсат қағазы (ККМ) (жасыл) |
||
18 |
ККМ шетелдік рұқсат қағазы (отандық тасымалдаушылар үшін) |
||
19 |
Шетелдік тасымалдаушылармен үшінші елге тасымалдауды орындауға рұқсат қағаз (қызыл) |
||
20 |
КҚ тіркеу талоны (рұқсатсыз жүйесі) |
||
21 |
Жүргізушіге қауіпті жүктерді тасымалдауға рұқсат беру туралы куәлік |
||
22 |
Қауіпті жүктерді тасымалдауға КҚ рұқсат беру туралы куәлік |
||
23 |
Сәйкестік сертификаты |
||
24 |
Өзге құжаттар |
||
барлығы |
|||
Мен, _______________________________________________ құжаттарды, тасымалдаудағы _______ санында тауарларды, сондай-ақ электрондық бақылау құралдарын (бар болса) ________________________ мерзімге дейін межелі кеден органына жеткізуге міндеттенемін. Тізімдемені жинақтаған |
|||
межелі к.о. коды ___________________________ электрондық бақылау пломбылар мен құралдар № Қабылдаған:______________________________ ____ _______ 20__ ж.(__:__) |
|||
Ескерту:
Тізімдеме бір парақтың беткі және сыртқы жағында шығарылады.
3-25 бағандар тиісті құжаттар бар болған кезде толтырылады.
Қазақстан Республикасы
Қаржы министрінің
2010 жылғы 22 ақпандағы № 74
бұйрығына 3-қосымша
Тауарлар мен көлік құралдарының
жеткізілуін бақылау ережесіне
16-қосымша
20 __ жылғы ___ ___________ № _________ Кеден бақылауындағы тауарлардың жеткізілуін растау туралы куәлік
__________________________________________________________________
Межелі кеден органы
№ ___________________ ХЖТ кітапшасы бойынша кеден бақылауындағы тауарлардың тасымалдауы __________________________________________
тіркелген кедендік төлемдер мен
________________________________________________ ұсынумен аяқталуын
салықтардың төленуін қамтамасыз етуді____________________________________ ________________ № __________,
растайтын құжатты көрсету__________________________________________________________________
аталған құжатты тіркеген кеден органын көрсету
__________________________________________________________________куәландырады.
____ _____________ 20___ ж.
ЖНМ
__________________________________________________________________
Куәлікті берген лауазымды тұлғаның Т.А.Ә., қолы және жеке нөмірлік мөрі
