Қазақстан Республикасы Бюджет кодексінің 175, 180-баптарына, "Қазақстан Республикасындағы жергілікті мемлекеттік басқару және өзін-өзі басқару туралы" 2001 жылғы 23 қаңтардағы Қазақстан Республикасы Заңының 27-бабы 1-тармағының 4) тармақшасына, Қазақстан Республикасы Үкіметінің 2009 жылғы 26 ақпандағы № 220 қаулысымен бекітілген Бюджеттің атқарылуы және оған кассалық қызмет көрсету ережесінің 542-тармағына және "Қазақстан Республикасы Үкіметінің 2007 жылғы 6 қарашадағы № 1039 қаулысына толықтырулар енгізу туралы" Қазақстан Республикасы Үкіметінің 2009 жылғы 20 наурыздағы № 361 қаулысына сәйкес Қостанай облысының әкімдігі ҚАУЛЫ ЕТЕДІ:
1. "Шағын және орта бизнесті қаржыландыру және ауыл тұрғындарына шағын кредит беру үшін "КазАгро" Ұлттық басқару холдингі" акционерлік қоғамының еншілес ұйымдарына кредит беру" бағдарламасы бойынша бюджеттік кредит беру негізгі талаптарын белгілеу туралы" әкімдіктің 2009 жылғы 3 қыркүйектегі № 322 қаулысына (Нормативтік құқықтық актілерді мемлекеттік тіркеу тізілімінде 3694 нөмірімен тіркелген, 2009 жылғы 13 қазанда "Қостанай таңы" газетінде жарияланған) мынадай өзгерістер енгізілсін:
жоғарыда аталған қаулының 4-тармағы алынып тасталсын;
жоғарыда аталған қаулының қосымшасындағы "Шағын және орта бизнесті қаржыландыру және ауыл тұрғындарына шағын кредит беру үшін "КазАгро" Ұлттық басқару холдингі" акционерлік қоғамының еншілес ұйымдарына кредит беру" бағдарламасы бойынша бюджеттік кредит беру негізгі талаптары" 5-тармағының екінші абзацы мынадай редакцияда жазылсын:
"бюджеттік кредит қарызгерге тиісті қаржы жылына қарастырылған және Қостанай облыстық мәслихаты сессиясының шешімімен бекітілген сомасы шегінде беріледі;".
2. Осы қаулы алғашқы ресми жарияланған күнінен кейін он күнтізбелік күн өткен соң қолданысқа енгізіледі.
| Қостанай облысының әкімі | С. Кулагин |
