2010 жылға қоғамдық жұмыстарды ұйымдастыру, көлемдері, түрлері және жағдайлары туралы

Қостанай облысы Алтынсарин ауданы әкімдігінің 2010 жылғы 7 сәуірдегі № 94 қаулысы. Қостанай облысы Алтынсарин ауданының Әділет басқармасында 2010 жылғы 21 сәуірде № 9-5-104 тіркелді

"Қазақстан Республикасындағы жергілікті мемлекеттік басқару және өзін-өзі басқару туралы" 2001 жылғы 23 қаңтардағы Қазақстан Республикасы Заңының 31-бабы 1-тармағының 13)–тармақшасына және "Халықты жұмыспен қамту туралы" 2001 жылғы 23 қаңтардағы Қазақстан Республикасы Заңының 20-бабына сәйкес Алтынсарин ауданының әкімдігі ҚАУЛЫ ЕТЕДІ:
1. 2010 жылға қоғамдық жұмыстар үшін жұмыс орындарын, қоғамдық жұмыстардың көлемдері мен түрлерін ұсынушы ұйымдар тізбесі бекітілсін (қосымша).
2. Қоғамдық жұмыстармен қамтылған жұмыссыздардың еңбек ақысы аудандық бюджеттен ең төменгі жалақының бір жарым көлемінде белгіленсін.
3. Қоғамдық жұмыстарды ұйымдастыру "Алтынсарин ауданы әкімдігінің жұмыспен қамту және әлеуметтік бағдарламалар бөлімі" мемлекеттік мекемесі және ұйымдар арасындағы қоғамдық жұмыстарды орындауға жасалған қолданыстағы заңнамаға, келісім шартында көрсетілген талаптарына сәйкес, қоса беріліп отырған тізбесі негізінде жүргізілсін.
4. "Алтынсарин ауданы әкімдігінің тұрғын үй-коммуналдық шаруашылығы, жолаушылар көлігі және автомобиль жолдары бөлімі" мемлекеттік мекемесі орындалған қоғамдық жұмыстардың сапасына бақылау жүргізсін.
5. Осы қаулының орындалуын бақылау аудан әкімі бірінші орынбасарының міндетін атқарушы А.А. Кенжеғаринге жүктелсін.
6. Осы қаулы алғаш рет ресми жарияланған күннен кейін он күнтізбелік күн өткен соң қолданысқа енгізіледі.

Аудан әкімі А. Бондаренко

Әкімдіктің
2010 жылғы 7 сәуір
№ 94 қаулысына қосымша

2010 жылға арналған қоғамдық жұмыстардың
көлемдері және түрлері, қоғамдық жұмыстар үшін жұмыс
орындарын ұсынатын ұйымдардың тізбесі

Ескерту. Қосымша жаңа редакцияда - Қостанай облысы Алтынсарин ауданы әкімдігінің 2010.04.28 № 125 (қолданысқа енгізілу тәртібін 3-тармақтан қараңыз) қаулысымен.

Ұйымның атауы	Жұмыстар мен қызметтер түрлерi	Орындалған жұмыстар мен қызметтер көлемiнiң нақты көрсеткiштерi
"Көмек-Алтын" мемлекеттік коммуналдық кәсіпорыны	Қызметкердің алдын ала кәсіптік дайындығын талап етпейтін елдiмекендер пунктерiн жинауға, қоршауларды сырлау және жөндеуге көмектесу: 1) барлық селолар аумағын күн сайын жинау, қоқыстарды, тастарды жинау, шөптердi жұлу, сыпыру, көлiк және оның тiркемесi тұрған жерлерге тасымалдағышпен қоқыстарды апарып төгу; 2) көлік құралдарына қоқыстар мен көңдерді арту және шығару; 3) аумақты арамшөптерден жинау; 4)көлік құралдарына арамшөптердi арту және шығару; 5) Красный Кордон, Свердловка, Приозерное, Щербаково, Танабай, Докучаево, Лермонтово, Ново-Алексеевка, Силантьевка, Первомай, Большая Чураковка селоларындағы зираттық жерлердегі қоқыстар мен арамшөптерден аумақтарды тазалау; 6) Красный Кордон, Докучаево, Силантьевка селоларындағы зираттық жерлердiң қоршауларын жөндеуге көмек көрсету; 7) Танабай, Докучаево, Красный Кордон, Ново-Алексеевка, Первомай, Большая Чураковка, Щербаково селоларындағы зираттардың қоршауларын сырлауға көмек көрсету; 8) Танабай, Щербаково, Свердловка, Силантьевка, Обаған селоларында жол маңдарында және саябақтарда шөптерді шабу. 2.Қызметкердің алдын ала кәсіптік дайындығын талап етпейтін, елдімекен тіректерін көгалдандыру және көрiктендiруге көмек көрсету: 1) барлық селоларда топырақты жырту, жер тастарын жару, әлеуметтiк-мәдени тағайындаудағы объектiлер маңындағы жерлердi тырнауышпен түзеу; 2) Обаған, Силантьевка, Большая Чураковка, Приозерное селоларында ағаштардағы кепкен бұтақтарды кесу және оларды жинау; 3) ағаштар мен бұталарды отырғызуға топырақты дайындау: тазарту, жер қазу, көшеттерді отырғызу, жердi дұрыстау, барлық селоларда күнделiктi күтiм және көшеттердi суару; 4) барлық селолардағы жиектегi тастарды шөптерден, қоқыстардан тазарту, жиектердi, шарбақтардың сыртқы және iшкi жағынан ақтау үшiн ақбалшық ерiтiндiсiн дайындау; 5) Свердловка, Докучаево, Силантьевка, Красный Кордон, Большая Чураковка, Приозерное селоларындағы қисайған көше қоршауларын жөндеу, бағандарға шұңқырлар қазу, ескі қоршауларды алып тастау, жаңа қоршауларды (шарбақтарды) орнату; 6) Докучаево, Красный Кордон, Щербаково, Свердловка, Силантьевка, Приозерное селоларындағы қоршауларды сырлауға көмек көрсету; 7) Докучаево, Лермонтово, Красный Кордон, Свердловка, Силантьевка, Приозерное, Первомай, Большая Чураковка, Щербаково,Обаған селоларында ағаштарды, бағандарды ақтау; 8) Барлық селоларда гүлзарларын бөлу, жерді дайындау және гүлдерді отырғызу (маусым ішінде); 9) ескерткіштерді, обелисктерді ақтау, сырлау: барлық селолық округтердің аумақтарындағы ескерткіштердің, обелисктердің маңын жинастыру; 10) ақбалшық ерітіндісін әзірлеу, автобус аялдамаларын ақтау, ішінара сырлау. 3. Қызметкердің алдын ала кәсіптік дайындығын талап етпейтін, селолық округтер аумақтарынан өтетiн су құбырларының желiлерiн жөндеу: 1) Силантьевка, Первомай, Приозерное,Обаған селоларында колонкалардың, су құбырларының маңындағы аумақтарды қоқыстардан, шөптерден тазарту; 2) Танабай, Докучаево, Красный Кордон, Ново-Алексеевка, Большая Чураковка, Силантьевка селоларындағы шахталық құдықтарды тазарту, суды шелекпен төгу, селолардағы құдықтардың қоршауларын және құдық кесінділерін жөндеуге көмек көрсету; 3) колонка, құдықтар маңына топырақ төгу және нығыздау; 4) ағаш қоршауларды орнату (шарбақ, тақтай)	2610000 шаршы метр 223 тонна 31900 шаршы метр 29 тонна 61600 шаршы метр 2450 қума метр 5754 шаршы метр 18600 шаршы метр 5730 шаршы метр 4 тонна 2370 дана 15410 қума метр 7150 шаршы метр 7650 шаршы метр 5949 шаршы метр 77 дана 8200 шаршы метр 25 дана 79 дана 36 дана 25 тонна 178 қума метр