Ескерту. Қабылданған мерзімінің бітуіне байланысты күші жойылды - Өскемен қаласы әкімінің аппаратының 2011.01.06 № Ин-6/5 хатымен.
Қазақстан Республикасының 1995 жылғы 28 сәуірдегі «Ұлы Отан соғысының қатысушылары мен мүгедектеріне және соларға теңестірілген адамдарға берілетін жеңілдіктер мен оларды әлеуметтік қорғау туралы» Заңының 17, 20-баптарына, Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 31-бабының 1-тармағының 14) тармақшасына сәйкес, Ұлы Отан соғысындағы Жеңістің 65 жылдығын мерекелеуге байланысты, Өскемен қаласының әкімдігі ҚАУЛЫ ЕТЕДІ:
1. «Өскемен қаласының жұмыспен қамту және әлеуметтік бағдарламалар бөлімі» мемлекеттік мекемесі (бұдан әрі - бөлім 2010 жылы Ұлы Отан соғысының қатысушылары мен мүгедектеріне (бұдан әрі – соғыс қатысушылары) жылына тек бір рет үйге жеткізумен «Қазпошта» акционерлік қоғамының бөлімшелері арқылы материалдық көмек төлеуді:
1) тұрғын үйге жөндеу жүргізу үшін қала аумағында балалары жоқ немесе мүгедек балалары немесе зейнеткерлік жастағы балалары бар жалғыз тұратын немесе жұбайларымен тұратын соғыс қатысушыларына 50000 (елу мың) теңге мөлшерінде;
2) тіс протездеу үшін шығындарды өтеу үшін 26000 (жиырма алты мың) теңгеден артпайтын сомасында;
3) жеке салынған үйлерде тұратын және тұрғын үйдің меншік иелері болып табылатын соғыс қатысушыларына отын сатып алу үшін 10000 (он мың) теңге мөлшерінде;
4) Астана және Мәскеу қалаларындағы мерекелік іс-шараларға қатысу үшін делегация қатысушыларын бірыңғай киім үлгісімен қамтамасыз ету үшін 60000 (алпыс мың) теңге мөлшерінде жүргізсін.
2. Материалдық көмек алу үшін бөлімге материалдық көмек төлемінің түріне сәйкес құжаттарды ұсыну қажет:
1) жазбаша өтініш;
2) жеке бас куәлігі;
3) соғыс қатысушысының мәртебесін растайтын құжат;
4) азаматтарды тіркеу кітапшасы;
5) тұрғын үйге меншік құқығын растайтын құжат;
6) тіс протездеуді жүргізуге төлем туралы түбіртектер;
7) салық төлеушінің тіркеу нөмірі.
3. Осы қаулының орындалуын бақылау қала әкімінің орынбасары А.Қ. Нұрғазиевқа жүктелсін.
4. Осы қаулы оның алғашқы ресми жарияланған күнінен кейін қолданысқа енгізіледі.
Өскемен қаласының әкімі И. Әбішев
