Ескерту. Шешімнің күші жойылды - Астана қаласының мәслихатының 29.09.2014 жылғы № 292/41-V шешімімен.
Қазақстан Республикасының 2008 жылғы 4 желтоқсандағы Бюджет кодексiне, "Ұлы Отан соғысының қатысушылары мен мүгедектерiне және соларға теңестiрiлген адамдарға берiлетiн жеңiлдiктер мен оларды әлеуметтiк қорғау туралы" Қазақстан Республикасының 1995 жылғы 28 сәуірдегі Заңының 20-бабына, "Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының 2001 жылғы 23 қаңтардағы Заңының 6-бабы 1-тармағының 15) тармақшасына, "Қазақстан Республикасы астанасының мәртебесі туралы" Қазақстан Республикасының 2007 жылғы 21 шілдедегі Заңының 8-бабының 3) тармақшасына сәйкес Астана қаласының мәслихаты ШЕШТІ:
1. Қазақстан Республикасы Тәуелсіздігінің 20 жылдығында Астана қаласындағы мұқтаж азаматтардың жекелеген санаттарына біржолғы әлеуметтік көмек көрсету ережесі бекітілсін.
2. Осы шешім оны алғашқы ресми жариялаған күннен бастап он күнтізбелік күн өткен соң қолданысқа енгізіледі.
Астана қаласы мәслихаты
сессиясының төрағасы А. Ким
Астана қаласы
мәслихатының хатшысы Ж. Нұркенов
Астана қаласы мәслихатының
2011 жылғы 7 желтоқсандағы
№ 520/75-IV қосымша
Қазақстан Республикасы Тәуелсіздігінің 20 жылдығында
Астана қаласындағы мұқтаж азаматтардың жекелеген
санаттарына біржолғы әлеуметтiк көмек көрсету
ЕРЕЖЕСІ
Осы Қазақстан Республикасы Тәуелсіздігінің 20 жылдығында Астана қаласындағы мұқтаж азаматтардың жекелеген санаттарына біржолғы әлеуметтiк көмек көрсету ережесі (бұдан әрi – Ереже) Қазақстан Республикасының 2008 жылғы 4 желтоқсандағы Бюджет кодексiне, "Ұлы Отан соғысының қатысушылары мен мүгедектерiне және соларға теңестiрiлген адамдарға берiлетiн жеңiлдiктер мен оларды әлеуметтiк қорғау туралы" Қазақстан Республикасының 1995 жылғы 28 сәуірдегі Заңының 20-бабына, "Қазақстан Республикасы астанасының мәртебесi туралы" Қазақстан Республикасының 2007 жылғы 21 шілдедегі Заңы 9-бабының 15) тармақшасына сәйкес әзірленген.
1-тарау. Жалпы ережелер
1. Қазақстан Республикасы Тәуелсіздігінің 20 жылдығында мұқтаж азаматтардың жекелеген санаттарына біржолғы әлеуметтiк көмек көрсету (бұдан әрi – Әлеуметтiк көмек) Астана қаласында тiркелген және тұрақты тұратын азаматтарға көрсетіледі.
2. Астана қаласының бюджеті Әлеуметтiк көмектi қаржыландыру көзi болып табылады.
3. Әлеуметтiк көмек "Астана қаласының Жұмыспен қамту және әлеуметтiк бағдарламалар басқармасы" мемлекеттiк мекемесi әкiмшісі (бұдан әрi – Әкiмші) болып табылатын "Жергiлiктi өкiлеттi органдардың шешiмдерi бойынша мұқтаж азаматтардың жекелеген санаттарына әлеуметтiк төлемдер" бюджеттiк бағдарламасына (бұдан әрi – Бағдарлама) сәйкес және қала бюджетiнде осы мақсаттарға көзделген қаражат шегiнде ұсынылады.
4. Әлеуметтiк көмек көрсету үшiн "Қазақстан Республикасы Еңбек және халықты әлеуметтiк қорғау министрлiгiнiң Зейнетақы төлеу жөнiндегi мемлекеттік орталық" республикалық мемлекеттiк қазыналық кәсiпорнының Астана қалалық филиалы (бұдан әрi – ЗТМО) қажеттiлiгіне қарай Әкiмшіге осы Ереженің 5-тармағы 1-4) тармақшасында көрсетiлген санаттарға жататын азаматтар туралы мәлiметтердi, сондай-ақ ай сайын ЗТМО деректер қорында тiркелген, жаңадан тағайындалған және келген азаматтар туралы мәлiметтердi ұсынады.
2-тарау. Әлеуметтiк көмек төлеу тәртібі
5. Әлеуметтік көмек Қазақстан Республикасының Тәуелсіздігі күніне орай (16 желтоқсан) ақшалай төлемдер түрінде мынадай азаматтардың санаттарына:
1) Ұлы Отан соғысының қатысушылары мен мүгедектерiне – 20 000 (жиырма мың) теңгеден;
2) Қазақстандағы 1986 жылғы 17-18 желтоқсан оқиғаларына қатысқаны үшiн, осы оқиғаларда қасақана кiсi өлтiргенi және милиция қызметкерiнiң, халық жасақшысының өмiрiне қастандық жасағаны үшiн сотталған, өздерiне қатысты қылмыстық iстердi қайта қараудың қолданылып жүрген тәртiбi сақталатын адамдарды қоспағанда, қуғын-сүргiн құрбандарына – 20 000 (жиырма мың) теңге;
3) Ұлы Отан соғысы жылдарында тылдағы қажырлы еңбегi және мiнсiз әскери қызметi үшiн бұрынғы КСР Одағының ордендерiмен және медальдарымен наградталған адамдар, сондай-ақ 1941 жылғы 22 маусым - 1945 жылғы 9 мамыр аралығында кемiнде алты ай жұмыс iстеген (әскери қызмет өткерген) және Ұлы Отан соғысы жылдарында тылдағы қажырлы еңбегi мен мiнсiз әскери қызметi үшiн бұрынғы КСР Одағының ордендерiмен және медальдарымен марапатталмаған адамдарға – 3 000 (үш мың) теңге;
4) Ауғанстандағы ұрыс әрекеті кезінде жараланудың, контузия алудың, зақымданудың немесе ауруға шалдығудың салдарынан қаза тапқан (хабар-ошарсыз кеткен) немесе қайтыс болған әскери қызметшiлердiң аналарына – 10 000 (оң мың) теңге;
5) тұлдыр жетім балалар, ата-ана қамқорлығынсыз қалған балалар, оқуға төлеу мүмкіндігі жоқ аз қамтылған азаматтар ішінен оқу үлгерімі жоғары, қаланың қоғамдық өміріне белсене ат салысатын, Астана қаласының жоғары оқу орнының оқушыларынан жоғары оқу орнының ұсынысы бойынша жиырма адамға – 2011 жылдың 16 желтоқсанынан бастап оқу орнының соңына дейін оқу құнының мөлшерінде берiледi.
Осы Ереженің 1-тармағы 5) тармақшасында көрсетілген Әлеуметтік көмек Әкімшімен жоғары оқу орнының тарапынан студенттің үлгеріміне бақылау жасау кезінде көрсетіледі, студенттің академиялық демалыста болуы кезінде тоқтатыла тұрады, студент оқудан шығарылған жағдайда тоқтатылады. Студенттің оқуы тоқтатылған жағдайда басқа да тұлғаларға Әлеуметтік көмек қайта берілмейді.
6. Әлеуметтiк көмектiң сомаларын төлеу ақшалай қаражатты Астана қаласының екiншi деңгейдегi банктер бөлiмшелерi арқылы алушылардың дербес шоттары мен карталық шоттарына аудару арқылы жүргiзiледi.
7. Әкімшінің лауазымдық тұлғаларының әрекеті (әрекетсіздігі) Қазақстан Республикасының заңнамасымен белгіленген тәртіпте шағымдануы тиіс.
