Осакаров ауданының көріктендіру Ережесін бекіту туралы

Ескерту. Күші жойылды - Қарағанды облысы Осакаров аудандық мәслихатының 2012.05.30 N 69 шешімімен.

РҚАО ескертпесі.
Мәтінде авторлық орфография және пунктуация сақталған.

      Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңына сәйкес, аудандық мәслихат ШЕШІМ ЕТТІ:
      1. Осакаров ауданының көріктендіру Ережесі бекітілсін (қоса тіркелген).
      2. Осы шешім алғаш ресми жарияланғаннан кейін күнтізбелік он күн өткен соң қолданысқа енгізіледі.

Сессия төрағасы Е. Сулейменов

Хатшы К. Саккулаков

КЕЛІСІЛДІ:

      Осакаров ауданының Ішкі істер
      бөлімінің бастығы
      А. Жакупбаев
      23.05.2011 жыл

      Осакаров ауданы бойынша мемлекеттік
      санитарлық эпидемиологиялық
      қадағалау басқармасы
      бастығының міндетін атқарушы
      Г. Рой
      23.05.2011 жыл

      Осакаров ауданының төтенше жағдайлар
      бойынша бөлімінің бастығы
      Д. Сүлейменов
      23.05.2011 жыл

      Осакаров ауданының тұрғын үй
      коммуналдық шаруашылығы, жолаушылар
      көлігі және автомобиль
      жолдары бөлімінің бастығы
      С.С. Искаков
      23.05.2011 жыл

Осакаров аудандық мәслихатының
2011 жылғы 23 мамырдағы 47
сессиясының N 364 шешiмiмен
бекітілген

Осакаров ауданының көрiктендiру
Ережесi 1 бөлiм. Жалпы ережелер

      1. Осакаров ауданының көріктендіру Ережесі (әрі қарай - Ереже) көрiктендiру саласында бiрыңғай және орындалуы мiндеттi нормалар мен талаптарды белгiлейдi, Осакаров ауданы аумағында жер учаскелерiнiң, ғимараттардың, құрылыстардың иелерi және (немесе) пайдаланушылары болып табылатын жеке және заңды тұлғалар үшiн аудан аумағын тазалау және күтiп ұстау тәртiбiн анықтайды.
      Ескерту. 1 тармаққа өзгеріс енгізілді - Қарағанды облысы Осакаров аудандық мәслихатының 2012.03.13 N 24 (алғашқы жарияланғаннан кейін күнтізбелік он күн өткен соң қолданысқа енеді) шешімімен.
      2. Ереже Қазақстан Республикасының заңнамалық актiлерi, аудан аумағын көрiктендiру, санитарлық тазалау және күтiп ұстау жағдайына талаптарды анықтайтын Қазақстан Республикасының техникалық регламенттер, құрылыстық және санитарлық ережелерi мен нормалары негiзiнде әзiрленген.
      3. Аумақты көрiктендiру және санитарлық күтiп ұстау бойынша жұмыстарды ұйымдастыру ауылдық округ және кент әкiмдерiне, сәулет, қала құрылысы және құрылыс, тұрғын үй–коммуналдық шаруашылық, жолаушылар көлiгi және автомобиль жолдары мәселелерiн қарастыратын ауданның мемлекеттiк мекемелерiне, кондоминиум объектiсiн басқару мақсатында құрылған көп пәтерлi тұрғын үйлердегi үй-жайлар (пәтерлер) иелерiнiң коммерциялық емес бiрлестiктерi, өзiн-өзi басқару органдарына, ғимараттар, құрылыстар, жер учаскелерi иелерiнiң және (немесе) жер пайдаланушыларға жүктеледi.
     Ескерту. 3 тармаққа өзгеріс енгізілді - Қарағанды облысы Осакаров аудандық мәслихатының 2012.03.13 N 24 (алғашқы жарияланғаннан кейін күнтізбелік он күн өткен соң қолданысқа енеді) шешімімен.

1 тарау. Осы Ережеде қолданылатын негiзгi
ұғымдар мен түсiнiктер

      4. Алаңның жаяу жүретін бөлiгi – жаяу жүргiншiлер қозғалысына арналған алаң кеңiстiгi және учаскелер, алаңның барлық аумағы (өкiлдiк және мемориалдық) немесе оның бөлiгi (объект маңындағы) арқылы көрсетiлуi мүмкiн.
      5. Аумақты санитарлық тазалау – қатты тұрмыстық қалдықтарды және iрi көлемдi қоқыстарды жинау, шығару және қайта өңдеу (зарарсыздандыру).
      6. Бекiтiлген аумақ – көрiктендiру және санитарлық күтiп ұстау бойынша жұмыстарды ұйымдастыру кезiнде бекiтiлген аумақ субъектiлерiнiң келiсiмi бойынша кент және ауылдық округ әкiмдерi беретiн аумақты көрiктендiру паспортында көрсетiлген санитарлық тазалау және жинастыру үшiн арналған бөлiнген аумақ ауданынан аспайтын алаң бойынша жер учаскесi (аумақты көрiктендiру паспортының формасы осы Ережелерге қоса ұсынылады).
      1) аумақта бекiтiлген нысандар болып табылатындар: ауыл және кент көшелерi жағындағы бөлiнген учаскелер шекарасынан, өтпе жол шетiмен шектелген аумақiшкi кварталдық аумақтың учаскелерi; ауланың iшкi аумағы - шағын сәулет түрлерiн, балаларға арналған, кiр жаятын, қоқыс жәшiктерi орналасқан алаңшаларды, автокөлiк тұрақтарын, декоративтiк құрылыстарды, үйге кiреберiс жолдарды, аулаға кiреберiс жолдарды орнату үшiн пайдаланылатын жерлер (бiр аулада бiрнеше жер пайдаланушылар болса, онда бекiтiлген аумақ шекаралары пайдаланылатын аумақ шекараларына сәйкес, немесе тараптардың келiсiмi бойынша белгiленедi), сақтауға және жинақтауға уақытша пайдаланылатын аумақ, бөлiнген және iргелес аумақ, инженерлiк желiлердiң қорғалатын аймақтарының аумағы;
      2) жеке, сонымен қатар заңды тұлғалар бекiтiлген аумақтың субъектiлерi болып табылады: кондоминиум объектiсiн басқару мақсатында құрылған көп пәтерлi тұрғын үйлердегi үй-жайлар (пәтерлер) иелерiнiң коммерциялық емес ұйымдары, ғимараттар мен құрылыстардың иелерi және (немесе) пайдаланушылары, жер учаскелерiнiң иелерi және (немесе) пайдаланушылары.
      Ескерту. 6 тармаққа өзгеріс енгізілді - Қарағанды облысы Осакаров аудандық мәслихатының 2012.03.13 N 24 (алғашқы жарияланғаннан кейін күнтізбелік он күн өткен соң қолданысқа енеді) шешімімен.
      7. Бөлiнген аумақ – Қазақстан Республикасының жер заңнамасының тәртібімен белгiленген жеке және заңды тұлғаларға ұсынылған аумағының бөлiгi.
      8. Ғимараттың қасбетi – ғимараттың немесе құрылыстың сыртқы жағы.
      9. Дем алатын аумақтар – халықтың демалу орындарын ұйымдастыруға және жайластыруға арналған, саябақтар және скверлер, су қоймалары, жағажайлар, ландшафт сәулет объектiлерi, сондай-ақ уақыт өткiзетiн және сауықтыру мақсатындағы басқа да орындарды қамтитын ортақ пайдалану орындары.
      10. Жасыл көшеттер – жасанды және де табиғи текті ағаш, ағаш-бұта, бұта және шөп өсiмдiктерi.
      11. Жаяу жүретін аймақтар – серуен және мәдени – тұрмыстық, транзиттiк қозғалыс мақсатында халықтың қозғалысы жүзеге асырылатын және белгiлi - бiр сипаттамалары: жылдам көшеден тыс және жер үстi қоғамдық көлiк аялдамаларының болуы, қызмет көрсету, тарих және мәдениет ескерткiштерi, демалыс объектiлерiнiң көп шоғырлануы және жаяу жүргiншiлер ағынының жоғары жиынтық жиiлiгi бар аумағының учаскелерi. Жаяу жүретін аймақтары жаяу жүретін көшелерде, аудан алаңдарының жаяу жүретін бөлiктерiнде құрылуы мүмкін.
      12. Жер учаскесiнiң иесi және (немесе) пайдаланушысы - кент шегiнде жер учаскесiн пайдаланатын жеке және (немесе) заңды тұлға.
      Ескерту. 12 тармаққа өзгеріс енгізілді - Қарағанды облысы Осакаров аудандық мәслихатының 2012.03.13 N 24 (алғашқы жарияланғаннан кейін күнтізбелік он күн өткен соң қолданысқа енеді) шешімімен.
      13. Жолдарды күтiп ұстау - нәтижесiнде жолдың, жол құрылыстарының, жолға бөлiнген белдеулердiң, жолды жайластыру элементтерiнiң көлiктiк-пайдалану жағдайын қолдау, қозғалыс қауiпсiздiгi және ұйымдастыру жөнiндегi жұмыстардың кешенi.
      14. Көгал – шөптер, гүлдер, ағаштар мен бұталарды көшеттеудi қамтитын көрiктендiрудiң жасанды құрылған элементi.
      15. Көрiктендiру – жер үстiн жабу құралдарын, декоративтiк көгалдандыру және суландыру, күрделi емес құрылыстар, шағын сәулет түрлерi, сыртқы жарықтандыру, көрнекi ақпарат, жарнама және басқа да құралдарды пайдалану арқылы жүзеге асырылатын ортаның қауiпсiздiгiн, ыңғайлылығын және көркем мәнерлiлiгiн қамтамасыз етуге бағытталған заңды және жеке тұлғалардың бөлiнген аумақ шекарасындағы қызметi. Осы қызмет аумақты жинастыруды, көрiктендiру нысандары мен элементтерiн пайдалану, санитарлық ұстау, жөндеу және қорғауды ұйымдастыруды көздейдi.
      Ескерту. 15 тармаққа өзгеріс енгізілді - Қарағанды облысы Осакаров аудандық мәслихатының 2012.03.13 N 24 (алғашқы жарияланғаннан кейін күнтізбелік он күн өткен соң қолданысқа енеді) шешімімен.
      16. Көшелердің санаты - көшелер және өтпе жолдарды көлiк қозғалысының қарқындылығына және олардың пайдаланылуы мен күтiп ұсталуына қойылатын ерекшелiктерге байланысты жiктеу.
      17. Қатты тұрмыстық қалдықтар (әрi қарай - ҚТҚ) – тұтынудың тұрмыстық қалдықтары, өндiрiс немесе тұтыну барысында пайда болған шикiзат, материалдар, жартылай өңделген өнiм, басқа да бұйымдар немесе өнiмдердiң қалдықтары, сондай-ақ жапырақтар, бұтақшалардан басқа өзiнiң тұтыну қасиеттерiн жоғалтқан тауарлар (өнiмдер).
      Ескерту. 17 тармаққа өзгеріс енгізілді - Қарағанды облысы Осакаров аудандық мәслихатының 2012.03.13 N 24 (алғашқы жарияланғаннан кейін күнтізбелік он күн өткен соң қолданысқа енеді) шешімімен.
      18. ҚТҚ және iрi көлемдi қоқыстарды қайта өңдеу (зарарсыздандыру) – адамның денсаулығы және қоршаған ортаға зиянды әсердi болдырмау мақсатында мамандандырылған қондырғыларда әр түрлi технологиялық әдiстер арқылы ҚТҚ және iрi көлемдi қоқыстарды өңдеу.
      19. Өтпе жол - тұрғын үйлер мен қоғамдық ғимараттарға, мекемелерге, кәсiпорындарға және басқа да кент iшiндегi құрылыс объектiлерiне көлiк құралдарының өтуiн қамтамасыз ететiн жол элементi.
      20. Пайдаланушы – меншiк иесi өзiнiң мүлкiн жалдау, жалға алу, шаруашылық жүргiзу, жедел басқару және (немесе) заңнамамен немесе шартпен қарастырылған басқа да негiздерде тапсырған тұлға.
      21. Рұқсат етiлмеген қоқыс үйiндiсi - өндiрiс және тұтыну қалдықтарының оларды өздiгiнен (рұқсат етiлмей) тастау (орналастыру) немесе жинау нәтижесiнде қалдықтардың жиналуы.
      22. Сұйық тұрмыстық қалдықтар (әрi қарай - СТҚ) – лас сулар және жуындылар.
      23. Сыртқы жарнама және ақпарат құралдары – сыртқы жарнама және ақпаратты тасымалдауға арналған құрылымдар, құрылыстар, техникалық құралдар, көркем элементтер және тасымалдағыштар.
      24. Сыртқы (көрнекi) жарнама - жылжымалы және жылжымайтын объектiлерде орналастырылған, сондай-ақ ортақ пайдаланудағы автомобиль жолдарының бөлiнген белдеулерiндегi және елдi мекендердегi үй-жайлардың шегiнен тыс ашық кеңiстiкте орналастырылған жарнама.
      25. Сыртқы көрiктендiру объектiлерi – кешендi көрiктендiру қызметi жүзеге асырылатын кез келген аумақ: алаңшалар, аулалар, функционалдық-жоспарлық құрылымдар, аудандар мен ықшам аудандардың аумақтары, тұтас кент, сондай-ақ бiрыңғай қала құрылыстық регламенттеу (қорғалатын аймақтар) немесе көрнекi-кеңiстiктiк қабылдау (құрылысы бар алаң, iргелес аумағы және құрылысы бар көше) принципi бойынша бөлiнетiн аумақтар.
      26. Тротуар – жолдың жүру бөлiгiне жанасатын немесе одан көгал немесе арық жүйесiмен бөлiнген, жаяу жүргiншiлердiң қозғалысына арналған жол элементi.
      27. Шағын сәулет түрлері – декоративтiк сипаттағы және пайдалануға жарамды сипаттағы объектiлер: мүсiндер, субұрқақтар, оймабедерлер, гүлдерге арналған құмыралар, павильондар, шатырлар, орындықтар, жәшiктер, балалардың ойнауына және ересек адамдардың демалуына арналған жабдықтар мен құрылымдар. Шағын сәулет түрлеріне сонымен қоса: қоғамдық кеңiстiктер, демалыс орындары және аулалар аумағында орналасқан демалуға арналған орындықтардың жазғы кафе, үстел ойындарына арналған алаңшаларда – орындықтар мен үстелдердiң әр түрi жатады.
      28. Iргелес аумақ – көрiктендiру паспорттарына сәйкес бекiтiлген жеке және заңды тұлғалардың меншiгiнде және (немесе) пайдалануындағы сауда, жарнама және басқа объектiлерге, ғимарат, құрылыс, құрылыс алаңының қоршауы периметрiне және (немесе) жер учаскесiнiң шекарасына тiкелей жанасатын жалпы пайдаланудағы аумақ.
      29. Iрi көлемдi қоқыстар (бұдан әрi - IКҚ) - өзiнiң тұтыну қасиеттерiн жоғалтқан, өздерiнiң көлемi бойынша арнаулы қоқыс жинайтын машиналармен тасымалдауға келмейтiн қолданыстың және шаруашылық қызметiнiң қалдықтары.

2 тарау. Жалпы талаптар

      30. Заңды және жеке тұлғалар және барлық меншiк түрiндегi тұлғалар бөлiнген және белгiленген аумақ шегiнде сәулет, санитарлық, экологиялық талаптарға сәйкес өз қаражаттары есебiнен тазарту, қажеттi жайластыру, сондай-ақ көрiктендiру объектiлерi мен элементтерiн күту, күтiп ұстау және жөндеу жұмыстарын жүргiзедi.
      31. Коммуникацияның барлық түрлерiне қызмет көрсететiн шаруашылық субъектiлерi сәйкес коммуникацияларды күтiп ұстауы және уақтылы жөндеуi, жөндеуден кейiн бүлiнген жабындар мен элементтердi қалпына келтiруi қажет.
      32. Заңды және жеке тұлғалар инженерлiк коммуникацияларды төсеу, жөндеу және қайта құруға байланысты жұмыстарды жол жабындарын, тротуарлар, көгалдар және басқа да объектiлер, көрiктендiрудiң элементтерi мен инженерлiк құрылымдарды бүлдiру жолымен тек тұрғын үй–коммуналдық шаруашылық, жолаушылар көлiгi және автомобиль жолдары саласында өкiлеттi органы берген жазбаша рұқсаты (ордерi) болған кезде ғана жүргiзе алады.
      33. Заңды және жеке тұлғалар асфальт төсемін бүлдiрумен байланысты жер жұмыстарын аяқтаған соң бес тәулiк iшiнде жол жабынын қалпына келтiруi қажет.
      34. Жол жөндеу жұмыстарын жүргiзетiн заңды және жеке тұлғалар ауданның автожолдарында орналасқан жарамсыз люктердi, нөсерлiк кәрiз торларын ауыстыру бойынша, сондай-ақ мүгедектер арбаларының, балалар арбаларының өтуi үшiн және жаяу жүргiншiлер қолайлылығы үшiн жол өтетiн жерлерде жаяу жүргiншiлер тротуарларынан түсетiн жолдарды жайғастыру шараларын қабылдау қажет.
      35. Ауданның елді мекендері аумағында жол берiлмейдi:
      1) көшелер мен (немесе) көлiк өтетiн бөлiктi ластауды болдырмайтын қандай да бiр жүк түрлерiн оларды мұқият жабусыз көлiк құралдарымен тасымалдауға;
      2) объект иесi және (немесе) пайдаланушының келiсiмiнсiз және (немесе) осы мақсаттарға бөлiнген жерлерден тыс жерлерде, сонымен қоса Қазақстан Республикасының заңнамасымен қарастырылған белгiленген тәртiпте алынған рұқсатнамалар немесе келiсiмдерсiз хабарландыруларды, плакаттарды, үндеухаттарды, түрлi ақпараттық материалдарды орналастыруға, жазулар мен графикалық бейнелердi салуға;
      3) автомобиль жолдарының жүру бөлiгiне қоқыс, қозғалысқа қауiп келтiретiн заттарды тастауға;
      4) ғимараттардың, құрылыстардың және тұрғын үйлердiң терезелерiнен қоқыс лақтыруға;
      5) апатты жағдайларды жою бойынша жұмыстардан басқа сағат 23.00 бастап сағат 6.00 дейiн тыныштық пен тәртiптi бұзатын әрекеттердi жасауға;
      6) аула және квартал iшiндегі аумақтардың жасыл аймақтарына, балаларға арналған алаңшаларға, жаяу жүретін жолдарға және тротуарларға қызметтiк және жеке автокөлiктi қоюға, енгiзуге;
      7) арнайы бөлiнген және сәйкес жол белгiлерiмен және (немесе) таңбалармен белгiленген орындардан тыс белгiленбеген орындарда көлiк құралдарын қоюға, жууға және орналастыруға;
      8) көгалдарда, гүлзарларда, балаларға арналған алаңшаларда, кiр жаятын алаңшаларда және қоқыс жәшiктерi орналасқан алаңшаларға, ғимараттардың қақпаларына және саябақтарына түрлi мақсаттағы объектiлердi орналастыруға, сонымен қоса автокөлiк құралдарын қоюға;
      9) тұрақ үшiн арнайы бөлiнген орындардан басқа тұратын жерiне қарамастан бөлшектенген көлiк тұрағы, арнайы автокөлiктiң өтуiне кедергi келтiретiн аула аумақтарының өтпежолдарында баған, блок және басқа да аумақ қоршауларын тұрғызуға және орнатуға.
      Ескерту. 35 тармаққа өзгеріс енгізілді - Қарағанды облысы Осакаров аудандық мәслихатының 2012.03.13 N 24 (алғашқы жарияланғаннан кейін күнтізбелік он күн өткен соң қолданысқа енеді) шешімімен.
      36. Кәсiпорындардың шаруашылық қызметiнiң нәтижесiнде пайда болатын өндiрiс қалдықтарын жинау және уақытша сақтау осы кәсiпорындардың күшiмен осы мақсаттарға арнайы жабдықталған орындарда белгiленген тәртiпте бекiтiлген өндiрiс және тұтыну қалдықтарын орналастыру лимиттерiне сәйкес жүзеге асырылады.
      Кәсiпорын аумағында арнайы белгiленген орындардан тыс қалдықтарды жинау және оларды орналастыру лимиттерiн асыруға жол берiлмейдi.
      Өсiмдiк және басқа да топырақты уақытша жинау тек арнайы бөлiнген учаскелерде ғана рұқсат етiледi.
      37. Тұрғын аймақта жол берiлмейдi:
      1) көлiк құралдарының толассыз қозғалысына;
      2) өтпе жолдан тыс көлiк құралдарының қозғалысы;
      3) оқу жүрiсi;
      4) арнайы бөлiнген және белгiлермен және (немесе) таңбалармен белгiленген орындардан тыс рұқсат етiлген салмағы 3,5 тонна артық жүк автомобильдерiн, автобустарды қоюға;
      5) дыбыстық белгi беруге, музыка дыбысын қатты қоюға;
      6) қосылған қозғалтқышы бар механикалық көлiк құралдарын қоюға.
      Осы тармақтың талаптары аула аумақтарына да қолданылады.

2 бөлiм. Аймақты тазалау және тазартуды ұйымдастыру, түрлерi және тазалауға қойылатын негiзгi талаптар

      38. Өнеркәсiптiк кәсiпорындардың санитарлық - қорғалатын аймақ аумақтарын тазалауды осындай кәсiпорындардың иелерi және (немесе) пайдаланушылары жүзеге асырады.
      39. Меншiк нысанына тәуелсiз заңды және жеке тұлғалар осы Ережелерге және көрiктендiру паспорттарына сәйкес белгiленген аумақ шекарасында тазалау, суару, тротуарларға құм себу, қар және қоқыс шығару, суағарлар және сорғыларды тазарту жұмыстарын орындауы қажет.
      40. Аймақты ағымдағы санитарлық күтiп ұстау және тазалау зарарсыздандыру орындары бар қоқыс шығаруға мамандандырылған кәсiпорындар арқылы жүзеге асырылады және келесi шараларды қамтамасыз етудi көздейдi:
      1) елді мекендер аумағындағы қоқыстарды, қалдықтарды жинау және оларды уақтылы шығаруды ұйымдастыру;
      2) аумақтың тиiстi санитарлық жайластыру жағдайы: тұтыну қалдықтарын жинауға арналған алаңшаларды жоспарлы-тұрақты, ағымдағы тазарту, қалдықтарға арналған қоқыс жәшiктерi (оларды жинау тiкелей арнайы автомобильдер арқылы ұйымдастырылған жағдайларды қоспағанда) болуы, нормативтiк талаптарға сәйкес қоқыс жәшiктерiн ортақ пайдаланудағы орындарға орнату;
      3) аумағын тазалау, суару, қоқыстарды жинау, қысқы мезгiлде – қарды жинау және шығару, көшелердiң өтпе жолдарын және жаяу жүргiншiлер тротуарларын тайғаққа қарсы қоспалармен өңдеу, белгiленген және көметiн орындарға тұтыну қалдықтарын шығару, өзендердi, бұлақтарды, арналарды, тартпаларды, нөсерлiк кәрiздердi және су өткiзетiн құрылғыларды қоқыстан тазарту;
      4) санитарлық қорғалатын аймақтардың нормативтiк шегiнде жүйелi түрде аумақты күтiп ұстау бойынша жұмыстары.
      Ескерту. 40 тармаққа өзгеріс енгізілді - Қарағанды облысы Осакаров аудандық мәслихатының 2012.03.13 N 24 (алғашқы жарияланғаннан кейін күнтізбелік он күн өткен соң қолданысқа енеді) шешімімен.
      41. Елдi мекендердiң аумағын санитарлық тазалау жүйесi тұрмыстық және өндiрiстiк қалдықтарды жинау, жою, зарарсыздандыру және қайта өңдеудi қамтуы қажет.
      42. Жаңадан құрылыс салынатын учаскелерде ғимаратты пайдалануға енгiзетiн кезде тазалау жұмыстарын ұйымдастыру қажет.
      43. Ғимараттар мен құрылыстардың, жеке тұрғын құрылыстардың иелерi және (немесе) пайдаланушылары тұрмыстық қалдықтарды шығаруға уақтылы шарт жасауға тиiс.
      Кондоминиум объектiсiн басқару мақсатында құрылған көп пәтерлi тұрғын үйлердегi үй-жайлардың (пәтерлердiң) иелерiнiң коммерциялық емес бiрлестiктерi тиiс:
      1) қоқыс жинағыштар үшiн алаңшаларды жабдықтауы;
      2) азық-түлiктiк қалдықтарды, көшелiк және аулалық қоқыстарды жинауға арналған құрал-саймандармен аула сыпырушыларды қамтамасыз етуi;
      3) қоқыс қабылдаушы камераларды, алаңшаларды, сондай-ақ қалдық жинаушы орындарды жүйелi жуу, зарарсыздандыру және дезинсекциялауды қамтамасыз ету бойынша шараларды қабылдауы қажет.
      44. Аумақты тазалауды жүзеге асыратын ұйымдар мен кәсiпорындар, тұрғын үйлердiң, ұйымдардың, мекемелердiң аумағынан қатты және сұйық тұрмыстық қалдықтарды уақтылы (шарттарға сәйкес) шығаруы қажет.
      45. Аумақтарды тазалау шекараларын анықтау осы Ережелер негiзiнде жүзеге асырылады:
      1) көше - жол желiсi, алаңдар, қоғамдық орындар (ортақ пайдаланудағы демалыс орындары, саябақтар, скверлер, тұрақтың соңғы орындары, иесiз жерлер) – мемлекеттiк тапсырыс көлемiнде кент және ауылдық округтер әкімдерімен, бюджеттiк бағдарламаларының әкiмшiлерi – мемлекеттiк мекемелерімен;
      2) квартал iшiндегі және басқа аумақтар бойынша тазалау шекарасы кент және ауылдық округтер әкiмдерi беретiн көрiктендiру паспорттарына сәйкес анықталады.
      Ескерту. 45 тармаққа өзгеріc енгізілді - Қарағанды облысы Осакаров аудандық мәслихатының 2012.03.13 N 24 (алғашқы жарияланғаннан кейін күнтізбелік он күн өткен соң қолданысқа енеді) шешімімен.

1 тарау. Аумақтарды күзгi-қысқы кезеңде тазалау

      46. Күзгi-қысқы тазалау кезеңi 1 қарашадан бастап 1 сәуiрге дейiн белгiленедi. Ауа-райы жағдайларының күрт өзгеруi жағдайында (қар, аяз) күзгi-қысқы тазалауды бастау және аяқтау мерзiмiн сәйкес бюджеттiк бағдарламаның әкiмшiсi үйлестiредi.
      47. Жапырақ түсетiн кезеңде түскен жапырақтарды уақтылы жинау қажет. Жиналған жапырақтар көрiктендiру бойынша кәсiпорындармен арнайы бөлiнген учаскелерге немесе компостерлеу алаңдарына шығарылуы тиiс.
      Тұрғын құрылыс аумағында, скверлер мен саябақтарда, ҚТҚ үшiн контейнерлерде жапырақтарды өртеуге жол берiлмейдi.
      Жапырақтарды ағаштар мен бұталардың тамыр бөлiгiне жинауға, сондай-ақ оларды қоқыс жинайтын алаңшаларда және қоқыс жинайтын контейнерлерде жинақтауға жол берiлмейдi.
      48. Қысқы кезеңде жолдар, бақ орындықтары, қоқыс салатын жәшiктер және шағын сәулет формаларының элементтерi, сондай-ақ олардың алдындағы және бүйiрлерiндегi кеңiстiк, оларға кiреберiс жолдар қар мен мұздақтардан тазартылуы керек.
      49. Саябақтардағы, орман саябақтарындағы, бақтардағы, скверлердегi, бульварлардағы, аллеялардағы жолдарды тазалау кезiнде жасыл желектердiң жойылмауын және ерiген суды қайтаруды қамтамасыз ету шартымен құрамында химиялық реагенттерi жоқ қарды уақытша жинауға арнайы алаң дайындалып, жинауға рұқсат берiледi.
      50. Инженерлiк желiлерде болған апаттан пайда болған тротуарлар мен жолдың жүру бөлiгiндегi мұзды желi иелерi және (немесе) пайдаланушылары уатып жинайды.
      51. Жол берiлмейдi:
      1) көшелердiң жүру бөлiгiне және өтпе жолдарға, тротуарлар мен көгалдарға квартал iшiнде өтпе жолдардан, аула аумақтарынан, кәсiпорындар, ұйымдар, құрылыс алаңдарынан, сауда объектiлерiнен жиналған қарды жылжытуға немесе орнын ауыстыруға;
      2) тротуарларда жолаушылар тасымалдайтын көліктерге отыру алаңдарында, саябақтарда, скверлерде, аулаларда және басқа жаяу жолдар мен көгалдандырылған аймақтарында көктайғаққа қарсы реагент ретiнде сұйық хлорлы кальций пайдалануға;
      3) көгалдарға, гүлзарларға және жасыл көшеттерге лас және тұз араласқан қарды, сонымен қатар мұз үйiндiлерiн роторлық лақтыруға және орнын ауыстыруға.
      Ескерту. 51 тармаққа өзгеріс енгізілді - Қарағанды облысы Осакаров аудандық мәслихатының 2012.03.13 N 24 (алғашқы жарияланғаннан кейін күнтізбелік он күн өткен соң қолданысқа енеді) шешімімен.
      52. Метеорологиялық қызметтерден күнi бұрын жалпы тайғақ болатыны туралы ескерту алған жағдайда, эстакадалардың, көпiрлердiң жүру бөлiгiн өңдеу жұмыстары қар жаумай тұрып жүргiзiледi.
      53. Жолдың шетiнде қар үйiндiлерi қалыптасқан жағдайда тротуарлар мен көгалдарға қардың орнын ауыстыруға жол берiлмейдi.
      54. Аулаларға кiреберiс, шығу жолдары, квартал iшiндегі жолдар жүру бөлiгiнiң шетiнен бастап механикалық күреу мен сыпырудан кейiн бiрiншi кезекте тазартылуы тиiс.
      55. Көшелерден және өтпе жолдардан қарды шығару екi кезеңде жүзеге асырылады:
      1) жолаушылар тасымалдайтын көлік аялдамаларындағы, көпiрлердегi және жол өткелдерiндегi, көпшiлiк баратын орындардағы (iрi әмбебап дүкендер, базарлар, қонақ үйлер, вокзалдар, театрлар), ауруханалардың аумағына және басқа әлеуметтiк маңызды объектiлердiң кiреберiс жолдардағы бiрiншi кезекте (таңдаулы) қарды шығару қар жауғаннан кейiн 48 сағат iшiнде жүзеге асырылады;
      2) соңғы (жаппай) қарды шығару бiрiншi кезектi шығару аяқталғаннан кейiн кезекпен, тапсырыс берушi анықтаған кезектiлiкке сәйкес шығарылады.
      Қар үю орындарын кент және ауылдық елді мекен әкiмдерiнiң ұсыныстары бойынша аудан әкiмдігі белгiлейдi.
      Ескерту. 55 тармаққа өзгеріс енгізілді - Қарағанды облысы Осакаров аудандық мәслихатының 2012.03.13 N 24 (алғашқы жарияланғаннан кейін күнтізбелік он күн өткен соң қолданысқа енеді) шешімімен.
      56. Қар ерiгеннен кейiн қарды уақытша жинайтын орындар қоқыстан тазаланып, абаттандырылуы тиiс.
      57. Тротуарлар, аула аумақтары және өтпе жолдар қар мен мұздақтан асфальтқа дейiн тазартылуы қажет. Мұздақ (көктайғақ) пайда болған жағдайда құм немесе ұсақ қиыршық таспен өңдеу жүргiзiледi.
      58. Аулалар аумақтарынан және квартал iшіндегі өтпе жолдардан тазаланған қарды автокөлiктердiң еркiн өтуiне және жаяу жүргiншiлердiң қозғалысына кедергi жасамайтын орындарға жинауға рұқсат етiледi.
      59. Қар жинау кезiнде жасыл көшеттерге зақым келтiруге жол берiлмейдi.
      60. Аула iшiлiк аумақтарда қарды жинағанда ерiген қар суының ағуын алдын ала ескеру керек.
      61. Қыс мезгiлiнде ғимарат, құрылыс иелерi және (немесе) пайдаланушылары шатырларды мұздан және сүңгiлерден уақытылы тазарту жұмыстарын ұйымдастыруы қажет.
      62. Ғимараттың жаяу жүргiншiлер аймағына шығатын жақтарындағы шатырын тазарту жұмыстары қар жауғаннан кейiн жедел түрде қатерлi учаскелерге қоршау орнату арқылы жүргiзiлуi керек.
      63. Көше жағына қараған шатырлардан қар мен мұздан жаяу жүргiншiлер жолдарына түсiрiп тазарту жұмыстары тек күндiзгi уақытта жүргiзiлуi қажет. Шатырдың басқа жақтарынан, сондай-ақ жазық шатырлардан қар ауланың iшкi аумағына түсiрiлу керек. Қарды түсiрер алдында жаяу жүргiншiлердiң қауiпсiздiгiн қамтамасыз ету шараларын жасау қажет.
      Ғимараттардың (құрылыстардың және құрылғылардың) шатырларынан түскен мұздар мен сүңгiлер жедел түрде өтпе жолдың шет жағына қарай көшенi тазалаушы ұйымдар шығаруы үшiн орналастырылады.
      Ескерту. 63 тармаққа өзгеріс енгізілді - Қарағанды облысы Осакаров аудандық мәслихатының 2012.03.13 N 24 (алғашқы жарияланғаннан кейін күнтізбелік он күн өткен соң қолданысқа енеді) шешімімен.
      64. Су ағар құбырларға қар, мұз және қоқыстарды тастауға жол берiлмейдi.

2 тарау. Аумақтарды көктем - жаз кезеңiнде тазалау

      65. Жазғы тазалау кезеңi 1 сәуiрден бастап 1 қарашаға дейiн белгiленедi. Ауа-райы жағдайлары күрт өзгерген жағдайда жазғы тазалау мерзiмдерi өзгеруi мүмкiн.
      66. Аула аумақтарын, аула iшiндегi өтпе жолдарды және тротуарларды қоқыстан, шаңнан және ұсақ тұрмыстық қалдықтардан тазалау, оларды жуу, сондай-ақ күнi бойы тазалықты сақтауды аумаққа бекiтiлген субъектiлер қамтамасыз етедi.
      67. Аулалар аумақтарын жуу және шланг арқылы суару үшiн суару шүмектерi әрбiр үй маңында жабдықталып, пайдалануға жарамды күйде болуы тиiс.
      68. Күрделi емес құрылыс объектiлерiнiң иелерi және (немесе) пайдаланушылары (автотұрақтар, көлiк жөндейтiн орындар, ангарлар, қоймалық қосымша құрылыстар, ғимараттар, сауда және қызмет көрсету нысандары) бекiтiлген аумақты санитарлық тазалау және тазарту бойынша келiсiм-шартқа отыруға немесе оны өз күшiмен күн сайын жүргiзуi тиiс.
      69. Металл қоршаулар, жол белгiлерi және жол көрсеткiштерi таза болуы тиiс.
      70. Аудан жолдарының бөлiнген белдеуiнде, көгал ретiнде орналастырылған бөлу жолағында шөп төсемдерiнiң биiктiгi 15 сантиметрден аспау керек. Әр түрлi қоқыстармен және қалдықтармен жолақты ластауға жол берiлмейдi.

3 бөлiм. Қасбеттердi, ғимарат пен құрылыстарды күтiп ұстау

      71. Қаптаманың, сылақтың, фактуралық және боямалы қабаттардың бүлiнуi, сылақтағы сызаттар, қаптама, кiрпiш және шағын блок төсеменiң жiктерiнен ерiтiндiнiң боялуы, тұтас жинамалы ғимараттардың жiктерiндегi герметикалық сылақтың бүлiнуi, қабырғалардың шығыңқы бөлiктерiндегi металл жабынның бүлiнуi немесе тозуы, су ағар құбырлардың бүлiнуi, дымқыл және тот басқан орындар, су аққан және тұздалған жерлер, жазықтықтың жалпы ластануы, парапеттердiң бүлiнуi және осыған ұқсас басқа да бүлiнулер анықталуына байланысты, одан әрi дамуына жол берiлмей, ғимарат, құрылыс иелерi және (немесе) пайдаланушыларымен жойылуы қажет.
      72. Егер заңды немесе жеке тұлғалардың меншiгiнде, шаруашылық жүргiзу құқығында немесе жедел басқаруында, басқа да пайдалануда тұрғын емес немесе тұрғын ғимараттарда жеке үй-жайлар болған жағдайда, осы тұлғалар ғимараттың пайдалану ауданына қарай аталған ғимараттардың қасбеттерiн жөндеуге үлестiк қатысады.
      73. Ғимараттардың қасбеттерiн, олардың жекелеген элементтерiне қалпына келтiру, жөндеу және қайта жасау жұмыстары белгiленген тәртiпке Қазақстан Республикасының 2001 жылдың 16 шілдедегі "Қазақстан Республикасындағы сәулет, қала құрылысы және құрылыс қызметі туралы" Заңға сәйкес жүргiзiлуi қажет. Қасбеттерде орнатылған ақпараттық, ескерткiш тақтайшалар таза және дұрыс жағдайда болуы қажет.
      74. Кiреберiстер, жертөле қабатын, сөрелер, маңдайшалар, сыртқы жарнама орналастыру құралдары ғимараттың және (немесе) құрылыстың иелерi және (немесе) пайдаланушыларымен таза және дұрыс жағдайда ұсталуы қажет.
      75. Жол берiлмейдi:
      1) балкондар мен лоджияларды өздiгiнен қайта жабдықтауға, терезелер мен балкондардың сыртқы жағына гүлге арналған жәшiктердi орнатуға;
      2) Қазақстан Республикасы Үкіметінің 2008 жылдың 6 мамырдағы N 425 "Объектілерді салу үшін бастапқы материалдарды (деректерді) және рұқсат беретін құжаттарды ресімдеу мен беру тәртібін оңайлату жөніндегі кейбір шаралар туралы" Қаулысымен белгiленген тәртiпте берiлген рұқсатсыз ғимараттардың қасбеттерiн, олардың құрылымдық элементтерiн өздiгiнен қайта жабдықтауға;
      3) балкондарды қауiпсiздiктi қамтамасыз етуге кедергi келтiретiн үй тұрмысына қатысты заттармен (жиһаз, бос сыйымдылықтар) толтыруға;
      4) алдын ала сәулеттiк бөлiктердi қалпына келтiрмей ғимараттар мен құрылыстардың қасбеттерiне сырлау жұмыстарын жүргiзуге;
      5) табиғи немесе жасанды тастармен қапталған қасбеттердi сырлауға.
      76. Қабырғаға бекiтiлген барлық болат элементтердi жүйелi түрде бояп, тот басудан сақтау қажет. Барлық құбырлардың қабырғалар мен фундамент арқылы өтетiн орындарында ашық орындардың болуына жол берiлмейдi. Коммуникациялар арқылы өтетiн көпiршелер, ғимарат және (немесе) құрылыс иелерi және (немесе) пайдаланушыларымен дұрыс және таза күйде болуы қажет.
      77. Меншiгiнде ғимараттар мен құрылыстар бар кәсiпорындардың және ұйымдардың басшылары, ғимараттар мен құрылыстардың иелерi және (немесе) пайдаланушылары көрсетiлген объектiлердiң қасбеттерiн күтiп ұстауға, аталған нысандарға және олардың жекелеген элементтерiне (балкондар, лоджиялар, су ағатын құбырлар) қалпына келтiру, жөндеу және сырлау жұмыстарын уақытында жүргiзудi, сонымен қатар қасбеттерде орнатылған ақпараттық, ескерткiш тақтайшалардың тазалығын және дұрыс жағдайда болуын қамтамасыз етуге тиiстi.
      78. Дүкендер мен офистердiң, көшелер жағына шығатын сөрелерi жарықпен безендiрiлуi тиiс.
      79. Ғимараттар мен құрылыстардың түстiк шешiмi, сондай-ақ олардың қасбеттерi құрылысты есепке ала отырып, бiрыңғай түстiк реңкте орындалуы қажет.

4 бөлiм. Тұрғын мақсаттағы аумақты көрiктендiру

      80. Тұрғын ғимаратқа жанасатын аумақ абаттандырылуы, көгалдандырылуы, жарықтандырылуы, қоршалуы және аймақтандырылуы қажет, кiреберiс жолдары және жаяу жолдардың қатты жабыны болуы қажет.
      81. Объектiлердiң құрылыстан және жолдардан бос аумағы абаттандырылуы және көгалдандырылуы қажет.
      82. Ортақ пайдаланудағы көгалдандырылған аумақтар абаттандырылуы және шағын сәулет түрлерiмен: субұрқақтар және қауыздар, сатылар, пандустар, тiрек қабырғаларымен, шатырлармен, шамдармен жабдықталуы қажет. Шамдардың саны аумақты жарықтандыру нормалары бойынша анықталуы қажет.
      83. Тұрғын кварталдар, ықшам аудандар аумақтарында, сондай-ақ үй маңындағы аумақта келесi тәртiп сақтау қажет:
      1) көпiрше, тротуарлар, жаяужол, квартал iшiндегі өтпе жолдар мен жолдарды дұрыс қалпында ұстау;
      2) аулаларда түрлi шаруашылық және қосалқы құрылыстарды (гараждар, сарайлар, қоймалар) өздiгiнен салуға және коммуникацияларды (антенналар, электр, телефон кабелдерiн) өздiгiнен орнатуға жол бермеу;
      3) үй маңындағы аумақтарға құрылыс материалдарын үюге жол бермеу;
      4) баланстағы (шаруашылық жүргiзудегi немесе жедел және (немесе) басқа басқарудағы) инженерлiк желiлердi дұрыс жағдайда ұстау, құдықтарды уақтылы қарау және тазалау;
      5) шағын сәулет түрлерiн, спортқа, ойынға, балаларға арналған алаңшаларының және шаруашылық алаңшаларының жабдықтарын, қоршаулар мен шарбақтарды дұрыс жағдайда ұстау, олардың сыртқы түрiн таза ұстау.

5 бөлiм. Кент және елді мекендер аумағын жарықтандыру

      84. Аумақтарды жарықтандыру пайдаланушы ұйымдармен ұсталып, сыртқы жарықтандыру қондырғыларымен (бұдан әрi - СЖҚ) қамтамасыз етiледi, оларға мыналар:
      1) электрмен жабдықтау құрылғылары, таратушы желiлер;
      2) электр желiлерiн қорғау және жерлендiру құрылғысы;
      3) басқару құрылғылары;
      4) кронштейндер, тростық аспа тiректерi жатады.
      85. СЖҚ күтiп ұстау және қызмет көрсету келесi шараларды қамтиды:
      1) шамдарды тазалау, жарық түсiру деңгейiн өлшеу, шамдарды ауыстыру және шамдардағы iстен шыққан шашыратқыштарды ауыстыруды қоса есептегенде, ондағы сандық және сапалық көрсеткiштер берiлген параметрге сәйкес келуiмен СЖҚ техникалық дұрыс жағдайда ұстау;
      2) СЖҚ жұмысының регламенттелген тәртiбiн қамтамасыз ету, кесте бойынша уақтылы қосу және сөндiрудi бақылау, жанбайтын шамдарды, ақауларды анықтау, оларды жедел жою.
      86. Металл тiректер, кронштейндер және СЖҚ элементтерi жабу жағдайына қарай боялады.
      87. Жарықтандыру тiректерiнде, инженерлiк желiлерде олардың иелерiмен және (немесе) пайдаланушыларымен келiсiмсiз жарнамалық қалқандар орнатуға жол берiлмейдi.
      88. Кесте бойынша көшелердiң, жолдардың, алаңдардың жаяужол бөлiктерiнiң, жарықтандырылатын объектiлердiң сыртқы жарығын қосу табиғи жарықтың көлемiнiң азаюы кезiнде кешкi ымырт кезiнде 20 люкске дейiн, ал сөнуi - таңертең 10 люкске дейiн берiледi.
      Ескерту. 88 тармаққа өзгеріс енгізілді - Қарағанды облысы Осакаров аудандық мәслихатының 2012.03.13 N 24 (алғашқы жарияланғаннан кейін күнтізбелік он күн өткен соң қолданысқа енеді) шешімімен.
      89. Көшелердегi жанбайтын шамдар 10 пайыз аспауы қажет, алайда iстен шыққан шамдардың бiрiнен кейiн бiрi қатар орналасуына жол берiлмейдi.
      90. Металл бағаналар, кронштейндер мен сыртқы жарық құрылғылары мен байланыс желiлерiнiң элементтерi таза, тот баспай ұсталып, сырлануы қажет. Жанып кеткен шамдарды ауыстыруды тиiстi қызметтер оны анықтағаннан кейiн 24 сағаттың iшiнде ауыстыруы тиiс.
      91. Пайдаланудан шыққан құрамында сынап бар газ санатындағы шамдар - доқалы сынапты шам (әрі қарай ДСШ), металлдық сынаптық йодидтары бар доқалы шам (әрі қарай МСЙДШ), доқалы натрийлi (әрі қарай ДНАТ), люминесценттi шамдарды сақтайтын арнайы орындарда сақталып, одан әрi қайта өңделуi үшiн арнайы кәсiпорындарға жеткiзiлуi қажет. Аталған шамдар түрлерiн полигонға шығаруға жол берiлмейдi.
      Ескерту. 91 тармаққа өзгеріс енгізілді - Қарағанды облысы Осакаров аудандық мәслихатының 2012.03.13 N 24 (алғашқы жарияланғаннан кейін күнтізбелік он күн өткен соң қолданысқа енеді) шешімімен.
      92. Жарық және электрлi көлiктердiң байланыс желiлерiнiң құлаған бағаналарын негiзгi көшелерде кешiктiрiлмей бағана иесi және (немесе) пайдаланушы шығарады, басқа аумақтарда, сондай-ақ бұзылған бағаналар – 12 сағат iшiнде шығарылады.
      Ескерту. 92 тармаққа өзгеріс енгізілді - Қарағанды облысы Осакаров аудандық мәслихатының 2012.03.13 N 24 (алғашқы жарияланғаннан кейін күнтізбелік он күн өткен соң қолданысқа енеді) шешімімен.

6 бөлiм. Ортақ пайдаланудағы, демалу мақсатындағы аумақты көрiктендiру

      93. Саябақтар, скверлер, су қоймалары, соның iшiнде оларда орналасқан тротуарлар, жаяужол аймақтары, сатылық құрылымдарды қамтитын ортақ пайдалану аумақтарын тазалауды осы объектiлер қызмет көрсетуде және пайдалануда тұрған ұйымдар мен бекiтiлген аумақ субъектiлерi жүзеге асырады.
      Ескерту. 93 тармаққа өзгеріс енгізілді - Қарағанды облысы Осакаров аудандық мәслихатының 2012.03.13 N 24 (алғашқы жарияланғаннан кейін күнтізбелік он күн өткен соң қолданысқа енеді) шешімімен.
      94. Ландшафт - демалу аумақтарының шегiндегi алаңшалардың, жол-соқпақ жүйелерiнiң жабыны тақташалардан, ұсақ тастан және басқа да берiк минералды материалдардан, сирек жағдайларда асфальт жабынын қолдануға жол бере отырып, қолданылуы қажет.
      95. Тоғандар мен басқа да су қоймаларының жағажай жолақтары абаттандырылуы қажет. Су қоймаларының сыртқы сулармен ластануына жол бермейтiн шараларды қарастыру қажет.
      96. Алаңдарда, саябақтарда, скверлерде, демалыс аймақтарында, халық көп баратын жерлерде, көшелерде, тұрғын үйлердiң әрбiр кiреберiсiнiң алдында, әкiмшiлiк, қызметтiк ғимараттар, сауда объектiлерiне кiреберiсте, қоғамдық көлiк күту аялдамаларында қоқыс салатын жәшiктер орналасуы қажет.
      97. Қоқыс салатын жәшiктер олардың толуына қарай, бiрақ күнiне бiр реттен аз емес мөлшерде тазартылады. Қоқыс салатын жәшiктер олардың ластануына қарай, бiрақ аптасына бiр реттен аз емес мөлшерде жуылады. Қоғамдық көлiк күту аялдамаларында орналасқан қоқыс салатын жәшiктердi аялдаманы тазалауды жүзеге асыратын ұйымдар жуып, тазалайды, ал басқа объектiлердiң маңында орналасқан қоқыс салатын жәшiктердi көрсетiлген объектiлердiң иелерi және (немесе) пайдаланушылары жуып, тазалайды. Қоқыс салатын жәшiктердi бояуды иелерi және (немесе) пайдаланушылары жылына бiр рет (сәуiр), сондай-ақ қажеттiлiгiне қарай немесе сәйкес қызметтердiң ұйғарымы бойынша жүзеге асырады.
      98. Көшелер, алаңдар, саябақтар, скверлер мен аулаларды ластауға жол берiлмейдi.
      Ескерту. 98 тармаққа өзгеріс енгізілді - Қарағанды облысы Осакаров аудандық мәслихатының 2012.03.13 N 24 (алғашқы жарияланғаннан кейін күнтізбелік он күн өткен соң қолданысқа енеді) шешімімен.
      99. Жағажайлар жабылғаннан кейiн жағажайды, киiм ауыстыратын орындарды, дәретханалар мен жасыл жолақты негiзгi тазалау және бос сыйымдылықтарды жуу мен дәретханаларды зарарсыздандыру жұмыстары жүргiзiледi. Күндiз ағымдағы тазалау жүргiзiледi. Жиналған қалдықтар таңертеңгi 8 сағатқа дейiн шығарылуы қажет.
      100. Қоқыс салатын жәшiктер жағажай ауданының 1600 шаршы метрiне (бұдан әрi – м²) бiр қоқыс салатын жәшiктен кем емес жәшiк есебiн негiзге ала отырып орналастырылуы және жасыл көшеттер жолағынан 3-5 метр қашықтықта және жағажайдан кем дегенде 10 метр қашықтықта орналастыру қажет, олардың ара қашықтығы 40 метрден аспауы тиiс.
      101. Сыйымдылығы 0,75 текше метр (бұдан әрi – м³) жағажай ауданының 3500 - 4000 м² аумағына бiр контейнер есебiнен орналасуы қажет.
      102. Жағажайлардың аумақтарында бiр орынға 75 адам есебiнен қоғамдық дәретханалар орнатылуы қажет, суға шомылатын жерлерге дейiнгi ара қашықтығы кем дегенде 50 метр және 200 метрден артық болмауы керек.
      103. Жағажай аумағында ауыз су жеткiзiлген субұрқақтар орналасуы қажет. Су бұрқақтардың ара қашықтығы 200 метрден аспау қажет. Субұрқақтардың ағыны жағажайдың жасыл көшеттерiн суаруға қолданылуы мүмкiн, оларды ағын су қоймаларына жағажай шекарасы бойынша өзен ағысынан 100 метр төмен қашықтықта бұруға болады. Ауыз су iшетiн субұрқақтардан суды осы мақсаттарға белгiленбеген орындарға бұруға жол берiлмейдi.
      104. Ауыз су iшетiн субұрқақтар үлгiлiк немесе арнайы әзiрленген жоба бойынша дайындалған болуы мүмкiн, олар демалу аймақтарында орналастырылады, сонымен бiрге спорттық алаңшаларда орналастыру ұсынылады. Ауыз су iшетiн субұрқақ орналасқан орын және оған кiреберiс жер жабынның қатты түрiмен жабдықталуы қажет, биiктiгi ересек адамдар үшiн 90 сантиметрден аспауы, балалар үшiн 70 сантиметрден аспауы қажет. Ауыз су iшетiн субұрқақтардың кем дегенде бiреуi демалыс аймақтарында мүгедектер үшiн қол жетiмдi болуы қажет.
      105. Ашық және жабық түрдегi киiм ауыстыратын орындар, гардеробтар Қазақстан Республикасында қолдануға рұқсат берiлген зарарсыздандыратын ертiндiлердi қолдана отырып, күн сайын жуылуы керек.
      106. Жағажайға жыл сайын таза құм немесе шағылтас төгiлуi қажет.
      107. Құмды жағажайларда аптасына кем дегенде бiр рет жиналған қалдықтарды жойып, құмның беткi қабатын механикалық қопсыту қажет. Қопсытылғаннан кейiн құм тегiстелуi қажет.
      108. Адамдардың суға түсуiне арналған орындарда кiр жууға және жануарларды жуындыруға жол берiлмейдi.
      109. Саябақтардың қоқыс жинағыштарды орнату үшiн арналған учаскелерi бар шаруашылық аймағы демалушылардың көп жиналатын орындардан (билеу алаңдары, эстрада, субұрқақтар, басты аллеялар, ойын-сауық павильондары) 50 метрден кем емес ара қашықтықта орналасуы қажет.
      110. Қоқыс салатын жәшiктердiң санын саябақтың 800 м² ауданына бiр жәшiк есебiнен анықтау қажет. Басты аллеяларда қоқыс салатын жәшiктердiң арақашықтығы 40 метрден аспауы қажет. Әрбiр дүкеншенiң, дүңгiршектiң алдында қоқыс салатын жәшiк орнату қажет.
      111. Демалушылар көп жиналатын орындардан алыс орналасқан жерлерде қалдықтарды жинау ыңғайлылығы үшiн қалдықтар мен қоқысты уақытша сақтауға арналған аралық жинағыштар орнатылуы керек.
      112. Шаруашылық алаңшалары үшiн контейнерлер саны 3 күндiк қалдықтардың орташа жиынтығы есебiнен анықталуы қажет.
      113. Қоғамдық дәретханалар демалушылар көп жиналатын орындардан 50 метр қашықтықта, 500 адамға бiр орын есебiнен орнатылуы тиiс. Қоғамдық дәретханалар орналасқан жерлер мен оларға кiру жолдары күндiз және кешкi уақытта көрiнетiн арнайы сiлтемелермен көрсетiлуi тиiс.
      114. Қоғамдық дәретханалар қоғамдық ғимараттардың бiрiншi қабаттарында орналастырылуы мүмкiн. Қоғамдық дәретханаларды тұрғын ғимараттарда, балалар, емдеу-сауықтыру, профилактикалық және санитарлық-эпидемиологиялық мекемелердiң ғимараттарында орналастырылуға жол берiлмейдi.
      115. Қоғамдық дәретханаларды елдi мекендердiң келесi жерлерiнде орналастыру қажет:
      1) алаңдарда, жаяу жүргiншiлер қозғалысы көп көшелерде;
      2) теміржол және автостанция станцияларының жанындағы алаңдарда;
      3) кенттік саябақтарда, скверлерде, көрмелерде, стадиондарда, адамдардың жаппай демалыс орындарында;
      4) сауда орталықтары, базарлар аумақтарында.
      Ескерту. 115 тармаққа өзгеріс енгізілді - Қарағанды облысы Осакаров аудандық мәслихатының 2012.03.13 N 24 (алғашқы жарияланғаннан кейін күнтізбелік он күн өткен соң қолданысқа енеді) шешімімен.
      116. Негiзгi тазалауды саябақтар жабылғаннан кейiн таңертеңгiлiк 8 дейiн жүргiзу керек. Күндiз қалдықтар мен құлаған жапырақтарды жинап, ағымдағы жинауды жүргiзiп, жасыл көшеттер суарылу керек.
      117. Аудан аумағындағы бұлақтар су сапасының талаптарына сәйкес болса және санитарлық-эпидемиологиялық қадағалау органдарының оң қорытындысы болған жағдайда, кiреберiс және қатты жабыны бар алаңшамен, бұлақ суын алуға арналған құралмен (науа, құбыр, су ағатын құралдың басқа түрi), су жинайтын тостаған, су бұру жүйесiмен жабдықталуы қажет.
      118. Декоративтiк су қоймалары бедер қолданумен немесе тегiс жазықтықта көгалмен, тақташа жабынмен, гүлзарлармен, ағаш-бұта көшеттерiмен қоса орналастырылады. Су қоймасының түбiн тазалау үшiн ыңғайлы болатындай жазық жасау қажет. Түс және жарықпен ресiмдеу әдiстерiн қолдану ұсынылады.

1 тарау. Көркем және жарнамалық безендiру,
шағын сәулет түрлерi

      119. Жарық жарнама елді мекен кеңiстiгiнде жаяу жүргiншiлер мен автокөлiк жүргiзушiлерiн бағдарлауға көмек көрсетуi және жарық құрылымдық мiндеттердi шешуге қатысуы қажет. Осындай ақпаратты орналастыру, көлемi, түрi және жарық түстiк параметрлерi есептiк қашықтықтан анық көрiнуi және нақты түстiк ансамбльге үйлесiмдi сәйкес келуi, жол қозғалысы ережелерiне қайшы келмеуi, халықтың мекендеу қолайлылығына кедергi келтiрмеуi қажет.
      Ескерту. 119 тармаққа өзгеріс енгізілді - Қарағанды облысы Осакаров аудандық мәслихатының 2012.03.13 N 24 (алғашқы жарияланғаннан кейін күнтізбелік он күн өткен соң қолданысқа енеді) шешімімен.
      120. Сыртқы жарнама және ақпарат құралдары таза болуы және Қазақстан Республикасының 2003 жылдың 19 желтоқсандағы "Жарнама туралы" Заңына сәйкес белгіленген тәртіпте орналасуы қажет.
      121. Сыртқы (көрнекi) жарнама объектiлерiнiң өндiрiсiне және ресiмдеуге пайдаланылатын материалдар сапа, қауiпсiздiк және экологияның, iзгiлiк және моральдiң заманауи талаптарына сәйкес келуi және аймақтың табиғи-климаттық жағдайларына, экологиялық және санитарлық-гигиеналық қауiпсiздiк нормаларына сәйкес болуы қажет.
      122. Жеке тұрған сыртқы (көрнекi) жарнама объектiлерiн монтаждау (демонтаждау) кезiнде құрылымның iргетасы жер деңгейiнде немесе одан төмен деңгейде орналастырылуы қажет. Жақын маңдағы аумақ монтаждаудан (демонтаждау) кейiн абаттандырылуы қажет.
      123. Сыртқы (көрнекi) жарнама және ақпарат объектiлерiнiң құрылымы тәулiктiң қараңғы уақытында жарық көзiмен жарнамалық-ақпараттық алаңның жарықтандыруын қарастыруы қажет. Жарықтандыру техникалық жағынан қиындық келтiретiн немесе бастапқыда сәулет жобасымен қарастырылмаған сыртқы (көрнекi) жарнама және ақпарат құралдарын (керме-транспаранттар, жалау құрылымдары, маркиза, қызмет көрсетуге арналған жол белгiлерi және жарық шағылысатын жабыны бар бағыттық бағдарлау белгiлерi, жеке тұрған үлкен емес ғимараттар мен құрылыстарда және тұрғын ғимараттардың тұрғын емес нысандарында орналастырылған ақпарат) қоспағанда.
      124. Сыртқы (көрнекi) жарнама объектiлерiнiң инженерлiк - техникалық шешiмi объект бекiтiлетiн ғимараттар мен құрылыстар элементтерiнiң тiрек мүмкiндiгiн есепке алуы, соның нәтижесiнде олардың пайдаланушылық сапасының жоғалуына жол бермеуi қажет.
      125. Сыртқы (көрнекi) жарнама объектiлерiн күтiп ұстау, соның iшiнде оған жанасатын аумақты бес метр радиуста тазалауды сыртқы (көрнекi) жарнама объектiлерiнiң иелерi жүзеге асыруы қажет.
      126. Сыртқы (көрнекi) жарнама объектiлерiнiң құрамдас бөлiктерi – iргетасы, "тұғыры" тиесiлi эстетикалық түрде болуы қажет. Iргетасы сырлануы (боялуы) қажет, бетон негiзi түскен жағдайда "қалпына келтiрiлуi" қажет. "Тұғыр" таза, боялған және қағаз жарнамалық тасымалдаушылардан тазартылған болуы қажет.
      127. Тұрақты сыртқы (көрнекi) жарнама объектiлерiн бiр немесе одан да көп жақтарында ақпараттық хабарлама (жарнама) болмай пайдалануға жол берiлмейдi. Сыртқы (көрнекi) жарнама объектiлерiндегi түсi кеткен, жыртылған ақпараттық тасымалдаушылар, сондай-ақ тақырыбы ескiрген, соның iшiнде әлеуметтiк сипаттағы ақпараттық тасымалдаушыларды ауыстыру қажет. Көрсетiлген iс-шаралар сыртқы (көрнекi) жарнама объектiлерiнiң иесi есебiнен жүзеге асырылады.
      128. Жарық жарнамаларды және маңдайшаларды пайдаланатын кәсiпорындар оларды күн сайын қараңғы түскен кезде қосуы және жанып кеткен газ жарық түтiктердi және электр шамдарын уақтылы ауыстырулары қажет.
      129. Жарық жарнамалардың немесе маңдайшалардың жеке белгiлерiнiң жарамсыз жағдайында жарнаманы немесе маңдайшаны сөндiру қажет.
      130. Жарнамалық құрылымдарды монтаждаудан (демонтаждау) кейiн жарнама таратушы аумақты немесе орналастыру объектiлерiн 7 күннен аспайтын мерзiмде көрiктендiрудi қалпына келтiру қажет.
      131. Жол берiлмейдi:
      1) көгалдарға автокөлiктi қойып жарнамалық құрылымдардан бейнелердi (плакаттарды) ауыстыруға;
      2) жеке меншiк иесiнiң және (немесе) балансұстаушының келiсiмiсiз әртүрлi жарнамаларды және басқа да ақпараттық хабарламаларды ғимараттарға, қоршауларға, жолаушылар көлiктерi аялдамаларына, жарықтандыру бағаналарына, ағаштарға жапсыруға және орнатуға.
      Ескерту. 131 тармаққа өзгеріс енгізілді - Қарағанды облысы Осакаров аудандық мәслихатының 2012.03.13 N 24 (алғашқы жарияланғаннан кейін күнтізбелік он күн өткен соң қолданысқа енеді) шешімімен.
      132. Бөлiнген белдеу шекарасында орналастырылатын көрнекi жарнама, басқа да ақпараттық белгiлер және көрсеткiштер Қазақстан Республикасының 2003 жылдың 19 желтоқсандағы "Жарнама туралы" Заңына сәйкес орындалуы және орналастырылуы қажет.
      133. Тұрғын құрылыс аумақтары, қоғамдық аймақтар, скверлер, көшелер, бақтар, демалыс алаңшалары шағын сәулет нысандарымен – шатыр, көлеңкелi бастырма, гүлзарлар, сәкiлер, қоқыс салатын жәшiктер, субұрқақтар, балалар ойынына, ересектердiң демалысына арналған құрылғылар, газет стендтерi, қоршаулар, телефон будкалары (бастырмалар), автокөлiктi күту павильондарымен жабдықталады.
      134. Қоршаулар, дуалдар салу және орнатуды келесi талаптарды сақтаған жағдайда жүзеге асыруға болады:
      1) кiрпiш, бетон (жабық) дуалдармен тек қана өндiрiстiк кәсiпорындарды, арнайы мекемелердi, режимдiк объектiлердi қоршауға рұқсат етiледi;
      2) биiктiгi 2 метрге дейiн металл дуал (декоративтiк, ашық) немесе жасыл (көшет) қоршау салу көп пәтерлi тұрғын үй кешендерiн, коттедждiк қалашықтарды және жеке тұрғын үйлердi қоршау үшiн рұқсат етiледi;
      3) биiктiгi екi метрден жоғары металл дуалдармен (ашық) оқу орындарын, балаларды тәрбиелеу және емдеу мекемелерiн, базарларды, мамандандырылған мекемелердi қоршау үшiн рұқсат етiледi;
      4) биiктiгi 0,7 метрге дейiн жасыл (көшет) қоршаумен коттедждiк қалашықтағы жеке тұрғын үйлердi, әкiмшiлiк ғимараттарды, банк мекемелерiн, сауық және демалыс орталықтарын және басқа объектiлердi (бөлiнген аумағының шекарасында) қоршау үшiн салуға болады.
      135. Шағын сәулет түрлерi тұрақты және мобильдi болуы мүмкiн, олардың саны және орналасуы аумақтарды көрiктендiру паспорттарымен белгiленедi.
      136. Жаңа құрылыс кезiнде құрылыс салынатын учаске шегiнде шағын сәулет түрлерiн жобалау, әзiрлеу және орнатуды тапсырыс берушi бекiтiлген жобалық-сметалық құжаттамаға сәйкес жүзеге асырады.
      137. Шағын сәулет түрлерiнiң сындарлы шешiмдерi олардың тұрақтылығын, пайдалану қауiпсiздiгiн қамсыздандыруы тиiс.
      138. Заңды және жеке тұлғалар - шағын сәулет түрлерiнiң иелерi және (немесе) пайдаланушылары өз есебiнен оларды ауыстыру, жөндеу және бояуға тиiс.
      139. Аймақтарда шағын сәулет түрлерiн орнату және күтiп ұстау келесi талаптар сақталған кезде жүзеге асырылады:
      1) сыртқы көрiктендiрудiң барлық элементтерi, соның iшiнде ғимараттардың қасбетiн өңдеу бекiтiлген жобаға және өрт қауiпсiздiгi нормаларына сәйкес орындалуы қажет;
      2) құрылыстардың иелерi және (немесе) пайдаланушылары келiсiмсiз көше, алаң және қоғамдық орындарға қарайтын ғимараттардың қасбеттерiн мерекелiк безендiруге құқылы.
      Ескерту. 139 тармаққа өзгеріс енгізілді - Қарағанды облысы Осакаров аудандық мәслихатының 2012.03.13 N 24 (алғашқы жарияланғаннан кейін күнтізбелік он күн өткен соң қолданысқа енеді) шешімімен.
      140. Мобильдiк және тiкелей көгалдандырумен безендiру үшiн құрылғылардың келесi түрлерi қолданылады: бүкпе айналар, ағаш қатарлары, балтозаңдар, гүлшілер, қыш құмыралар.
      1) бүкпе айналар және ағаш қатарлары – шырмауық немесе тiк өсетiн өсiмдiктердi көгалдандыру үшiн торкөз түрiндегi жеңiл ағаш немесе металл құрылымдар, жайлы демалыс бұрыштарын, күннен қорғаныш, алаңшаларды, техникалық құрылғылар мен құрылыстарды қоршау үшiн пайдаланылуы мүмкiн;
      2) балтозаңдар – шатыр, галерея немесе бастырма үлгiсiндегi ағаштан немесе металдан жасалған жеңiл торлы құрылым, "жасыл тоннель", алаңшалар немесе сәулет объектiлерi арасында өткел ретiнде пайдаланылады;
      3) гүлшілер, қыш құмыралар – гүл отырғызылатын топырағы бар шағын сыйымдылықтар.
      141. Орындықтарды iргетастың немесе жабынның қатты түрлерiне орнату көзделуге тиiс. Демалыс аймақтарында, орман-саябақтарда, балаларға арналған алаңшаларда орындықтарды жабынның "жұмсақ" түрiне орнатуға болады. Iргетасы болған кезде оның бөлiктерi жер бетiне шығып тұрмауы қажет. Ересек адамның демалуы үшiн орындықтың биiктiгi жабын деңгейiнен отыру жазықтығының деңгейiне дейiн 420 - 480 миллиметр шамасында болуы қажет. Демалу үшiн орындықтардың үстiн түрлi суға төзiмдi өңдеумен (лайықтысы – сiңiре өңдеу) ағаштан жасау ұсынылады.
      142. Қоғамдық, тұрғын, демалыс мақсаттарындағы аумақтарда таксофондар орнату кезiнде оларды электр жарығымен жарықтандыруды қарастыру қажет. Таксофондарды орналастыру орындарын телефон кәрiзi арнасы (құбыр) және электр жарығымен жарықтандыру арнасы (құбыр) құрылғыларының қосылу орнына неғұрлым жақын жерге жобалау керек. Сонымен қоса, таксофондардың бiреуiнен кем емес мөлшерде (немесе әр қатардағы бiреуi) тиын қабылдағыш тесiгiнiң деңгейi жабын деңгейiнен 1,3 метр биiктiкте орналастыру қажет. Пошта жәшiгiнiң қабылдау тесiгiнiң деңгейi жабын деңгейiнен 1,3 метр биiктiкте орналастыру ұсынылады.

2 тарау. Базарлардың аумағын күтiп ұстауға қойылатын талаптар

      143. Базарды ұйымдастыру кезiнде мiндеттi түрде өртке қарсы ережелер, сәулет, құрылыс, ветеринариялық, экологиялық және Қазақстан Республикасының қолданыстағы заңнамасына сәйкес басқа да талаптар сақталуы қажет, базарлар аумақтары асфальттық жабынмен өнделуi керек.
      144. Базар аумағында орналасқан құрылыстар қауiпсiздiк, ветеринариялық, санитарлық, өртке қарсы ережелер және сәйкес профильдегi (үлгiдегi) объектiлер үшiн белгiленген талаптарға сәйкес болуы қажет.
      145. Базар аумағында құрылыстар мен жабдықтарды орналастыру тұтынушылардың сауда орындарына еркiн қол жетiмдiлiгiн, өрт қауiпсiздiгi талаптарын сақтау және апатты немесе төтенше жағдайларда адамдар мен материалдық құндылықтарды шұғыл көшiру мүмкiндiгiн қамтамасыз етуi қажет.
      146. Базардың санитарлық жағдайы санитарлық - эпидемиологиялық қадағалау органдары мен мекемелерi бекiткен талаптарға сәйкес келуi тиiс.
      147. Базар аумағында көрiнетiн жерлерге барлық қажеттi объектiлердi көрсете отырып, "Базар жоспары" орналастырылады: сауда қатарлары, анықтамалық бюро, зертханалар, сантораптар, бақылау таразылары, тәртiп сақтау органдарының бөлмесi.
      148. Базардың аумағы сауда қатарларына нақты азық-түлiк орындарына, бақылау таразыларына, автобус аялдамаларына, шығу есiктерiне бағыттайтын көрсеткiштермен жабдықталады.
      149. Ауыл шаруашылығы өнiмдерiнiң саудасы санитарлық - эпидемиологиялық қадағалау органдары мен мекемелерi рұқсат еткен материалдардан дайындалған ыдыста, тауарлық жанасу принциптерiн сақтай отырып, өнiмдердi жермен тiкелей жанасудан сақтау жолымен жүзеге асырылады.
      Ескерту. 149 тармаққа өзгеріс енгізілді - Қарағанды облысы Осакаров аудандық мәслихатының 2012.03.13 N 24 (алғашқы жарияланғаннан кейін күнтізбелік он күн өткен соң қолданысқа енеді) шешімімен.
      150. Базарларда ветеринарлық - санитарлық сараптама өткiзу мiндеттi болып саналады. Жануарлар өнiмдерiн және шикiзаттарын ветеринарлық-санитарлық сараптамадан өткiзбей сатуға жол берiлмейдi.

3 тарау. Қалдықтар мен қоқыстарды жинау, сақтау, шығару және өңдеу

      151. Жоспарлық - жүйелi тазалау қалдықтарды жоюды жүзеге асыратын ұйым және жеке және заңды тұлғалардың арасындағы келiсiм-кестелер бойынша жүзеге асырылуы тиiс.
      152. Қалдықтарды полигонға шығарған кезде автомашинаның әр рейсi полигон әкiмшiлiгiнiң жол парағында белгiленуi қажет.
      153. Қалдықтарды шығару 7 сағаттан ерте емес және 23 сағаттан кеш емес уақытта жүзеге асырылуы тиiс.
      154. Қатты және сұйық тұрмыстық қалдықтарды зарарсыздандыру қолданыстағы нормативтiк құжаттарға сәйкес келетiн арнайы құрылыстарда (қатты тұрмыстық қалдықтарға арналған полигон, ассенизация алаңдары, жер жырту алаңдары, мал қорымдары, кәрiз құрылымдарының жүйесi) жүргiзiлуi қажет.
      155. Қалдықтарды осы мақсаттарға арналмаған басқа аумақтарға шығаруға, сонымен қоса ауыл шаруашылық даласында көмуге жол берiлмейдi.
      156. Үй иелiктерi, ұйымдар, мәдени - көпшiлiк мекемелердiң аумақтарында, демалыс аймақтарында көлiк өтуi үшiн өтпе жолдары бар қоқыс және қалдық жинауға арналған контейнерлер орнататын арнайы алаңшалар бөлiнуi қажет. Алаңшаның су өтпейтiн жабыны және үш жағынан бұталардан құралған тұтас қоршауы болуы қажет.
      157. Контейнерлердi орнатуға арналған алаңшалар тұрғын және қоғамдық ғимараттардан, барлық түрдегi ұйымдардан, спорт алаңшаларынан және халықтың демалу орындарынан 25 метрден кем емес және 100 метрден артық емес қашықтықта орналасуы қажет. Алаңшалардың көлемi 5 контейнерден кем емес контейнер қоюға арналуы қажет. Контейнерлерден алаңшаның шетiне дейiнгi арақашықтығы 1 метрден кем болмауы қажет.
      158. Аула дәретханаларынан, контейнер алаңшаларынан, бекiтiлген арақашықтықты сақтау мүмкiн болмайтын құрылысы салынған аудандарда осы ара қашықтықты өкiлеттi орган сәулет және қала құрылысы, тұрғын үй-пайдалану ұйымы қызметкерлерiнiң, мемлекеттiк санитарлық-эпидемиологиялық қызметтiң аумақтық органы маманының қатысуларымен комиссия белгiлейдi.
      159. Орнатылатын қоқыс жинағыштар (контейнерлер) санын анықтау үшiн қоқыс жинағыштарды пайдаланатын халық саны, қалдықтардың жиналу нормалары, оларды сақтау мерзiмдерiн есепке ала отырып анықталуы қажет. Қоқыс жинағыштардың есептiк көлемi ең көп жиналатын кезеңдегi қалдықтардың нақты жиналу көлемiне сәйкес келуi қажет.
      160. Қоқыс жинағыштарда (контейнерлерде) жылдың суық мезгiлiнде қалдықтарды сақтау мерзiмi (0 және Цельсия бойынша төмен градус температурада) үш тәулiктен артық болмауы, жылы кезеңде (плюс температурада) тәулiктен артық емес мерзiмде шығарылуы қажет.
      161. ҚТҚ жинау үшiн жақсы жабдықталған тұрғын үй қорында стандартты контейнерлер (0,75 м³), жеке үй иелiктерiнде қақпақтары бар түрлi сыйымдылықтағы құрылымдар (ағаш, металл және пластикалық) қолдану қажет.
      162. Жаз уақытында металл контейнерлер арнайы орындарда 10 күнде бiр реттен жиi емес (ауысымсыз жүйеде) және әр төгiлген кезде (ауысымды жүйеде) жуылуы қажет.
      163. Екiншi реттiк шикiзаттарды (тоқыма, банкалар, шөлмектер) контейнерлерден, мамандандырылған көлiктен таңдап алуға жол берiлмейдi.
      164. Кәрiз жүйесi жоқ үй иелiктерiнде сұйық қалдықтарды жинау үшiн су өтпейтiн, қатты фракцияларды бөлу үшiн торы және қақпағы бар жер бетiндегi бөлiгiмен шұңқырлар жабдықталуы қажет. Аулалық дәретханалар болған кезде шұңқыр ортақ болуы мүмкiн.
      165. Кәрiз жүйесi жоқ аулалық және қоғамдық дәретханалар тұрғын және қоғамдық ғимараттардан, балаларға арналған алаңшалар мен халықтың демалу орындарынан 25 метрден кем емес қашықтықта орналасуы қажет.
      166. Орталықтандырылмаған сумен жабдықтау жағдайында аулалық дәретханалар құды тар мен бұлақтардан 50 метрден кем емес қашықтықта орналасуы қажет.
      167. Аулалық дәретханалардың жер бетiндегi бөлiгi және шұңқыры болуы қажет. Жер бетiндегi үй-жай тығыз орналасқан материалдардан (тақтай, кiрпiш, блоктар) құрылуы қажет. Шұңқыр су өтпейтiн болуы қажет. Шұңқырдың тереңдiгi жер асты суларының деңгейiне байланысты, бiрақ 3 метрден артық болмауы қажет. Шұңқырды жер бетiне 0,35 метрге дейiн ғана толтыруға жол берiледi. Шұңқыр толтырылуына қарай, бiрақ жарты жылда бiр реттен кем емес мерзiмде тазаланады.
      168. Аулалық дәретханаларды тазалау күнделiктi жүзеге асырылады.
      Аулалық дәретханалардың жер бетiндегi бөлiгi кемiргiштер мен жәндiктердi өткiзбейтiндей болуы қажет. Кәрiз жүйесi жоқ аулалық дәретханалар және шұңқырлар 10 күнде бiр рет зарарсыздандырылуы қажет.
      169. Жұқпалы және туберкулезке қарсы ауруханалық ұйымдарда азық - түлiк қалдықтарын жинауға жол берiлмейдi.
      170. Сауда және қоғамдық тамақтану объектiлерiнде азық - түлiк қалдықтарын уақытша сақтау тоңазытқыш камераларында немесе басқа да салқындататын үй-жайларда жүзеге асырылуы қажет.
      171. Азық-түлiк қалдықтарына арналған жинау құралдары күн сайын жуу құралдарымен жуылып және 10 күнде бiр рет зарарсыздандырылуы қажет.

7 бөлім. Құрылыс және монтаж жұмыстарын жүргiзу кезiнде көрiктендiру талаптары

      172. Құрылыстың барлық мерзiмiнде жүргiзiлетiн жұмыстар қоршаған орта, аумақ, халық қауiпсiздiгiн қамтамасыз ету, құрылыс алаңшасында еңбек қауiпсiздiгiн қамтамасыз ету, құрылыс алаңшасына жанасатын аумақта тәртiп сақтау бойынша кенттер және селолық округтер әкімдерінің талаптарын орындауды қамтамасыз етуi қажет.
      Ескерту. 172 тармаққа өзгеріс енгізілді - Қарағанды облысы Осакаров аудандық мәслихатының 2012.03.13 N 24 (алғашқы жарияланғаннан кейін күнтізбелік он күн өткен соң қолданысқа енеді) шешімімен.
      173. Құрылыс-монтаж жұмыстары басталғанға дейiн құрылыс алаңы және жұмыстардың қауiптi аймақтары қоршалуы қажет.
      174. Алаңға кiреберiсте объектiнiң, құрылыс салушының (тапсырыс берушiнiң), мердiгердiң (бас мердiгердiң) атауы, объект бойынша жауапты жұмыс өндiрушiсiнiң аты-жөнi, лауазымы және телефоны көрсетiлiп, ақпараттық қалқандар орнатылуы қажет.
      175. Жауапты жұмыс өндiрушiсiнiң атауы және телефоны құрылыс алаңдарынан тыс орындардың қоршауындағы, мобильдi ғимараттар мен құрылыстар, жабдықтардың iрi көлемдi элементтерi, кабель барабандары қалқандарда көрсетiлуi тиiс.
      176. Қажеттiлiк жағдайында жергiлiктi атқарушы органның талабы бойынша құрылыс алаңы қоқыс жинауға арналған бункерлер және жабдықтармен, сондай-ақ шығу орындарында көлiк құралдарының дөңгелектерiн тазалау пунктiлерiмен, ал желiлiк объектiлерде - жергiлiктi атқарушы органдар көрсеткен орындарда жабдықталуы қажет.
      177. Құрылыстың жоспарымен қарастырылған көшелердi жабу, көлiк қозғалысын шектеу, қоғамдық көлiк қозғалысын өзгерту бойынша шараларды жұмыстарды орындаушы жұмыс басталар алдында жол полициясымен және кенттер және селолық округтер әкiмдерiмен келiсуi қажет. Шектеулерде қажеттiлiк аяқталғаннан кейiн көрсетiлген органдар хабарландырылуы қажет.
      Ескерту. 177 тармаққа өзгеріс енгізілді - Қарағанды облысы Осакаров аудандық мәслихатының 2012.03.13 N 24 (алғашқы жарияланғаннан кейін күнтізбелік он күн өткен соң қолданысқа енеді) шешімімен.
      178. Құрылыс алаңына енгiзiлмеген белгiлi-бiр аумақтарды құрылыс мұқтаждықтары үшiн уақытша пайдалану қажеттiлiгi кезiнде пайдалану режимi, қорғау (қажеттiлiгiне орай) және осы аумақтарды тазалау осы аумақтардың иелерi және (немесе) пайдаланушыларының келiсiмiмен анықталады (қоғамдық аумақтар үшiн - жергiлiктi атқарушы органмен).
      179. Құрылыс жүргiзiлетiн барлық мерзiмде жұмыстарды орындаушы алаңға қойылатын еңбектi қорғау, қоршаған ортаны қорғау, құрылыс жұмыстарының қоршаған аумақ және халық үшiн қауiпсiздiгi талаптарын сақтауға, сондай-ақ осы нормалармен, қолданыстағы басқа нормативтiк құжаттармен құрылысқа келiсу талаптарымен белгiленген әкiмшiлiк сипаттағы түрлi талаптарды орындауға жауапкершiлiкте болады.
      180. Құрылыс жүргiзiлетiн барлық мерзiмде жұмыстарды орындаушы уақытша инженерлiк желiлер, жолдар және көлiктiк құрылыстар, қойма алаңдары, тұрмыстық және барлық қатысушылар үшiн ортақ пайдаланудағы басқа да уақытша ғимараттар мен құрылыстарды жайластыру, пайдалану, дамыту және жоюды, сондай-ақ егер басқасы құрылысқа келiсу шарттарымен немесе құрылысқа қатысушылар арасындағы келiсiммен қарастырылмаса, алаң аумағындағы жерлердi қалпына келтiрудi қамтамасыз етедi.
      181. Жұмыстарды орындаушы бекiтiлген аумақтың құрылыс алаңы аумағын тазалауды қамтамасыз етуi қажет. Тұрмыстық және құрылыс қоқысы, сондай-ақ қар кенттер және селолық округтер әкiмдерi бекiткен тәртiпте және мерзiмдерде уақтылы шығарылуы тиiс.
      Ескерту. 181 тармаққа өзгеріс енгізілді - Қарағанды облысы Осакаров аудандық мәслихатының 2012.03.13 N 24 (алғашқы жарияланғаннан кейін күнтізбелік он күн өткен соң қолданысқа енеді) шешімімен.
      182. Селитебтік аумақтарда құрылыс - монтаж жұмыстарын жүргiзу кезiнде қалдықтар мен қоқысты тазалағанда жабық ыдыстар мен бункер-жинауыштарды қолданбай, оларды ғимараттар мен құрылыстардың қабаттарынан тастауға жол берiлмейдi.
      Ескерту. 182 тармаққа өзгеріс енгізілді - Қарағанды облысы Осакаров аудандық мәслихатының 2012.03.13 N 24 (алғашқы жарияланғаннан кейін күнтізбелік он күн өткен соң қолданысқа енеді) шешімімен.
      183. Жұмыстар орындалғаннан кейiн аумақты, әдетте бiр ай мерзiмде (жұмыс көлемiне байланысты) аумақ абаттандырылуы бұзылуын кешендi қалпына келтiру, соның iшiнде жол жабынын, тротуарларды, жиектастарды және көгалдандыру элементтерiн кешендi көрiктендiру жұмыстары орындалуы қажет.
      184. Қалпына келтiрiлген аумақ құрылыс немесе қатыстырылған жөндеу ұйымынан оны пайдалануға жауапты ұйыммен акт бойынша қабылданады.
      185. Жұмысты алты айдан артық мерзiмге тоқтату немесе тоқтата тұру қажеттiлiгi кезiнде құрылыс салушы (тапсырыс берушi) объектiнi консервациялауды (оны және құрылыс үшiн қолданылған аумақты халық пен қоршаған орта үшiн объектiнiң қауiпсiздiгiн және негiзгi құрылымдардың берiктiгi, тұрақтылығы, сақталуын қамтамасыз ететiн жағдайға келтiру) қамтамасыз етуi қажет.
      186. Егер ғимараттың немесе құрылыстың пайдаланылуы тоқтатылса, халыққа және қоршаған ортаға қауiп келтiретiн жағдайларға жол бермейтiн шаралар қабылдануы қажет (коммуникациялар сөндiрiлiп, сыйымдылықтар босатылуы, қауiптi және улағыш заттар жойылуы, тұрақсыз құрылымдар бекiтiлуi немесе бұзылуы) осы ғимаратқа немесе құрылысқа жануарлар мен адамдардың рұқсатсыз кiруiне жол бермейтiн шаралар қабылдануы қажет.

8 бөлiм. Автомобиль жолдарын және көлiк инфрақұрылымы объектiлерiн көрiктендiру және күтiп ұстау

      187. Ортақ пайдаланудағы автомобиль жолдары орналасқан жерлер мемлекеттiк меншiкке тиесiлi, олар бөлiнбейтiн деп саналады және жеке меншiкке тапсырылмайды. Ортақ пайдаланудағы автомобиль жолдары жерлерiнде Қазақстан Республикасы Үкіметінің 1998 жылдың 5 қыркүйектегі N 845 "Жол шаруашылығын құқықтық қамтамасыз етуді жетілдіру туралы" Қаулысында белгіленген, осы жерлердi пайдалану үшiн келiсiм тәртiбi бұзыла отырып салынған кез-келген құрылыстар заңсыз деп танылып, Қазақстан Республикасының Азаматтық кодексінің 244 бабына сәйкес өздiгiнен құрылыс салған тұлға немесе оның қаражаты есебiнен Қазақстан Республикасының азаматтық заңнамасында қарастырылған жағдайдан басқа заңмен белгiленген тәртiпте бұзылуы тиiс.
      188. Жол маңындағы жолақтар халықтың қауiпсiздiгiн қамтамасыз ету және автомобиль жолдарын пайдалануға жағдай жасау, жол қозғалысы талаптарын, сондай-ақ жол инфрақұрылымы объектiлерiн қайта құру, жөндеу және күтiп ұстау, орналастыруды жүзеге асыру мүмкiндiгiн есепке ала отырып, орналастырылуы қажет.
      189. Ортақ пайдаланудағы автомобиль жолдарының жол маңындағы жолақтарында, жол қызметi объектiлерi мен жол сервисi объектiлерiн қоспағанда, күрделi құрылыс жасауға жол берiлмейдi.
      190. Ортақ пайдаланудағы автомобиль жолдарының жол маңындағы жолақтарындағы кiреберiс (өтпе жол, жанаспа жол) және басқа объектiлердi жайластыру, жөндеу және күтiп ұстау бойынша шығындарды осы объектiлердiң иелерi және (немесе) пайдаланушылары көтередi.
      191. Аялдама павильондары және аялдама кешендерiнiң иелерi осы құрылыстарды дұрыс жағдайда ұстауға, қажеттiлiгiне орай оларды қалпына келтiру бойынша шараларды қабылдауы қажет.
      192. Ортақ пайдаланудағы автомобиль жолдарын пайдаланушылар көлiк құралдарын жол қозғалысы қауiпсiздiгiн, жолдың және онда орналасқан құрылыстардың сақталуын, сондай-ақ қоршаған ортаны ластауға жол бермейтiндей жағдайда пайдалануы қажет.
      193. Жол жабынын, жер қабатын, көпiрлер, өтпе жолдар, су құбырлары құрылымдарын, автопавильондар, жол белгiлерi, жол маңайындағы көшеттер, қорғаныс құрылғылары және автомобиль жолдарын жайластыратын элементтердiң бүлiнуiне жол берген автомобиль жолдарын пайдаланушылар Қазақстан Республикасының заңнамалық актiлерiне сәйкес жауапкершiлiкте болады.
      194. Пайдаланушылар Қазақстан Республикасының заңнамасымен белгiленген тәртiпте автомобиль жолдарына және жол құрылыстарына тигiзген зиянның орнын толтырады.
      195. Жол жиегiнде, тротуарлар мен жаяужолдарда, ал елдi мекендерде сонымен қоса жүру бөлiгiнен басқа жерлерде көлiк құралдарының қозғалысы рұқсат етiлмейдi. Жол-пайдалану және коммуналдық қызмет машиналарының қозғалысы, сондай-ақ тiкелей жол жиегiнде, тротуарлар мен жаяужолдарда орналасқан объектiлерге, өтудiң басқа мүмкiндiгi болмаған жағдайда, жүк таситын көлiк құралдарына қысқа жол бойынша өтуге жол берiледi. Осы жағдайда қауiпсiздiк қамтамасыз етiлуi қажет.

1 тарау. Жолдарды күтiп ұстау

196. Нөсерлiк кәрiз жүйесi жоқ көшелердiң жүру бөлiгi сыпыру-тазалау машиналарымен тазартылуы қажет.
197. Жол төсемін жолдың жиегiнде жиналатын қоқыстардың су ағынымен жасыл көшеттер жолағына немесе тротуарға шықпайтындай етiп жуу керек.

2 тарау. Жолдарды қысқы тазалау

      198. Көшелердің өтпе жолдары мен кiру жолдарын қыста жинау жұмыстары осы Ереже талаптарына, жұмыс технологияларын, техникалық құралдар мен тайғаққа қарсы қолданылатын қоспаларды анықтайтын регламенттерге, сондай-ақ Қазақстан Республикасының заңнамасы аясында бекiтiлген кестеге сәйкес жүргiзiледi.
      199. Аймақтарды тазалауға жауапты ұйымдар (тапсырыс берушiлер қызметi және мердiгерлiк ұйымдар) 1 қазанға дейiн тайғаққа қарсы қолданылатын материалдарды қажеттi мөлшерде тасып жеткiзуi, дайындауы және жинауы керек.
      200. Көшенiң жүру бөлiгiнiң жиегiндегi қарды жинауды және тасып шығаруды осы көшенiң жүру бөлiгiн және өтпе жолдарды тазалауға жауапты кәсiпорын жүзеге асырады.
      201. Көшелердiң көлiк жүретiн бөлiгiн және өтпе жолдарды, тротуарлар мен аула аумақтарын тазалау жұмыстарының технологиясы және тәртiптерi ауа райы жағдайына қарамастан, көлiктердiң және жаяу жүргiншiлердiң қозғалысына бөгет болмауы тиiс.
      202. Қысқы тазалаудың бiрiншi кезектегi операцияларына:
      1) жолдардың жүру бөлiгiн тайғаққа қарсы материалдармен өңдеу;
      2) қарды күреу және сыпыру;
      3) қар үйiндiсiн тасып шығару үшiн жинастыру;
      4) жол тораптарын, жолаушылар тасымалдайтын көлiк аялдамаларын, әкімшілік және қоғамдық ғимараттардың кiрме жолдарын, аулалардан шығатын жолдарды қар үйiндiсiнен тазарту жұмыстары жатады.
      Ескерту. 202 тармаққа өзгеріс енгізілді - Қарағанды облысы Осакаров аудандық мәслихатының 2012.03.13 N 24 (алғашқы жарияланғаннан кейін күнтізбелік он күн өткен соң қолданысқа енеді) шешімімен.
      203. Екiншi кезектегi операцияға:
      1) қарды шығару (тасу);
      2) қар шығарылғаннан кейiн жол жиегiн тазарту;
      3) мұзды уату және қар-мұздан құралған үйiндiнi шығару.
      204. Жолдардың жүру бөлiгiн тайғаққа қарсы материалдармен хлоридтердi бекiтуге жеткiлiктi қар қабаты пайда болуы үшiн қар жауа бастағаннан кейiн 20-40 минутта өңдеу қажет.
      205. Қар жауа бастағаннан кейiн ең алдымен көлiк бағыты үшiн неғұрлым қауiптi магистральдар және көшелер учаскелерiн - тiк түсетiн және көтерiлетiн жолдарды, көпiрлердi, эстакадаларды, тоннельдердi, жол тораптарын және қоғамдық көлiк аялдамаларын, сондай-ақ шұғыл тежелу қажет болатын және тағы басқа жерлердi тайғаққа қарсы материалдармен өңделедi.
      206. Көлiк қозғалысы үшiн ең қауiптi орындарды өңдеу аяқтағаннан кейiн көлiк жүретiн бөлiктi тайғаққа қарсы материалдармен толық өңдеу қажет. Бұл операция алдымен жиектегi тастан бастап жолаушылар тасымалдайтын көлiк қозғалысы бағытына дейiн жүргiзiледi.
      Жол тазалаушы кәсiпорынға бекiтiлген барлық аумақты тайғаққа қарсы материалдармен толық өңдеу уақыты - қар жауа бастағаннан кейiнгi төрт сағаттан аспауы қажет.
      207. Технологиялық циклда "шашу - сыпыру" үлестерi екеуi де тең болуы керек (реагенттермен өңделiнген аудандардың саны сыпырылған аудандар санына тең болуы тиiс).
      208. Жаңадан түскен 5 сантиметр нығыздалмаған қарға тең болатын қар жол төсемiнен 2,5-3,0 сантиметрге биiк болса, жолдың жүру бөлiгiне механикаландырылған сыпыру жүргiзiледi.
      209. Қар ұзақ жауса, механикаландырылған сыпырудың циклы қар жаңадан әрбiр 5 сантиметрлiк биiктiкте түскен сайын жүзеге асырылады.
      210. Бiр кәсiпорын қызмет көрсететiн жағдайда барлық көшелердi және өтпе жолдарды қажетiне қарай бiр рет тазалау уақыты төрт сағаттан аспау керек.
      211. Қар тоқтаусыз жауса технологиялық циклдың саны (шашу - сыпыру) үш реттен кем емес мөлшерде жасалып, қажеттiгiне қарай қайталануы керек.
      212. Қар аяқталғаннан кейiн жол төсемдерiне соңғы сыпыру жұмысы жүргiзiледi.
      213. Жолдың жүру бөлiгi механикаландырылған сыпырудан кейiн оның көлденең бойына қар және мұз қалдықтарынан тазалануы тиiс.
      214. Көшелердiң жүру бөлiгiнен және өтпе жолдардан, сонымен қатар тротуарлардан тазаланған қар көшелердiң жүру бөлiгiнiң және өтпе жолдардың шетiне қарды уақытша жинау үшiн ығыстырылады.
      215. Бiр жақты көлiк қозғалысы бар көшелер мен өтпе жолдардан, оның iшiнде скверлер, гүлзарлар, көгалдар және бетонды блоктар, аймақтар түрiнде бөлiнетiн жолақтары бар магистральдар жағынан қар сыпыруды бастап, қыс бойы тұрақты түрде жиектасқа дейiн қардан және мұздан тазалануы тиiс.
      Ескерту. 215 тармаққа өзгеріс енгізілді - Қарағанды облысы Осакаров аудандық мәслихатының 2012.03.13 N 24 (алғашқы жарияланғаннан кейін күнтізбелік он күн өткен соң қолданысқа енеді) шешімімен.
      216. Қар үйiндiсiн уақытша жинау кезiнде және жылымықта ерiген сулардың ағуы үшiн жолдың жиек тастарындағы ерiген су ағатын шұңқырлар тазаланып, жиектегi таспен қар үйiндiсi арасында көлденеңi 0,5 метрден кем емес ара қашықтық болуы керек. Нөсер суларын қабылдаушыларға қар үйiндiлерiн жинауға жол берiлмейдi.
      217. Жолаушылар тасымалдайтын көлiк аялдамалары және жер үстi жаяу өтпе жолдары қар үйiндiлерiнен тазартылып, жол салынуы керек:
      1) аялдамаларда: 30 метрден 50 метрге дейiн;
      2) белгiсi бар өтпе жолдарда - белгiнiң көлемiне қарай, ал белгiсi жоқ жерде - 5 метрден кем емес.
      218. Қар тасушы көлiктiң әрбiр өтуiнен кейiн жол жиегiндегi және жиектас төсемдерiндегi қар қалдығынан және мұздан тазарту, одан кейiн шығару операциясы өткiзiледi.
      219. Көшелерден және өтпежолдардан қарды арнайы дайындалған алаңдар – қар үйетiн орындарға шығару қажет. Белгiленген тәртiппен келiсiлмеген орындарға қар шығаруға жол берiлмейдi.
      220. Қар үйiндiсiн жинауға тиым салынады:
      1) барлық бiр деңгейдегi жолдардың, көшелердiң және өтпе жолдардың тоғысуында және темiржол өтетiн үшбұрышты аймақ көрiнетiн жерлердiң маңына;
      2) жаяу жүргiншiлер өтпе жолдарына 5 метр жақын жерде;
      3) қоғамдық көлiк аялдамаларына 20 метр жақын жерде;
      4) көлiктiк қоршаулармен немесе биiк жиектастармен қоршалған жолдардың учаскелерiнде;
      5) тротуарларда.

3 тарау. Жолдарды жазғы жөндеу

      221. Жолдың жүру бөлiгi барлық ластану түрлерiнен толық тазалануы және жуылуы тиiс.
      Реттеушi сызық болып табылатын осьтiк, резервтiк жолақтар құмнан және әртүрлi ұсақ қоқымнан тұрақты тазаланып тұруы тиiс.
      222. Екi метрлiк жол жиегiндегi аймақ және ернеуi, сондай-ақ тротуарлар және онда орналасқан жолаушылар тасымалдайтын көлiк аялдамаларының отырғызу алаңы, трамвай жолдары топырақ-құмды қоқымдардан және әртүрлi қоқыстардан толық тазалануы және жуылуы тиiс.
      223. Жолдың жағасы қоқыстардан таза болуы тиiс.
      224. Темiр-бетоннан құралған бөлу жолақтарының үстi құмнан, батпақтан және ұсақ қоқыстардан тұрақты тазаланып тұруы тиiс.
      225. Ыстық күндерi (ауа температурасы Цельсия бойынша 25 градустан жоғары болса) жолдардың төсемдерiн сулау 12 сағатта 16 сағатқа дейiнгi мезгiлде жүргiзiледi (екi сағат сайын).
      Ескерту. 225 тармаққа өзгеріс енгізілді - Қарағанды облысы Осакаров аудандық мәслихатының 2012.03.13 N 24 (алғашқы жарияланғаннан кейін күнтізбелік он күн өткен соң қолданысқа енеді) шешімімен.
      226. Жолдың жүру бөлiгiн жуған кезде лайлы суды және қоқысты тротуарларға, көгалдарға, жолаушылар тасымалдайтын көлiк аялдамаларының павильондарына, көлiкке отырғызатын алаңдарына, жақын жерде орналасқан ғимараттардың, сауда нысандарының қасбеттерiне орындарға шашыратуға жол берiлмейдi.
      Ескерту. 226 тармаққа өзгеріс енгізілді - Қарағанды облысы Осакаров аудандық мәслихатының 2012.03.13 N 24 (алғашқы жарияланғаннан кейін күнтізбелік он күн өткен соң қолданысқа енеді) шешімімен.
      227. Көшелердiң, алаңдардың жүру бөлiгiнiң жолдық төсемдерiн және өтпе жолдарды жуу түнгi (23 сағаттан 7 сағатқа дейiн) және қажетiне қарай күндiзгi уақытта да жүргiзiледi.
      228. Жолдық төсемдердi (осьтiк және резервтi жолақты), көшелердi және өтпе жолдарды алдын ала дымқылдап сыпыру күндiзгi уақытта 8 сағаттан 21 сағатқа дейiн, ал қатты қарқындағы көлiк қозғалысы бар алаңдарды және көшелерді түнгi мезгiлде жүзеге асырылады.

4 тарау. Бөлiнген белдеуге iргелес аумақтар

      229. Ортақ пайдаланудағы автомобиль жолдарының бөлiнген белдеулерiнiң жерлерi жол органдарының немесе жалдаушы ұйымдардың иелiгiнде немесе пайдалануында болады және автомобиль жолдарын дамыту, көрiктендiру және жол сервисi объектiлерiн орналастыруға арналған.
      Қазақстан Республикасы Үкіметінің 1998 жылдың 5 қыркүйектегі N 845 "Жол шаруашылығын құқықтық қамтамасыз етуді жетілдіру туралы" Қаулысына сәйкес, ортақ пайдаланудағы автомобиль жолдарының бөлiнген белдеулерiнде сәйкес жол органдарының келiсiмiнсiз жұмыс жүргiзуге немесе қандай да бiр құрылыстарды орналастыруға жол берiлмейдi
      230. Сауда, қоғамдық тамақтану объектiлерi және сервис объектiлерiн, сондай-ақ олардың жарнамасын ортақ пайдаланудағы автомобиль жолдарының бөлiнген белдеулерiнде жол органдарының немесе жалдаушы ұйымдардың келiсiмi бойынша сәйкес әкiмшiлiк-аумақтық бiрлiктер шегiнде жергiлiктi атқарушы органдар анықтаған орындарда орналастыруға болады.
      231. Ортақ пайдаланудағы автомобиль жолдарының бөлiнген белдеулерiнде сервис, жарнама объектiлерiн орналастыру және бөлiнген белдеулерiн пайдалануға ақы алу тәртiбi қолданыстағы заңнамаға сәйкес белгiленедi.
      232. Аумақтары автомобиль жолдарына жанасатын жер учаскелерiнiң иелерi және (немесе) пайдаланушылары және жер пайдаланушылар, мiндеттi:
      1) жол органдарымен ортақ пайдаланудағы жолдарға жанасатын жолдар және өтпе жолдар құрылысына келiсiм алуға;
      2) ортақ пайдаланудағы жолдарға жанасу жерлерiн және оларға кiреберiстердi техникалық дұрыс және сәйкес санитарлық жағдайда ұстау, қоқыс, ластық және қардан тазалауға;
      3) қозғалыс қауiпсiздiгiн нашарлататын және көрудi қиындататын жол маңындағы жолақта материалдар мен құрылымдарды жинауға жол бермеуге.

9 бөлiм. Жер асты және жер үстi коммуникацияларын көрiктендiру және күтiп ұстау

      233. Магистральдiк коммуникациялар, инженерлiк инфрақұрылымның негiзгi құрылыстарының жобалық құжаттамасын әзiрлеу, құрылыс, пайдалану және кейiннен қайта өңдеу кезiнде, сондай-ақ аумақты инженерлiк дайындау бойынша жұмыстарды жүргiзу кезiнде көршiлес аумақтардың мүдделерiн есепке алатын және халыққа және аумаққа қауiп келтiретiн (зиянды) процестер мен құбылыстардың әсер етуiне жол бермейтiн шешiмдер қабылдануы қажет.
      234. Республикалық, аумақ аралық және аймақтық инженерлiк және көлiк жүйелерiнiң бекiтiлген сұлбасы жобалық (жобалық-сметалық) құжаттаманы әзiрлеуге, сондай-ақ елдi мекендердi жайластыруға және тiршiлiктi қамтамасыз ету жүйелерiн дамытуға (дамуға қатысты) бағытталған қызметке негiз бола алады.
      235. Жер учаскелерiн құрылыс үшiн иелерi және (немесе) пайдаланушыларының қолдануы (коммуникация төсеу, аумақты инженерлiк дайындау, көрiктендiру, көгалдандыру және учаскенi жайластырудың басқа да түрлерi) заңнамамен белгiленген тәртiпте бекiтiлген жобалық құжаттамаға сәйкес және нысаналық мақсатын немесе сервитут, аумақты аймақтандыру, қызыл сызықтар және құрылысты реттеу сызықтары, құрылыс салу және пайдалану ережелерiне сәйкес жүзеге асырылуы мүмкiн.
      236. Магистральдарда, алаңдарда, көшелерде, жаяужолдарда, балаларға арналған алаңшаларда, спорттық алаңшаларда, контейнер алаңшаларында және инженерлiк коммуникациялардың үстiндегi жерлерде, және желдету шахталарының қорғалатын аймақтарында, сондай-ақ аула iшiлiк жолдарда және тоқтауға арналған "қалташаларда", көгалдандырылған аумақтарда және осы мақсаттарға бөлiнбеген орындарда металл тенттер, "ұлутас", "пенал" гараждарын, автомобильдерге арналған басқа да пана болатын жерлердi орналастыруға жол берiлмейдi.
      237. Су желiлерiнiң қоқыспен бiтелiп қалуын болдырмау үшiн су ағатын коллекторларға, жауынқабылдайтын құдықтарға және арық жүйесiне сыпырындыны және тұрмыстық қоқыстарды тастауға жол берiлмейдi.
      238. Су желiлерiнiң нөсер суларын қабылдайтын және байқау құдықтарына профилактикалық тексерудi және оларды жинауды бекiтiлген кесте бойынша, бiрақ айына бiр реттен кем емес мөлшерде мамандандырылған кәсiпорындар немесе балансында осы құрылғылар болатын басқа да ұйымдар жүргiзедi.
      239. Нөсер суларын қабылдайтын құдықтардың торлары үнемi жұмысқа жарамды жағдайда болуы керек. Торлардың және құдықтардың өткiзу қабiлетiн шектейтiн бiтелуге, лайлануға жол берiлмейдi.
      240. Жер асты инженерлiк коммуникацияларының иелерi және (немесе) пайдаланушылары:
      1) жер асты коммуникацияларын күтiп ұстауға және жөндеуге, сонымен қатар уақтылы құдықтар мен коллекторларды тазалауға жауапты болады;
      2) жолдардың төсемдерiмен, тротуарлармен, көгалдармен және құдықтардың люктарымен бiр деңгейде, қалыпты жағдайда ұстауды, сонымен қатар коммуникациялардың қанағаттанарлықсыз жағдайынан пайда болған жолдардың бұзылған шегiнде төсемдерiн қалпына келтiрiп жөндеудi қамтамасыз етедi (өз қаржыларымен немесе мамандарылған мекемелермен келiсiм шартқа отыру негiзiнде);
      3) құдықтардың люктарын бар болуын және қалыпты жағдайда болуын бақылау және оларды уақытында ауыстыруға және болмаған немесе жоғалған кезде (тәулiк iшiнде) қалпына келтiрудi жүзеге асырады;
      4) коммуникацияның жұмысын реттеумен байланысты апатты жоюды тәулiк iшiнде қамтамасыз етедi (қар үйiндiлерi, мұз, лай, сұйықтықтар).
      241. Жер үстi инженерлiк құрылғыларының иелерi және (немесе) пайдаланушылары инженерлiк желiлердiң қорғалатын аймағының шекарасындағы iргелес аумақтың санитарлық жағдайына жауапты болады.

10 бөлiм. Ереженi бұзғаны үшiн жауапкершiлiк

242. Осы Ережені бұзған жеке және заңды тұлғалар Қазақстан Республикасының қолданыстағы заңнамасына және Қазақстан Республикасындағы 2001 жылғы 30 қаңтардағы "Әкiмшiлiк құқық бұзушылық туралы" Кодексiнің 387 бабына сәйкес жауапқа тартылады.
243. Қазақстан Республикасының қолданыстағы заңнамасына сәйкес ережелердi бұзған тұлғаларды әкiмшiлiк жауапқа тарту келтiрген материалдық зиянының орнын толтырудан, осы Ережеде қарастырылған талаптарды орындаудан және жiберiлген жөнсiздiктердi жоюдан босатпайды.

Осакаров ауданының
көрiктендiру Ережесiне
қосымша

Көрiктендiру ПАСПОРТЫ

_____________________________________________________________________
      (жеке немесе заңды тұлғаның аты)
_____________________________________________________________________
      (орналасқан мекенжайы)
_____________________________________________________________________
      (заңды мекенжайы, телефон)
______________________________________________________Осакаров ауданы
1. Басшының аты-жөнi
_____________________________________________________________________
      (СТН)
_____________________________________________________________________
2. ҚТҚ шығаруға келiсiм-шарт (нөмiрi, датасы)________________________
3. Бөлiнген және бекiтiлген аумақтардағы қатты жабынның ауданы, м² _____________________________________________________________________
4. Бөлiнген және бекiтiлген аумақтардағы газондардың ауданы, м²
_____________________________________________________________________
5. Бөлiнген және бекiтiлген аумақтардағы ағаштар, бұталар саны, (дана) ______________________________________________________________
6. Бөлiнген аумақтардағы кiшi сәулеттiк формалардың болуы, (дана) _____________________________________________________________________
7. Аула тазалаушылардың болуы (адам саны) немесе аумақты тазалауға келiсiм N ___________________________________________________________
      Осы паспортта көрсетiлген деректер өзгерген жағдайда заңды тұлғаның басшысы, (жеке тұлға) _____________ кент (ауылдық округ) әкiмiнiң аппаратын хабардар етiп, жаңартылған аумақты тазалау және күтiп ұстау көрiктендiру паспортын алады.

М.О. ________________________________________ Т.А.Ә.
(заңды тұлға басшысының, жеке тұлғаның қолы)

___ __________ 20 ___ жылы берiлдi

Аудан әкiмi ____________________ Т.А.Ә._______________________
М.О. (қолы)

бекiтiлген аумақтың СХЕМАСЫ

Осакаров ауданының көріктендіру Ережесін бекіту туралы

Осакаров ауданының көрiктендiру
Ережесi 1 бөлiм. Жалпы ережелер

1 тарау. Осы Ережеде қолданылатын негiзгi
ұғымдар мен түсiнiктер

2 тарау. Жалпы талаптар

2 бөлiм. Аймақты тазалау және тазартуды ұйымдастыру, түрлерi және тазалауға қойылатын негiзгi талаптар

1 тарау. Аумақтарды күзгi-қысқы кезеңде тазалау

2 тарау. Аумақтарды көктем - жаз кезеңiнде тазалау

3 бөлiм. Қасбеттердi, ғимарат пен құрылыстарды күтiп ұстау

4 бөлiм. Тұрғын мақсаттағы аумақты көрiктендiру

5 бөлiм. Кент және елді мекендер аумағын жарықтандыру

6 бөлiм. Ортақ пайдаланудағы, демалу мақсатындағы аумақты көрiктендiру

1 тарау. Көркем және жарнамалық безендiру,
шағын сәулет түрлерi

2 тарау. Базарлардың аумағын күтiп ұстауға қойылатын талаптар

3 тарау. Қалдықтар мен қоқыстарды жинау, сақтау, шығару және өңдеу

7 бөлім. Құрылыс және монтаж жұмыстарын жүргiзу кезiнде көрiктендiру талаптары

8 бөлiм. Автомобиль жолдарын және көлiк инфрақұрылымы объектiлерiн көрiктендiру және күтiп ұстау

1 тарау. Жолдарды күтiп ұстау

2 тарау. Жолдарды қысқы тазалау

3 тарау. Жолдарды жазғы жөндеу

4 тарау. Бөлiнген белдеуге iргелес аумақтар

9 бөлiм. Жер асты және жер үстi коммуникацияларын көрiктендiру және күтiп ұстау

10 бөлiм. Ереженi бұзғаны үшiн жауапкершiлiк

Көрiктендiру ПАСПОРТЫ

Базаның жай-күйі

Құқықтық ақпараттық қызметі

Қолдау қызметі

Соңғы құжаттар

Кеңінен таралған құжаттар

Осакаров ауданының көріктендіру Ережесін бекіту туралы

Осакаров ауданының көрiктендiру Ережесi 1 бөлiм. Жалпы ережелер

1 тарау. Осы Ережеде қолданылатын негiзгi ұғымдар мен түсiнiктер

2 тарау. Жалпы талаптар

2 бөлiм. Аймақты тазалау және тазартуды ұйымдастыру, түрлерi және тазалауға қойылатын негiзгi талаптар

1 тарау. Аумақтарды күзгi-қысқы кезеңде тазалау

2 тарау. Аумақтарды көктем - жаз кезеңiнде тазалау

3 бөлiм. Қасбеттердi, ғимарат пен құрылыстарды күтiп ұстау

4 бөлiм. Тұрғын мақсаттағы аумақты көрiктендiру

5 бөлiм. Кент және елді мекендер аумағын жарықтандыру

6 бөлiм. Ортақ пайдаланудағы, демалу мақсатындағы аумақты көрiктендiру

1 тарау. Көркем және жарнамалық безендiру, шағын сәулет түрлерi

2 тарау. Базарлардың аумағын күтiп ұстауға қойылатын талаптар

3 тарау. Қалдықтар мен қоқыстарды жинау, сақтау, шығару және өңдеу

7 бөлім. Құрылыс және монтаж жұмыстарын жүргiзу кезiнде көрiктендiру талаптары

8 бөлiм. Автомобиль жолдарын және көлiк инфрақұрылымы объектiлерiн көрiктендiру және күтiп ұстау

1 тарау. Жолдарды күтiп ұстау

2 тарау. Жолдарды қысқы тазалау

3 тарау. Жолдарды жазғы жөндеу

4 тарау. Бөлiнген белдеуге iргелес аумақтар

9 бөлiм. Жер асты және жер үстi коммуникацияларын көрiктендiру және күтiп ұстау

10 бөлiм. Ереженi бұзғаны үшiн жауапкершiлiк

Көрiктендiру ПАСПОРТЫ

Базаның жай-күйі

Құқықтық ақпараттық қызметі

Қолдау қызметі

Соңғы құжаттар

Кеңінен таралған құжаттар

Осакаров ауданының көрiктендiру
Ережесi 1 бөлiм. Жалпы ережелер

1 тарау. Осы Ережеде қолданылатын негiзгi
ұғымдар мен түсiнiктер

1 тарау. Көркем және жарнамалық безендiру,
шағын сәулет түрлерi