Қазақстан Республикасының 2001 жылғы 23 қаңтардағы № 148 "Қазақстан Республикасындағы жергілікті мемлекеттік басқару және өзін - өзі басқару туралы", 2007 жылғы 27 шілдедегі № 319-ІІІ "Білім туралы" заңдарына сәйкес аудан әкімдігі ҚАУЛЫ ЕТЕДІ:
1. Мемлекеттік коммуналдық қазыналық кәсіпорындар ұйымдық - құқықтық негізінде құрылған мемлекеттік мектепке дейінгі білім беру ұйымдарына балаларды қабылдау ережесі қосымшаға сай бекітілсін.
2. Ережеге сәйкес бюджеттік қаржыдан жоспарлау және қаржыландыру жұмыстары "Маңғыстау аудандық экономика және қаржы бөлімі" мемлекеттік мекемесіне (Р.Шабикова) тапсырылсын.
3. Маңғыстау ауданы әкімдігінің 2011 жылғы 15 маусымдағы "Мемлекеттік коммуналдық қазыналық кәсіпорындар ұйымдық-құқықтық негізінде құрылған мемлекеттік мектепке дейінгі білім беру ұйымдарына балаларды қабылдау ережесі туралы" № 138 қаулысы жойылсын.
4. Осы қаулының орындалысын бақылау аудан әкімінің орынбасары Т.Ә.Қылаңовқа жүктелсін.
5. Осы қаулы алғаш ресми жарияланғаннан кейін күнтізбелік он күн өткен соң қолданысқа енгізілсін.
| Аудан әкімі | Қ.Боқанов |
"КЕЛІСІЛДІ"
"Маңғыстау аудандық білім бөлімі"
мемлекеттік мекемесінің бастығы
Қалиева Светлана Ақмұратқызы
01 тамыз 2011ж.
"Маңғыстау аудандық экономика
және қаржы бөлімі" мемлекеттік
мекемесі бастығы
Шабикова Рима Нерражимқызы
01 тамыз 2011ж.
| Маңғыстау ауданы әкімдігінің 2011 жылғы 01 тамыздағы № 187 қаулысымен бекітілген қосымша |
Мемлекеттік коммуналдық қазыналық кәсіпорындар ұйымдық-құқықтық негізінде құрылған мемлекеттік мектепке дейінгі білім беру ұйымдарына балаларды қабылдау ережесі
1. Осы Ереже Қазақстан Республикасының 2007 жылғы 27 шілдедегі "Білім туралы" Заңына, Қазақстан Республикасы Үкіметінің 2004 жылғы 21 желтоқсандағы № 1353 "Мектепке дейінгі білім беру ұйымдары қызметінің үлгі ережесін бекіту туралы" қаулысына, Қазақстан Республикасының 2001 жылғы 17 шілдедегі № 246-ІІ "Мемлекеттік атаулы әлеуметтік көмек туралы" Заңына сәйкес жасақталды.2. Мектеп жасына дейінгі балаларды есепке алуды Қазақстан Республикасының "Білім туралы" Заңының 6 - бабы 5 - тармағының 1) - тармақшасына сәйкес село, селолық округтердің әкімдері жүргізеді.
3. Қазақстан Республикасының "Білім туралы" Заңының 30 - бабына сәйкес мектепке дейінгі ұйымдарда бір жастан бес жасқа дейінгі балаларды тәрбиелеу және бес жастан бастап балаларды мектепке дейінгі оқыту жүзеге асырылады.
4. Балаларды мектепке дейінгі ұйымға тұрақты және уақытша орналасуға қабылдау онда бос орынның болуына қарай жыл бойы жүргізіледі.
5. Мектепке дейінгі білім беру ұйымдарына (балабақша және мектеп жанындағы шағын орталыққа) балаларды қабылдау үшін өтініштерді аудан орталығында "Маңғыстау аудандық Шетпе селосы әкімінің аппараты" мемлекеттік мекемесі, ауылдық елді мекендерде село, селолық округ әкімдерінің аппараттары есепке алуды жүргізеді.
6. Өтініштерді қабылдау, тіркеу және қарау Қазақстан Республикасының 2007 жылғы 12 қаңтардағы "Жеке және заңды тұлғалардың өтініштерін қарау тәртібі туралы" заңына сәйкес жүзеге асырылады.
7. Мектепке дейінгі білім беру ұйымдарына құрылтайшының атынан аудан орталығында "Маңғыстау аудандық Шетпе селосы әкімінің аппараты" мемлекеттік мекемесі, ауылдық елді мекендерде село, селолық округ әкімдерінің жолдамасы, баланың даму тарихынан үзінді көшірме, эпидемиологиялық жағдай туралы санитарлық - эпидемиологиялық қызметтің анықтамасы негізінде үш жастан алты (жеті) жасқа дейінгі балалар қабылданады.
8. Мектепке дейінгі білім беру ұйымына жолдама беру тіркелу кезегіне сай жүргізіледі.
9.Мектепке дейінгі білім беру ұйымдарында ата - аналардан немесе оларды алмастыратын адамдардан баланы ұстау үшін алынатын ай сайынғы төлемақының мөлшері баланың жасына қарамастан, тамақтандыруға арналған шығындардың 100 пайызын құрайды. Тамақтандыруға арналған шығын мөлшері белгіленген нормаларға сәйкес нарықтағы қалыптасқан орташа баға негізінде және инфляция көрсеткішін ескере отырып мемлекеттік басқару органы – "Маңғыстау аудандық білім бөлімі" мемлекеттік мекемесімен бекітіледі.
10.Мектепке дейінгі мекемелеріне тегін қабылданатын балалар;
-жетім балалар;
- ата - анасының қамқорлығынсыз қалған балалар;
- ата - анасының біреуі І немесе ІІ топтағы мүгедектердің балалары;
- бала күнінен мүгедек балалар;
- ата - аналық құқынан айырылған жанұя балалары;
- сотталған және бас бостандығынан айырылған ата - аналардың балалары;
- тергеуге алынған уақытын қосқанда немесе ұзақ мерзімге ықтиярсыз емделуге жіберілген ата - аналардың балалары;
- баланы бағыт - күтумен тәрбиелеуге ұзақ уақыт болмаған, бас тартқан ата-аналардың қамқорлыққа (қорғаншылыққа) алған балалар.
11.7 баладан жоғары "Алтын алқамен" наградталған аналардың және атаулы әлеуметтік көмек алатын отбасыларының балаларына мектепке дейінгі ұйымдарда алынатын ай сайынғы төлем ақының мөлшері баланың жасына қарамастан тамақтандыру шығындардың 50 пайыз мөлшерінде төленеді. Қалған 50 пайызы бюджет есебінен жабылады.
12. Осы ереженің 10, 11 - тармақтарында көрсетілген санаттағы балалардың жолдамамен қоса жеңілдіктер алуға құқық беретін төмендегідей құжаттарды қабылдау мемлекеттік қазыналық коммуналдық кәсіпорын директоры арқылы жүзеге асырылады.
13. Мектепке дейінгі мекемелерде балаларды тегін және жеңілдік арқылы орналастыру үшін төмендегідей құжаттар тапсырылады:
- арыз;
- үй кітапшасының көшірмесі (барлық отбасы мүшелерін көрсетумен);
- балалардың туу туралы куәліктерінің көшірмелері;
- ата - анасының айлық табысы туралы анықтама;
- отбасының барлық кіріс жиынтығы туралы анықтама;
- жетім балалар мен ата - анасының қамқорлығынсыз қалған балалар үшін аудандық білім бөлімінің баланы қорғаншылыққа немесе патронаттыққа алынғаны туралы шешімі;
- қорғаншының (патронатқа алған адамның) куәлігінің көшірмесі;
- ата - аналары І немесе ІІ топтағы мүгедек болса, І немесе ІІ топтағы мүгедектігін куәландыратын құжаттың көшірмесі;
- "Алтын алқа" иегерін растайтын куәліктің көшірмесі;
- атаулы әлеуметтік көмек алатын отбасылардың балалары үшін – аудандық жұмыспен қамту және әлеуметтік бағдарламалар бөлімінің әр тоқсан сайын атаулы әлеуметтік көмек тағайындалғаны жөніндегі анықтамасы;
14. Құжаттар тоқсан сайын, бірінші айдың 1 - ші жұлдызына дейін тапсырылады. Құжаттардың дұрыстығына ата - аналар немесе оның орындағылар жауапты.
15. Мектепке дейінгі ұйымдарда белгіленген тәртіппен ата - ананың немесе оларды алмастыратын адамдардың таңдауына білім беру, сауықтыру және өзге де сипаттағы қосымша ақылы қызмет түрлері ұсынылады. Ақылы қызметтердің жыл сайынғы ақысы мемлекеттік басқару органы – "Маңғыстау аудандық білім бөлімі" мемлекеттік мекемесі бекітеді.
16. Мектепке дейінгі ұйымдарда бос орындар мен алаңдар болған кезде ата - аналардың қаражаты есебінен баланы ұстау құны толық төлене отырып коммерциялық топтар ашуға рұқсат етіледі. Коммерциялық топтарды ұйымдастыру тәртібін уәкілетті орган анықтайды.
17. Мектепке дейінгі ұйымдарда баланы қабылдау үшін кіру жарналары, сондай-ақ мектепке дейінгі ұйымда ұзақ мерзім болмаған немесе қатыспаған жағдайда орынды сақтау үшін төлемақы алынбайды.
18. Мектепке дейінгі ұйымдарда баланың орны мына жағдайларда сақталады:
- бала ауырып қалғанда;
- бала медициналық, санаторийлік-курорттық және өзге де ұйымдарда емделгенде және сауықтырылғанда;
- ата - анасының біреуіне еңбек демалысы берілгенде;
- бала жазғы маусымда екі айға дейінгі мерзімде сауықтырылғанда;
19. Мектепке дейінгі ұйымдар мен ата - аналар немесе оларды алмастыратын адамдар (тұлғалар) арасындағы өзара қарым - қатынастар баланы мектепке дейінгі ұйымға қабылдау кезінде жасалатын шартпен реттеледі. Шартта баланың мектепке дейінгі ұйымға бару режимі, тамақтану саны, қосымша білім беру және сауықтыру қызметтерінің деңгейі мен мерзімі, мектепке дейінгі ұйымда баланы ұстау ақысының мөлшері, қосымша ақылы қызметтер түрлері және өзге де жағдайлар айқындалады.
20. Мектепке дейінгі білім беру ұйымының басшысы жолдама берген мемлекеттік органның келісімімен баланы ұйымнан мынадай жағдайларда шығарады:
- баланы мектепке дейінгі ұйымда ұстау үшін ай сайынғы төлемақы (он күннен астам) мерзімде уақытылы төленбегенде;
- бала дәлелсіз себептермен және әкімшілікті жазбаша ескертпестен балабақшаға бір айдан астам мерзім келмегенде;
- баланың мектепке дейінгі ұйымға келуіне кедергі болатын денсаулық жағдайы туралы медициналық қорытынды болса.
