Ескерту. Күші жойылды - ҚР Білім және ғылым министрінің м.а. 22.05.2015 № 318 (алғашқы ресми жарияланғанынан кейін күнтізбелік он күн өткен соң қолданысқа енгізіледі) бұйрығымен.
«Болашақ» халықаралық стипендиясының мәселелері бойынша іс-шараларды іске асыру мақсатында БҰЙЫРАМЫН:
1. «Болашақ» халықаралық стипендиясын іске асыру жөніндегі кейбір шаралар туралы» Қазақстан Республикасы Білім және ғылым министрінің міндетін атқарушының 2012 жылғы 6 сәуірдегі № 149 бұйрығына (№ 7549 Нормативтік құқықтық актілерді мемлекеттік тіркеу тізілімінде тіркелген, 2012 жылғы 5 мамырда № 210-215 (27289) «Егемен Қазақстан» газетінде жарияланған) мынадай өзгерістер енгізілсін:
1-тармақ мынадай редакцияда жазылсын:
«1. «Болашақ» халықаралық стипендиясын тағайындау конкурсына қатысу үшін үміткерлердің құжаттарын қабылдаудың және 2012 жылы осы конкурсты өткізудің мына мерзімдері белгіленсін:
1) құжаттарды қабылдау - 2012 жылғы 14 мамыр мен 1 қазан аралығында;
2) өз бетімен түскендер санаты үшін құжаттар қабылдау – 2012 жылғы 14 мамыр мен 25 шілде аралығында;
3) конкурсты өткізу – 2012 жылғы 4 маусым мен 2013 жылғы 31 қаңтар аралығында.»;
9-қосымшада:
ескертулерінің бірінші абзацы мынадай редакцияда жазылсын:
«* Шығармашылық және медициналық мамандықтар бойынша мамандар даярлайтын осы тізімге енгізілмеген мамандандырылған жоғары оқу орындарды жұмыс органы жеке тәртіппен қарастырады.».
2. Стратегиялық жоспарлау және ақпараттық технологиялар департаменті (А.Ә. Нұрмағамбетов):
1) осы бұйрықты Қазақстан Республикасы Әділет министрлігінде белгіленген тәртіппен мемлекеттік тіркеуді;
2) мемлекеттік тіркеуден өткеннен кейін оны бұқаралық ақпарат құралдарында ресми жариялауды қамтамасыз етсін.
3. Осы бұйрықтың орындалуын бақылау вице-министр С.Б. Шаяхметовке жүктелсін.
4. Осы бұйрық алғашқы ресми жарияланған күнінен бастап қолданысқа енгізіледі.
Министр Б. Жұмағұлов
