Ескертпе. Күші жойылды - Жамбыл облысы Сарысу аудандық мәслихатының 29.10.2014 ж. № 36-4 қаулысымен.
РҚАО ескертпесі.
Мәтінде авторлық орфография және пунктуация сақталған.
«Агроөнеркәсiптiк кешендi және ауылдық аумақтарды дамытуды мемлекеттiк реттеу туралы» Қазақстан Республикасының 2005 жылғы 8 шiлдедегi Заңының 18 бабының 5 тармағына және «Қазақстан Республикасындағы жергiлiктi мемлекеттiк басқару және өзiн-өзi басқару туралы» Қазақстан Республикасының 2001 жылғы 23 қаңтардағы Заңының 6 бабына сәйкес, аудандық мәслихат ШЕШIМ ЕТТI:
1.
Ауылдық елдi мекендерде тұратын және жұмыс iстейтiн мемлекеттiк денсаулық сақтау, әлеуметтiк қамсыздандыру, бiлiм беру, мәдениет, спорт және ветеринария ұйымдарының мамандарына үш айлық есептік көрсеткіш мөлшерiнде отын сатып алу үшiн әлеуметтiк көмек берiлсiн.
Ескерту. 1-тармаққа өзгерістер енгізілді - Сарысу аудандық мәслихатының 10.04.2013 № 14-3; 30.06.2014 № 31-9 (алғаш ресми жарияланғаннан кейiн күнтiзбелiк 10 күн өткен соң қолданысқа енгiзiледi) шешімдерімен.
2.
«Ауылдық елдi мекендерде тұратын және жұмыс iстейтiн мемлекеттiк денсаулық сақтау, әлеуметтiк қамсыздандыру, бiлiм беру, мәдениет және спорт ұйымдарының мамандарына отын сатып алу үшiн әлеуметтiк көмек беру туралы» Сарысу аудандық мәслихатының 2011 жылғы 18 қазандағы № 55-4 (нормативтік құқықтық актілерді мемлекеттік тіркеу Тізілімінде № 6-9-123 болып тіркелген, 2011 жылғы 2 қарашадағы № 87 «Сарысу» газетінде жарияланған) шешімінің күші жойылды деп танылсын.
3.
Осы шешімнің орындалуын бақылау аудандық мәслихаттың әлеуметтік-экономикалық аумағының дамуы, қаржы және бюджет, қоршаған ортаны қорғау мен табиғатты пайдалану, әкімшілік-аумақтық бөліністі айқындау, кәсіпкерлік және ауылшаруашылық мәселелері жөніндегі тұрақты комиссиясының төрағасы Көкебаев Бахыт Керімбайұлына жүктелсін.
4.
Осы шешiм Әдiлет органдарында мемлекеттiк тiркелген күннен бастап күшiне енедi және алғаш ресми жарияланғаннан кейiн күнтiзбелiк он күн өткен соң қолданысқа енгiзiледi.
Аудандық мәслихат |
Аудандық мәслихат |
