Ескерту. Күші жойылды – Солтүстік Қазақстан облысы Петропавл қалалық мәслихатының 09.10.2024 № 2 (01.01.2025 бастап қолданысқа енгізіледі) шешімімен.
"Нормативтік құқықтық актілер туралы" Қазақстан Республикасының 1998 жылғы 24 наурыздағы Заңының 21-бабына сәйкес Петропавл қалалық мәслихаты ШЕШТІ:
1. "Азаматтардың жекелеген санаттарына Петропавл қаласында автомобиль көлігінде тегін жол жүруге әлеуметтік көмек көрсету туралы" Петропавл қалалық мәслихатының 2009 жылғы 29 шілдедегі № 3шешіміне (№ 13-1-161 Нормативтік құқықтық актілерді мемлекеттік тіркеу тізілімінде тіркелген, "Қызылжар нұры" газетінің 2009 жылғы 21 тамыздағы № 34 (244), "Проспект СК" газетінің 2009 жылғы 21 тамыздағы № 34 (292) сандарында жарияланған) мынадай толықтыру енгізілсін:
осы шешімнің 2-тармағы жаңа редакцияда мазмұндалсын:
2. Аталған тұлғаларды жеткізетін әлеуметтік инфрақұрылым объектілері анықталсын:
1) емханалар мен ауруханалар;
2) түзету мектептері;
3) психологиялық-медициналық-педагогикалық консультациялар;
4) психологиялық-педагогикалық түзету кабинеттері;
5) медициналық-әлеуметтік сараптау бөлімдері;
6) Петропавл қаласының аумағында орналасқан медициналық-әлеуметтік мекемелер;
7) "Петропавл протездік-ортопедиялық орталығы" акционерлік қоғамы;
8) "Зейнетақы төлеу жөніндегі мемлекеттік орталық" республикалық мемлекеттік қазыналық кәсіпорынның Солтүстік Қазақстан облыстық филиалы;
9) мүмкіндіктері шектеулі балаларға үйде әлеуметтік көмек көрсету бөлімшесі;
10) "Петропавл қаласының жұмыспен қамту және әлеуметтік бағдарламалар бөлімі" мемлекеттік мекемесі;
11) "Петропавл қаласы әкімінің аппараты" мемлекеттік мекемесі.
2. Осы шешім алғаш рет ресми жарияланған күнінен бастап он күнтізбелік күн өткен соң қолданысқа енгізіледі.
Қалалық мәслихат сессиясының | Қалалық мәслихат |
төрағасы | хатшысы |
Ж. Тәжин | Л. Жолмұқанова |
