Ескерту. Күші жойылды – ҚР Ұлттық экономика министрінің 30.12.2016 № 540 және ҚР Қаржы министрінің 30.12.2016 № 706 бірлескен бұйрығымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).
БҰЙЫРАМЫН:
1. "Мемлекеттiк органның бюджет қаражатын басқарудың тиiмдiлiгiн бағалау әдiстемесiн және Қазақстан Республикасы Ұлттық Банкi ақша қаражатын басқарудың тиiмдiлiгiн бағалау әдiстемесiн бекiту туралы" Қазақстан Республикасы Қаржы министрiнiң 2012 жылғы 10 қаңтардағы № 9 бұйрығына (Нормативтік құқықтық актілерді мемлекеттік тіркеу тізілімінде № 7381 болып тіркелген, Заң газетiнде 2012 жылғы 17 мамырда № 70 (2252) жарияланған) мынадай өзгерістер мен толықтырулар енгізілсін:
көрсетілген бұйрықпен бекітілген Мемлекеттiк органның бюджет қаражатын басқарудың тиiмдiлiгiн бағалау әдiстемесiнде:
6-тармақ мынадай редакцияда жазылсын:
6. Тиімділікті бағалау:
"1) орталық мемлекеттік органдардың төмен тұрған бюджеттеріне бөлінген субвенциялардан, бөлінетін бағдарламалардан, нысаналы трансферттерден және кредиттерден басқа, барлық бюджеттік бағдарламалар.
Бұл ретте бөлінетін бағдарламалар белгіленген тәртіпте шығыстар бөлінетін бюджеттік бағдарламалар әкімшілерінің бағалануына жатады.
2) облыстардың, республикалық маңызы бар қаланың, астананың жергілікті атқарушы органдарының бюджеттік даму бағдарламалары бойынша жүзеге асырылады.";
1) тармақшасының үшінші абзацы мынадай редакцияда жазылсын:
"инвестициялық жобалар бойынша қалыптасқан мемлекеттік сатып алу нәтижелері бойынша қаражатты үнемдеу;";
2) тармақшасы жаңа редакцияда жазылсын:
"2) "Мемлекеттік қаржылық бақылау органдарының есепті кезеңде тексеру қорытындылары бойынша бюджеттiк және өзге заңнаманы бұзушылықтардың болмауы" критерийi бойынша:
тексеру жүргізген мемлекеттік қаржылық бақылау органы;
есептi кезеңдегi тексерулер саны;
бақылаумен қамтылған бюджет қаражатының жалпы көлемі;
есептi кезеңде анықталған бюджеттiк және өзге заңнаманы бұзушылықтар, оның iшiнде:
бюджетке қаражаттың түсуi кезiнде (кiрiс бөлiгi);
бюджет қаражатын және мемлекеттiң активтерiн пайдалану кезiнде;
бухгалтерлік есепті жүргізу және қаржылық есептілікті жасау кезінде;
бюджеттiк рәсiмдер мен мемлекеттік сатып алу туралы рәсімдерді орындаудың белгiленген мерзімін, тәртібін сақтамау көрсетіледі;
Бұдан әрi есептi кезеңде бақылаумен қамтылған бюджет қаражатының жалпы көлемiнен бұзушылықтардың үлесi келтiрiледi.
Мемлекеттiк органда анықталған бюджеттiк және өзге заңнаманы бұзушылықтардың жалпы сомасы мемлекеттік қаржылық бақылау органдары анықтаған бұзушылықтарды қосу жолымен айқындалады.
Бақылаумен қамтылған бюджет қаражатының көлемi мемлекеттік қаржылық бақылау органдары бақылаумен қамтыған қаражат көлемдерiн қосу жолымен айқындалады.
Мемлекеттік органдар шығыстарының жалпы көлемінде мемлекеттік қаржылық бақылау органдары анықтаған тиімділік қағидатына сәйкес келмейтін шығыстар;
Мемлекеттік сатып алу саласында мемлекеттік қаржылық бақылау органдары растаған шағымдардың болмауы/болуы;";
3) тармақшасының үшінші абзацы мынадай редакцияда жазылсын:
"Мемлекеттік қаржылық бақылау органдары бақылау нәтижелерi бойынша енгiзген нұсқамалар мен қаулыларға сәйкес бюджетке қайтарылуға жататын бұзушылықтар сомасына шаққанда белгiленген мерзiмде бюджетке қайтарылған бұзушылықтар сомасының көлемi (сот талқылауларына байланысты өтеуге жататын сомаларды қоспағанда);";
4) тармақшасының екінші абзацы мынадай редакцияда жазылсын:
"республикалық бюджеттік бағдарламалар әкімшісінің бюджеттік бағдарламалары бөлінісінде, оның ішінде бөлінетін бюджеттік бағдарламалардан қаражат алынған бағдарламалар бойынша тікелей нәтижелерге қол жеткізу көрсеткіштері көрсетіледі, ал облыстардың, республикалық маңызы бар қаланың, астананың жергілікті атқарушы органдарының бюджеттік даму бағдарламалары бойынша тікелей нәтижелердің көрсеткіштері себептері көрсетіле отырып, тікелей нәтиже көрсеткіштеріне қол жеткен немесе ішінара қол жеткен бюджеттік инвестициялық жобалар бөлінісінде көрсетіледі;
себептерін көрсете отырып, тікелей нәтижелер көрсеткіштеріне қол жеткізілмеген бюджеттік бағдарламалар тізбеленеді.";
4) тармақшасының төртінші абзацы мынадай редакцияда жазылсын:
"мемлекеттік органның стратегиялық жоспарының құрамында бекітілген бюджеттік бағдарламалардың нәтижелік көрсеткіштерін және/немесе стратегиялық жоспарлар әзірлемейтін бюджеттік бағдарламалар әкімшісінің бюджеттік бағдарламаларын олардың болуына немесе болмауына талдауды жүзеге асырылады;";
13-тармақ мынадай редакцияда жазылсын:
"Тиісті қаржы жылына бөлінген қаражатты игеру" көрсеткіші бойынша бағалау республикалық бюджеттiк бағдарламалар әкiмшiсiнiң бюджеттiк бағдарламалары/облыстың, республикалық маңызы бар қаланың, астананың жергiлiктi атқарушы органының тиiстi қаржы жылына арналған бюджеттiк даму бағдарламалары бойынша бюджет қаражатының атқарылу пайызын көрсетедi.
Осы көрсеткіш бойынша бағалау жүргізу кезінде мемлекеттік органның игерілмеген қаражат сомасынан мемлекеттік сатып алу бойынша үнемдеу сомасы алынып тасталады.
"Инвестициялық жобалар бойынша қалыптасқан мемлекеттік сатып алу нәтижелері бойынша қаражатты үнемдеу" бағалау көрсеткіші бойынша есепті қаржы жылы бюджеттік бағдарламалар әкімшісінің бекітілген бюджетіне есепті кезең ішінде қалыптасқан мемлекеттік сатып алу нәтижелері бойынша үнемдеу есебінің үлесінде жасалады.
Орталық мемлекеттік органдар бойынша осы көрсеткіш жөніндегі ақпаратты бірыңғай мемлекеттік сатып алуды ұйымдастыру және өткізу саласындағы іске асыру функцияларын орталық атқарушы органның құзыреті шегінде жүзеге асыратын ведомство ұсынады.
Бюджеттiк бағдарламалар әкiмшiсi бойынша тікелей нәтиженің балы Әдістемеге 7-қосымшада көрсетілген мәндерге сәйкес айқындалады.
Жергiлiктi атқарушы органдар бойынша осы көрсеткіш жөніндегі бағалау барлық бюджеттiк бағдарламалар әкiмшiлерi бойынша орташа балл түрiнде айқындалады.
"Шығыстардың бекітілген көлеміне бюджеттік бағдарламалар әкімшісінің қайта бөлінген қаражатының көлемі" көрсеткіші бойынша бюджеттік бағдарламалар әкімшісі бойынша бағалау бюджет қаражатының азаюы бөлігінде республикалық бюджеттік бағдарламалар әкімшісінің, облыстың, республикалық маңызы бар қаланың, астананың жергілікті атқарушы органының бекітілген бюджетінің жалпы көлеміндегі бюджеттік бағдарламалар арасындағы бюджетті нақтылау кезінде қайта бөлінген қаражаттың ара қатынасының үлесін анықтауға негізделеді.
Қайта бөлінген қаражаттың көлемі бекітілген жоспарлы тағайындаулар мен есепті кезеңнің аяғына түзетілген жоспар арасындағы айырма жолымен есептеледі. Бұл ретте азайтылған жоспарлы тағайындаулар сомасы есепке қабылданады.
Осы көрсеткіш бойынша бағалау жүргізу кезінде мемлекеттік органдарды қайта ұйымдастыру (біріктіру, қосу, бөлу, бөліп шығару, қайта құру) кезінде, Қазақстан Республикасы шығыстардың бірыңғай бюджеттік сыныптамасына өзгерістер енгізу кезінде бюджеттік бағдарламалардың ақшасын қайта бөлу, бюджетті нақтылау және түзету кезінде бюджеттік бағдарламалар әкімшісіне қосымша ақша қаражатын бөлу жағдайлары ескерілмейді.
Осы көрсеткіш бойынша бағалау жүргізу кезінде кросс-бағамдардың өзгерістерімен байланысты нақтылаулар есепке алынбайды.
"Бюджеттік инвестициялық жобалардың сметалық құнын ұлғайту фактілерінің болмауы немесе болуы" көрсеткіші бойынша бағалау бюджеттік инвестициялық жобаның құнын ұлғайтуға ұшыратқан бюджеттік инвестициялық жобалардың жобалау-сметалық құжаттамасын түзету жағдайларының бар не жоқ екендігін көрсетеді.
Бұл ретте Қазақстан Республикасының құрылыс нормаларына және қағидаларына өзгерістер енгізу нәтижесінде бюджеттік инвестициялық жобаның құнын ұлғайту жағдайлары ерекшелік болып табылады.
Бюджеттік инвестициялық жобаның сметалық құнын ұлғайту фактісі болған жағдайда республикалық бюджеттік бағдарламалар әкімшісінің/облыстың, республикалық маңызы бар қаланың, астананың жергілікті атқарушы органының бюджеттік инвестициялық жобасының қымбаттау пайызы есептеледі.
Бұл ретте бюджеттік инвестициялық жобаның сметалық құнының қымбаттау пайызы инвестициялық жобаның жобалау-сметалық құжаттамасында көзделген оның бастапқы құнына қатысты есептеледі.
Бұл көрсеткіш бойынша бағалау жүргізу барысында кросс-курстардың ауытқуымен байланысты баға көтерілулері ескерілмейді.
Егер бюджеттік бағдарламалар әкімшісі жобалау-сметалық құжаттама негізінде бюджеттік инвестициялық жобаларды іске асыруды көздемеген жағдайда, осы өлшем бойынша 0 балл беріледі.
Бұл ретте орталық мемлекеттік органдар мен облыстың, республикалық маңызы бар қаланың, астананың жергілікті атқарушы органдары Әдістемеге 4-қосымшаға сәйкес ақпарат береді.
"Дебиторлық және кредиторлық берешектердің болмауы" көрсеткіші бойынша бағалау республикалық бюджеттік бағдарламалар/облыстың, республикалық маңызы бар қаланың, астананың жергілікті атқарушы органының бюджеттік даму бағдарламалары әкімшісінің дебиторлық/кредиторлық берешектерінің болмауын/болуын немесе өзгеруін көрсетеді.
Дебиторлық берешекте келесі жылдың қаңтарында өтеуге жататын қызметтерді берушілердің растау құжаттарын уақтылы ұсынбауы себепті бағаланатын жылдың аяғында пайда болған көрсетілген коммуналдық қызметтер және байланыс қызметтері бойынша ағымдағы дебиторлық берешек ескерілмейді.
Дебиторлық берешектің жалпы сомасында жалғастырылатын халықаралық инвестициялық жобалар бойынша пайда болған дебиторлық берешек сомасы ескерілмейді.
Кредиторлық берешекте мердігердің орындаған жұмыстарының орындалуын қамтамасыз ету мақсатында ұсталған орындалған жұмыстар көлемінің 5% мөлшерінде кредиторлық берешек ескерілмейді.
Дебиторлық/кредиторлық берешектің өзгеруін бағалау өткен және бағаланатын жылдың көрсеткіштерін салыстыру арқылы жүзеге асырылады және Әдістемеге 7-қосымшада көрсетілген мәндерге сәйкес қойылады.";
16-тармақ жаңа редакцияда жазылсын:
"16. "Мемлекеттік қаржылық бақылау органдарының бағалау кезеңіндегі тексеру қорытындылары бойынша бюджеттік және өзге заңнаманы бұзушылықтардың болмауы" критерийі бойынша бағалау жүргізу кезінде:
тексеру жүргізген мемлекеттік қаржылық бақылау органы;
есептi кезеңдегi тексерулер саны;
бақылаумен қамтылған бюджет қаражатының жалпы көлемі;
есептi кезеңде анықталған бюджеттiк және өзге заңнаманы бұзушылықтар, оның iшiнде:
бюджетке қаражаттың түсуi кезiнде (кiрiс бөлiгi);
мемлекеттің бюджет қаражаты мен активтерін пайдалану кезінде, оның ішінде сатып алу қорытындысына ықпал ететін мемлекеттік сатып алу бойынша;
бухгалтерлік есепті жүргізу және қаржылық есептілікті жасау кезінде;
бюджеттiк рәсiмдер мен мемлекеттік сатып алу туралы рәсімдерді орындаудың белгiленген мерзімін, тәртібін сақтамау көрсетіледі;
мемлекеттік органдар шығыстарының жалпы көлемінде мемлекеттік қаржылық бақылау органдары анықтаған тиімділік қағидатына сәйкес келмейтін шығыстар;
мемлекеттік сатып алу саласында мемлекеттік қаржылық бақылау органдары растаған шағымдардың болмауы/болуы.";
19-тармақтың үшінші абзацы мынадай редакцияда жазылсын:
"мемлекеттік қаржылық бақылау органдары бақылау нәтижелерi бойынша енгiзген нұсқамалар мен қаулыларға сәйкес бюджетке қайтарылуға жататын бұзушылықтар сомасына шаққанда белгiленген мерзiмде бюджетке қайтарылған бұзушылықтар сомасының көлемi (сот істеріне байланысты орнын толтыруға жататын сомаларды қоспағанда);";
39-тармақ мынадай редакцияда жазылсын:
"39. Одан әрі барлық республикалық бюджеттік бағдарламалар, облыстың жергілікті атқарушы органы, республикалық маңызы бар қала, астана әкімшісінің бюджеттік бағдарламаларының тікелей нәтижелері көрсеткіштерінің орташа балы айқындалады.
Жергілікті атқарушы органдарды критерий бойынша бағалау барлық жергілікті бюджеттік бағдарламалар әкімшілерінің тікелей нәтижелері көрсеткіштерінің орташа баллы түрінде анықталады.";
42-тармақтың бірінші бөлігі мынадай редакцияда жазылсын:
"Бюджеттік бағдарламалар нәтижелігінің көрсеткіштерін жоспарлау сапасы" көрсеткіші бойынша бағалау мемлекеттік органның стратегиялық жоспарының және/немесе стратегиялық жоспарды әзірлемейтін бюджеттік бағдарламалар әкімшісінің бюджеттік бағдарламалары құрамында бекітілген бюджеттік бағдарламалар тиімділігінің көрсеткіштерін талдау жолымен жүзеге асырылады.";
43-тармақ мынадай редакцияда жазылсын:
"43. Мемлекеттік органдардың стратегиялық жоспарының 7 "Бюджеттік бағдарламалар" тарау және оны іске асыру жөніндегі есеп, ал стратегиялық жоспарларды әзірлемейтін бюджеттік бағдарламалардың әкімшілері бойынша бекітілген бюджеттік бағдарламалар мен оларды іске асыру жөніндегі есептер, сондай-ақ есепті кезеңдегі тікелей көрсеткіштерге қол жеткізудің іс жүзіндегі мәнін растайтын құжаттар, оның ішінде орындалған жұмыстардың актілері, объектілерді қабылдап алу, мемлекеттік сараптама қорытындылары, жүкқұжаттар, қабылдап алу-тапсыру актілері.
Белгіленген тәртіппен шығыстар бөлінген бюджеттік бағдарламалардың әкімшілерінде Қазақстан Республикасы Үкіметінің шешімдері, бұйрықтар, сондай-ақ оларға тиісті негіздер мен есептеулер, технико-экономикалық негіздеме.";
49-тармақ мынадай редакцияда жазылсын:
"49. Республикалық және жергілікті бюджеттерді орындау туралы талдамалық есептер, мемлекеттік органдардың стратегиялық жоспарының және/немесе стратегиялық жоспарды әзірлемейтін бюджеттік бағдарламалар әкімшісінің бюджеттік бағдарламаларының 7 "Бюджеттік бағдарламалар" бөлімі ақпарат көзі болып табылады.";
54-14-тармақ мынадай редакцияда жазылсын:
"54-14. Алынған бағалау нәтижесіне сәйкес мемлекеттік орган қызметінің тиімділігі деңгейі анықталады. Мемлекеттік орган тиімділігінің жоғары деңгейі 90-нан 100 баллға дейін бағалау көрсеткішіне, 70-тен 89, 99 баллға дейін орташа баллға, 50-ден 69, 99 баллға дейін төменгі баллға сәйкес келеді. Бағалау нәтижесі бойынша 49, 99 баллдан кем алған мемлекеттік органның қызметі тиімсіз деп танылады.";
6-қосымшада "Пост-аудит нәтижелері" деген жол алынып тасталсын;
7-қосымша осы бұйрыққа 1-қосымшаға сәйкес жазылсын;
көрсетілген бұйрықпен бекітілген Қазақстан Республикасы Ұлттық Банкi ақша қаражатын басқарудың тиiмдiлiгiн бағалау әдiстемесiне осы бұйрықтың 2-қосымшасына сәйкес өзгерістер мен толықтырулар енгізілсін (қызмет бабында пайдалану үшін).
2. Есептілік және мемлекеттік қаржы статистикасы департаменті (А.Т.Бектұрова) заңнамада белгіленген тәртіппен:
1) осы бұйрықтың Қазақстан Республикасы Әділет министрлігінде мемлекеттік тіркелуін;
2) осы бұйрықтың Қазақстан Республикасы Әділет министрлігінде мемлекеттік тіркелуінен кейін бастап он күнтізбелік күннің аралығында, оның бұқаралық ақпарат құралдарында және "Әділет" ақпараттық-құқықтық жүйесінде ресми жариялануын қамтамасыз етуін;
3) Қазақстан Республикасы Қаржы министрлігінің интернет-ресурсында орналасуын қамтамасыз етсін.
3. Осы бұйрық ресми жарияланған күнінен бастап он күнтізбелік күн өткен соң қолданысқа енгізіледі.
Қазақстан Республикасы | |
Қаржы министрі | Б.Сұлтанов |
| Қазақстан Республикасы Қаржы министрінің 2014 жылғы 24 қыркүйектегі № 412 бұйрығына 1-қосымша Мемлекеттік органның бюджет қаражатын басқарудың тиімділігін бағалау әдістемесіне 7-қосымша |
Критерийлер мен көрсеткіштердің балдары
р\р | Критерийдің/көрсеткіштің атауы | балл |
1 | Бюджетті атқару және жоспарлау сапасының деңгейі - 28 балл | |
1-1 | Тиісті қаржы жылына бөлінген қаражатты игеру | 12 |
100% | 12 | |
99,9 – 99,7 % | 11 | |
99,6 – 99,4 % | 10 | |
99,3 – 99,1% | 9 | |
99,0 – 98,8% | 8 | |
98,7 – 98,5 % | 7 | |
98,4 – 98,2 % | 6 | |
98,1 – 97,9 % | 5 | |
97,8 – 97,6 % | 4 | |
97,5 – 97,3 % | 3 | |
97,2 – 97,0 % | 2 | |
96,9 – 96,7 % | 1 | |
96,6 % және одан кем | 0 | |
1-2 | Инвестициялық жобалар бойынша қалыптасқан мемлекеттік сатып алу нәтижелері бойынша қаражатты үнемдеу | 2 |
3%-ға дейін | 0 | |
3%-дан астам | 2 | |
1-3 | Шығыстардың бекітілген көлеміне бюджеттік бағдарламалар әкімшісінің қайта бөлінген қаражатының көлемі | 4 |
Бекітілген бюджеттен қаражатты қайта бөлудің болмауы | 4 | |
Қайта бөлінген қаражаттың көлемі | ||
5%-ға дейін | 3 | |
5,1 - 7% | 2 | |
7,1 - 10% | 1 | |
10,1%-дан астам | 0 | |
1-4 | Бюджеттiк инвестициялық жобаның сметалық құнын ұлғайту фактiлерiнiң болмауы немесе болуы | 2 |
Бюджеттiк инвестициялық жобалардың құжаттамасының сметалық құнын ұлғайту фактiлерiнiң болмауы | 2 | |
Бюджеттiк инвестициялық жобаның сметалық құнының ұлғаюы | 0 | |
Бюджеттiк бағдарламалар әкiмшiсiнде бюджеттiк инвестициялық жобалардың болмауы | 1 | |
1-5 | Дебиторлық және кредиторлық берешектердің болмауы | 8 |
Дебиторлық берешектің болмауы | 4 | |
Дебиторлық берешектің өзгерістері: | ||
азаю жағына қарай | 1 | |
ұлғаю жағына қарай | 0 | |
Кредиторлық берешектің болуы | 4 | |
Кредиторлық берешектің өзгерістері: | ||
азаю жағына қарай | 1 | |
ұлғаю жағына қарай | 0 | |
2 | Мемлекеттік қаржылық бақылау органдарының тексеру қорытындылары бойынша бюджеттік және өзге заңнаманы бұзушылықтардың болмауы – 12 балл | |
2-1 | Бұзушылықтардың болмауы/болуы | 8 |
Бұзушылықтардың болмауы | 8 | |
Есепті кезеңде қаржылық бақылау органдарының тексерулер жүргізбеуі | 4 | |
Бақылаумен қамтылған бюджет қаражатының жалпы көлемінен бұзушылықтардың болуы (тиімсіз шығыстары қоспағанда) мемлекеттік қаржылық бақылау объектілерінде айқындалған бұзушылықтардың сыныптауышына сәйкес | ||
5%-ға дейін | 3 | |
5,1 – 9,9% | 2 | |
10,0 – 14,9% | 1 | |
15%-дан астам | 0 | |
2-2 | Мемлекеттік органдар шығыстарының жалпы көлемінде мемлекеттік қаржылық бақылау органдары анықтаған тиімділік принципіне жауап бермейтін шығыстар | 2 |
Тиімділік принципіне жауап бермейтін шығыстардың болмауы | 2 | |
1.1 көрсеткішінің игерілген бюджет қаражат сомасынан мемлекеттік қаржылық бақылау органдары анықтаған тиімділік принципіне жауап бермейтін шығыстар | 0 | |
2-3 | Мемлекеттік сатып алу саласында мемлекеттік қаржылық бақылау органдары растаған шағымдардың болмауы/болуы | 2 |
Мемлекеттік қаржылық бақылау органдарының тексерулерімен расталған шағымдардың болуы | 0 | |
Шағымдардың және мемлекеттiк қаржылық бақылау органдарының бақылауымен тексерулерімен расталмаған шағымдар болмауы | 2 | |
3 | Мемлекеттiк қаржылық бақылау органдары енгiзген нұсқамалар мен қаулыларды орындау бойынша қабылданған (iске асырылған) шаралар – 10 балл | |
3-1 | Мемлекеттік қаржылық бақылау органдары бақылау нәтижелерi бойынша енгiзген нұсқамалар мен қаулыларға сәйкес бюджетке қайтарылуға жататын бұзушылықтар сомасына шаққанда белгiленген мерзiмде бюджетке қайтарылған бұзушылықтар сомасының көлемi (сот істеріне байланысты орнын толтыруға жататын сомаларды қоспағанда) | 5 |
Бюджетке қайтарылатын соманың болмауы | 5 | |
100% бұзушылықтар сомасының белгiленген мерзiмде бюджетке қайтарылған көлемi | 2 | |
70,0 – 99,9% | 1 | |
70%-ға дейін | 0 | |
3-2 | Мемлекеттік қаржылық бақылау органдары бақылау нәтижелерi бойынша енгiзген нұсқамалар мен қаулыларға сәйкес жұмыстарды орындау, қызметтер көрсету, тауарлар жеткiзу және/немесе есепке алуда көрсету жолымен бюджетке қалпына келтiруге жататын бұзушылықтар сомасына қарағандағы белгiленген мерзiмде қалпына келтiрiлген бұзушылықтар сомасының көлемi | 5 |
Бюджетке қалпына келтірілетін соманың болмауы | 5 | |
100% белгiленген мерзiмде қалпына келтiрiлген бұзушылықтар сомасының көлемi | 2 | |
70,0 – 99,9 % | 1 | |
70,0 %-ға дейін | 0 | |
4 | Бюджеттік бағдарламаның тікелей нәтижелеріне қол жеткізу - 28 балл | |
4-1 | Бюджеттік бағдарламаның тікелей нәтижелеріне қол жеткізу | 24 |
100% | 24 | |
99,9 – 99,3% | 23 | |
99,2 – 98,6% | 22 | |
98,5 – 97,9% | 21 | |
97,8 – 97,2% | 20 | |
97,1 – 96,5% | 19 | |
96,4 – 95,8% | 18 | |
95,7 – 95,1% | 16 | |
95,0 – 94,4% | 14 | |
94,3 – 93,7% | 12 | |
93,6 – 93,0% | 10 | |
92,9 – 92,3% | 8 | |
92,2- 91,6% | 6 | |
91,5 – 90,9% | 4 | |
90,8 – 90,2% | 2 | |
90,1% және кем | 0 | |
4-2 | Бюджеттік бағдарламалардың нәтижелілігінің көрсеткіштерін жоспарлау сапасы | 4 |
Бюджеттік бағдарламада мемлекеттік органның тиісті мақсаттары мен міндеттеріне сәйкес келетін және мемлекеттік жоспарлау жүйесінің құжаттары мен бағалауына жататын сандық өлшемді болып табылатын нәтижелік көрсеткіштерінің болуы | 4 | |
Бюджеттік бағдарламада тиімділік көрсеткіштерінің бірінің болмауы, тікелей нәтижеге қол жеткізуді бағалауға мүмкіндік бермейтін сандық сипаттаманың орнына түпкі нәтижелерімен тікелей нәтижелерді қайталайтын іс-шаралардың болуы, басқа бюджеттік бағдарламаның көрсеткіштерімен бюджеттік бағдарлама көрсеткіштерін қайталау, мемлекеттік жоспарлау жүйесінің құжаттарына бюджеттік бағдарламалар әкімшісінің мақсаттары мен міндеттеріне тікелей нәтижелер көрсеткіштерінің сәйкес келмеуі | 0 | |
5. | Бюджеттік бағдарламаларды орындаудың тиімділігі - 22 балл | |
100% | 22 | |
99,9 – 99,3% | 21 | |
99,2 – 98,6% | 20 | |
98,5 – 97,9% | 19 | |
97,8 – 97,2% | 18 | |
97,1 – 96,5% | 17 | |
96,4 – 95,8% | 16 | |
95,7 – 95,1% | 15 | |
95,0 – 94,4% | 14 | |
94,3 – 93,7% | 12 | |
93,6 – 93,0% | 10 | |
92,9 – 92,3% | 8 | |
92,2 - 91,6% | 6 | |
91,5 – 90,9% | 4 | |
90,8 – 90,2% | 2 | |
90,1% және одан кем | 0 | |
| Қызмет бойынша пайдалану үшін №____дана Қазақстан Республикасы Қаржы министрінің 2014 жылғы 24 қыркүйектегі № 412 бұйрығына 2-қосымша |
РҚАО-ның ескертпесі!
"Қызмет бабында пайдалану үшін" белгісімен келген құжаттар деректер базасына енгізілмейді.
| Қызмет бойынша пайдалану үшін №____дана Қазақстан Республикасы Қаржы министрінің 2014 жылғы 24 қыркүйектегі № 412 бұйрығына 3-қосымша |
РҚАО-ның ескертпесі!
"Қызмет бабында пайдалану үшін" белгісімен келген құжаттар деректер базасына енгізілмейді.
| Қызмет бойынша пайдалану үшін №____дана Қазақстан Республикасы Қаржы министрінің 2014 жылғы 24 қыркүйектегі № 412 бұйрығына 4-қосымша |
РҚАО-ның ескертпесі!
"Қызмет бабында пайдалану үшін" белгісімен келген құжаттар деректер базасына енгізілмейді.
| Қызмет бойынша пайдалану үшін №_____дана Қазақстан Республикасы Қаржы министрінің 2014 жылғы 24 қыркүйектегі № 412 бұйрығына 5-қосымша |
РҚАО-ның ескертпесі!
"Қызмет бабында пайдалану үшін" белгісімен келген құжаттар деректер базасына енгізілмейді.
