Қылмыстық жолмен алынған кiрiстердi заңдастыруға (жылыстатуға) және терроризмдi қаржыландыруға қарсы iс-қимыл жасау мақсатында қор биржасы үшін ішкі бақылау қағидаларына қойылатын талаптарды бекіту туралы

Күшін жойған

Қазақстан Республикасы Қаржы министрінің 2014 жылғы 26 қарашадағы № 519 бұйрығы және Қазақстан Республикасы Ұлттық Банкі Басқармасының 2014 жылы 24 желтоқсандағы № 237 қаулысы. Қазақстан Республикасының Әділет министрлігінде 2015 жылы 9 ақпанда № 10207 тіркелді. Күші жойылды - Қазақстан Республикасы Қаржы нарығын реттеу және дамыту агенттігі Басқармасының 2020 жылғы 29 қазандағы № 104 және Қазақстан Республикасы Қаржы министрінің 2020 жылғы 30 қазандағы № 1055 бірлескен қаулысы мен бұйрығымен.

      Ескерту. Бірлескен бұйрығы және қаулысының күші жойылды – ҚР Қаржы нарығын реттеу және дамыту агенттігі Басқармасының 29.10.2020 № 104 және ҚР Қаржы министрінің 30.10.2020 № 1055 (15.11.2020 бастап қолданысқа енгізіледі) бірлескен қаулысы мен бұйрығымен.
      РҚАО-ның ескертпесі!
      Осы бұйрық және қаулының қолданысқа енгізілу тәртібін 4-тармақтан қараңыз

      "Қылмыстық жолмен алынған кiрiстердi заңдастыруға (жылыстатуға) және терроризмдi қаржыландыруға қарсы iс-қимыл туралы" 2009 жылғы

      28 тамыздағы Қазақстан Республикасының Заңы 11-бабының 3-2-тармағына сәйкес Қазақстан Республикасының Қаржы министрі БҰЙЫРАДЫ және Қазақстан Республикасы Ұлттық Банкінің Басқармасы ҚАУЛЫ ЕТЕДІ:

      1. Қоса беріліп отырған Қылмыстық жолмен алынған кiрiстердi заңдастыруға (жылыстатуға) және терроризмдi қаржыландыруға қарсы

      iс-қимыл жасау мақсатында қор биржасы үшін ішкі бақылау қағидаларына қойылатын талаптар бекітілсін.

      2. Қор биржасы:

      1) қолданысқа енгізілген күннен бастап күнтізбелік үш айдан кешіктірмей ішкі нормативтік құжаттамасын осы бұйрыққа және қаулыға сәйкес келтірсін;

      2) қолданысқа енгізілген күннен бастап күнтізбелік бір жылдан кешіктірмей осы бұйрыққа және қаулыға сәйкес автоматтандырылған ақпараттық жүйелерді пысықтау және қазіргі клиенттерінің тәуекел деңгейін айқындау бойынша жұмыс жүргізсін.

      3. Қазақстан Республикасы Қаржы министрлігінің Қаржылық мониторинг комитеті (Тәжіяқов Б.Ш.) заңнамада белгіленген тәртіппен:

      1) осы бұйрықты және қаулыны Қазақстан Республикасы Әділет министрлігінде мемлекеттік тіркеуді;

      2) осы бұйрық және қаулы Қазақстан Республикасы Әділет министрлігінде мемлекеттік тіркелгеннен кейін күнтізбелік он күн ішінде оларды мерзімді баспасөз басылымдарында және "Әділет"

      ақпараттық-құқықтық жүйесінде ресми жариялауға жіберуді;

      3) осы бұйрықты және қаулыны Қазақстан Республикасы Қаржы министрлігінің интернет-ресурсында орналастыруды қамтамасыз етсін.

      4. Осы бұйрық және қаулы 2014 жылғы 15 желтоқсаннан бастап қолданысқа енгізіледі.

Қазақстан Республикасының

Қаржы министрі

_____________Б. Сұлтанов

2014 жылғы "___" ___________

Қазақстан Республикасы

Ұлттық Банкінің Төрағасы

______________Қ. Келімбетов

2014 жылғы "___" __________

  Қазақстан Республикасы
Қаржы министрінің
2014 жылғы 26 қарашадағы
№ 519 бұйрығымен және
Қазақстан Республикасының
Ұлттық Банкі Басқармасының
2014 жылғы 24 желтоқсандағы
№ 237 қаулысымен
бекітілген

Қылмыстық жолмен алынған кiрiстердi заңдастыруға (жылыстатуға)
және терроризмдi қаржыландыруға қарсы iс-қимыл жасау мақсатында
қор биржасы үшін ішкі бақылау қағидаларына қойылатын талаптар
1. Жалпы ережелер

      1. Осы Қылмыстық жолмен алынған кiрiстердi заңдастыруға (жылыстатуға) және терроризмдi қаржыландыруға қарсы iс-қимыл жасау мақсатында қор биржасы үшін ішкі бақылау қағидаларына қойылатын талаптар (бұдан әрі – Талаптар) "Қылмыстық жолмен алынған кiрiстердi заңдастыруға (жылыстатуға) және терроризмдi қаржыландыруға қарсы iс-қимыл туралы" 2009 жылғы 28 тамыздағы Қазақстан Республикасының Заңына (бұдан әрі – КЖ/ТҚҚ туралы заң) және Нормативтік құқықтық актілерді мемлекеттік тіркеу тізілімінде № 5991 тіркелген, Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының "Қор биржасында тәуекелдерді басқару жүйесінің болуына қойылатын талаптар жөніндегі нұсқаулықты бекіту және Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының "Сауда-саттықты ұйымдастырушының ұйымдық құрылымына және қор биржасының листингтік комиссиясының құрамына қойылатын талаптар туралы және Сауда-саттықты ұйымдастырушының сауда жүйесінде жасалатын мәмілелерге қадағалау жөніндегі қызметті жүзеге асыратын сауда-саттықты ұйымдастырушының ұйымдық құрылымының қызметін жүзеге асыру ережесін бекіту жөніндегі" 2008 жылғы 28 қарашадағы № 195 қаулысына өзгерістер мен толықтырулар енгізу туралы" 2009 жылғы 30 қарашадағы № 244 қаулысына сәйкес әзірленді.

      2. Егер Талаптарда өзгеше белгіленбесе, онда Талаптарда қолданылатын ұғымдар КЖ/ТҚҚ туралы заңда көрсетілген мағынамен пайдаланылады.

      Талаптардың мақсаттары үшін мынадай негізгі ұғымдар пайдаланылады:

      1) ақшаға және (немесе) өзге мүлікке байланысты операцияларды тоқтату – терроризм мен экстремизмді қаржыландыруға байланысты ұйымдар мен тұлғалардың тізбесіне енгізілген ұйымға және (немесе) не бенефициарлық меншік иесі осндай жеке тұлға болып табылатын ұйымға тиесілі ақшаға және (немесе) өзге мүлікке қатысты шаралар;

      2) әдеттегіден тыс операция (мәміле) – Қазақстан Республикасының Үкіметі бекіткен және қор биржасы дербес әзірлеген белгілер ескеріле отырып, КЖ/ТҚҚ туралы заңның 4-бабы 4-тармағына сәйкес міндетті зерделенуген жататын операция (мәміле);

      3) КЖ/ТҚ тәуекелдері – КЖ/ТҚ процестеріне немесе өзге қылмыстық іс-әрекетке қор биржасын, сондай-ақ оның мүшелерін қасақана немесе қасақана емес тарту тәуекелдері;

      4) КЖ/ТҚ тәуекелдерін басқару – КЖ/ТҚ тәуекелдерін анықтау, бағалау, мониторингі, сондай-ақ оларды азайту жөнінде қор биржасы қабылдайтын шаралардың жиынтығы (өнімдерге/қызметтерге, клиенттерге, сондай-ақ клиенттер жүргізетін операцияларға қатысты);

      5) шекті операция – ақшамен және (немесе) өзге мүлікпен жүргізілетін, КЖ/ТҚҚ туралы заңның 4-бабына сәйкес қаржы мониторингіне жататын және КЖ/ТҚҚ туралы заңда белгіленген шекті сомаға тең не одан асатын операция;

      6) іскерлік қарым-қатынас – қор биржасының банк шотын ашу және жүргізу жөнінде қызмет көрсету бойынша қарым-қатынас.

      Ескерту. 2-тармаққа өзгеріс енгізілді - ҚР Қаржы министрінің 10.12.2015 № 643 бұйрығы және ҚР Ұлттық Банкі Басқармасының 19.12.2015 № 225 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бірлескен қаулысымен.

      3. Қылмыстық жолмен алынған кiрiстердi заңдастыруға (жылыстатуға) және терроризмдi қаржыландыруға қарсы iс-қимыл (бұдан әрі – КЖ/ТҚҚ) мақсатындағы ішкі бақылауды қор биржасы:

      1) КЖ/ТҚҚ туралы заңның талаптарын қор биржасының орындауын қамтамасыз ету;

      2) қор биржасының ішкі бақылау жүйесінің тиімділігін КЖ/ТҚ тәуекелдерін және қатар жүретін тәуекелдерді (операциялық, бедел, құқықтық) басқару үшін жеткілікті деңгейде ұстап тұру;

      3) қор биржасын, оның лауазымды тұлғаларын және қызметкерлерін КЖ/ТҚ процестеріне тарту мақсатында жүзеге асырады.

      4. КЖ/ТҚҚ мақсатында ішкі бақылауды ұйымдастыру шеңберінде қор биржасы қор биржасының ішкі аудит қызметінің КЖ/ТҚҚ мақсатында ішкі бақылаудың тиімділігін бағалауды жүргізуіне қойылатын талаптар кіретін ішкі бақылау қағидаларын әзірлейді.

      Ішкі бақылау қағидалары КЖ/ТҚҚ туралы заңның 11-бабында көзделген бағдарламалардан тұрады, оларды қор биржасы Талаптарға сәйкес әзірлейді және ішкі нормативтік құжат не осындай құжаттардың жиынтығы болып табылады.

2. КЖ/ТҚҚ ішкі жүйесін ұйымдастыру және КЖ/ТҚҚ мақсатында ішкі
бақылауды ұйымдастыру бағдарламасы

      5. Қор биржасында қор биржасының ішкі құжаттарында белгіленген тәртіппен қор биржасында ішкі бақылау қағидаларын сақтауға мониторингті жүзеге асыруға жауапты лауазымды адам (бұдан әрі – жауапты қызметкер) тағайындалады.

      6. Мыналар жауапты қызметкерлерге қойылатын талаптар болып табылады:

      1) жоғары білімінің болуы;

      2) биржалық және (немесе) банктік операцияларды жүзеге асырумен байланысты қор биржасы бөлімшесі басшысының лауазымында кемінде бір жыл стажының не КЖ/ТҚҚ саласында кемінде екі жыл стажының не қаржылық қызметтерді ұсыну және (немесе) реттеу саласында кемінде үш жыл жұмыс стажының болуы;

      3) "Бағалы қағаздар рыногы туралы" 2003 жылғы 2 шілдедегі Қазақстан Республикасының Заңына сәйкес мінсіз іскерлік беделінің болуы.

      7. КЖ/ТҚҚ мақсатында ішкі бақылауды ұйымдастыру бағдарламасына:

      1) КЖ/ТҚҚ мақсатында ішкі бақылауды жүзеге асыру кезінде жауапты қызметкердің функцияларын, өкілеттіктерін, жауапты қызметкердің уәкілетті органдармен, қор биржасының бөлімшелерімен және қызметкерлерімен өзара іс-қимылы тәртібін сипаттау;

      2) КЖ/ТҚҚ мақсатында ішкі бақылауды жүзеге асыру және КЖ/ТҚҚ туралы заңға сәйкес қаржы мониторингін жүзеге асыратын және КЖ/ТҚҚ бойынша өзге де шараларды қабылдайтын мемлекеттік органға (бұдан әрі – қаржы мониторингі жөніндегі уәкілетті орган) хабарламаларды, оның ішінде оларды әзірлеушілер туралы мәліметтерді беру үшін пайдаланылатын автоматтандырылған ақпараттық жүйелер және бағдарламалық қамтамасыз ету туралы мәліметтер;

      3) мәліметтерді тіркеу, сондай-ақ КЖ/ТҚҚ мақсатында ішкі бақылауды іске асыру барысында алынған құжаттарды және ақпаратты сақтау тәртібі;

      4) қор биржасы қызметкерлерінің, оның ішінде жауапты қызметкердің қор биржасының уәкілетті органдарын КЖ/ТҚҚ туралы заңды, сондай-ақ қор биржасының қызметкерлері жол берген ішкі бақылау қағидаларын бұзудың белгілі болған фактілері туралы хабарлау тәртібі;

      5) қор биржасы ішкі аудит қызметінің КЖ/ТҚҚ мақсатында ішкі бақылаудың тиімділігін бағалау нәтижелері бойынша басқару есептілігін дайындау және қор биржасының уәкілетті органдарына беру тәртібі кіреді, бірақ олармен шектелмейді.

      8. КЖ/ТҚҚ мақсатында ішкі бақылауды ұйымдастыру бағдарламасына сәйкес жауапты қызметкердің функцияларына:

      1) дайындалған және қор биржасының атқарушы органымен келісілген ішкі бақылау қағидаларының және (немесе) оларға өзгерістердің (толықтырулардың) болуын қамтамасыз ету, сондай-ақ қор биржасында олардың сақталуына мониторинг;

      2) КЖ/ТҚҚ туралы заңға сәйкес қаржы мониторингі жөніндегі уәкілетті органға хабарламалар ұсынуды және олардың ұсынылуына бақылауды ұйымдастыру;

      3) клиенттердің операцияларын күдікті ретінде тану және қор биржасының ішкі құжаттарында көзделген тәртіппен қаржы мониторингі жөніндегі уәкілетті органға хабарламаларды жіберу қажеттілігі туралы шешімдер қабылдау;

      4) КЖ/ТҚҚ туралы заңда және клиенттермен жасалған шарттарда көзделген жағдайларда және банктің ішкі құжаттарында көзделген тәртіппен клиенттердің операциялар жүргізуін тоқтата тұру не бас тарту туралы шешімдер қабылдау;

      5) қор биржасының уәкілетті органына КЖ/ТҚҚ туралы заңда және қор биржасының ішкі құжаттарында көзделген жағдайларда және тәртіппен клиенттермен іскерлік қарым-қатынастарды орнату, жалғастыру не тоқтату туралы шешім қабылдау үшін сұрау салулар жіберу;

      6) қор биржасының уәкілетті органын қор биржасының ішкі құжаттарында көзделген тәртіппен анықталған ішкі бақылау қағидаларын бұзушылықтар туралы хабардар ету;

      7) қор биржасының уәкілетті органына есептерді қалыптастыру үшін КЖ/ТҚҚ мақсатында ішкі бақылау қағидаларын іске асыру нәтижелері және тәуекелдерді басқару және ішкі бақылау жүйелерін жақсарту жөніндегі ұсынылып отырған шаралар туралы ақпаратты дайындау кіреді, бірақ олармен шектелмейді;

      9. Жүктелген функцияларды орындау үшін жауапты қызметкерге, төмендегілерді қоса алғанда, бірақ олармен шектелмей, мынадай өкілеттіктер беріледі:

      1) өз функцияларын толық көлемде жүзеге асыруға мүмкіндік беретін шекте және қор биржасының ішкі құжаттарында көзделген тәртіппен қор биржасының барлық үй-жайларына, ақпараттық жүйелеріне, телекоммуникация құралдарына, құжаттар мен файлдарға рұқсат алу;

      2) өз функцияларын жүзеге асыру кезінде алынған ақпараттың құпиялылығын қамтамасыз ету;

      3) қор биржасы бөлімшелерінен алынатын құжаттар мен файлдардың сақталуын қамтамасыз ету.

      10. Жауапты қызметкердің функциялары ішкі аудит қызметі жүзеге асыратын функциялармен, сондай-ақ қор биржасы бөлімшелерінің биржалық және (немесе) банк операцияларын жүзеге асырумен байланысты жүзеге асыратын функцияларымен сәйкес келмейді.

      11. Қор биржасы ішкі бақылау мәселелері бойынша процестерді автоматтандыру үшін КЖ/ТҚҚ мақсатында мынадай талаптарға сәйкес келетін автоматтандырылған ақпараттық жүйелерді пайдаланады:

      1) енгізілетін өзгерістерді (толықтыруларды) қоса алғанда, клиенттердің досьесін (сауалнамаларын) енгізу мүмкіндігі;

      2) КЖ/ТҚҚ саласындағы заңнама талаптарын, сондай-ақ қор биржасы қызметтерінің КЖ/ТҚ тәуекелдеріне ұшыраушылық дәрежесін бағалау нәтижелерін ескере отырып, алдын ала берілген критерийлер бойынша шекті, әдеттегіден тыс және күмәнді операцияларды анықтау;

      3) дерекқордан клиенттердің досьесі (сауалнамалары), жүргізілген операциялар, қаржы мониторингі жөніндегі уәкілетті органға жіберілген хабарлар бойынша ақпаратты алып тастау мүмкіндігінің болмауы;

      4) ақпаратты резервтік көшіру және сақтау жүйелерінің болуы;

      5) жаңғыртудан қорғалған, әрбір пайдаланушының жұмыс хаттамасын жүргізу.

3. КЖ/ТҚ тәуекелдерін басқару бағдарламасы

      12. КЖ/ТҚ тәуекелдерін басқаруды ұйымдастыру мақсатында қор биржасы КЖ/ТҚ тәуекелдерін басқару бағдарламасын әзірлейді.

      13. Қор биржасы жыл сайынғы негізде қор биржасы қызметтерінің ең кем дегенде тәуекелдердің мынадай арнайы санаттарын ескере отырып, КЖ/ТҚ тәуекелдеріне ұшырау дәрежесін бағалауды жүзеге асырады: клиенттердің типіне қарай тәуекел, ел (географиялық) тәуекелі, көрсетілетін қызметтің және (немесе) оны көрсету тәсілінің тәуекелі.

      Қор биржасы қызметтерінің КЖ/ТҚ тәуекелдеріне ұшырау дәрежесін бағалау клиенттердің операцияларын бірегейлендіру рәсімдерін және мониторингін өзгертуді, қандай да бір операцияларды жүргізуге лимиттерді белгілеуді, қызмет көрсету талаптарын өзгертуді, қызмет көрсетуден бас тартуды қоса алғанда, анықталған тәуекелдерді барынша азайтуға бағытталған ықтимал іс-шараларды сипаттаумен қатар жүреді.

      14. Мәртебесі және (немесе) қызметі КЖ/ТҚ тәуекелінен асып түсетін клиенттер типтері мыналардан тұрады, бірақ олармен шектелмейді:

      1) шетелдік қаржы ұйымдары;

      2) Талаптардың 15-тармағында көрсетілген шет мемлекеттерде орналасқан (тіркелген) тұлғалар, сондай-ақ осындай тұлғалардың Қазақстан Республикасында орналасқан филиалдары мен өкілдіктері.

      15. Қор биржасы осы тармақта көрсетілген шет мемлекеттерден келген клиенттерге қызмет көрсетумен, осындай шет мемлекеттердің қатысуымен ақшамен және (немесе) өзге мүлікпен операцияларды жүзеге асырумен байланысты ел (географиялық) тәуекелін бағалауды жүзеге асырады.

      КЖ/ТҚ тәуекелін жоғарылататын операциялар жүргізетіндер шет мемлекеттер болып табылады:

      1) қаржы мониторингі жөніндегі уәкілетті орган жасайтын Ақшаны жылыстатумен күрес жөніндегі қаржы шараларын әзірлеу тобының (ФАТФ) ұсынымдарын орындамайтын не жеткілікті түрде орындамайтын мемлекеттердің тізбесіне енгізілген шет мемлекеттер (аумақтар);

      2) БҰҰ Қауіпсіздік кеңесінің қарарларымен қабылданған халықаралық санкциялар (эмбарго) қабылданатын шет мемлекеттер (аумақтар);

      3) "Қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл туралы" Қазақстан Республикасы Заңының мақсаттары үшін Оффшорлық аймақтар тізбесін бекіту туралы" Қазақстан Республикасы Қаржы министрінің міндетін атқарушының 2010 жылғы 10 ақпандағы № 52 бұйрығымен (Қазақстан Республикасының Нормативтік құқықтық актілерді мемлекеттік тіркеу тізілімінде № 6058 тіркелген) бекітілген "Қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл туралы" Қазақстан Республикасы Заңының мақсаттары үшін Оффшорлық аймақтар тізбесіне енгізілген шет мемлекеттер (аумақтар);

      4) басқа факторлар (сыбайлас жемқорлық, есірткіні өндіру, айналымы және (немесе) транзиті деңгейі туралы мәліметтер, халықаралық терроризмге қолдау көрсету туралы мәліметтер және басқалары) негізінде КЖ/ТҚ жоғары тәуекелі бар ретінде қор биржасы айқындаған шет мемлекеттер (аумақтар).

      Ескерту. 15-тармаққа өзгеріс енгізілді - ҚР Қаржы министрінің 10.12.2015 № 643 бұйрығы және ҚР Ұлттық Банкі Басқармасының 19.12.2015 № 225 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бірлескен қаулысымен.

      16. Қор биржасының КЖ/ТҚ жоғары тәуекеліне ұшырағыш қызметтері, сондай-ақ оларды көрсету тәсілдері мыналардан тұрады, бірақ олармен шектелмейді:

      1) дербес компьютерлер, телефондар, электрондық терминалдар арқылы қызмет көрсетуді қоса алғанда, клиенттерге қашықтан қызмет көрсету;

      2) шетелдік қаржы ұйымдарының банк шоттары.

      17. Қор биржасы қызметтерінің Талаптардың 14, 15, 16-тармақтарында көрсетілген тәуекел факторларына сәйкес КЖ/ТҚ тәуекелдеріне ұшырағыштық дәрежесін бағалаған кезде қор биржасы мыналарды қоса алғанда, бірақ олармен шектелмей мынадай қосымша мәліметтерді ескереді:

      1) қаржы мониторингі жөніндегі уәкілетті органға қор биржасы жіберген клиенттердің күмәнді операциялары туралы хабарлар саны;

      2) қаржы мониторингі жөніндегі уәкілетті органға қор биржасы жіберген клиенттердің шекті операциялары туралы хабарлар саны.

      18. КЖ/ТҚ тәуекелдерін басқару бағдарламасын іске асыру шеңберінде қор биржасы Талаптардың 14, 15 және 16-тармақтарында көрсетілген санаттар мен тәуекелдер факторларын, сондай-ақ қор биржасы белгілейтін өзге де санаттар мен тәуекелдер факторларын ескере отырып, клиенттерді жіктеу жөнінде шаралар қолданады.

      Клиенттің (клиенттер тобының) тәуекел деңгейін қор биржасында бар клиент (клиенттер) туралы мәліметтер мен ақпаратқа жүргізілген талдау нәтижелері бойынша қор биржасы белгілейді және тәуекел деңгейін айқындаудың кемінде екі деңгейден тұратын шкаласы бойынша бағаланады.

      Клиенттің (клиенттер тобының) тәуекел деңгейін қайта қарауды қор биржасы клиент (клиенттер тобы) туралы мәліметтердің жаңартылуына қарай жүзеге асырады.

4. Клиенттерді сәйкестендіру бағдарламасы

      19. КЖ/ТҚҚ туралы заңның клиентті тиісінше тексеру бойынша талаптарын іске асыру мақсатында қор биржасы клиенттерді (олардың өкілдерін) және бенефициарлық меншік иелерін сәйкестендіру бағдарламасын әзірлейді.

      Қор биржасының клиент (оның өкілі) туралы мәліметтерді тіркеу және дәйектілігін тексеру, бенефициарлық меншік иесін анықтау және ол туралы мәліметтерді тіркеу, іскерлік қарым-қатынастардың болжанатын мақсатын белгілеу және тіркеу, сондай-ақ Талаптарда көзделген Клиент (оның өкілі) және бенефициарлық меншік иесі туралы өзге де мәліметтерді алу және тіркеу бойынша іс-шараларды жүргізуі клиентті (оның өкілін) және бенефициарлық меншік иесін сәйкестендіру болып табылады.

      Клиенттің тәуекел деңгейіне қарай қор биржасы жүргізетін іс-шаралардың деңгейі клиентті, бенефициарлық меншік иесін стандартты, жеңілдетілген және тереңдетілген сәйкестендірумен көрсетіледі.

      20. КЖ/ТҚҚ туралы Заңның 5-бабы 2-тармағының талаптарын ескере отырып, қор биржасы клиентті (оның өкілін) және бенефициарлық меншік иесін сәйкестендіруді жүргізеді, сондай-ақ мынадай:

      1) клиентпен іскерлік қарым-қатынастарды орнату;

      2) клиенттің шекті операцияны (мәмілені) жасауы;

      3) клиенттің күдікті операциясын (мәмілесін) анықтау;

      4) жеке және заңды тұлғалар туралы бұрын алынған деректердің дәйектілігіне күмән туғызатын негіздемелердің болуы жағдайларында іскерлік қарым-қатынастардың болжанатын мақсатын белгілейді.

      Клиент орнатылған іскерлік қарым-қатынастар шегінде операция жүргізген кезде, егер ол, осы тармақтың бірінші бөлігінің 3) және 4) тармақшаларында көзделген жағдайларды қоспағанда, осындай іскерлік қарым-қатынастар орнатылған, сондай-ақ бұрын алынған мәліметтерді жаңарту не клиенттің тәуекелі деңгейіне және Талаптарға сәйкес қосымша мәліметтерді алу үшін қажет болған кезде клиентті (оның өкілін) және бенефициарлық меншік иесін сәйкестендіру жүргізілмейді.

      21. Талаптардың 20-тармағына сәйкес алынған мәліметтерді қор биржасы клиенттің қор биржасында іскерлік қарым-қатынастардың бүкіл кезеңі ішінде және олар аяқталғаннан кейін кем дегенде бес жыл сақталатын досьесіне енгізеді.

      Клиенттің досьесіне енгізілуі және стандартты, жеңілдетілген не тереңдетілген сәйкестендіру жүргізген кезде дәйектілігі тексерілуі тиіс ең аз талап етілетін мәліметтер Талаптардың Қосымшасында белгіленген.

      22. Клиент ақша аударымын жүзеге асырған не оның пайдасына қолма-қол ақшасыз төлем немесе ақша аударымы келіп түскен кезде қор биржасы төлем құжатында КЖ/ТҚҚ туралы заңның 7-бабы 2-тармағында көзделген клиент туралы мәліметтердің болуын, сондай-ақ оларды төлемге, ақша аударымына қатысушы қаржы ұйымына берілуін бақылайды.

      23. Қор биржасы жеңілдетілген сәйкестендіруді мынадай:

      1) Қазақстан Республикасының Ұлттық Банкін қоса алғанда, Қазақстан Республикасының мемлекеттік органдары, сондай-ақ бақылауын мемлекеттік органдар жүзеге асыратын заңды тұлғалар;

      2) мемлекеттік мекеме немесе мемлекеттік кәсіпорын ұйымдық құқықтық нысанында құрылған заңды тұлғалар, сондай-ақ ұлттық басқарушы холдинг не дауыс беретін акцияларының (қатысу үлестерінің) жүз пайызы ұлттық басқарушы холдингіне тиесілі заңды тұлғалар;

      3) екінші деңгейдегі банктер, Қазақстан Республикасының резиденті бағалы қағаздар нарығының кәсіби қатысушылары, сондай-ақ акциялары шет мемлекеттің қор биржасының ресми тізіміне енгізілген ұйымдар;

      4) Қазақстан Республикасының аумағында орналасқан не қатысушысы Қазақстан Республикасы болып табылатын халықаралық ұйымдар сияқты клиенттермен іскерлік қарым-қатынастарды орнатқан жағдайларда жүргізеді.

      24. Қор биржасы тереңдетілген сәйкестендіруді:

      1) клиентке жоғары тәуекел деңгейі тағайындаған кезде;

      2) тереңдетілген сәйкестендіруді жүргізу қаржылық мониторинг жөніндегі уәкілетті органға осындай операция туралы хабарлама жіберілгені туралы оның қасақана емес хабардар болуына әкеп соғатын жағдайларды қоспағанда, клиентке мониторинг жүргізу және операцияларын зерделеу барысында күдікті операцияны (мәмілені) не оны жасау әрекетін анықтаған кезде;

      3) клиент ұсынған мәліметтердің дәйектілігінде күмән болған кезде;

      4) қор биржасының ішкі құжаттарында белгіленген жағдайларда, оның ішінде жауапты қызметкердің шешімі бойынша жүргізеді.

      25. Клиентті сәйкестендіру (бенефициарлық меншік иесін анықтау) барысында қор биржасы КЖ/ТҚҚ туралы заңның 12-бабына сәйкес алынатын терроризмді және экстремизмді қаржыландырумен байланысты тұлғалардың және ұйымдардың тізбесінде (бұдан әрі – Тізбе) осындай клиенттің (бенефициарлық меншік иесінің) болуына тексеру жүргізеді.

      Шетелдіктерге, шет мемлекеті азаматтығының болуы туралы қор биржасында мәліметтер болған өзге де адамдарға қатысты, сондай-ақ азаматтығы жоқ адамдарға қатысты қор биржасы клиентті сәйкестендіру (бенефициарлық меншік иесін анықтау) барысында осындай клиенттің (бенефициарлық меншік иесінің) шетелдік жария лауазымды адамға жататынын тексереді.

      26. Клиент (оның өкілі) ұсынатын құжаттар клиент (оның өкілі) және бенефициарлық меншік иесі туралы мәліметтерді растау мақсатында олардың дәйектілігі тексеріледі.

      27. Клиентті, оның өкілін және бенефициарлық меншік иесін сәйкестендіру бағдарламасы мыналардан тұрады, бірақ олармен шектелмейді:

      1) іскерлік қатынастар белгілеуден және (немесе) операциялар жүргізуден бас тартудың тәртібі мен негізін қоса алғанда, клиенттерді қызмет көрсетуге қабылдау, сондай-ақ іскерлік қатынастарды тоқтату тәртібі;

      2) клиентті (оның өкілін) және бенефициарлық меншік иесін сәйкестендіру тәртібі, оның ішінде жеңілдетілген және тереңдетілген сәйкестендіру рәсімдерінің ерекшеліктері;

      3) шетелдік қаржы ұйымдарымен іскерлік қатынастар орнату кезінде сәйкестендіруді жүргізу ерекшеліктері;

      4) қор биржасының қызмет көрсетілетін немесе қызмет көрсетуге қабылданатын тұлғалардың, сондай-ақ олардың бенефициарлық меншік иелерінің арасынан шетелдік жария лауазымды тұлғаларды анықтауына бағытталған шаралардың сипаты;

      5) клиенттің (оның өкілінің) және бенефициарлық меншік иесінің Тізбеде болуын тексеру тәртібі;

      6) банк шотын аралық ашу кезінде сәйкестендіру ерекшеліктері (жеке клиенттің немесе оның өкілінің қатысуынсыз);

      7) басқа қаржы ұйымдарынан мәліметтер алу арқылы клиенттерді сәйкестендіру ерекшеліктері;

      8) клиентті (оның өкілін) және бенефициарлық меншік иесін сәйкестендіру мақсатында қосымша ақпарат көздерін, оның ішінде мемлекеттік органдар ұсынатын ақпараттың сипаты;

      9) клиент (оның өкілі) және бенефициарлық меншік иесі туралы мәліметтердің дәйектілігін тексеру тәртібі;

      10) клиент досьесінің нысанына, мазмұнына және жүргізу тәртібіне, мәліметтерді жаңарту кезеңдігін көрсете отырып, досьедегі мәліметтерді жаңарту тәртібіне қойылатын талаптар;

      11) қор биржасы қызметкерлерінің сәйкестендіруді жүргізу кезінде алынған ақпаратқа қолжетімділігін қамтамасыз ету тәртібі;

      12) клиенттің тәуекел деңгейін бағалау тәртібі, мұндай тәуекелді бағалау негіздері.

5. Клиенттердің операциялары мониторингінің және зерделеудің
бағдарламасы

      28. КЖ/ТҚҚ туралы заңның клиентті тиісінше тексеру жөніндегі, сондай-ақ шекті және күмәнді операциялар туралы хабарларды анықтау және қаржы мониторингі жөніндегі уәкілетті органға жіберу жөніндегі талаптарын іске асыру мақсатында қор биржасы клиенттердің операциялары мониторингінің және зерделеудің бағдарламасын әзірлейді.

      29. Клиенттердің операциялары мониторингінің және зерделеудің бағдарламасы шеңберінде қор биржасы клиенттер (олардың өкілдері) және бенефициарлық меншік иелері туралы қосымша мәліметтерді жаңарту және (немесе) алу жөнінде, cондай-ақ клиенттердің операцияларын зерделеу жөнінде және шекті, әдеттегіден тыс және күдікті операцияларды анықтау жөнінде іс-шаралар жүргізеді.

      Қор биржасы клиенттердің операциялары мониторингінің және зерделеудің нәтижелерін қор биржасы қызметтерінің КЖ/ТҚ тәуекелдеріне ұшырау дәрежесін жыл сайын бағалау үшін, сондай-ақ клиенттер тәуекелдерінің деңгейлерін қайта қарау үшін пайдаланады.

      Клиенттердің операциялары мониторингінің және зерделеудің бағдарламасын іске асыру шеңберінде алынған мәліметтер Талаптардың 21-тармағында көрсетілген клиенттің досьесіне енгізіледі және (немесе) клиентпен іскерлік қатынастардың барлық кезеңінде және олар аяқталған күннен бастап кемінде бес жыл бойы сақталынады.

      30. Клиент (оның өкілі) және бенефициарлық меншік иесі туралы қосымша мәліметтерді жаңартудың кезеңдігін және (немесе) алу қажеттігін қор биржасы клиенттің (клиенттер тобының) тәуекел деңгейін және (немесе) клиент пайдаланатын қор биржасы қызметтерінің КЖ/ТҚ тәуекелдеріне ұшырау дәрежесін ескере отырып белгілейді.

      Талаптардың 24-тармағында көзделген жағдайларда, қор биржасы клиентті тереңдете сәйкестендіруді жүргізеді.

      Тәуекел деңгейі жоғары клиент (оның өкілі) және бенефициарлық меншік иесі туралы мәліметтерді жаңарту жылына кемінде бір рет жүзеге асырылады.

      Клиенттің (бенефициарлық меншік иесінің) тізбеде болуын (Тізбеге қосылуын) тексеру клиенттің тәуекел деңгейіне байланысты емес және Тізбеге өзгерістер енгізілуіне (Тізбенің жаңартылуына) қарай жүзеге асырылады.

      31. Қор биржасы клиенттің (клиенттер тобының) тәуекел деңгейін және (немесе) клиент пайдаланатын қор биржасы қызметінің КЖ/ТҚ тәуекелдеріне ұшырау дәрежесін ескере отырып, сондай-ақ бар КЖ/ТҚ сценарийлерін (схемаларын) және (немесе) әдеттегіден тыс және күмәнді операциялардың белгілерін ескере отырып клиенттің операцияларын зерделеу дәрежесін айқындайды.

      Қор биржасы клиентке тәуекелдің жоғары деңгейі берілген жағдайда, сондай-ақ клиент күмәнді операцияны жүргізген жағдайда клиент белгіленген уақыт кезеңінде жүргізіп жатқан (жүргізген) операцияларды (мәмілелерді) зерделейді.

      32. Клиент операцияларының мониторингі және зерделеу бағдарламасында:

      1) Қазақстан Республикасының Үкіметі бекіткен, сондай-ақ қор биржасы дербес әзірлеген белгілердің негізінде жасалатын әдеттегіден тыс және күдікті операциялар белгілерінің тізбесі;

      2) қор биржасы бөлімшелері (қызметкерлері) арасында Талаптарда көзделген жағдайларда клиент (оның өкілі) пен бенефициарлық меншік иесі туралы бұрын алынған қосымша мәліметтерді жаңарту және (немесе) оларды алу жөніндегі міндеттерді бөлу;

      3) қор биржасы бөлімшелері (қызметкерлері) арасында шекті, әдеттегіден тыс және күдікті операциялар туралы мәліметтерді анықтау және бөлімшелер (қызметкерлер) арасында бір-біріне беру жөніндегі міндеттерді бөлу;

      4) қор биржасы бөлімшелерінің шекті, әдеттегіден тыс және күдікті операцияларды анықтаған кезде өзара әрекет ету тетіктерін сипаттау;

      5) жауапты қызметкердің клиент операциясының түрін белгілеу туралы шешімді қабылдау тәртібі, негізі және мерзімі;

      6) бөлімшелердің (қызметкерлердің) клиент операциясын жүргізуден бас тарту жөніндегі (бенефициарлық меншік клиент иесі Тізбеде тұруына байланысты бас тартуды қоспағанда), сондай-ақ клиентпен іскерлік қатынастарды тоқтату жөніндегі шешімді қабылдау бойынша өзара әрекет ету тәртібі;

      7) қор биржасы бөлімшелерінің (қызметкерлерінің) Тізбедегі клиенттер мен бенефициарлық меншік иелерін анықтау бойынша, сондай-ақ осындай клиенттердің ақшасымен және (немесе) өзге мүлкімен операцияларды дереу тоқтата тұру бойынша өзара іс-қимыл тәртібі;

      8) әдеттегіден тыс операцияларды зерделеу нәтижелері жөніндегі мәліметтерді, сондай-ақ шекті және күдікті операциялар жөніндегі мәліметтерді (оның ішінде операциялар сомасы, төлем валютасы, клиенттің қарсы агенті туралы деректерді) тіркеу (оның ішінде тіркеу әдістері) және сақтау тәртібі;

      9) қаржы мониторингі жөніндегі уәкілетті органға шекті және күдікті операциялар туралы хабарламаларды ұсыну тәртібі;

      10) қор биржасының уәкілетті органдарына шекті және күдікті операциялар анықталғаны жөнінде хабарлау (қажеттілігіне қарай) тәртібі;

      11) клиент әдеттегіден тыс және (немесе) күдікті операцияларды жүйелі және (немесе) елеулі көлемде жүзеге асырған жағдайда, қор биржасы клиент пен оның операциясына қатысты шараларды қабылдау тәртібі және қабылдайтын шаралардың сипаты қамтылған, бірақ олармен шектелмеген.

      Ескерту. 32-тармаққа өзгеріс енгізілді - ҚР Қаржы министрінің 10.12.2015 № 643 бұйрығы және ҚР Ұлттық Банкі Басқармасының 19.12.2015 № 225 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бірлескен қаулысымен.

      33. Операцияны шекті ретінде белгілеудің заңдылығы бөлігінде күмән туындаған кезде, сондай-ақ әдеттегіден тыс немесе күдікті операцияны анықтаған кезде, аталған операцияны анықтаған қор биржасының қызметкері қор биржасының ішкі нормативтік құжаттарында белгіленген тәртіппен, нысанда және мерзімде жауапты қызметкерге осындай операция жөніндегі хабарламаны жібереді.

      Бір хабарламада бірнеше операциялар туралы ақпараттың болуына жол беріледі.

      Қор биржасы осы тармақтың бірінші бөлігінде көрсетілген операциялар туралы хабарламаны, сондай-ақ оларды зерттеудің нәтижелерін клиентпен қатынастарды тоқтатқан күннен бастап кемінде бес жыл сақтайды.

6. Қор биржасының қызметкерлерін КЖ/ТҚҚ мәселелері бойынша
даярлау және оқыту бағдарламасы

      34. Қызметкерлердің КЖ/ТҚҚ саласындағы заңнама талаптарын, ішкі бақылау және өзге де ішкі нормативтік құжаттардың ережелерін орындау үшін қажетті білім алуы және дағдыларды қалыптастыруы қор биржасының қызметкерлерін КЖ/ТҚҚ мәселелері бойынша даярлау және оқыту бағдарламасының (бұдан әрі – Оқыту бағдарламасы) мақсаты болып табылады.

      35. Оқу бағдарламасына:

      1) оқытудың тақырыптарын, өткізу әдістерін, мерзімдерін және оқытуды өткізуге жауапты бөлімшені қамтитын қызметкерлерді оқыту тәртібі;

      2) қызметкерлері оқып жатқан тиісті қор биржасы бөлімшелерінің тізбесі;

      3) оқыту нәтижелерін сақтау тәртібі мен нысандары;

      4) қор биржасы қызметкерлерінің КЖ/ТҚҚ мәселелері бойынша білімдерін тексеру тәртібі мен нысандары кіреді.

      36. Қор биржасы қаржы мониторингі жөніндегі уәкілетті орган бекіткен талаптарды ескере отырып, оқытуды өткізудің нысандары мен кезеңдігін белгілейді.

  Қылмыстық жолмен алынған кiрiстердi
заңдастыруға (жылыстатуға) және терроризмдi
қаржыландыруға қарсы iс-қимыл жасау мақсатында
қор биржасы үшін ішкі бақылау қағидаларына
қойылатын талаптарға қосымша

Клиент досьесінің мазмұнына қойылатын талаптар

      Ескерту. Қосымша жаңа редакцияда - ҚР Қаржы министрінің 10.12.2015 № 643 бұйрығы және ҚР Ұлттық Банкі Басқармасының 19.12.2015 № 225 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бірлескен қаулысымен.

Мәліметтер

Сәйкестендіру түрі

Стандартты

Жеңілдетілген

Тереңдетілген

1. Заңды тұлға туралы жалпы мәліметтер

Ұйымдық-құқықтық нысанды қоса алғанда, толық және бар болса қысқарған атауы







Бизнес-сәйкестендіру нөмірі (бар болса)







Тіркелгенін растайтын құжат түрі, оның берілген күні, нөмірі (бар болса)







Тіркеуші органның атауы, тіркеу (қайта тіркеу) күні мен орны







Жүзеге асыратын қызмет түрі (түрлері)







Бағалы қағаздар нарығындағы брокерлік және (немесе) дилерлік қызметке, сондай-ақ ұлттық және шетел валютасында банк операцияларын жүзеге асыруға берілген лицензиялардың нөмірі, берілген күні, қолданылу мерзімі







Лицензияны (лицензияларды) берген органның (органдардың) атауы







Тіркелгенін растайтын құжатқа сәйкес тұрғылықты жерінің мекенжайы (елі, пошта индексі, елді мекені, көшесі/ауданы, үй нөмірі)







Атқарушы органның нақты тұрғылықты жерінің мекенжайы (елі, пошта индексі, елді мекені, көшесі/ауданы, үй нөмірі)







Байланыс телефоны және факс нөмірі







Электрондық поштаның мекенжайы және интернет-ресурс атауы







Банктік сәйкестендіру коды (БСК)







SWIFT







TELEX







2. Шетелдік заңды тұлға туралы қосымша мәліметтер

Тіркелген мемлекеттегі уәкілетті орган берген тіркеу нөмірі (коды)







Тіркелген мемлекеттегі салық төлеушінің нөмірі







3. Меншік және басқару құрылымы туралы мәліметтер

Құрылтай құжаттарға сәйкес органдардың құрылымы мен атауы (жоғарғы орган, атқарушы орган, өзге органдар)






Заңды тұлға органдарының құрылымы белгіленген құрылтай құжаттарының соңғы редакциясының күні






3.1. Жоғарғы органның дербес құрамы туралы мәліметтер

Жоғарғы органның құрамына кіретін жеке тұлғалардың тегі, аты, әкесінің аты (бар болса) және (немесе) заңды тұлғалардың толық атауы






Жоғарғы органның құрамына кіретін жеке тұлғалардың азаматтығы (бар болса) және (немесе) заңды тұлғаларды тіркеген мемлекет






Жоғарғы органның құрамына кіретін жеке тұлғалардың жеке сәйкестендіру нөмірлері (бар болса) не жеке басын куәландыратын құжаттарының нөмірлері, сериялары (бар болса), берілген күндері және қолданылу мерзімдері






Жоғарғы органның құрамына кіретін заңды тұлғалар үшін бизнес-сәйкестендіру нөмірлері (бар болса) не тіркелген мемлекеттегі уәкілетті орган берген тіркеу нөмірлері (кодтары)






Құрылтай құжаттарының соңғы редакциясының күні не акционерлер (қатысушылар) тізілімінен алынатын үзінді көшірменің не жоғарғы органның құрамы белгіленген өзге құжаттың күні





3.2. Атқарушы органның дербес құрамы туралы мәліметтер

Жеке дара атқарушы органның функциясын жүзеге асыратын тұлғаның тегі, аты, әкесінің аты (бар болса) не алқалық атқарушы орган басшысының және мүшелерінің тегі, аты, әкесінің аты (бар болса)







Жеке дара атқарушы органның функциясын жүзеге асыратын тұлғаның не алқалық атқарушы орган басшысының және мүшелерінің туған күні және туылған жері






Жеке дара атқарушы органның функциясын жүзеге асыратын тұлғаның не алқалық атқарушы орган басшысының және мүшелерінің азаматтығы (бар болса)






Жеке дара атқарушы органның функциясын жүзеге асыратын тұлғаның не алқалық атқарушы орган басшысының және мүшелерінің жеке сәйкестендіру нөмірі (бар болса)






Жеке дара атқарушы органның функциясын жүзеге асыратын тұлғаның не алқалық атқарушы орган басшысының және мүшелерінің жеке басын куәландыратын құжаттың түрі, нөмірі, сериясы (бар болса)





Жеке дара атқарушы органның функциясын жүзеге асыратын тұлғаның не алқалық атқарушы орган басшысының және мүшелерінің жеке басын куәландыратын құжатты берген органның атауы, оның берілген күні және қолданылу мерзімі





Жеке дара атқарушы органның функциясын жүзеге асыратын тұлғаның не алқалық атқарушы орган басшысының және мүшелерінің тұрғылықты (тіркелген) жерінің мекенжайы және (немесе) келген жері (мемлекеті/юрисдикциясы, пошта индексі, елді мекені, көшесі/ауданы, үйінің нөмірі және бар болса пәтерінің нөмірі)





Жеке дара атқарушы органның функциясын жүзеге асыратын тұлғаның не алқалық атқарушы орган басшысының және мүшелерінің байланыс телефонының нөмірі






Соның негізінде тұлға жеке дара атқарушы органның не алқалық атқарушы орган басшысының немесе мүшесінің функциясын жүзеге асыратын құжаттың (бұйрықтың, жалпы жиналыс хаттамасының, директорлар кеңесі хаттамасының және т.б.) нөмірі мен күні





3.3 Өзге басқару органдарының дербес құрамы туралы мәліметтер (бар болса)

Басқару органы басшысының және мүшелерінің тегі, аты, әкесінің аты (бар болса)






Басқару органы басшысының және мүшелерінің туған күні және туылған жері






Басқару органы басшысының және мүшелерінің азаматтығы (бар болса)






Басқару органы басшысының және мүшелерінің жеке сәйкестендіру нөмірі (бар болса)






Басқару органы басшысының және мүшелерінің жеке басын куәландыратын құжаттың түрі, нөмірі, сериясы (бар болса)





Басқару органы басшысының және (немесе) мүшелерінің жеке басын куәландыратын құжатты берген органның атауы, оның берілген күні және қолданылу мерзімі





Соның негізінде тұлға басқару органы басшысының немесе мүшесінің функциясын жүзеге асыратын құжаттың (жалпы жиналыс хаттамасының, жалғыз акционер (құрылтайшы) шешімінің немесе басқа ұқсас құжаттың) нөмірі мен күні





4. Заңды тұлғаның өкілі туралы мәлімет

Заңды тұлға өкілінің (заңды тұлға филиалы басшысын (өкілін) қоса алғанда) тегі, аты, әкесінің аты (бар болса)







Туған күні және туылған жері






Азаматтығы (бар болса)






Жеке сәйкестендіру нөмірі (бар болса)






Жеке басын куәландыратын құжаттың түрі, нөмірі, сериясы (бар болса)





Жеке басын куәландыратын құжатты берген органның атауы, оның берілген күні және қолданылу мерзімі





Тұрғылықты (тіркелген) жерінің мекенжайы немесе келген жері (мемлекеті/юрисдикциясы, пошта индексі, елді мекені, көшесі/ауданы, үйінің нөмірі және бар болса пәтерінің нөмірі)





Байланыс телефонының нөмірі







Өкілге заңды тұлғаның атынан заңдық тұрғыдан маңызы бар іс-әрекеттерді (шот ашу, шотты басқару) жасауға құқық берген құжаттың (бұйрықтың, сенімхаттың) нөмірі, күні және қолданылу мерзімі (бар болса)






Өкілге заңды тұлғаның атынан заңдық тұрғыдан маңызы бар іс-әрекеттерді (шот ашу, шотты басқару) жасауға құқық берген құжатқа қол қойған тұлғаның тегі, аты, әкесінің аты (бар болса)





5. Бенефициарлық меншік иесі туралы мәлімет

Заңды тұлғаның жарғылық капиталына қатысу үлесінің не орналастырылған акцияларының жиырма бес және одан көп пайызы (басымдылық берілгендерді және қоғам сатып алғандарды қоспағанда) тура немесе жанама тиесілі болатын жеке тұлғаның (тұлғалардың) болуы/болмауы туралы белгі






Басқа да негіздер бойынша заңды тұлғаны бақылауды жүзеге асыратын жеке тұлғаның (тұлғалардың) бар/жоқ екендігі туралы белгі






Бенефициарлық меншік иесінің тегі, аты, әкесінің аты (бар болса)






Бенефициарлық меншік иесінің азаматтығы (бар болса)






Бенефициарлық меншік иесінің жеке сәйкестендіру нөмірі (бар болса)






Бенефициарлық меншік иесінің жеке басын куәландыратын құжаттың түрі, нөмірі, сериясы (бар болса)






Бенефициарлық меншік иесінің жеке басын куәландыратын құжатты берген органның атауы, оның берілген күні және қолданылу мерзімі






Бенефициарлық меншік иесінің салықтық резиденттігінің, оның ішінде шет мемлекеттегі салық төлеушінің нөмірі






Бенефициарлық меншік иесінің байланыс телефонының нөмірі (бар болса)






Бенефициарлық меншік иесінің – шетел азаматының шетелдік лауазымды жария тұлғаға немесе оған байланысты адамдарға (отбасы мүшелері) қатыстылығы






6. Шетелдік қаржы ұйымының нарықтағы жағдайы туралы мәлімет

Шетелдік қаржы ұйымының тарихы, іскерлік беделі, нарықтағы атқаратын секторы және бәсекелестігі, қайта құрылуы, қызметі сипатындағы өзгерістер туралы мәліметтер






Соңғы аудиторлық тексеру күнін көрсете отырып шетелдік қаржы ұйымының дәйекті бухгалтерлік есептілігінің аудитін жүзеге асыратын ішкі аудиторлық ұйымның атауы






Халықаралық рейтингтік агенттігі (Moоdy`s Investors Service, Standard&Poor`s немесе Fitch Ratings) берген рейтингтік бағаның болуы/болмауы туралы белгі






Негізгі корреспонденттерінің атауы және SWIFT






Еншілес және тәуелді ұйымдарының атауы және орналасқан жерлері






Басқа мемлекеттердегі филиалдарының (өкілдіктерінің) (бар болса) атауы және орналасқан жерлері






Шетелдік қаржы ұйымы тиесілі қаржы тобының/холдингінің (бар болса) атауы және орналасқан жерлері






7. Қылмыстық жолмен алынған кiрiстердi заңдастыруға (жылыстатуға) және терроризмді қаржыландыруға қарсы iс-қимыл (КЖ/ТҚҚ) жөнінде шетелдік қаржы ұйымы қабылдайтын шаралар туралы мәліметтер

Тиісті нормативтік құқықтық актілердің атауын, күнін, нөмірін, сондай-ақ КЖ/ТҚҚ саласындағы уәкілетті мемлекеттік органның (бар болса) атауын көрсете отырып шетелдік қаржы ұйымы тіркелген мемлекетте КЖ/ТҚҚ мәселелері жөніндегі орындалуға міндетті нормативтік құқықтық актілердің болуы/болмауы туралы белгі







КЖ/ТҚҚ мәселелері бойынша соңғы жүргізілген тексеру күні мен нәтижелерін көрсете отырып, шетелдік қаржы ұйымы тіркелген мемлекетте қадағалау органының атауы және орналасқан жері







Шетелдік қаржы ұйымына қатысты тексерулер жүргізу фактілері, сондай-ақ шешім шығарылған күнді және шешімді шығарған органның атын (бар болса) көрсете отырып, шетелдік қаржы ұйымына және (немесе) оның басшы қызметкерлеріне КЖТҚҚ туралы заңнаманы бұзғаны үшін соңғы бес жылда қолданылған қылмыстық немесе әкімшілік сипаттағы шаралар (санкциялар, ықпал ету шаралары)







Шетелдік қаржы ұйымында қабылданған күнді және соңғы өзгерістерді енгізу күнін көрсете отырып, КЖ/ТҚҚ мәселелері бойынша ішкі нормативтік құқықтық құжаттардың болуы/болмауы туралы белгі







Шетелдік қаржы ұйымының шетелдік еншілес және тәуелді ұйымдарына, филиалдарына (өкілдіктеріне) (бар болса) КЖ/ТҚҚ мәселелері бойынша ішкі нормативтік құқықтық құжаттардың қолданылуы/қолданылмауы туралы белгі







Соңғы аудиторлық тексерудің күні мен нәтижелерін көрсете отырып, ішкі аудит бөлімшесінің және сыртқы аудиторлық ұйымының шетелдік қаржы ұйымында КЖ/ТҚҚ мәселелері бойынша ішкі нормативтік құқықтық құжаттардың тиімділігін бағалау рәсімінің болуы/болмауы туралы белгі







Шетелдік қаржы ұйымында КЖ/ТҚҚ саласында қызметін атқаратын бөлімшенің болуы/ болмауы туралы белгі, осындай бөлімшенің атауын көрсете отырып (бар болса)







Шетелдік қаржы ұйымында КЖ/ТҚҚ мәселелері жөнінде басшы қызметкер немесе директорлар кеңесінің мүшесі деңгейінде жауапты қызметкердің, оның тегін, атын, әкесінің атын (бар болса), лауазымын, байланыс телефоны мен электрондық мекенжайын көрсете отырып, болуы/болмауы туралы белгі







Шетелдік қаржы ұйымында тәуекел факторларын (клиент түрі бойынша тәуекел, елдік (географиялық) тәуекел, қызмет көрсету (өнім) тәуекелі) ескере отырып, заңсыз жолмен алынған кірістерді заңдастыру (жылыстату) және терроризмді қаржыландыру тәуекелдерін басқару рәсімдерінің болуы/болмауы туралы белгі







Шетелдік қаржы ұйымында тәуекелдерді сәйкестендіру, бағалау және клиент қаражатының шығу көзін анықтау бойынша рәсімдерінің болуы/болмауы туралы белгі







Шетелдік қаржы ұйымында шетелдік жария лауазымды тұлғалармен іскерлік қарым-қатынастарды орнату тәртібін реттейтін рәсімдердің болуы/болмауы туралы белгі







Шетелдік қаржы ұйымында аноним шоттардың болуы/болмауы туралы белгі







Шетелдік қаржы ұйымында аноним шоттарды ашуды болдырмауға бағытталған рәсімдердің болуы/болмауы туралы белгі







Шетелдік қаржы ұйымында арнайы бағдарламалық қамтамасыз етуді (автоматтандырылған ақпараттық жүйені) қоса алғанда клиенттердің операцияларына мониторинг жүргізу және күдікті қызметін (операцияларын) анықтау рәсімдерінің болуы/болмауы туралы белгі







Шетелдік қаржы ұйымында террористер мен терроризмді қаржыландыруға байланысты тұлғалардың қаржы және өзге де ресурстарға қолжеткізуін болдырмауға бағытталған рәсімдердің болуы/болмауы туралы белгі (ақшамен және (немесе) өзге мүлікпен операцияларды тоқтату)







Шетелдік қаржы ұйымында КЖ/ТҚҚ мәселелері бойынша қызметкерлерді дайындау және оқыту жөніндегі (оқыту кезеңділігін және соңғы оқыту күнін қоса алғанда) рәсімдердің болуы/болмауы туралы белгі







Шетелдік қаржы ұйымының ақшаны жылыстатуға қарсы күрестің қаржылық шараларын әзірлеу тобының (ФАТФ) ұсынымдарын орындамайтын мемлекеттерде (аймақтарда) орналасқан филиалдарының (өкілдіктерінің) болуы/болмауы туралы, осындай филиалдардың (өкілдіктердің) атауы мен олардың орналасқан жерлері көрсетілген белгі







Шетелдік қаржы ұйымының ақшаны жылыстатуға қарсы күрестің қаржылық шараларын әзірлеу тобының (ФАТФ) ұсынымдарын орындамайтын мемлекеттерде (аймақтарда) тіркелген банктермен немесе өзге қаржы ұйымдарымен қолданыстағы корреспонденттік қарым-қатынастарының болуы/болмауы туралы, осындай банктердің және өзге қаржы ұйымдарының атаулары көрсетілген белгі







Шетелдік қаржы ұйымының салық салу жеңілдетілген және (немесе) қаржылық операциялар жүргізу кезінде ақпаратты жарияламауды және ұсынуды көздемейтін мемлекеттерде (аймақтарда) тіркелген банктермен немесе өзге қаржы ұйымдарымен қолданыстағы корреспонденттік қарым-қатынастарының болуы/болмауы туралы, осындай банктер мен қаржы ұйымдарының атаулары көрсетілген белгі







Шетелдік қаржы ұйымының ширма банктерімен қолданыстағы корреспонденттік қарым-қатынастарының болуы/болмауы туралы, осындай ширма банктердің атаулары (бар болса) көрсетілген белгі







Шетелдік қаржы ұйымында ширма банктермен корреспонденттік қарым-қатынастарды орнатуға кедергі келтіретін рәсімдердің болуы/болмауы туралы белгі







Шетелдік қаржы ұйымында тіркелген мемлекеттің заңнамасының талаптарына сәйкес келетін, қор биржасының сұратуы бойынша шетелдік қаржы ұйымының клиенттерін тиісті тексеру бойынша ақпаратты ұсынуға мүмкіндік беретін рәсімдердің болуы/болмауы туралы белгі







8. Операциялар мониторингінің нәтижелері және қызметтік ақпарат

Клиенттің, оның бенефициарлық меншік иесінің терроризмді және экстремизмді қаржыландыруға байланысты тұлғалар тізбесінде болуы туралы белгі







Операциялардың, оның ішінде жасалатын операцияларды қаржыландыру көздерінің дәйектілігін тексеру жөніндегі шаралардың соңғы мониторингісінің нәтижелері







Тәуекел деңгейі







Мәліметтер алынған (жаңғыртылған) күн







Клиент досьесінің мазмұнына қойылатын талаптарға
берілген түсініктемелер:

      1. Қазақстан Республикасының заңнамасына сәйкес олардың негізінде азаматтық-құқықтық мәмілелер жасалатын жеке басын куәландыратын құжат болып:

      1.1. Қазақстан Республикасының азаматтары үшін:

      1) Қазақстан Республикасы азаматының төлқұжаты;

      2) Қазақстан Республикасы азаматының жеке куәлігі;

      3) туу туралы куәлік (кәмелетке толмаған адамның атына жинақ шотын ашу кезінде);

      1.2. Шетел азаматтары үшін:

      1) шетелдік төлқұжат (шет мемлекет азаматының төлқұжаты);

      2) Шетел азаматының Қазақстан Республикасында тұруға ыхтиярхаты;

      3) Қазақстан Республикасы ратификациялаған халықаралық шартқа сәйкес жеке басын куәландыратын құжат ретінде танылған басқа құжат, оның негізінде Қазақстан Республикасының аумағында азаматтық-құқықтық мәмілелер жасалады.

      1.3. Қазақстан Республикасының аумағында тұрақты тұратын азаматтығы жоқ адамдар үшін:

      азаматтығы жоқ адамның куәлігі.

      2. Салық резиденттігінің мәртебесі нысанын Қор биржасы салық ақпаратымен алмасу саласында Қазақстан Республикасының халықаралық шарттарынан туындайтын талаптарды ескеріп, дербес белгілейтін сауалнамада (өтініште) клиент көрсеткен мәліметтердің негізінде белгіленеді.

      Қазақстан Республикасының салық резиденттігін растау үшін Қазақстан Республикасының Салық заңнамасының 225-бабына сәйкес Қазақстан Республикасының салық органы берген құжатты пайдалануға рұқсат беріледі.

      3. Ұсынылған мәліметтердің дәйектілігін тексеру клиент (оның өкілі) ұсынған тиісті құжаттардың түпнұсқаларының немесе нотариат куәландырған көшірмелерінің деректерін салыстырып тексеру, қолжетімді дереккөздерден алынған деректерді (деректер қорын) салыстырып тексеру, мәліметтерді мекенжай бойынша баруды қоса алғанда, басқа әдістермен тексеру арқылы жүзеге асырылады. Жеке басын сәйкестендіру жөніндегі мәліметтердің дәйектілігін тексеру шеңберінде сондай-ақ жеке басын куәландыратын құжатқа орналастырылған фотосуретті клиентке (клиенттің өкіліне) қарап отырып салыстырып тексеру арқылы жүргізіледі.

      Ішкі аудит бөлімшесі және сыртқы аудит ұйымы респондент - шетелдік қаржы ұйымының КЖ/ТҚҚ мәселелері жөніндегі ішкі құжаттары туралы, сондай-ақ КЖ/ТҚҚ мәселелері жөніндегі ішкі құжаттарының тиімділігін бағалау нәтижелері туралы мәліметтердің дәйектілігін тексеруді тиісті құжаттар көшірмелерінің көмегімен жүзеге асыруға рұқсат етіледі.

      4. Егер халықаралық ұйымды құру және (немесе) оның мемлекет (мемлекеттер) аумағында болуы жөніндегі талаптар туралы шарттарда олардың қызметті тіркеусіз және (немесе) лицензиясыз тиісінше жүзеге асыруы көзделмесе, лицензияны тіркеуге және оның болуына қатысты мәліметтер осындай халықаралық ұйымға қатысты да белгіленеді.

      5. Шетелдік қаржы ұйымының жоғары органының дербес құрамы туралы мәліметтер жоғары органның құрамына кіретін және шетелдік қаржы ұйымының жарғылық капиталына қатысу үлесінің не орналастырылған акцияларының жиырма бес және одан көп пайызын иеленетін жеке және (немесе) заңды тұлғаларға қатысты алынады. Кәсіби қатысушының қалауы бойынша шетелдік қаржы ұйымының жоғары органының дербес құрамы туралы мәліметтерді жоғары органның құрамына кіретін және шетелдік қаржы ұйымының жарғылық капиталына қатысу үлесінің не орналастырылған акцияларының жиырма бес пайызынан кемін иеленетін жеке және (немесе) заңды тұлғаларға қатысты алуға рұқсат етіледі.

Шартты белгілер:


- тиісті мәліметтерді тіркеу қажеттілігі;

- тиісті мәліметтерді тіркеу және олардың дәйектілігін тексеру қажеттілігі.

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады