Облыс әкімдігінің 2006 жылғы 15 қыркүйектегі № 5б және облыстық мәслихаттың 2006 жылғы 15 қыркүйектегі № 347 "Қазақстан Республикасының азаматтарына берілетін жеке меншікте болуы мүмкін жер учаскелерінің шекті ең жоғары көлемі туралы"

Қостанай облысы әкімдігінің 2014 жылғы 14 наурыздағы № 3 қаулысы және Қостанай облысы мәслихатының 2014 жылғы 14 наурыздағы № 261 шешімі. Қостанай облысының Әділет департаментінде 2014 жылғы 23 сәуірде № 4632 болып тіркелді

Қазақстан Республикасының 1998 жылғы 24 наурыздағы "Нормативтік құқықтық актілер туралы" Заңының 43-1-бабына сәйкес Қостанай облысының әкімдігі ҚАУЛЫ ЕТЕДІ және Қостанай облыстық мәслихаты ШЕШІМ ҚАБЫЛДАДЫ:
1. Қостанай облысы әкімдігінің 2006 жылғы 15 қыркүйектегі № 5б және Қостанай облыстық мәслихатының 2006 жылғы 15 қыркүйектегі № 347 "Қазақстан Республикасының азаматтарына берілетін жеке меншікте болуы мүмкін жер учаскелерінің шекті ең жоғары көлемі туралы" қаулысы мен шешіміне(Нормативтік құқықтық актілерді мемлекеттік тіркеу тізілімінде №3554 тіркелген, 2006 жылғы 3 қарашада "Қостанай таңы" газетінде және 2006 жылғы 7 қарашада "Костанайские новости" газетінде жарияланған) мынадай өзгерістер енгізілсін:
тақырыбы мына редакцияда жазылсын:
"Қазақстан Республикасының азаматтарына берілетін жеке меншікте болуы мүмкін жер учаскелерінің шекті (максималды) көлемі туралы", тақырыбы орыс тілінде өзгеріссіз қалады;
жоғарыда көрсетілген қаулы мен шешімнің кіріспесі мынадай редакцияда жазылсын:
"Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 6-бабы 1-тармағының 13) тармақшасына, 27-бабы 1-тармағының 8) тармақшасына және 2003 жылғы 20 маусымдағы Қазақстан Республикасы Жер кодексінің 50-бабының 3-тармағына сәйкес Қостанай облысының әкімдігі ҚАУЛЫ ЕТЕДІ және Қостанай облыстық мәслихаты ШЕШІМ ҚАБЫЛДАДЫ:".
2. Осы қаулы мен шешім алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қостанай облысының әкімі __________ Н. Садуақасов

Сессия төрайымы ________ Т. Булгацевич Қостанай облыстық мәслихатының хатшысы ____________ С. Ещанов

КЕЛІСІЛДІ

"Қазақстан Республикасы Өңірлік даму
министрлігі Жер ресурстарын басқару
комитетінің Қостанай облысы бойынша
аумақтық жер инспекциясы" мемлекеттік
мекемесінің басшысы
______________ Т. Төлеубаев