РҚАО-ның ескертпесі.
Құжаттың мәтінінде түпнұсқаның пунктуациясы мен орфографиясы сақталған.
"Қазақстан Республикасындағы жергiлiктi мемлекеттiк басқару және өзiн-өзi басқару туралы" 2001 жылғы 23 қаңтардағы Қазақстан Республикасының Заңының 6-бабының 1-тармағының 15) тармақшасына, Қазақстан Республикасы Үкіметінің 2014 жылғы 5 наурыздағы № 185 "Тұрғын үй-коммуналдық шаруашылық саласындағы мемлекеттік көрсетілетін қызметтер стандарттарын бекіту туралы" Қаулысына сәйкес, Отырар аудандық мәслихаты ШЕШІМ ҚАБЫЛДАДЫ:
1. Отырар аудандық мәслихатының 2014 жылғы 21 ақпандағы № 23/137-V "Отырар ауданы бойынша аз қамтамасыз етiлген отбасыларға (азаматтарға) тұрғын үй көмегiн көрсетудiң мөлшерi мен тәртiбiн бекiту туралы" (Нормативтiк құқықтық актiлер мемлекеттiк тiркеу тiзiлiмiнде № 2586 тiркелген, 2014 жылғы 4 сәуірдегі "Отырар алқабы" газетiнде жарияланған) шешiмiне өзгерiс енгiзiлсiн:
көрсетiлген шешiммен бекiтiлген Отырар ауданында аз қамтамасыз етiлген отбасыларға (азаматтарға) тұрғын үй көмегiн көрсетудiң мөлшерi мен тәртiбiнде:
7-тармағы келесі редакцияда жазылсын:
"7. Уәкілеттi орган тұрғын үй көмегін тағайындау үшін қажет құжаттарды берген күннен бастап күнтізбелік он күн ішінде, тұрғын үй көмегiн тағайындау немесе тағайындаудан бас тарту жөнінде шешiм қабылдап, өтініш берушіні хабардар етеді.".
2. Осы шешім алғашқы ресми жарияланған күнiнен кейiн күнтiзбелiк он күн өткен соң қолданысқа енгiзiледi.
| Аудандық мәслихат | |
| сессиясының төрағасы | Е.Ибрагим |
| Аудандық | |
| мәслихат хатшысы | Б.Зұлпыхаров |
