Ескерту. Күші жойылды - Оңтүстік Қазақстан облысы Сарыағаш ауданы Сарыағаш қаласы әкімінің 25.07.2014 № 109 шешімімен.
РҚАО-ның ескертпесі.
Құжаттың мәтінінде түпнұсқаның пунктуациясы мен орфографиясы сақталған.
«Ветеринария туралы» Қазақстан Республикасының 2002 жылғы 10 шілдедегі Заңының 10-1 бабының 7) тармақшасына сәйкес және Қазақстан Республикасы Ауыл шаруашылығы министірлігі Ветеринариялық бақылау және қадағалау комитетінің Оңтүстік Қазақстан аумақтық инспекциясының Сарыағаш аудандық аумақтық инспекциясының басшысының 2014 жылғы 24 ақпандағы № 02–17/87 ұсынысы негізінде және жануарлардың жұқпалы ауруларының ошақтарын жою мақсатында ШЕШІМ ҚАБЫЛДАДЫ:
1. Сарыағаш қаласы Майлықожа көшесі № 29 үйде тұратын азамат Б.Дутановтың иті құтырық ауруымен ауруына байланысты Майлықожа көшесінің шығысында Ғ.Мұратбаев көшесімен, батысында Т.Тоқтаров көшесімен қиылысқан жеріне шектеу іс-шаралары белгіленсін.
2. Осы шешімнің орындалуын бақылау Сарыағаш қаласы әкімінің орынбасары Б. Ерменовке жүктелсін.
3. Осы шешім алғашқы ресми жарияланған күнінен кейін күнтізбелік он күн өткен соң қолданысқа енгізіледі.
Сарыағаш қаласы әкімінің
міндетін атқарушы С.Сулейменова
