Ескерту. Қаулының күші жойылды – ҚР Ұлттық Банкі Басқармасының 08.11.2019 № 176 (01.01.2020 бастап қолданысқа енгізіледі) қаулысымен.
"Қазақстан Республикасының Ұлттық Банкі туралы" 1995 жылғы 30 наурыздағы Қазақстан Республикасының Заңына сәйкес банк операцияларының жекелеген түрлерін жүзеге асыратын ұйымдарға банкноттарды, монеталарды және құндылықтарды инкассациялауға лицензия беру тәртібі мен шарттарын жетілдіру мақсатында Қазақстан Республикасы Ұлттық Банкінің Басқармасы ҚАУЛЫ ЕТЕДІ:
1. Қоса беріліп отырған Банк операцияларының жекелеген түрлерін жүзеге асыратын ұйымдарға банкноттарды, монеталарды және құндылықтарды инкассациялауға лицензия беру қағидалары (бұдан әрі – Қағидалар) бекітілсін.
2. Осы қаулыға қосымшаға сәйкес Қазақстан Республикасы Ұлттық Банкінің Басқармасы қаулыларының күші жойылды деп танылсын.
3. Қазақстан Республикасы Ұлттық Банкінің банкноттарды, монеталарды және құндылықтарды инкассациялау бойынша банк операциясын жүргізуге лицензиясы бар банк операцияларының жекелеген түрлерін жүзеге асыратын ұйымдар осы қаулы қолданысқа енгізілген күнінен бастап алты ай ішінде өз қызметін Қағидаларға сәйкес келтірсін.
4. Қолма-қол ақша айналысы департаменті (Амангелдиев А.) заңнамада белгіленген тәртіппен:
1) Құқықтық қамтамасыз ету департаментімен (Досмұхамбетов Н.М.) бірлесіп, осы қаулыны Қазақстан Республикасының Әділет министрлігінде мемлекеттік тіркеуді;
2) осы қаулыны Қазақстан Республикасының Әділет министрлігінде мемлекеттік тіркелгеннен кейін күнтізбелік он күн ішінде "Қазақстан Республикасы Әділет министрлігінің Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнының "Әділет" ақпараттық-құқықтық жүйесінде ресми жариялауға жіберуді;
3) осы қаулы ресми жарияланғаннан кейін оны Қазақстан Республикасы Ұлттық Банкінің ресми интернет-ресурсына орналастыруды қамтамасыз етсін.
5. Халықаралық қатынастар және жұртшылықпен байланыс департаменті (Қазыбаев А.Қ.) осы қаулыны Қазақстан Республикасының Әділет министрлігінде мемлекеттік тіркелгеннен кейін күнтізбелік он күн ішінде мерзімді баспасөз басылымдарында ресми жариялауға жіберуді қамтамасыз етсін.
6. Осы қаулы алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі.
7. Осы қаулының орындалуын бақылау Қазақстан Республикасының Ұлттық Банкі Төрағасының орынбасары Д.Т. Ғалиеваға жүктелсін.
|
Ұлттық Банк Төрағасы |
Қ. Келімбетов |
"КЕЛІСІЛДІ"
Қазақстан Республикасының
Ұлттық экономика министрлігі
Министрдің м.а.
М.Құсайынов
2015 жылғы 1 шілде
"КЕЛІСІЛДІ"
Қазақстан Республикасының
Инвестициялар және даму министрлігі
Министр
Ә.Исекешев
2015 жылғы 17 маусым
| Қазақстан Республикасының Ұлттық Банкі Басқармасының 2015 жылғы 25 ақпандағы № 22 қаулысымен бекітілген |
Банк операцияларының жекелеген түрлерін жүзеге асыратын ұйымдарға
банкноттарды, монеталарды және құндылықтарды инкассациялауға лицензия беру
қағидалары 1. Жалпы ережелер
1. Осы Банк операцияларының жекелеген түрлерін жүзеге асыратын ұйымдарға банкноттарды, монеталарды және құндылықтарды инкассациялауға лицензия беру қағидалары (бұдан әрі – Қағидалар) "Қазақстан Республикасының Ұлттық Банкі туралы" 1995 жылғы 30 наурыздағы, "Қазақстан Республикасындағы банктер және банк қызметі туралы" 1995 жылғы 31 тамыздағы, "Рұқсаттар және хабарламалар туралы" 2014 жылғы 16 мамырдағы Қазақстан Республикасының заңдарына сәйкес әзірленді және банк операцияларын жекелеген түрлерін жүзеге асыратын ұйымдарға (бұдан әрі – ұйымдар) банкноттарды, монеталарды және құндылықтарды инкассациялауға лицензия беру тәртібі мен талаптарын айқындайды.
2. Банкноттарды, монеталарды және құндылықтарды инкассациялауға лицензияны Қазақстан Республикасының Ұлттық Банкі (бұдан әрі – Ұлттық Банк) Қағидаларға 1-қосымшаға сәйкес электрондық нысанда "электрондық үкіметтің" веб-порталы (www.egov.kz) арқылы береді.
Ескерту. 2-тармақ жаңа редакцияда – ҚР Ұлттық Банкі Басқармасының 27.09.2018 № 231 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) қаулысымен.2. Банкноттарды, монеталарды және құндылықтарды инкассациялауды лицензиялау
3. Банкноттарды, монеталарды және құндылықтарды инкассациялауға лицензия алу үшін ұйымға мынадай біліктілік талаптары қойылады:
1) банкноттарды, монеталарды және құндылықтарды инкассациялау бойынша операцияларды жүргізу үшін қажет, Қазақстан Республикасының Ұлттық Банкі Басқармасының "Банктердің және банк операцияларының жекелеген түрлерін жүзеге асыратын ұйымдардың үй-жайларын күзетуді және жайластыруды ұйымдастыру қағидаларын бекіту туралы" 2012 жылғы 24 тамыздағы № 250 қаулысымен (Нормативтік құқықтық актілерді мемлекеттік тіркеу тізілімінде № 8080 тіркелген) бекітілген Банктердің және банк операцияларының жекелеген түрлерін жүзеге асыратын ұйымдардың үй-жайларын күзетуді және жайластыруды ұйымдастыру қағидаларының (бұдан әрі – Үй-жайларды күзетуді және жайластыруды ұйымдастыру қағидалары) 40-тармағының бірінші бөлігінде көзделген және Үй-жайларды күзетуді және жайластыруды ұйымдастыру қағидаларына сәйкес келетін үй-жайлардың болуы;
2) меншік құқығында Қазақстан Республикасының Ұлттық Банкі Басқармасының "Қазақстан Республикасында автомобильдік инкассаторлық тасымалды ұйымдастыру жөніндегі нұсқаулықты бекіту туралы" 2001 жылғы 20 сәуірдегі № 110 қаулысымен (Нормативтік құқықтық актілерді мемлекеттік тіркеу тізілімінде № 1549 тіркелген) бекітілген Қазақстан Республикасында автомобильдік инкассаторлық тасымалды ұйымдастыру жөніндегі нұсқаулықта көзделген талаптарға сәйкес келетін кемінде екі арнайы автомобильдің болуы;
3) ұйымның атқарушы органының бірінші басшысының қаржылық қызметтер көрсету саласында кемінде бір жыл жұмыс тәжірибесі болуы;
4) ұйымның атқарушы органының бірінші басшысының меншікке қарсы, экономикалық қызмет саласындағы, коммерциялық және өзге де ұйымдардағы қызмет мүдделеріне қарсы қылмыстары, сыбайлас жемқорлық қылмыстары үшін өтелмеген немесе алынбаған соттылығының болмауы.
4. Ұйым банкноттарды, монеталарды және құндылықтарды инкассациялауға лицензия алу үшін мынадай құжаттар қажет:
1) Қағидаларға 2-қосымшаға сәйкес нысан бойынша банкноттарды, монеталарды және құндылықтарды инкассациялауға лицензия алуға өтініш (бұдан әрі – лицензия алуға өтініш).
Лицензия алуға өтініштің ескертпесінде ұйымда кешкі кассасының барлығы немесе жоқтығы көрсетіледі;
2) жарғы;
3) "электрондық үкіметтің" төлем шлюзі арқылы төленген жағдайларды қоспағанда, жекелеген қызмет түрлерімен айналысу құқығы үшiн лицензиялық алымның төленгенiн растайтын құжаттың көшiрмесi;
4) банкноттарды, монеталарды және құндылықтарды инкассациялау бойынша операцияларды жүргізу үшін меншік құқығында қажет, Үй-жайларды күзетуді және жайластыруды ұйымдастыру қағидаларының 40-тармағының бірінші бөлігінде көзделген үй-жайларды жалдау туралы шарт немесе үй-жайларға құқық белгілейтін құжат;
5) Қағидалардың 3-тармағының 2) тармақшасында көрсетілген арнайы автомобильдерге берілген көлік құралдарын тіркеу туралы куәліктер;
6) Қағидаларға 3-қосымшаға сәйкес нысан бойынша ұйымның атқарушы органының бірінші басшысы туралы мәліметтер;
7) алып тасталды – ҚР Ұлттық Банкі Басқармасының 27.09.2018 № 231 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) қаулысымен.Ескерту. 4-тармаққа өзгеріс енгізілді – ҚР Ұлттық Банкі Басқармасының 27.09.2018 № 231 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) қаулысымен.
5. Ұлттық Банк Қағидалардың 4-тармағында көзделген құжаттармен бірге лицензия алуға өтініш ұсынылған күннен бастап жиырма жұмыс күні ішінде банкноттарды, монеталарды және құндылықтарды инкассациялауға лицензия береді не оны беруден уәжді бас тартуды жазбаша түрде жібереді.
Ескерту. 5-тармақ жаңа редакцияда – ҚР Ұлттық Банкі Басқармасының 27.09.2018 № 231 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) қаулысымен.6. Банкноттарды, монеталарды және құндылықтарды инкассациялауға лицензияны беруден бас тарту "Рұқсаттар және хабарламалар туралы" 2014 жылғы 16 мамырдағы Қазақстан Республикасы Заңының (бұдан әрі – Рұқсаттар мен хабарламалар туралы Заң) 32-бабының 1-тармағының бірінші бөлігінде көзделген негіздер бойынша жүзеге асырылады.
7. Банкноттарды, монеталарды және құндылықтарды инкассациялауға лицензияны қайта ресімдеу Қағидаларға 4-қосымшаға сәйкес нысан бойынша өтініш негізінде, Рұқсаттар мен хабарламалар туралы Заңның 33 және 34-баптарында белгіленген тәртіппен, құжаттардың толық топтамасымен бірге өтініш берілген күннен бастап он бес жұмыс күні ішінде жүзеге асырылады.
8. Ұйым филиал құрған жағдайда Ұлттық Банкке филиалдың қызметінде пайдаланылатын үй-жайларды жалдау туралы шартты немесе үй-жайларға құқық белгілейтін құжатты ұсынады.
9. Ұйымның филиалдары өз қызметінде Үй-жайларды күзетуді және жайластыруды ұйымдастыру қағидаларына сәйкес келетін үй-жайларды пайдаланады.
10. Ұйым филиалды Қазақстан Республикасының әділет органдарында есептік тіркеген (қайта тіркеген) соң филиалды есептік тіркеу (қайта тіркеу) туралы анықтаманы алған күннен бастап отыз жұмыс күні ішінде Ұлттық Банкке көрсетілген анықтаманың көшірмесін ұсынады.
| Банк операцияларының жекелеген түрлерін жүзеге асыратын ұйымдарға банкноттарды, монеталарды және құндылықтарды инкассациялауға лицензия беру қағидаларына 1-қосымша |
Нысан
Банкноттарды, монеталарды және құндылықтарды инкассациялауға лицензия
Нөмірі _______________
Берілген күні _____ жылғы "____" ____________
Мемлекеттік тіркеу күні және нөмірі ___________________________
_____________________________________________________________________
Осы лицензия __________________________________________________
_____________________________________________________________________
_____________________________________________________________________
(ұйымның атауы)
берілді және банкноттарды, монеталарды және құндылықтарды
инкассациялау бойынша банк операциясын жүргізуге құқық береді.
Осы лицензияның талаптарынан туындайтын құқықтар үшінші
тұлғаларға берілмейді.
Осы лицензия бір данада беріледі.
Төраға ___________________________ Тегі және инициалдары
(қолы)
| Банк операцияларының жекелеген түрлерін жүзеге асыратын ұйымдарға банкноттарды, монеталарды және құндылықтарды инкассациялауға лицензия беру қағидаларына 2-қосымша Нысан |
(Кімге) Қазақстан Республикасының Ұлттық Банкі
(Кімнен) __________________________________________________________________
(ұйымның атауы)
Банкноттарды, монеталарды және құндылықтарды инкассациялауға лицензия алуға өтініш
Ескерту. 2-қосымша жаңа редакцияда – ҚР Ұлттық Банкі Басқармасының 29.10.2018 № 265 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) қаулысымен.
Банкноттарды, монеталарды және құндылықтарды инкассациялау бойынша банк
операциясын жүзеге асыруға лицензия беруіңізді өтінемін.
Ұйым туралы мәліметтер:
1. Меншік нысаны: _________________________________________________________
2. Орналасқан жері:_________________________________________________________
(индекс, облыс, аудан, елдімекен, көше, үйдің және
__________________________________
(немесе) пәтердің нөмірі, телефон, факс)
Өтінішке қоса берілетін құжаттар:
1. ________________________________________________________________________
2. ________________________________________________________________________
3. ________________________________________________________________________
Ескертпе. Кешкі касса: бар (жоқ) (қажеттісін көрсетіңіз).
Ақпараттық жүйелердегі, заңмен қорғалатын құпияны құрайтын мәліметтерді пайдалануға келісім беремін.
__________________________________________________________________________
(Өтініш беруге уәкілетті адамның лауазымы, тегі, аты және әкесінің аты (ол болса)
___________________
(күні)
| Банк операцияларының жекелеген түрлерін жүзеге асыратын ұйымдарға банкноттарды, монеталарды және құндылықтарды инкассациялауға лицензия беру қағидаларына 3-қосымша |
Нысан
Ұйымның атқарушы органының бірінші басшысы туралы мәліметтер
________________________________________________________________
(басшының лауазымын және ұйымның атауын көрсетіңіз)
Жалпы мәліметтер:
Тегі, аты, әкесінің аты (бар болса), ЖСН | _________________________________________________ _________________________________________________ (бірінші басшының жеке басын куәландыратын құжатқа сәйкес) |
Туылған күні және жері | _________________________________________________ _________________________________________________ |
Тұрақты тұратын жері, телефон нөмірлері | _________________________________________________ _________________________________________________ (толық мекенжайы, ұялы, елді мекеннің кодын қоса ала отырып қызметтік, үй телефонының нөмірін көрсетіңіз) |
Еңбек қызметі туралы мәліметтер:
№ | Жұмыс кезеңі (ай/жыл) | Ұйымның атауы, атқаратын лауазымдары мен лауазымдық міндеттемелері, ұйымның координаттары |
Басқа мәліметтер:
Меншікке қарсы, экономикалық қызмет саласындағы, коммерциялық және өзге де ұйымдардағы қызмет мүдделеріне қарсы қылмыстары, сыбайлас жемқорлық қылмыстары үшін өтелмеген немесе алынбаған соттылығының болуы | Иә/жоқ (өтелмеген соттылығы болған кезде Қазақстан Республикасы Қылмыстық кодексінің бабын, үкім шығарылған күнді және нөмірін көрсетіңіз) |
Мен, ________________________________________________________,
(тегі, аты, әкесінің аты (бар болса)
осы ақпаратты мұқият тексергенімді және ол дәйекті әрі толық болып
табылатынын растаймын ____________________.
(қолы, күні)
| Банк операцияларының жекелеген түрлерін жүзеге асыратын ұйымдарға банкноттарды, монеталарды және құндылықтарды инкассациялауға лицензия беру қағидаларына 4-қосымша Нысан |
(Кімге) Қазақстан Республикасының Ұлттық Банкі
(Кімнен) __________________________________________________________________
(ұйымның атауы)
Банкноттарды, монеталарды және құндылықтарды инкассациялауға
лицензияны қайта ресімдеуге өтініш
Ескерту. 4-қосымша жаңа редакцияда – ҚР Ұлттық Банкі Басқармасының 29.10.2018 № 265 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) қаулысымен.
____ жылғы _____________________ берілген нөмірі ____ банкноттарды,
(берілген күні көрсетілсін)
монеталарды және құндылықтарды инкассациялауға лицензияны қайта ресімдеуіңізді өтінемін.
Ұйым туралы мәліметтер:
1. Меншік нысаны: _______________________________________________________________
2. Орналасқан жері: _______________________________________________________________
(индекс, облыс, аудан, елдімекен, көше, үйдің және
________________________________ (немесе)пәтердің нөмірі, телефон, факс)
Өтінішке қоса берілетін құжаттар:
1. ______________________________________________________________________________
2. ______________________________________________________________________________
3. ______________________________________________________________________________
Ақпараттық жүйелердегі, заңмен қорғалатын құпияны құрайтын мәліметтерді пайдалануға келісім беремін.
________________________________________________________________________________
(Өтініш беруге уәкілетті адамның лауазымы, тегі, аты және әкесінің аты (ол болса)
____________
(күні)| Қазақстан Республикасының Ұлттық Банкі Басқармасының 2015 жылғы 25 ақпандағы № 22 қаулысына қосымша |
Қазақстан Республикасының Ұлттық Банкі Басқармасының
күші жойылды деп танылатын қаулыларының тізбесі
1. Қазақстан Республикасының Ұлттық Банкі Басқармасының "Банктер болып табылмайтын заңды тұлғалардың банкноттарды, монеталарды және құндылықтарды инкассациялау бойынша қызметін лицензиялау қағидаларын бекіту туралы" 2012 жылғы 24 тамыздағы № 258 қаулысы (Нормативтік құқықтық актілерді мемлекеттік тіркеу тізілімінде № 7984 тіркелген, 2012 жылғы 6 желтоқсанда "Егемен Қазақстан" газетінде № 802-806 (27877) жарияланған).
2. Қазақстан Республикасының Ұлттық Банкі Басқармасының "Қазақстан Республикасының кейбір нормативтік құқықтық актілеріне өзгерістер енгізу туралы" 2013 жылғы 26 сәуірдегі № 110 қаулысымен (Нормативтік құқықтық актілерді мемлекеттік тіркеу тізілімінде № 8505 тіркелген, 2013 жылғы 6 тамызда "Заң газеті" газетінде № 115 (2316) жарияланған) бекітілген Өзгерістер енгізілетін Қазақстан Республикасының нормативтік құқықтық актілерінің тізбесінің 37-тармағы.
3. Қазақстан Республикасының Ұлттық Банкі Басқармасының "Қазақстан Республикасы Ұлттық Банкінің кейбір нормативтік құқықтық актілеріне өзгерістер енгізу туралы" 2013 жылғы 27 мамырдағы № 128 қаулысына (Нормативтік құқықтық актілерді мемлекеттік тіркеу тізілімінде № 8567 тіркелген, 2013 жылғы 7 тамызда "Заң газеті" газетінде № 116 (2317) жарияланған) қоса беріліп отырған Қазақстан Республикасы Ұлттық Банкінің кейбір нормативтік құқықтық актілеріне енгізілетін өзгерістер тізбесінің 7-тармағы.
