Ескерту. Күші жойылды – ҚР Ішкі істер министрінің 20.06.2019 № 561 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
"Жекелеген қару түрлерінің айналымына мемлекеттік бақылау жасау туралы" Қазақстан Республикасының 1998 жылғы 30 желтоқсандағы Заңының 29-бабының 1-тармағының 8-5) тармақшасына сәйкес БҰЙЫРАМЫН:
1. Қоса беріліп отырған Мемлекеттік оқ-гильза қоймасын құру қағидалары бекітілсін.
2. Қазақстан Республикасы Ішкі істер министрлігінің Жедел-криминалистикалық департаменті (Қ.Қ. Аманқұлов) заңнамада белгіленген тәртіпте:
1) осы бұйрықты Қазақстан Республикасы Әділет министрлігінде мемлекеттік тіркеуді;
2) осы бұйрықты Қазақстан Республикасы Әділет министрлігінде мемлекеттік тіркегеннен кейін күнтізбелік он күн ішінде оны мерзімді баспа басылымдарында және "Әділет" ақпараттық-құқықтық жүйесінде ресми жариялауға жолдауды;
3) осы бұйрықты Қазақстан Республикасы Әділет министрлігінде мемлекеттік тіркегеннен кейін күнтізбелік он күн ішінде Қазақстан Республикасының нормативтік құқықтық актілерінің эталондық бақылау банкіне енгізу үшін "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жолдауды;
4) осы бұйрықты Қазақстан Республикасы Ішкі істер министрлігінің интернет-ресурсында орналастыруды;
5) осы бұйрықты Қазақстан Республикасы Әділет министрлігінде мемлекеттік тіркегеннен кейін күнтізбелік бес күн ішінде Қазақстан Республикасы Ішкі істер министрілігінің Заң департаментіне осы тармақтың 1), 2), 3) және 4) тармақшаларында көзделген іс-шаралардың орындалғаны туралы мәліметтерді ұсынуды қамтамасыз етсін.
3. Осы бұйрықтың орындалуын бақылау Ішкі істер министрінің орынбасары полиция генерал-майоры Р.Т. Жақыповқа және Қазақстан Республикасы Ішкі істер министрлігінің Жедел-криминалистикалық департаментіне (Қ.Қ. Аманқұлов) жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
Министр | |
полиция генерал-полковнигі | Қ. Қасымов |
"КЕЛІСІЛДІ"
Қазақстан Республикасының
Ауыл шаруашылығы министрі
____________ А. Мамытбеков
2015 жылғы 18 қыркүйек
Қазақстан Республикасының
Ұлттық экономика министрі
____________ Е. Досаев
2015 жылғы 07 қазан
| Қазақстан Республикасы Ішкі істер министрінің 2015 жылғы 5 қыркүйектегі № 743 бұйрығымен бекітілген |
Мемлекеттiк оқ-гильза қоймасын құру қағидалары
1. Жалпы ережелер
1. Мемлекеттiк оқ-гильза қоймасын құру қағидалары (бұдан әрі – Қағидалар) "Жекелеген қару түрлерінің айналымына мемлекеттік бақылау жасау туралы" Қазақстан Республикасы Заңының 29-бабы 1-тармағының 8-5) тармақшасына сәйкес әзірленген.
2. Мемлекеттік оқ-гильза қоймасын қалыптастыру тәртібі
2. Мемлекеттік оқ-гильза қоймасы Қазақстан Республикасының азаматтары мен ерекше жарғылық міндеттері бар заңды тұлғалар пайдаланатын азаматтық және қызметтік ойық атыс қаруынан атылған оқтар мен гильзалардың коллекциясы негізінде қалыптастырылады.
3. Ойық атыс қаруынан, оның ішінде:
1) негізгі бөліктері, оқжатары, ұңғы оқпаны жөндеуден өткен, ауыстырылған немесе шаппасы механикалық өңделген;
2) жеткізуші кәсіпорындар шет елден әкелген және Қазақстан Республикасының аумағында сатуға арналған қару оны сатқанға дейін;
3) Қазақстан Республикасы азаматтарының шет елден сатып алған қаруы оны тіркеу және сақтау мен алып жүруге ресімдеу алдында;
4) қару иелері сақтайтын және пайдаланатын;
5) заңды тұлғалар беретін немесе сататын қару оны берер немесе сатар алдында;
6) Қазақстан Республикасының азаматтарына тиесілі қару сақтау мен алып жүруге рұқсат алу немесе ұзарту, жою кезінде;
7) ойық ұңғылы марапаттық атыс қаруы ішкі істер органдарында (бұдан әрі – ІІО) оны сақтау мен алып жүруге рұқсатты ресімдеу алдында азаматтық және қызметтік ойық атыс қаруынан атылған бақылаудағы оқтар мен гильзалар мемлекеттік оқ-гильза қоймасының объектілері болып табылады;
8) жаңадан жасалған, сондай-ақ зауыттық жағдайларда қайта жасалып жөнделетін азаматтық және қызметтік қаруды бақылау ату шығарушы кәсіпорында қарудың зауыттық паспортына тиісті жазбалар енгізіле отырып, ІІО-ның азаматтық және қызметтік қару айналымы саласындағы бақылау жөніндегі бөлінісі қызметкерінің қатысуымен жүргізіледі.
4. Мемлекеттік оқ-гильза қоймасының коллекциясына калибрi 11,56 миллиметрден асатын ойық атыс қаруынан, тегiс ұңғылы қарудан, пневматикалық және газды қарудан атылған оқтар мен гильзалар орналастырылмайды.
5. Атуға жататын қару, сондай-ақ атылған оқтар мен гильзалар осы Қағидаларға 1-қосымшаға сәйкес нысаны бойынша қаруды атуды және коллекцияға орналастырылған бақылаудағы оқтарды, гильзаларды тіркеу журналында тіркеледі.
6. Қаруды бақылау ату ІІО бөліністерінде жедел-криминалистикалық бөліністің қызметкері қару-жарақ, азаматтық және қызметтік қару айналымы саласындағы бақылау, қаржымен қамтамасыз ету қызметтері қызметкерлерінің қатысуымен комиссиялық түрде жүргізеді.
Комиссия құрамы ІІО-ның уәкілетті басшысының бұйрығымен бекітіледі.
7. Азаматтық немесе қызметтік ойық атыс қаруының иесі қаруға бақылау ату жүргізу туралы ІІО-ның бөлінісіне осы Қағидаларға 2-қосымшаға сәйкес нысан бойынша өтінішпен жүгінеді.
8. Азаматтық және қызметтік ойық атыс қаруы мен патрондарды ату орнына жеткізуді қару иесі немесе оның өкілі сенімхат негізінде дербес жүзеге асырады.
9. Азаматтық және қызметтік ойық атыс қаруын бақылау атуды комиссия өтінішті ІІО-ның азаматтық және қызметтік қару айналымы саласындағы бақылау жөніндегі бөлінісінде тіркегеннен кейін апта сайын сәрсенбі күні қару иесінің (азаматтық қаруды ату кезінде) немесе сенімхат бойынша иесі өкілінің (қызметтік қару ату кезінде) қатысуымен жүргізеді. Атылған қару ату күні иесіне қайтарылады.
10. Қару-жарақ қызметінің қызметкері атудан кейін үш данада осы Қағидаларға 3-қосымшаға сәйкес нысан бойынша азаматтық және қызметтік атыс қаруын бақылау ату актісін ресімдейді. Актінің бiр данасы бақылау-қадағалау немесе қару иесінің жеке ісіне енгізу үшін азаматтық және қызметтік қару айналымы саласындағы бақылау жөніндегі бөліністе қалады, екіншісі қару иесіне беріледі, үшіншісі атылған оқтармен және гильзалармен бірге ІІО қару-жарақ қызметiнде сақталады. Азаматтық және қызметтік ойық атыс қаруын бақылау ату актісі бес жыл сақталады, одан кейін жойылады.
11. Қаруды бақылау ату оны сақтауға, сақтау мен алып жүруге рұқсат беру және ұзарту кезінде бес жылда бір рет жүргізіледі.
12. Қаруды ату тирлерде немесе оқ-гильза ұстағыштармен арнайы жабдықталған үй-жайларда (жедел-криминалистикалық бөліністерде болмаған жағдайда тылдық қамтамасыз ету бөліністерінде) жүргізіледі.
13. Қаруды бақылау ату кезiнде объектілерді қарудың басқа даналарынан атылған оқтармен және гильзалармен ауыстыру мүмкіндігі болмайды.
14. Бақылау ату алдында қару-жарақ қызметінің қызметкері қаруды зауыттық және консервациялаушы майларынан тазартады, ұңғысы мен бекітпенің патрон тiреуiшiн сүртедi.
15. Қарудың әрбiр данасынан кемiнде үш оқ пен үш гильза атылады. Тегiс ұңғылы ұңғыларда ойық қондырмалар, алмалы-салмалы ұңғылар болған жағдайда әрбiр ұңғыдан үш-үштен бақылау оғы мен гильза атылады.
16. Револьверлерден барабанның әрбiр каморасынан екi-екiден оқ пен гильза атылады. Револьверлерді бақылау ату алдымен қабықшақты, содан кейiн қорғасын оқтармен жарақталған патрондармен жүргізіледі.
17. Қарудың әрбiр данасының атылған оқтары мен гильзалары жеке берiк полиэтилен пакеттерге салынады, бұл ретте әрбiр оқ пен гильза жұмсақ құрғақ қағазға (мақтаға) оралады. Пакеттiң iшiнде органның атауы, қарудың түрi, моделі, сериясы, нөмiрi мен шыққан жылы, қару иесiнiң тегi, аты, әкесiнiң аты (бар болған жағдайда), ату күнi көрсетiлген бирка жапсырылады. Жазулар "Пакеттер үшiн" деген бедерi бар мөрмен куәландырылады. Содан кейiн пакет толық бiтеледi.
18. Мемлекеттік оқ-гильза қоймасы коллекцияларының объектілерін сақтау үшін желдеткішпен және күзет-өрт сигнализациясымен жарақталған үй-жай бөлінеді.
19. Мемлекеттік оқ-гильза қоймасы коллекцияларының объектілерін сақтауға арналған үй-жай қосарланған есiктермен жабдықталады, сыртқысы темiрмен қапталады, iшкiсi – шыбықтың жуандығы кемiнде 15 миллиметр, торшаның өлшемі 60 миллиметр етiп торланған, берік ілмектері бар, терезелерi темiр торлармен жабдықталады.
20. Мемлекеттік оқ-гильза қоймасы объектілерінің коллекциясы құлыпқа бекітілетін және мөрленетін шкафтарда сақталады.
21. Азаматтық және қызметтік ойық атыс қаруынан атылған оқтар мен гильзалардың коллекциялары аумақтық ІІО-лардың қару-жарақ қызметтерінде сақталады.
22. Оқтар мен гильзалар Мемлекеттік оқ-гильза қоймасының коллекцияларынан:
1) кезекті бақылау атудан кейін;
2) қаруды жойғаннан кейін алынып қойылады.
3. Қазақстан Республикасы Ішкі істер министрлігінің
Криминалистикалық оқ-гильза қоймасына оқтар мен гильзаларды
ұсыну тәртібі
23. Оқтар мен гильзаларды қару-жарақ қызметі ІІМ КОГҚ-ға уәкілетті мемлекеттік органдардың сұрау салуы бойынша сұрау салуды алған немесе қарудың жоғалғаны, ұрланғаны анықталған күннен бастап бес жұмыс күні ішінде жолдайды.
24. Тексеріс нәтижелері оның бастамашысына хабарланады.
25. Бақылаудағы оқтар мен гильзалар ІІМ КОГҚ-да жоғалған, ұрланған қарудың тұрған жері анықталғанға дейін сақталады.
26. Бұрын жоғалған, ұрланған ойық ұңғылы азаматтық және қызметтіу қару табылған (алып қойылған) немесе ерікті түрде тапсырылған кезде қару-жарақ қызметі үш күндік мерзімде қауіпсіз ату жүргізу үшін жарамдылығын анықтау мақсатында қаруды қарайды және оның із қалдыратын бөлшектерін зерделейді, одан кейін кейіннен ІІМ КОГҚ-ға жолдай отырып, экспериментальдық оқтар мен гильзаларды ату жүргізеді.
27. Бақылау және экспериментальдық оқтар мен гильзалар қару табылғаны туралы хабарлама алған күннен бастап бес жыл ішінде ІІМ КОГҚ-та сақталады, одан кейін осы Қағидалардың 24-тармағына сәйкес жойылады.
| Мемлекеттік оқ-гильза қоймасын құру қағидаларына 1-қосымша |
Нысан
Қаруды атуды және коллекцияға орналастырылған
бақылаудағы оқтарды, гильзаларды тіркеу журналы
р/с № | Органның атауы | Қарудың түрі | Қарудың моделі | Қарудың сериясы | Қарудың нөмірі | Шыққан жылы | Атылған оқтар мен гильзалардың саны | Иесінің тегі, аты, әкесінің аты (бар болған жағдайда) | Ату күні | Комиссия құрамы | Ескертпе |
1 | 2 | 3 | 4 | 5 | 6 | 7 | 8 | 9 | 10 | 11 | 12 |
| Мемлекеттік оқ-гильза қоймасын құру қағидаларына 2-қосымша |
Нысан
_______________________________ бастығына
(ІІО бөлінісінің атауы)
_________________________________________
(қару иесінің немесе заңды тұлға өкілінің
_________________________________________
Т.А.Ә. (бар болған жағдайда),
_________________________________________
мекенжайын, байланыс
_________________________________________
телефондарын көрсету)
Өтініш
Сізден саны ________ дана атыс қаруына бақылау ату жүргізуді
сұраймын.
_____________________________________________________________________
(қарудың түрін, моделін, сериясын, нөмірін және шыққан жылын көрсету)
_____________________________________________________________________
_____________________________________________________________________
___________ тегі, аты, әкесінің аты (бар болған жағдайда)
| (қолы) 20 жылғы " " Мемлекеттік оқ-гильза қоймасын құру қағидаларына 3-қосымша |
Нысан
Атыс қаруын бақылау ату актісі
Комиссия құрамында ______________________________________ атыс қаруын
(лауазымын, атағын, тегін, атын, әкесінің атын
(бар болған жағдайда) көрсету)
бақылау ату жүргізді:
р/с № | Қарудың түрі | Қарудың моделі | Қарудың сериясы | Қарудың нөмірі | Шыққан жылы | Патронның таңбасы | Атылған оқтар мен гильзалардың саны | Иесінің тегі, аты, әкесінің аты (бар болған жағдайда) | Ату күні | Ескертпе |
Комиссия мүшелері: __________________ тегі, аты, әкесінің аты (бар (қолы) болған жағдайда)
Қару иесі: ________________ тегі, аты, әкесінің аты (бар болған
(қолы) жағдайда)
20 жылғы " "
