Ескерту. Күші жойылды - Маңғыстау облыстық мәслихатының 28.05.2021 № 3/52 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) шешімімен.
РҚАО-ның ескертпесі.
Құжаттың мәтінінде түпнұсқаның пунктуациясы мен орфографиясы сақталған.
"Әкiмшiлiк құқық бұзушылық туралы" 2014 жылғы 5 шілдедегі Қазақстан Республикасының Кодексiне, "Қазақстан Республикасындағы жергiлiктi мемлекеттiк басқару және өзiн-өзi басқару туралы" 2001 жылғы 23 қаңтардағы Қазақстан Республикасының Заңына сәйкес облыстық мәслихат ШЕШIМ ҚАБЫЛДАДЫ:
1. Осы шешімге қоса беріліп отырған Мұнайлы ауданының елді мекендерінің аумағында иттер мен мысықтарды асырау және серуендету, қаңғыбас иттер мен мысықтарды аулау және жою Қағидалары бекiтiлсiн.
2. Облыстық маслихаттың 2014 жыл ғы 27 ақпандағы № 15/228 "Мұнайлы ауданының елді мекендерінің аумағында иттер мен мысықтарды ұстау және серуендету Қағидасы туралы" шешімінің (нормативтік құқықтық актілердің мемлекеттік тіркеу тізілімінде № 2388 болып тіркелген, "Әділет" ақпараттық-құқықтық жүйесінде 2014 жылғы 18 сәуірде жарияланған) күші жойылсын деп танылсын.
3. Маңғыстау облыстық мәслихаты аппаратының басшысы (Д.Сейбағытов) осы шешімнің әділет органдарында мемлекеттік тіркелуін, "Әділет" ақпараттық-құқықтық жүйесінде және бұқаралық ақпарат құралдарында оның ресми жариялануын қамтамасыз етсін.
4. Осы шешім әділет органдарында мемлекеттік тіркелген күнінен бастап күшіне енеді және ол алғашқы ресми жарияланған күнінен кейін күнтізбелік он күн өткен соң қолданысқа енгізіледі.
Сессия төрағасы | Т. Әміров |
Облыстық | |
мәслихат хатшысы | Б. Жүсіпов |
"КЕЛІСІЛДІ"
"Қазақстан Республикасы
Ауыл шаруашылығы Министрлігі
Ветеринариялық бақылау және
қадағалау Комитетінің Мұнайлы
аудандық аумақтық инспекциясы"
мемлекеттік мекемесі басшысының
міндетін атқарушы
Б.С. Нұрымбетова
23 маусым 2015 жыл.
"Маңғыстау облысының Ішкі істер
департаменті Мұнайлы аудандық ішкі
істер бөлімі" мемлекеттік
мекемесінің бастығы
А.Б. Жақсыбаев
23 маусым 2015 жыл.
"Мұнайлы аудандық ауыл шаруашылығы
және ветеринария бөлімі"
мемлекеттік мекемесінің басшысы
Ш.С. Хамиев
23 маусым 2015 жыл.
| Маңғыстау облыстық мәслихатының 2015 жылғы 23 маусымдағы № 26/405 шешімімен бекітілген |
Мұнайлы ауданының елдi мекендерiнің аумағында иттер мен мысықтарды асырау және серуендету, қаңғыбас иттер мен мысықтарды аулау және жою Қағидалары
1. Жалпы ережелер
1. Мұнайлы ауданының елдi мекендерiнiң аумағында иттер мен мысықтарды асырау және серуендету, қаңғыбас иттер мен мысықтарды аулау және жою Қағидалары (бұдан әрi – Қағида) "Әкiмшiлiк құқық бұзушылық туралы" 2014 жылғы 5 шілдедегі Қазақстан Республикасының Кодексiне, "Қазақстан Республикасындағы жергiлiктi мемлекеттiк басқару және өзiн-өзi басқару туралы" 2001 жылғы 23 қаңтардағы Қазақстан Республикасының Заңына сәйкес жасақталған.
2. Қағидалар Мұнайлы ауданының елдi мекендерiнiң аумағында иттер мен мысықтарды асырау және серуендету, қаңғыбас иттер мен мысықтарды аулау және жою тәртiбiн реттейдi.
2. Иттер мен мысықтарды тiркеуге алудың тәртiбi
3. Иттер үш айлығынан бастап, мысықтар екi айлығынан бастап "Мұнайлы аудандық ветеринариялық станциясы" коммуналдық мемлекеттiк мекемесінде тiркелуге жатады.
4. Тіркеу барысында иттер мен мысықтардың иесі осы Қағидалар талаптарымен таныстырылады. Жануарлар иелерінің танысқандығы туралы жазба Тіркеу кітабына қол қоюмен куәландырылады.
5. Тіркеуден өткен иттер мен мысықтарға белгіленген үлгідегі ветеринарлық паспорт беріледі.
6. Ит пен мысықты тіркеуден өткізу және қайта тіркеу кезінде иелері келесідей мәліметтерді ұсынады:
иесінің жеке басын куәландыратын құжаты; мекен-жайы, байланыс телефоны;
ит немесе мысықтың туылған күні, түрі, түсі, жынысы, лақап аты, ерекше белгілері немесе жануардың сипаты.
7. Иттер және мысықтар сатылған, жоғалған, өлген, басқа тұлғаға берiлген жағдайларда жануарлардың иесi оларды есептен шығару немесе қайта тiркеу үшiн екi апталық мерзiмде "Мұнайлы аудандық ветеринариялық станциясы" коммуналдық мемлекеттiк мекемесіне хабарлауы қажет. Иттер мен мысықтардың иелерi мекен-жайын өзгерткен жағдайда жануарлар 15 жұмыс күн iшiнде тiркелуге жатады.
3. Иттер мен мысықтарды асырау және серуендету, қаңғыбас иттер мен мысықтарды аулау және жою тәртiбi
8. Иттердің түрлеріне қарамастан үш айлық жасынан бастап, құтырмаға және эпизоотиялық көрсеткіштер бойынша лептоспирозға, микроспорияға, обаға қарсы егілуге, сонымен қатар гельминттерге тексерілуге немесе профилактикалық дегельминтизациялауға жатады.
9. Мысықтар екі айлық жасынан бастап адамдар мен жануарлар үшін жалпылама бірдей жұқпалы ауруларға, эпизоотиялық көрсеткіштер бойынша микроспорияға қарсы егілуге, гельминттерге тексерілуге жатады.
10. Егер иттер мен мысықтардың иесі заңды тұлға болса, онда оларға иттер мен мысықтарды асырауға жауапты адам тағайындалады.
11. Иттер мен мысықтардың иесі дер кезінде, осы Қағидалармен белгіленген мерзімдерде, міндетті ветеринариялық шараларды өткізеді, жануарлардың карантиндік режимін сақтайды, жұқпалы ауруларды жою бойынша шараларды өткізеді.
12. Иттер мен мысықтарды асырау және серуендету санитарлық-гигиеналық, зоогигиеналық талаптарды және осы Қағиданы сақтаған жағдайда жүргізіледі:
бір ғана отбасынан тұратын тұрғын үй-жайларда;
бірнеше отбасынан тұратын тұрғын үй-жайларда, тек өзіне тиесілі тұрған аумағында (пәтердегі барлық тұрғындардың жазбаша келісімімен);
кәсіпорындарда, мекемелерде, ұйымдарда, көп пәтерлі үйлерде, бақ шаруашылықтарында, азаматтардың коммерциялық емес бірлестіктерінде, демалыс орындарында байлаулы күйінде немесе торда, қоршаған ортаға қауіп келтірмейтін және тыныштық сақтайтындай жағдайда болады.
13. Көп пәтерлі тұрғын үйдің пәтерінде бір отбасында саны үштен көп емес ірі және орта тұқымды үлкен иттер, екіден көп емес мысықтар және олардың 6 айға дейінгі төлдерін ғана асырау ұсынылады.
14. Иттер мен мысықтарды (көзі әлсіз көретін адамдарды алып жүретін иттерден басқа) көпшілік пайдаланатын орындарда (ас әзірлейтін бөлмелерде, кіреберістерде, баспалдақ алаңдарында, шатырларда, жертөлелерде, балконда және басқа да қосалқы жайларда) және үй алдындағы аумақта (жеке тұрғын үй қорындағы үйлердің аумағынан басқа), қонақ үйлер мен жатақхана дәліздерінде асырауға жол берілмейді.
15. Қонақ үйлерде қонақ үй әкімшілігінің рұқсатымен, жануарда ветеринариялық құжаты болған және санитарлық-гигиеналық ережелерді сақтаған жағдайда иелерінің итімен немесе мысығымен бірге орналасуына жол беріледі.
16. Иттер мен мысықтарды жекелеген тұрғын үй қорындағы үйлерде, ғимараттарда, және оларға тиесілі аумақтарда осы аумақтың иесінің рұқсатымен немесе басқа да өкілетті тұлғаның келісімімен асырауға болады. Иттер жануардың қашып кетуінен, адамдарға немесе басқа жануарларға шабуылдауынан, жүргіншілерді мазалауынан сақтайтын қоршалған аумақта асыралуы тиіс. Осы аумақта иттің бар екендігі жөнінде кіреберісте 20х30 сантиметрден кем емес көлемде, иттің бейнесі бейнеленген "Ит күзетеді!", "Охраняется собакой!" ескерту болуы тиіс.
17. Жеке тұрғын үй қорындағы үйлерде, егер гигиеналық-санитарлық және зоогигиеналық нормаларға сәйкес жануарларды асырау шарты сақталса саны үштен көп иттерді асырауға жол беріледі.
18. Иттердi арнайы бекiтiлген, қоршалған жерлерде серуендету керек. Егер ондай жерлер болмаса, иттердi серуендету құла далада жүзеге асырылады.
19. Рұқсат етiлмейдi:
1) тіркелмеген (есепке алынбаған) және егуден өтпеген иттер мен мысықтар асырауға;
2) балалардың аула алаңдарында, спорттық алаңдарда, мектепке дейінгі және оқу орындарының, емдеу мекемелерінің аумақтарында және қоғамдық шаралар өткізілетін жерлерде иттер мен мысықтарды серуендетуге;
3) иттерді тұмылдырықсыз және ұзын шылбырсыз серуендетуге;
4) мас күйіндегі адамдар мен 14 жасқа толмаған жасөспірімдерге иттер мен мысықтарды серуендетуге;
5) адамдардың шомылуына арналған орындарда, бұрқақ және бұлақ көздерінде иттер мен мысықтарды шомылдыруға.
20. Қоғамдық орындарда жетектеуші тұлғасыз жүрген иттер мен мысықтар қараусыз деп саналады және аулау мен жоюға жатады.
21. Қоғамдық жерлерде (көшелерде, аулалық аумақтарда, саяжайларда және басқа да орындарда) иелері байлаулы күйінде қалдырғандардан басқа иттер қараусыз болып саналады және қаңғыбас иттер мен мысықтарды аулау және өлген жануарларды жинау жөніндегі арнайы қызметтермен аулануға жатады.
22. Қаңғыбас иттер мен мысықтарды аулауды және жоюды "Мұнайлы аудандық ветеринариялық станциясы" коммуналдық мемлекеттiк мекемесі жүзеге асырады.
4. Иттер пен мысықтарды сату, сатып алу, сондай-ақ тасымалдау
23. Иттер пен мысықтарды белгіленбеген жерлерде, сондай-ақ ветеринариялық анықтамасы мен құжаттарынсыз сатуға жол берілмейді.
24. Сонымен бірге иттер пен мысықтарды сату тек ит пен мысықтың жасы 2,5-3 айға толғанда уақытынан, тиісті ветеринариялық құжаттамасы болған кезде жол беріледі. Егер, ит пен мысық 2,5-3 айға толмаған кезде сатылса ветеринариялық паспорты болмаса, сатып алушыға күшіктің және мысықтың денсаулығының жағдайы жөнінде анықтама ветеринария саласындағы кәсіпкерлік қызметті жүзеге асыратын жеке және заңды тұлғалармен беріледі.
25. Қазақстан Республикасының қолданыстағы заңнамасына сәйкес, иттер пен мысықтарды жануарлар қоғамы (клубтар), питомниктер арқылы, зоодүкендерде және мамандандырылған базарларда сатуға және сатып алуға болады.
26. Мұнайлы ауданының елді мекендерінің аумағына шет мемлекеттерден немесе аудан елді мекендерінен тыс жерлерден ит пен мысықты алып келу және алып кету Қазақстан Республикасының заңнамасында белгіленген тәртіпте және ветеринария саласындағы уәкілетті мемлекеттік органның рұқсатымен жүзеге асырылады.
27. Мұнайлы ауданының елді мекендерінің аумағынан тыс жерге иттер мен мысықтарды тасымалдау (орын ауыстыруы) және алып келу ветеринария саласындағы уәкілетті мемлекеттік органмен берілетін арнайы үлгідегі ветеринариялық паспорты болған жағдайда рұқсат беріледі.
28. Иттер пен мысықтарды Мұнайлы ауданының елді мекендерінен тысқары жаққа әуе, теміржол, сонымен қатар автомобиль көліктерімен тасымалдау осы көліктердің түрлерінде иттер пен мысықтарды тасымалдау Қағидалары негізінде жүзеге асады.
5. Қағидалардың сақталуын бақылау
29. Мұнайлы ауданының елдi мекендерiнiң аумағында иттер мен мысықтарды асырау және серуендету, қаңғыбас иттер мен мысықтарды аулау және жою Қағидаларының сақталуын бақылауды Қазақстан Республикасының заңнамасына сәйкес өкілеттік берілген мемлекеттiк органдар жүзеге асырады.
6. Қорытынды ережелер
30. Осы Қағидалардың талаптарын бұзғаны үшiн жауапкершiлiк Қазақстан Республикасының заңнамаларына сәйкес белгiленедi.
