"Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасы 2001 жылғы 23 қаңтардағы Заңының 31-бабы 1-тармағы 2) тармақшасына, "Мемлекеттік мүлік туралы" Қазақстан Республикасы 2011 жылғы 1 наурыздағы Заңының 74-бабы 3-тармағына, "Мемлекеттік мүлікті мүліктік жалдауға (жалға алуға) беру қағидаларын бекіту туралы" Қазақстан Республикасы Үкіметінің 2014 жылғы 13 ақпандағы № 88 қаулысымен бекiтiлген Мемлекеттік мүлікті мүліктік жалдауға (жалға алуға) беру қағидаларының 50-тармағына сәйкес, Солтүстік Қазақстан облысы Тимирязев ауданының әкімдігі ҚАУЛЫ ЕТЕДІ:
1. Қоса беріліп отырған Тимирязев ауданының коммуналдық мүлігін мүліктік жалдауға (жалға алуға) беру кезінде жалдау ақысының мөлшерлемесін есептеу қағидалары бекітілсін.
2. Осы қаулының орындалуын бақылау Солтүстік Қазақстан облысы Тимирязев ауданы әкімінің орынбасары Ж.Е. Мәкеноваға жүктелсін.
3. Осы қаулы оны алғашқы ресми жарияланған күннен кейін он күнтізбелік күн өткен соң қолданысқа енгізіледі және 2015 жылғы 1 қаңтардан бастап туындаған құқықтық қатынастарға таралады.
| Аудан әкімі | Е. Базарханов |
| Солтүстік Қазақстан облысы Тимирязев ауданы әкімдігінің 2015 жылғы 12 наурыздағы № 51 қаулысымен бекітілген |
Тимирязев ауданының коммуналдық мүлігін мүліктік жалдауға (жалға алуға) беру кезінде жалдау ақысының мөлшерлемесін есептеу қағидалары
1. Осы Тимирязев ауданының коммуналдық мүлкін мүліктік жалдауға (жалға алуға) беру кезінде жалдау ақысының мөлшерлемесін есептеу қағидалары (бұдан әрі - Қағидалар) "Мемлекеттік мүлікті мүліктік жалдауға (жалға алуға) беру қағидаларын бекіту туралы" Қазақстан Республикасы Үкіметінің 2014 жылғы 13 ақпандағы № 88 қаулысымен бектіліген Мемлекеттік мүлікті мүліктік жалға алуға (жалдауға) беру қағидаларының 50-тармағына сәйкес әзірленді, және Тимирязев ауданының коммуналдық мүлігін мүліктік жалдауға (жалға алуға) беру кезінде жалдау ақысының мөлшерлемесін есептеу тәртібін айқындайды.2. Аудандық коммуналдық заңды тұлғалардың балансында тұрған мемлекеттік тұргын емес қордың объектілерін мүліктік жалдауға (жалға алуға) беру кезінде жылдық жалдау ақысын есептеу құрылыс үлгісі, тұрғын емес үй-жайдың түрі, қолайлылық дәрежесі, аумақтық орналасуы, жалдаушының қызмет түрі, жалдаушының ұйымдастыру-құқықтық нысаны ескерілетін коэффициенттердің қолданылатын базалық мөлшерлемесі мен мөлшерлері негізінде анықталады және мына формула бойынша жүзеге асырылады:
Ап = Рбс х S х Кт х Кк х Кск х Кр х Квд х Копф,
мұнда:
Ап – жылына 1 шаршы метрге аудандық коммуналдық заңды тұлғалардың балансында тұрған мемлекеттік тұрғын емес қордын объектілерін жалдау ақысының жылдық мөлшерлемесі;
Рбс – жылына 1 шаршы метрге теңге жалдау ақысының базалық мөлшерлемесі, сәйкес жылға республикалық бюджет туралы Қазақстан Республикасының Заңымен бекітілген 1,5 айлық есептік көрсеткіш мөлшерінде белгіленеді;
S – жалға алынатын алаң, шарты метр;
Кт – құрылыс үлгісін ескеретін коэффициент;
Кк – тұрғын емес үй-жайдың түрін ескеретін коэффициент;
Кск – қолайлылық дәрежесін ескеретін коэффициент;
Кр – аумақтық орналасуын ескеретін коэффициент;
Квд – жалдаушының қызмет түрін ескеретін коэффициент;
Копф – жалдаушының ұйымдастыру-құқықтық нысанын ескеретін коэффициент.
Есептеу үшін коэффициенттер 1-қосымшада келтірілген.
3. Аудандық коммуналдық меншігінің автокөлік құралдарын, жабдығын, мемлекеттік тұрғын емес қор объектілерін қоспағанда, мүліктік жалдау (жалға алу) үшін жылдық жалдау ақысының мөлшерлемесін есептеу мына формула бойынша жүзеге асырылады:
Ар = С х К1 х К2,
мұнда: Ар – жылына жалдау ақысының мөлшерлемесі;
С – жылына жалдау ақысының базалық мөлшерлемесі, С=(Sбал.* N амор.) тең қолданылады,
мұнда: S бал. – тапсырылатын объектінің бастапқы құны;
N амор. – жылдық тозу нормасы, Қазақстан Республикасы 2008 жылғы 10 желтоқсандағы Салық кодексіне сәйкес бекітілген активтер амортизациясының шекті нормалары негізінде анықталады.
К1 – пайдалану мерзімін ескеретін коэффициент;
К2 – пайдалану шарттарын ескеретін коэффициент.
Есептеу үшін коэффициенттер 2-қосымшада келтірілген.
4. Кестеде коэффициент болмаған жағдайда, 1-ге тең коэффициент қолданады.
| Тимирязев ауданының коммуналдық мүлігін мүліктік жалдауға (жалға алуға) беру кезінде жалдау ақысының мөлшерлемесін есептеу қағидаларына 1 қосымша |
Тимирязев ауданының коммуналдық мүлігін мүліктік жалдауға (жалға алуға) беру кезінде құрылыс үлгісі, тұрғын емес үй-жайдың түрі, қолайлылық дәрежесі, аумақтық орналасуы, жалдаушының қызмет түрі, жалдаушының ұйымдастыру-құқықтық нысаны ескерілетін коэффициенттердің қолданылатын мөлшерлері
| Тимирязев ауданының коммуналдық мүлігін мүліктік жалдауға (жалға алуға) беру кезінде жалдау ақысының мөлшерлемесін есептеу қағидаларына 2 қосымша |
