Ескерту. Күші жойылды – ҚР Ақпарат және қоғамдық даму министрінің 29.04.2019 № 84 (11.04.2019 бастап қолданысқа енгізіледі) бұйрығымен.
"Құқықтық актілер туралы" 2016 жылғы 6 сәуірдегі Қазақстан Республикасының Заңының 50-бабы 2-тармағына сәйкес БҰЙЫРАМЫН:
1. "Бұқаралық ақпарат құралдарының мониторингін жүргізу қағидаларын бекіту туралы" Қазақстан Республикасы Инвестициялар және даму министрінің міндетін атқарушының 2016 жылғы 26 қаңтардағы № 73 (Нормативтік құқықтық актілердің мемлекеттік тіркеу тізілімінде № 13132 тіркелген, "Әділет" ақпараттық-құқықтық жүйесінде 2016 жылғы 24 ақпанда жарияланған) бұйрығына мынадай өзгерістер енгізілсін:
Көрсетілген бұйрықпен бекітілген Бұқаралық ақпарат құралдарының мониторингін жүргізу қағидаларында:
4-тармақ мынадай редакцияда жазылсын:
"4. Бұқаралық ақпарат құралдарына мониторинг жүргізу "Автоматтандырылған ұлттық ақпараттық кеңістікке мониторинг" ақпараттық жүйесі бар болған жағдайда, оны қолдана отырып, жүзеге асырылады.";
5-тармағы мынадай редакцияда жазылсын:
"5. Мониторингке техникалық және әдістемелік қамтамасыз ету бойынша жұмысты орындау үшін уәкілетті орган бұқаралық ақпарат құралдарының мониторингін жүргізу қызметтерін көрсету бойынша мемлекеттік тапсырманы орындауға арналған шарттың негізінде ұйымдарды тартады.";
6-тармағы мынадай редакцияда жазылсын:
"6. Мониторингке техникалық және әдістемелік қамтамасыз ету бойынша жұмыстарды орындайтын ұйым мониторинг процесінде, сондай-ақ осы Қағидаларға қосымшаға сәйкес нысан бойынша уәкілетті органға жолданған мемлекеттік органдардың хабарламалары бойынша айқындалған Қазақстан Республикасының заңнамасын сақтамау белгілерін жүргізеді.
Қазақстан Республикасының заңнамаларын сақтамауы тіркелген құжаттар уәкілетті органға заңнаманың сақталмауы белгіленген сәттен бастап үш жұмыс күнінен кешіктірмей электрондық құжат айналымның жүйелерін және ақпараттық жүйелерді пайдалана отырып жолданады.".
14-тармақ мынадай редакцияда жазылсын:
"14. Қазақстан Республикасының аумағында телекоммуникациялар желілері бойынша таратуға тыйым салынған ақпаратардың қолжетімділігі мен жинауға мониторингі аппараттық-бағдарламалық құралдарды пайдалана отырып, мониторингті техникалық және әдістемелік қамтамасыз ету бойынша жұмыстарды орындайтын ұйым жүзеге асырады.".
2. Қазақстан Республикасы Ақпарат және коммуникациялар министрлігінің Байланыс, ақпараттандыру және бұқаралық ақпарат құралдары саласындағы мемлекеттік бақылау комитеті:
1) осы бұйрықтың Қазақстан Республикасы Әділет министрлігінде мемлекеттік тіркелуін;
2) осы бұйрық Қазақстан Республикасы Әділет министрлігінде мемлекеттік тіркелгеннен кейін оның көшірмелерін баспа және электрондық түрде күнтізбелік он күн ішінде мерзімді баспа басылымдарында және "Әділет" ақпараттық-құқықтық жүйесінде ресми жариялауға, сондай-ақ тіркелген бұйрықты алған күннен бастап бес жұмыс күні ішінде Қазақстан Республикасы нормативтік құқықтық актілерінің Эталондық бақылау банкіне енгізу үшін Республикалық құқықтық ақпарат орталығына жіберуді;
3) осы бұйрықты Қазақстан Республикасы Ақпарат және коммуникациялар министрлігінің интернет-ресурсында және мемлекеттік органдардың интранет-порталында орналастыруды;
4) осы бұйрық Қазақстан Республикасы Әділет министрлігінде мемлекеттік тіркегеннен кейін он жұмыс күні ішінде Қазақстан Республикасы Ақпарат және коммуникациялар министрлігінің Заң департаментіне осы тармақтың 1), 2) және 3) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Ақпарат және коммуникациялар вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
Қазақстан Республикасының | |
Ақпарат және коммуникациялар | |
министрі | Д. Абаев |
