Ескерту. Күші жойылды - Солтүстік Қазақстан облысы Қызылжар аудандық мəслихатының 30.06.2020 № 54/15 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) шешімімен.
"Қазақстан Республикасында бейбiтжиналыстар, митингiлер, шерулер, пикеттер және демонстрациялар ұйымдастыру мен өткiзу тәртiбi туралы" Қазақстан Республикасының 1995 жылғы 17 наурыздағы Заңының 10-бабына, "Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының 2001 жылғы 23 қаңтардағы Заңының 6-бабы 1-тармағының 15) тармақшасына сәйкес, Қызылжар аудандық мәслихаты ШЕШТІ:
1. Солтүстік Қазақстан облысы Қызылжар ауданы бойынша жиналыстар, митингiлер, шерулер, пикеттер және демонстрациялар өткiзу тәртiбi қосымшаға сәйкес қосымша реттелсін.
2. Осы шешім алғашқы ресми жарияланған күнінен кейін он күнтізбелік күн өткен соң қолданысқа енгізіледі.
|
Солтүстік Қазақстан облысының Қызылжар аудандық мәслихат сессиясының төрайымы, Солтүстік Қазақстан облысының Қызылжар аудандық мәслихат хатшысы |
А. Молдахметова |
| Солтүстік Қазақстан облысы Қызылжар аудандық мәслихатының 2016 жылғы 03 мамырдағы №3/1 шешіміне қосымша |
Солтүстік Қазақстан облысы Қызылжар ауданы бойынша жиналыстар, митингiлер, шерулер, пикеттер және демонстрациялар өткізу тәртібін қосымша реттеу
1. Осы жиналыстар, митингiлер, шерулер, пикеттер және демонстрациялар өткізу тәртібін қосымша реттеу (бұдан әрі – Қосымша реттеу) "Қазақстан Республикасында бейбiт жиналыстар, митингiлер, шерулер, пикеттер және демонстрациялар ұйымдастыру мен өткiзу тәртiбi туралы"Қазақстан Республикасының 1995 жылғы 17 наурыздағы Заңына сәйкес,жергілікті жердегі жағдайларды және Солтүстік Қазақстан облысы Қызылжар ауданы аумағындағы Қоғамдық кеңестің ұсынымдарын ескеріп әзірленді.
2. Жиналыстар, митингiлер, шерулер, пикеттер және демонстрациялар, сондай-ақ оларға қатысушылардың сөз сөйлеуi өтiнiште көрсетiлген мақсаттарға сәйкес, белгiленген мерзiмде және келiсiлген жерде өткiзiледi.
3. Жиналыстар және митингілер өткізу орындары осы реттеудің 1-қосымшасына сәйкес белгіленсін.
Ескерту. 3-тармақ жаңа редакцияда - Солтүстік Қазақстан облысы Қызылжар аудандық мәслихатының 23.07.2019 № 43/7 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) шешімімен.4. Шерулер және демонстрацияларды өткізу маршруттары осы реттеудің 2-қосымшасына сәйкес белгіленсін.
Ескерту. 4-тармақ жаңа редакцияда - Солтүстік Қазақстан облысы Қызылжар аудандық мәслихатының 23.07.2019 № 43/7 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) шешімімен.5. Жиналыстарды, митингiлерді, шерулердi, пикеттердi, демонстрацияларды өткiзу кезiнде уәкiлдер (ұйымдастырушылар), сондай-ақ басқа да қатысушылар қоғамдық тәртiптi сақтайды.
6. Жиналыстарды, митингiлерді, шерулердi, пикеттердi немесе демонстрацияларды өткiзу орындарында шараларды ұйымдастырушылар мен оларға қатысушылардың:
1) көлiктiң және жаяу жүргiншiлердiң қозғалысына бөгет жасауына;
2) елдi мекеннiң инфрақұрылым объектiлерiнiң үздiксiз жұмыс iстеуiне кедергi келтiруiне;
3) ауданның жергiлiктi атқарушы органымен келісусіз киiз үйлер, шатырлар, өзге де уақытша құрылыстар тұрғызуына;
4) шараларды өткiзу кезiнде қоғамдық тәртiптi қамтамасыз етушi мемлекеттiк органдар өкiлдерiнiң қызметiне кез келген нысанда араласуына;
5) жасыл желектерге, шағын сәулет нысандарына залал келтiруiне;
6) өзiмен бiрге суық қаруды, атыс және өзге де қаруды, сондай-ақ адамдардың өмiрi мен денсаулығына қарсы, азаматтарға және заңды тұлғалардың меншiгiне материалдық залал келтiру үшiн пайдаланылуы мүмкiн арнайы жасалған немесе бейiмделген заттарды алып жүруiне;
7) егер жиналысты, митингiнi, шерудi, пикет қоюды немесе демонстрацияны өткiзудiң мақсаты нәсiлдiк, ұлттық, әлеуметтiк араздықты, дiни төзiмсiздiктi, тектiк астамшылықты қоздыру, республиканың конституциялық құрылысын күш қолданып құлату, аумақтық тұтастығына қол сұғу, сондай-ақ Қазақстан Республикасы Конституциясының, заңдары мен өзге де нормативтік актілердің басқа жағдайларын бұзу болса немесе оларды өткізу қоғамдық тәртіп пен азаматтардың қауіпсіздігіне қатер төндіретін болса;
8) алкоголь ішімдіктерін ішуге, есірткі заттарын, психотроптық заттарды, олардың аналогтарын, прекурсорларды қолдануға;
9) қоғамдық тәртіпті бұзуға, қоғамға қарсы мінез-құлыққа және басқа құқық бұзушылыққа шақыратын транспаранттар, ұрандар,басқа да материалдар (визуалды, аудио/видео) пайдалануға, сондай-ақ көпшілік алдындағы сөздерге жол берілмейді.
7. Пикет өткізу кезінде:
1) пикет өткізілетін объектінің маңында тұруға, отыруға;
2) көрнекі насихат құралдарын пайдалануға;
3) пикет тақырыбы бойынша қысқа ұрандар, слогандар айғайлауға рұқсат беріледі.
8. Пикетті митинг, жиналыс, шеру немесе демонстрацияның басқа нысанына тұрпатын өзгерту, өзге түрде жалғастыру үшін белгіленген тәртіпте Солтүстік Қазақстан облысы Қызылжар ауданы әкімдігінің рұқсатын алу қажет.
9. Солтүстік Қазақстан облысы Қызылжар ауданының әкімдігінен жиналысты, митингiні, шерудi, пикеттi, демонстрацияны өткiзуге бас тартылған немесе оған тыйым салу шешімі шығарылған жағдайда уәкiлдер (ұйымдастырушылар) барлық дайындық іс-шараларын тоқтату бойынша және бұл туралы ықтимал қатысушыларды тиісті хабардар ету бойынша шара қолдануы қажет.
10. Бұқаралық шараларды темiр жол су және әуе көлiгiнiң объектiлерiнде, сондай-ақ мемлекеттiң қорғаныс қабiлетiн, қауiпсiздiгiн және халықтың тiршiлiгiн қамтамасыз ететiн ұйымдардың (қалалық қоғамдық көлiк, сумен, электр қуатымен, жылумен және басқа энергия көздерiмен жабдықтау) жанында, денсаулық сақтау мен бiлiм беру мекемелерiнiң жанында өткiзуге жол берiлмейдi.
11. Жиналыстар, митингiлер, шерулер, пикеттер мен демонстрациялар Солтүстік Қазақстан облысы Қызылжар ауданының әкімдігі өкiлiнiң талап етуi бойынша:
1) өтiнiш берiлмеген болса;
2) тыйым салу туралы шешiм шығарылса;
3) оларды өткізудің тәртiбі бұзылған жағдайда;
4) азаматтардың өмiрi мен денсаулығына қауiп төнсе;
5) қоғамдық тәртiп бұзылған жағдайда тоқтатылады.
12. Солтүстік Қазақстан облысы Қызылжар ауданының әкімдігі өкiлiнiң заңды талаптарын орындаудан бас тартылған жағдайда оның нұсқауы бойынша iшкi iстер органдары тарапынан жиналысты, митингiнi, шерудi, пикет қоюды және демонстрацияны тоқтату бойынша қажеттi шаралар қабылданады.
| Солтүстік Қазақстан облысы Қызылжар ауданы бойынша жиналыстар, митингiлер, шерулер, пикеттер және демонстрациялар өткізу тәртібін қосымша реттеуге 1-қосымша |
Жиналыстар және митингiлер өткiзу орындары
Ескерту. 1-қосымша жаңа редакцияда - Солтүстік Қазақстан облысы Қызылжар аудандық мәслихатының 23.07.2019 № 43/7 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) шешімімен.
1. Бескөл ауылы, "Солтүстік Қазақстан ауыл шаруашылығы ғылыми-зерттеу институты" жауапкершілігі шектеулі серіктестігі ғимараты алдындағы алаң, Институт көшесі 1
2. Бескөл ауылы, Ислям Баукенов көшесі, 20 "Қазақстан Республикасы Ауыл шаруашылығы министрлігі Агроөнеркәсіптік кешендегі мемлекеттік инспекция комитетінің Қызылжар аудандық аумақтық инспекциясы" мемлекеттік мекемесі ғимаратына қарсы
| Солтүстік Қазақстан облысы Қызылжар ауданы бойынша жиналыстар, митингiлер, шерулер, пикеттер және демонстрациялар өткізу тәртібін қосымша реттеуге 2-қосымша |
Шерулер және демонстрацияларды өткізу маршруттары
Ескерту. 2-қосымша жаңа редакцияда - Солтүстік Қазақстан облысы Қызылжар аудандық мәслихатының 23.07.2019 № 43/7 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) шешімімен.
1-маршрут: Бескөл ауылы, Дорожная көшесінің бойымен Институт көшесіне дейін
2- маршрут: Бескөл ауылы, Гагарин көшесі мен Ленин көшесі қиылысынан бастап Ленин, Калинин көшелерінен Ислям Баукенов көшесі қиылысына дейін
