"Қазақстан Республикасының әуе кеңістігін пайдалану және авиация қызметі туралы" 2010 жылғы 15 шілдедегі Қазақстан Республикасының Заңы 15-бабының 18) тармақшасына сәйкес БҰЙЫРАМЫН:
1. Қоса беріліп отырған Мемлекеттік авиацияның әуеайлақтарын (тікұшақ айлақтарын) мемлекеттік тіркеу қағидалары бекітілсін.
2. Қазақстан Республикасы Қарулы Күштері Әуе қорғанысы күштері бас қолбасшысының басқармасы Қазақстан Республикасының заңнамасында белгіленген тәртіппен:
1) осы бұйрықты Қазақстан Республикасының Әділет министрлігінде мемлекеттік тіркеуді;
2) осы бұйрықтың көшірмесін мемлекеттік тіркелген күннен бастап күнтізбелік он күн ішінде қағаз және электрондық түрде Қазақстан Республикасы нормативтік құқықтық актілерінің эталондық бақылау банкіне енгізу үшін "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жолдауды;
3) бұйрықты алғашқы ресми жарияланғанынан кейін Қазақстан Республикасы Қорғаныс министрлігінің интернет-ресурсында орналастыруды;
4) мемлекеттік тіркелген күннен бастап күнтізбелік он күн ішінде осы тармақтың 1), 2) және 3) тармақшаларында көзделген іс-шаралардың орындалуы туралы мәліметтерді Қазақстан Республикасы Қорғаныс министрлігінің Заң департаментіне жолдауды қамтамасыз етсін.
3. Осы бұйрықтың орындалуын бақылау Қорғаныс министрінің бірінші орынбасары – Қазақстан Республикасы Қарулы Күштері Бас штабының бастығына жүктелсін.
4. Осы бұйрық лауазымды адамдарға, оларға қатысты бөлігінде жеткізілсін.
5. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
Қазақстан Республикасының Қорғаныс министрі генерал-полковник |
С. Жасұзақов |
"КЕЛІСІЛДІ"
Қазақстан Республикасы
Ұлттық қауіпсіздік комитетінің
Төрағасы
К. Мәсімов
2017 жылғы 31 тамыз
"КЕЛІСІЛДІ"
Қазақстан Республикасының
Ішкі істер министрі
полиция генерал-полковнигі
Қ. Қасымов
2017 жылғы 18 тамыз
Қазақстан Республикасы Қорғаныс министрінің 2017 жылғы 16 тамыздағы № 453 бұйрығымен бекітілген |
Мемлекеттік авиацияның әуеайлақтарын (тікұшақ айлақтарын) мемлекеттік тіркеу қағидалары
1. Осы Мемлекеттік авиацияның әуеайлақтарын (тікұшақ айлақтарын) мемлекеттік тіркеу қағидалары (бұдан әрі – Қағидалар) Қазақстан Республикасы мемлекеттік авиациясының әуеайлақтарын (тікұшақ айлақтарын) мемлекеттік тіркеу тәртібін айқындайды.
2. Қазақстан Республикасы мемлекеттік авиациясының әуеайлақтарын (тікұшақ айлақтарын) мемлекеттік тіркеуді Қазақстан Республикасы Қарулы Күштері Әуе қорғанысы күштері бас қолбасшысының басқармасы (бұдан әрі – Басқарма) жүзеге асырады, бұл ретте мемлекеттік авиацияның әуеайлағы (тікұшақ айлағы) осы Қағидаларға 1-қосымшаға сәйкес нысан бойынша Қазақстан Республикасы мемлекеттік авиациясы әуеайлақтарының (тікұшақ айлақтарының) тізіліміне (бұдан әрі – Тізілім) енгізіледі.
3. Әуеайлақты (тікұшақ айлағын) Тізілімге енгізгеннен кейін Басқарма осы Қағидаларға 2-қосымшаға сәйкес нысан бойынша 5 жыл мерзімге Әуеайлақты (тікұшақ айлағын) мемлекеттік тіркеу туралы куәлікті (бұдан әрі – Куәлік) береді. Көрсетілген мерзім өткеннен кейін әуеайлақты (тікұшақ айлағын) қайта тіркеу жүргізіледі.
4. Мемлекеттік авиацияның әуеайлағын (тікұшақ айлағын) Тізілімге енгізу үшін әуеайлақты (тікұшақ айлағын) тексеру актісінің және әуеайлақты (тікұшақ айлағын) пайдалануға рұқсат ету туралы бұйрықтың көшірмелерін қоса бере отырып, авиациялық бөлім командирінің (әуеайлақ авиациялық аға бастығының) еркін түрдегі қолдаухаты негіздеме болып табылады.
Басқарма қолдаухат келіп түскен күннен бастап күнтізбелік 15 күн ішінде әуеайлақты (тікұшақ айлағын) мемлекеттік тіркеуді жүзеге асырады және авиациялық бөлім командиріне (әуеайлақтың авиациялық аға бастығына) Куәлік береді немесе әуеайлақ Қазақстан Республикасы Қорғаныс министрінің 2019 жылғы 24 қыркүйектегі № 761 қбпү бұйрығымен бекітілген Әуеайлақтардың (тікұшақ айлақтарының), автомобиль жолдарының әуеайлақтық учаскелерінің пайдалануға жарамдылығы нормаларының талаптарына және Қазақстан Республикасы мемлекеттік авиациясының әуеайлақтарына қойылатын тактикалық-техникалық талаптарға (Нормативтік құқықтық актілерді мемлекеттік тіркеу тізілімінде № 19521 болып тіркелген) сәйкес келмеген жағдайда тіркеуден бас тартады.
Ескерту. 4-тармақ жаңа редакцияда - ҚР Қорғаныс министрінің 01.03.2021 № 119 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.5. Куәлік әуеайлақта (тікұшақ айлағында) орналасқан авиациялық бөлімде, авиациялық бөлімшеде, авиациялық ұйымда есепке алынады және сақталады. Куәліктердің көшірмелері Басқармада оның қолданылу мерзімі өткен күннен бастап 5 жыл бойы сақталады.
Ескерту. 5-тармақ жаңа редакцияда - ҚР Қорғаныс министрінің 01.03.2021 № 119 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.6. Куәлік жоғалған (ұрланған) немесе бүлінген жағдайда авиациялық бөлім командирі (әуеайлақтың авиациялық аға бастығы) Басқармаға еркін нысанда Куәліктің телнұсқасын беру туралы өтініш жасайды.
Бұл жағдайда Басқарма күнтізбелік 5 күнге дейінгі мерзімде Куәліктің телнұсқасын сол нөмірмен және күнімен береді және Тізілімде тиісті белгі жасайды.
Мемлекеттік авиацияның әуеайлақтарын (тікұшақ айлақтарын) мемлекеттік тіркеу қағидаларына 1-қосымша |
|
Нысан | |
____________________________ (шектеу дәрежесі) |
Қазақстан Республикасы мемлекеттік авиациясы әуеайлақтарының (тікұшақ айлақтарының) тізілімі
Тіркеу нөмірі | Әуеайлақтың, (тікұшақ айлағының) атауы | Орналасуы, (әуеайлақ бақылау нүктесінің геодезиялық координаталары), ең жақын елді мекеннен қашықтық | Әуеайлақты (тікұшақ айлағын) пайдаланатын әскери бөлім | Әуеайлақтың (тікұшақ айлағының) сыныбы | Жасанды және топырақты ұшу-қону жолақтарының саны және көлемі, (жабын типі, жабын қалыңдығы, жабынның жіктеу саны) | Магистральдық басқару жолағының, тұрақ орындарының саны және көлемі, (жабын типі, жабын қалыңдығы, жабынның жіктеу саны) | Әуе кемелері-нің типтері бойынша әуеайлақтың (тікұшақ айлағы-ның) сыйым-дылығы | Куәлік беру, оның қолданылу мерзімін ұзарту туралы белгі (негіздеме, тексеру актісінің №, күні) | Куәліктің қолданылуын тоқтата тұру туралы белгі (негіздеме) | Алып тастау туралы белгі (негіздеме) | Ескертпе |
Мемлекеттік авиацияның әуеайлақтарын (тікұшақ айлақтарын) мемлекеттік тіркеу қағидаларына 2-қосымша |
|
Нысан |
Әуеайлақты (тікұшақ айлағын) мемлекеттік тіркеу туралы №____ куәлік
1. Әуеайлақтың (тікұшақ айлағының) атауы ____________________________________
2. Орналасқан жері__________________________________________________________
3. Әуеайлақ (тікұшақ айлағының) иесі _________________________________________
4. Әуеайлақ (тікұшақ айлағының) сыныбы ______________________________________
5. Негізгі ҰҚЖ (ТҰҚЖ) көлемі және жабын типі _________________________________
________________________________________________________________________________
________________________________________________________________________________
________________________________________________________________________________
________________________________________________________________________________
6. Әуеайлақ (тікұшақ айлағы) қону жүйелерімен жабдықталған ____________________
________________________________________________________________________________
(радиотехникалық жабдықтың типтері)
________________________________________________________________________________
________________________________________________________________________________
7. _____________________әуеайлағы (тікұшақ айлағы) Тізілімде №___ болып
тіркелгені және әуе кемелері пайдалануға рұқсат етілгені куәландырылады
________________________________________________________________________________
(ӘК типі, рұқсат етілген ұшу салмағы, жыл мен тәулік мезгілі көрсетілсін)
8. Әуеайлақ (тікұшақ айлағы)_________________метеоминимумы бойынша әуе
кемелерін қабылдауға рұқсат етілді, қону санаты_______________________________________
9. Мемлекеттік тіркеу және Куәлік беру үшін негіздеме___________________________
________________________________________________________________________________
М.О.
Қазақстан Республикасы Қарулы Күштері Әуе қорғанысы күштерінің бас қолбасшысы | |
(ТАӘ (бар болған кезде), қолы) |
20__жылғы "__"__________
Пайдалану кезеңінде болған өзгерістер_______________________________________________
________________________________________________________________________________
________________________________________________________________________________
________________________________________________________________________________
________________________________________________________________________________
________________________________________________________________________________