Саркөл ауылдық округі әкімінің 2008 жылғы 23 маусымдағы № 7 "Саркөл округінің Саркөл, Құмсай, Қопа, Бәшенкөл ауылдарының көшелерін атау туралы" шешіміне өзгеріс енгізу туралы

Ақтөбе облысы Темір ауданы Саркөл ауылдық округі әкімінің 2017 жылғы 24 наурыздағы № 6 шешімі. Ақтөбе облысының Әділет департаментінде 2017 жылғы 5 сәуірде № 5400 болып тіркелді

Қазақстан Республикасының 2001 жылғы 23 қаңтардағы "Қазақстан"Республикасындағы жергілікті мемлекеттік басқару және өзін-өзі басқарутуралы" Заңының 35 бабына, Қазақстан Республикасының 2009 жылғы 9 ақпандағы "Қазақстан Республикасының кейбір заңнамалық актілеріне жергілікті мемлекеттік басқару және өзін-өзі басқару мәселелері бойынша өзгерістер мен толықтырулар енгізу туралы" Заңына сәйкес Саркөл ауылдық округінің әкімі ШЕШІМ ҚАБЫЛДАДЫ:
1. Саркөл ауылдық округі әкімінің 2008 жылғы 23 маусымдағы № 7 қазақ тіліндегі "Саркөл округінің Саркөл, Құмсай, Қопа, Бәшенкөл ауылдарының көшелерін атау туралы" (нормативтік құқықтық актілерді мемлекеттік тіркеу Тізілімінде № 3-10-73 тіркелген, 2008 жылғы 9 шілдеде аудандық "Темір" газетінде жарияланған) шешіміне келесідей өзгеріс енгізілсін:
көрсетілген шешімнің атауы келесідей жаңа редакцияда жазылсын:
"Саркөл ауылдық округінің Саркөл, Құмсай, Қопа, Бәшенкөл ауылдарының көшелерін атау туралы";
көрсетілген қазақ тіліндегі шешімнің кіріспесіндегі "Қазақстан Республикасындағы жергілікті мемлекеттік басқару туралы" сөздері "Қазақстан Республикасындағы жергілікті мемлекеттік басқару және өзін-өзі басқару туралы" сөздерімен ауыстырылсын.
2. Осы шешім оның алғашқы ресми жарияланған күнінен кейінкүнтізбелік он күн өткен соң қолданысқа енгізіледі.
Саркөл ауылдық округінің әкімі Қ.Шалманов