Ескерту. Күші жойылды - Солтүстік Қазақстан облысы Айыртау аудандық мәслихатының 25.11.2020 № 6-47-17 (алғашқы ресми жарияланған күннен бастап қолданысқа енгізіледі) шешімімен.
"Құқықтық актілер туралы" Қазақстан Республикасының 2016 жылғы 6 сәуірдегі Заңының 26-бабына сәйкес, Солтүстік Қазақстан облысы Айыртау аудандық мәслихаты ШЕШТІ:
1. "Айыртау ауданы бойынша әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың қағидалары туралы" Айыртау аудандық мәслихатының 2017 жылғы 6 сәуірдегі № 6-9-1 шешіміне (нормативтік құқықтық актілерді мемлекеттік тіркеу Тізілімінде № 4147 тіркелген, 2017 жылғы 24 сәуірдегі Қазақстан Республикасының нормативтік құқықтық актілері эталондық бақылау банкінде жарияланған) келесі өзгерістер енгізілсін:
Қағидада көрсетілген 10-тармақ келесі редакцияда мазмұндалсын:
"10. Осы Қағиданың 2-қосымшасындағы 1), 3) - 13) тармақшаларында көрсетілген негіздемелер бойынша әлеуметтік көмек орта есеппен жан басына шаққандағы (отбасының) табысты есепке ала отырып, күнкөріс шегі 1,5 көлемінен аспайтын азаматтарға, 10 (он) айлық есептік көрсеткіш көлемінде бір рет беріледі.";
10-1. тармағымен толықтырылсын:
"10-1. Осы Қағиданың 2-қосымшасының 2-тармақшасында көрсетілген негіздеме бойынша әлеуметтік көмек табысты есепке алмай, 20 (жиырма) айлық есептік көрсеткіш көлемінде бір рет беріледі."
2. Осы шешім алғашқы ресми жарияланған күнінен кейін күнтізбелік он күн өткен соң қолданысқа енгізілді және 2017 жылдың 5 мамырынан бастап туындаған құқықтық қатынастарға таратылады.
